بالصور - تنفيذ فكرة مينى مصعد فى المنزل

[الرشاش]

بسم الله الرحمن الرحيم

فى كتير مننا اصحاب الاعاقة الحركية بنواجهه مشاكل كتير فى صعود و نزول السلم وكتير مننا بحث عن كرسى يصعد السلالم او مزلاق على السلم لكنها كانت صعبة شوية , الحمد لله انا و والدى فكرنا فى تصميم مينى اسانسير ( مصعد ) او اسانسير لكن بتكاليف ااقل وو امكانيات بسيطة والحمد لله نفذناه هو اخد وقت طويل شوية لكن حاليا انا بنزل وبطلع فى اى وقت وكمان فتحت محل موبيلات و الحمد لله موضوع النزول و الطلوع اتحل لانى بكون محرج جدا ان حد يشيلنى على كتفه .

اولا عتذر عن التأخير فى رفع الموضوع لان النت عندى فى مشاكل كتير جدا وصعب جدا,و هحاول ارفع صور الكابينة و الماتور المرة الجايةويكون النت اتظبط شوية

التفاصيل :

ملحوظة هامة جدا : تكاليف الفكرة ممكن تزيد او تنقص على حسب اختياراتك للادوات و الحديد و الماتور لان فى انواع كتير واسعارهم مختلفة ( صينى - ايطالى - المانى )

- الفكرة كلها ان ده اسانسير على مقاس الكرسى فقط ويتم عمل كبينة مشابهة تماما لكبينة الاسنساسير العادى - تكلفة الكابينة 2.500 جنيه مصرى

- وضع البنية الاساسية للاسنانسر او الهيكل الاساسى يتكون من حديد بطول ادوار المنزل بتاعك علما بأن متر الحديد بـ 75 جنيه مصرى وبيتم بناء قاعدة للونش اعلى المنزل ولازم تكون خرصانيه علشان هى الاساس للمينى ااسانسير

- الماتور المستخدم هو ونش رفع كهربائى وغيرنا الوير ( وير 8 ميللى ) بتاعه عشان يبقى اقوى ودى صورته

سعر الونش الصينى 1.500 جنيه مصرى - سعر الونش الايطالى 5.200 جنيه مصرى

- مهندس الالكترونيات اللى هتتعامل معاه هيركب استوبات مغناطيسية و بعض الاجهزة اللى هتساعد الونش انه يقف فى الدور المخصص لك وتم تقديرها بحوالى 2.500 جنيه مصرى

- مجمل المشروع كله يزيد او ينقص عن 10 الالاف جنيها مصرى وزى ماقولت لحضراتكم ان التكلفة ممكن تزيد او تقل حسب اختيارك و تعاملك مع شركة المصاعد اللى هتعملك المشروع ومكان تنفيذ الاسانسير سواء هيتم التكسير من منور المنزل او من احد الشبابيك المطلة على الشارع او حسب اختيارك


اى استفسار او سؤال انا تحت امركوا فى اى وقت



باقى الصور

 

[تناهيد]

رد: بالصور - تنفيذ فكرة مينى مصعد فى المنزل

يعطيك العافيه اخي الكريم
فكرة المصعد جميله جدا بس اهم شيء الحمايه والمتانه
في انتظار باقي الصور

 

[سعــــــد]

رد: بالصور - تنفيذ فكرة مينى مصعد فى المنزل

ياسلام عليك اخي ماشالله عليك مبدع صراحة
لكن اهم شي يكون عمله ممتاز ومضمون لسنين عده.في انتظار باقي الصور

 

[شيخه]

رد: بالصور - تنفيذ فكرة مينى مصعد فى المنزل

يعطيك العافيه الرشاش
كويس لقيت حل يريحك وبتكاليف اقل
ويليت تزودنا بصور اكثر ​

 

[هاني]

رد: بالصور - تنفيذ فكرة مينى مصعد فى المنزل

يعطيك العافيه اخي الكريم



:m0dy_net-741:​

 

[ام حسام]

رد: بالصور - تنفيذ فكرة مينى مصعد فى المنزل

ماشااااااااااااء الله


بالتوفييييييييق باذن الله

وننتظر باقي الصور

 

[هانى الجن]

رد: بالصور - تنفيذ فكرة مينى مصعد فى المنزل

انت انسان مهم للاخرين ولكن يجب عليك ان تكون مهم جدا باقى الصور يا صديقى

 

[الرشاش]

رد: بالصور - تنفيذ فكرة مينى مصعد فى المنزل

تم اضافة بعض الصور

 

[عمرو سليمان]

رد: بالصور - تنفيذ فكرة مينى مصعد فى المنزل

ما شاء الله
فكره ممتازه جدا
كامل احترامي و تقديري لك اخي الكريم

 

[أبن مصر]

رد: بالصور - تنفيذ فكرة مينى مصعد فى المنزل

طبعا انت عارف انى متابع معاك الموضوع من أول خطوة
الف مبروك عليك المصعد
بس أهم حاجة الصيانة الدورية و عوامل الأمان
و يا ريت لو فيه صور تانى أوضح
مستنى أتصالك على التليفون ضرورى

 

[خليل]

رد: بالصور - تنفيذ فكرة مينى مصعد فى المنزل

مشكور اخي الرشاش على هذه الافادة ’ و للعلم فانني ارغب في تنفيذ الفكرة عندي بسبب حاجتي الى مصعد وارجو التواصل معك عبر الايميل ان امكن للحصول على معلومات اوفى ولك الشكر مسبقا.

 

[احمد شوقى]

رد: بالصور - تنفيذ فكرة مينى مصعد فى المنزل

الله ينور عليك

 

[عبدالله ع]

رد: بالصور - تنفيذ فكرة مينى مصعد فى المنزل

بارك الله فيك اخوي

 

[الكرسي الفضي]

رد: بالصور - تنفيذ فكرة مينى مصعد فى المنزل

جزاك الله خير فعلا ابداع مشكور عليه