السلام عليكم

تبعنا والله معه لاينام ولا يسد فمه من الصياح والعويل على طول الوقت وهو يبكي ويصارخ

ولا ينفع معه لا مسكن ولا مضاد حيوي ولا فيه مشكله ظاهره حتى نقول بسببها

مااحنا عارفين بالضبط وش فيه

الاعراض اللي تظهر عليه مع البكاء يحط يدينه خلف اذنيه ويحكها وسبب جروح داميه مع عصبيه

وعض على اسفل الكتف في القميس وجرح جلده وشوه شكله وعض على شفتيه

له اسبوع يرفض أي اكل وماياكل إلا بالقوه

والله احترنا معه ماندري وش فيه بالضبط ومن ماذا يعاني

لو حساسيه مااعتقد تسبب كل هذه المتاعب والمفروض تستجيب للادويه

لو قلنا فطريات المفروض يهدا على الاقل اذا اخذ دواء او مضاد حيوي مثل ديفولكان + نستاتين

لو قلنا سموم فطريات او سموم معادن هذه ماجربنا معها شيء

مع العلم اننا على حمية جابس من شهرين لكن المشكله من قبل لكن الاسبوعين الاخيره هذي زادت

اتمنى المشاركه وابداء الرأي والنصيحه والله الوضع مايحتمل