رد: الأمل في الله..(أم ميار)

خير....أين أنت أم ميار....إن شاء الله تكون أمورك طيبة..
لك فترة.... من السنة اللي فاتت!

رد: الأمل في الله..(أم ميار)

اهلا اهلا بك مروج الامل وحشتينى من السنه اللى فاتت ما نكدت عليكى سألت عنك العافيه والسرور اختى الغاليه بس كانت حالتى النفسيه مش ولابد وكمان امتحانات ميزو كنت مرعوبه جدا خاصه انها شهاده ومراقبين من بره يعنى لا يعلموا بحالته لكن الحمد عدت ولما نشوف هيعمل ايه ما سيبتهمش برضه زوغت ودخلت للمراقبين وبعضهم كان متعاون ومتعاطف معايا ومعاه وبعضهم من بتوع الاربع صوابع ومن غشنا ليس منا والضمير وكل ولد ومجهوده واحنا لو بمجهود ميزو يبقى ساقطين لا محاله ميزو بدون غش كالعصفور بلا عش !

رد: الأمل في الله..(أم ميار)

بالنسبه لميار بالمناسبه ذكرى النكبه وعيد ميلاد جرجى انا غدا هتم 10 سنوات اااه ه بنفكر من الان مع باباها بعملية تعقيم لاستئصال الرحم لانى لا اعلم كيف اتصرف معها عند البلوغ مستحيل هتفهم الحمام لسه بدخل معاها مش بتعتمد على نفسها ما بالك البلوغ والايام دى لا اعلم سبب قرصها لنفسها بالاظافر مهما قصتها لحد ما عملت تقرحات رهيبه فى رجلها واصابعها وتقيحات لدرجة اوقفتها من المركز اللى كانت فيه ربما تكون غير مرتاحه ومتوتره لان الامر ده كان عندها من سنوات لكن كانت نسيته لكن طول ما هى بالبيت برضه غير متوقفه عن الامر ده شكل صوابعها يبكى واربطهم تفكها فورا وكذلك فى ساقيها واى مكان تطوله ايديها

رد: الأمل في الله..(أم ميار)

بالنسبه للحميه انا استمريت عليها اربع سنوات عذاب مع بنتى واحساس بالذنبكل ما تمر على شئ وترتمى بالارض نفسها فيه وبترفض كل انواع الحلوى بدون دقيق القمح يعنى جربت لها من وزارة الزراعه خبز من الصؤيا ومخبوزات ولبن الصويا كل ده بترفضه وكتيرعملت لها مخبوزات من انواع مختلف من دقيق الارز او الذره او الصويا لا تضعها حتى على فمها رغم ان اجربها مع الاولاد العاديين ولم يلاحظ احد اى اختلاف عن الدقيق العادى وطعمها جميل لكن بنتى مرهقه فى كل شئ اينعم تحسنها من الحميه لايذكر سوى انها توقفت عن الضغط على بطنها وانتظام الاخراج والانتفاخ اعزك الله لكن انا الان متيقنه ا لخبطتها فى الاكل سببت لها انتكاسه المشكله اك لاتجدى تحسن لكن تركها يسبب اضرار اكثر واكثر حاجه تجنن وبنتى بقى لها بطن كبيره جدااااااااا يمكن تفتكرى لما كنت بقول انها واخيها نحاف واقل من اقرانه وسنهم حاليا ظهر لهم كرش كبير خاصه ميار ووزنها زائد لدرجه ممكن اشتري لها بنطلونات كل شهر لتغير وزنها رحت احلل لميزو الغده الدرقيه الدكتور قالى لاداعى هو ممكن من كثرة الفيتامينات اللى بياخدها خاصه ب12 بيسبب زياده بالوزن ولانه كسول لكن ده بيمشى كتير يوميا مع والده وميار هيبر بتتحرك كتير بدون هدف فى الشقه وبتتنطط كتير عايزه اشوف استشاري جهاز هضمى كان فيه دكتور مشهور اسمه مصطفى هدهد بقالى يومين بحاول احجز تليفونه بيرن وخلاص يقال انه مش بيرد على تليفونات لازم الحجز قبلها بيومين باليد ومقدما طيب اسافر مخصوص احجز بس ايه الهم ده مش يراعى اللى من خارج البلد

رد: الأمل في الله..(أم ميار)

المشكله ميار مش بتكل ولا تمل عن البحث عن كل ما هو ممنوع لسه كنت عامله بريوش واخفيته فوق الديب فريزر لقيها جايبه كرسي ووطالعه على رخامة المطبخ وفرمته كله ولو فى الشارع تلاقى فجاه فى ايديها ايس كريم او شيبس او كولا بتخطف من ايد الاطفال او اى شخص يعنى ممكن تسبب لا مشاكل او احراج لانها الان فتاه وليست طفله يعنى الحميه معاها من المعجزات محتاجين جون سينا او هوجان معانا علشان يقدر يمنعها

رد: الأمل في الله..(أم ميار)

أهلين أم ميار...منورة المنتدى..., الله يوفق ميزو وينجح يارب
بس ايش القصيدة دي! ياسلام....ميزو من غير غش ...كالعصفور بلا عش!
لا إستني حجيب كباية شاي وأشربه وأنا بقرأ القصيدة.....علشان أستمتع...

ميزو من غير....وهنا نلاحظ إن الشاعرةأستخدمت ..من غير... ولم تستخدم..بدون...وذلك لإختلاف الفارق الوقتي المتشعب من البحر السابع

كالعصفور ....ولم تقل ..مثل العصفور....وهذا يدل عى تمكنها من نظم الأبيات بشكل سرمدي

طيب بأرجعلك ....بأروح أعمل كباية شاي علشان أقرأ القصيدةالعصماء مرة تانية, عيبها الوحيد إنها طويلة.....مماأدى إلى تكرار بعض الكلمات

ملحوظة....يمكن مارجعش.....أفكر أنتحر! أنا والعصفور!

رد: الأمل في الله..(أم ميار)

رجعت....تصوري!
بالنسبة لميار الله يرفع عنها كل بلاء ويحفظها من كل مكروه, أنت أدعي ربنا يجعل مافيه الخير لها, طبعاً إزالة الرحم....لاحول ولاقوة إلابالله...قد يكون حل جيد لعدة إعتبارات, أقلها الآم الدورة التي لن تستطيع أن تعبر عنها وهذا سينعكس على تصرفاتها وعليكم جميعاً
فأنت تعرفي إن نسبة الألم وتحمله تختلف حتى بين الأخوات,ولكن في الحالات العادية الإبنة تعبّر.....منار ستعاني دون قدرتها على الشكوى.....وايضا مثل ماقلتي أمر التغيير والإعتناء بنفسها....إدعي الله وإستخيري....وخذي رأي بعض ممن تثقين فيهم....

الله يفرج همك أم ميار

أعتقد أنك ستكونين أهدأ في حالة تنفيذ هذا الأمر, وقد تستطيعي التفكير في خطة العلاج بعدم الشعور بالضغط الشديد

كثيراً مانجد أنفسنا في مواقف ماكنا نتخيّل أننا سنكون فيها, الحمد لله

رد: الأمل في الله..(أم ميار)

واصلت وإتمسح كله...

رد: الأمل في الله..(أم ميار)

ههههههههه العصيده قصدى القصيده عجبتك طيب ياما هتشوفى ابداعات منى لسه وبعدين عصيده صغنونه على الماشى كده علشان ما اعقدش منى االشعراء الموجودين على الساحه خليهم يسترزقواوبعدين من اول عصيده عايزه تنتحرى بعد الشر عنك امال لو سمعتينى وانا بغنى وبعدين انكد على مين يعنى لما عايزه تزوغى منى .........وتشربى شاى

رد: الأمل في الله..(أم ميار)

ميار بالعكس احساسها بالألم عالى ومبالغ فيه كمان اى دور برد بكاء هستيري ونواح وتشد ايدى على مكان وجعها وكأن انا اللى هشفيها فطبعا مع الام البلوغ لن تتحملها ولن تستطيع العنايه بذاتها الحمد لله مهما كانت الاحوال فى وجعى فى صمتى فى (فرحى) ان وجد شكله تايه عن عنوان بيتنا .

رد: الأمل في الله..(أم ميار)

برضه اتمسح اللى كتبتيه منك لله يا زامايكا معلش على تواصل لو كان لى عمر بأمر الله

رد: الأمل في الله..(أم ميار)

صباح الخير بشاعرتنا المتواضعة...وكمان بتغني!...ولسه مش عارفة ميار بتقرص نفسها بقسوة ليه!
أنا أرتحت كتير لما كتبتي إنك بإذن الله حتآخدي الاولاد لدكتور تخصصه الجهاز الهضمي والتوحد....معلش تابعي موضوع الحجز يمكن يوافق لو تحطوا الفلوس في حسابه في البنك بدلا من السفر,وإذا لابد من السفر فقط للحجز ودفع الفلوس خلاص عادي....ماجتش على دي, يارب تكون بداية الشفاءلاولادك على إيديه....يارب

أكيد حيوجهك....وحيكون معاكِ خطة تمشي عليها, وربمااتحاليل تظهر إن ميار ليس لديها تحسس من الجلوتين,لأجل ذلك لم تستفيد من الحمية

رد: الأمل في الله..(أم ميار)

مشاركتين أتمسحوا! مش عارفة كيف يظهر لي(ليس لديك الصلاحية......) وإسمي ظاهر أسفل الصفحة!!
أضطريت أعمل خروج ثم عودة!
خلاص متواصلين....بس ايش تقصدي إن عيد ميلاد جرجي وميارحتّم 10 سنوات؟.....تقصدي إن أمس ميار أكملت 10 سنوات؟ ومين جرجي!!
يمكن كنتِ تقصدي زوجي أو جرحي...., غالباً تقصدي جرحي...عارفاكي!
خليها جرجي أحسن...
كنت كتبت كتير من حسن حظك لم يتم الإرسال.....متواصلين
الله يقويك ويعينك

رد: الأمل في الله..(أم ميار)

يا اهلين ومساء الفل ما كانش العشم انا قلت ماحدش هيقف معايا فى خروج ديوانى غير مروج الأمل وانتى الوحيده اللى هتشتريه ووبعدين يمكن غنايا لميار هو اللى معقدها من الكلام امال لو سمعتى ميزو وتأليفه فى الغنا ! طيب خلاص تعالى بس بتجرى ليه ما تخافيش ميزو كان عند والدتى ونام عندها يوم بتقولى طول الليل ينفخ أف ويقول استغفر الله العظيم يارب وهيا عامله نفسها نايمه وخايفه تقوله مالك هينفجر فيها ويقولها أروح لماما واول ما صحى من وراها تفاجأت باتصاله بيا واه حافظ رقمى وبيقولى تعالى خدينى عايز بابا وعايز أختى ميار رغم ان علاقته بميار زى السمنه على البد نجان الاسود ومش بيطيقوا بعض وشويه ورجع اتصل تانى ومتعصب تعالى خدينى يا زفته بقى ! اخرتها بقيت زفته ده لان دايما انادى عليه يا ميزو ولا كأنه هنا يا أوشو يا حبيبى طيب يا زفت فورا ايوه يا ماما

رد: الأمل في الله..(أم ميار)

بأمر الله هروح الخميس وربنا يجعله بفايده خايفه من كبر حجم بطنها والزياده السريعه فى الوزن يعنى لها فيديو الصيف الماضى يعنى من شهور وزنها مختلف تماما عن الان لدرجة انها ألبستها بلوزه كنت بلبسها وانا فى أول زواجى كانت ضيقه عليها وهيا لا زالت 10 سنوات ايوه تمت عشر سنوات مولوده 17 بس فى شهادة ميلادها 22 بعد خروجها من الحضانه لعلاجها من الصفراا عيد ميلادها اصبح ذكرى حزينه فرحه لم تتم بل فرحه تحولت لمأتم للاسف دايما أتذكر فى هذا اليوم لو اننىيا ليتنى مت قبل هذا وكنت نسيا منسيا لكن لا أحد يفر من قدره