السلام عليكم ورحمة الله وبركاته
أنا ابنى عنده 5 سنين مصاب بالتوحد كنت مسافرة السعودية مع زوجى وحاولت كتير انى الاقى مراكز كويسة أو أمشى فى علاجه هناك معرفتش فنزلت مصر بإبنى من سنة ونص تقريبا ودخلته مركز فى مصر وروحت لدكاترة كتير كل دكتور بيطلع اللى قبله مش بيفهم حاجة ويدخلنى فى دوامة علاج جديد وطريق مختلف , المشكلة ان مفيش اى تحسن أو تقدم , بقا عنده 5 سنين ومش بينطق ولا كلمة حتى باى وسقف مش بيعرف يقلدها وعنده فرط حركة بيقل شوية ويرجع يزيد تانى وخصوصا مع تغيير الأدوية ,
فى دكتور طلب رسم مخ وطلع عنده كهربا زيادة والدكتور ده لغى علاج ابنى القديم كله وكتبله علاج للكهربا وادوية تانية بقاله 4 شهور ماشى عليها مفيش اى تحسن بالعكس دا بيظهر عنده سلوكيات سيئة زائد اضطرابات فى النوم
زوجى بيقترح عليا اننا نوديه مركز داخلى , لأنه سمع عن طفل كان حالته صعبة وأهله ودوه مركز داخلى واتحسن جداا هناك , أنا مش مستوعبة الفكرة أصلا ومش قادرة استحمل مجرد التخيل ان ابنى يبعد عنى ويعيش فى مكان تانى , وفنفس الوقت حالته مش مبشرة خالص , بنتى الكبيرة 8 سنين كان عندها توحد بردو بس ما شاء الله كانت بتتقدم بسرعة واتحسنت كتير ودلوقتى فى مدرسة لغات ما شاء الله بس لسه ناقصها شوية حاجات علشان تبقا طبيعية مية فى المية , يعنى هى حاليا ممكن تكون أقرب للطفل الطبيعى بنسبة 80 فى المية
المشكلة ان ابنى ومشاكله وسلوكياته باعدنى عنها ومش مخلينى أعرف أساعدها تجتاز ال 20 فى المية الباقيين دول , دا غير مشاكل الدراسة العادية والمذاكرة اللى بتقابل اى أم وحملها عليا زيادة كمان بسبب ظروف بنتى
حاسة انى بظلم بنتى ومقصرة فى حقها , وابنى واخد معظم وقتى وفى الآخر مفيش نتيجة , وانا عايشة لواحدى فى مصر وزوجى فى السعودية
محتارة مش عارفة أعمل ايه , أنا خايفة ومرعوبة من فكرة المركز الداخلى , ومرعوبة أكتر من فكرة ان ابنى ميتحسنش وحالته تسوء لأن واضح اوى ان حالته مختلفة عن أخته ومحتاج وقت ومجهود كبير
ساعدونى بالله عليكم حد جرب قبل كدة المراكز الداخلية وياترى وجود الطفل فيها مفيد أكتر من المراكز النص يوم , وكمان طرق رعاية الأطفال والتعامل معاهم مطمئنة ولا لآ , لأنى خلاص مبقتش عارفة افكر أو اخد أى قرار
أنا ابنى عنده 5 سنين مصاب بالتوحد كنت مسافرة السعودية مع زوجى وحاولت كتير انى الاقى مراكز كويسة أو أمشى فى علاجه هناك معرفتش فنزلت مصر بإبنى من سنة ونص تقريبا ودخلته مركز فى مصر وروحت لدكاترة كتير كل دكتور بيطلع اللى قبله مش بيفهم حاجة ويدخلنى فى دوامة علاج جديد وطريق مختلف , المشكلة ان مفيش اى تحسن أو تقدم , بقا عنده 5 سنين ومش بينطق ولا كلمة حتى باى وسقف مش بيعرف يقلدها وعنده فرط حركة بيقل شوية ويرجع يزيد تانى وخصوصا مع تغيير الأدوية ,
فى دكتور طلب رسم مخ وطلع عنده كهربا زيادة والدكتور ده لغى علاج ابنى القديم كله وكتبله علاج للكهربا وادوية تانية بقاله 4 شهور ماشى عليها مفيش اى تحسن بالعكس دا بيظهر عنده سلوكيات سيئة زائد اضطرابات فى النوم
زوجى بيقترح عليا اننا نوديه مركز داخلى , لأنه سمع عن طفل كان حالته صعبة وأهله ودوه مركز داخلى واتحسن جداا هناك , أنا مش مستوعبة الفكرة أصلا ومش قادرة استحمل مجرد التخيل ان ابنى يبعد عنى ويعيش فى مكان تانى , وفنفس الوقت حالته مش مبشرة خالص , بنتى الكبيرة 8 سنين كان عندها توحد بردو بس ما شاء الله كانت بتتقدم بسرعة واتحسنت كتير ودلوقتى فى مدرسة لغات ما شاء الله بس لسه ناقصها شوية حاجات علشان تبقا طبيعية مية فى المية , يعنى هى حاليا ممكن تكون أقرب للطفل الطبيعى بنسبة 80 فى المية
المشكلة ان ابنى ومشاكله وسلوكياته باعدنى عنها ومش مخلينى أعرف أساعدها تجتاز ال 20 فى المية الباقيين دول , دا غير مشاكل الدراسة العادية والمذاكرة اللى بتقابل اى أم وحملها عليا زيادة كمان بسبب ظروف بنتى
حاسة انى بظلم بنتى ومقصرة فى حقها , وابنى واخد معظم وقتى وفى الآخر مفيش نتيجة , وانا عايشة لواحدى فى مصر وزوجى فى السعودية
محتارة مش عارفة أعمل ايه , أنا خايفة ومرعوبة من فكرة المركز الداخلى , ومرعوبة أكتر من فكرة ان ابنى ميتحسنش وحالته تسوء لأن واضح اوى ان حالته مختلفة عن أخته ومحتاج وقت ومجهود كبير
ساعدونى بالله عليكم حد جرب قبل كدة المراكز الداخلية وياترى وجود الطفل فيها مفيد أكتر من المراكز النص يوم , وكمان طرق رعاية الأطفال والتعامل معاهم مطمئنة ولا لآ , لأنى خلاص مبقتش عارفة افكر أو اخد أى قرار
تعليق