بايسن كلك حركات

[أم الحسن]

بايسن كلك حركات

​

بايسن كلك حركات ...ليــــــــه ؟!! تعالوا معاي نكتشف السر ...ومن البقالة اللي بجنبكم اشتروا علبة بايسن ...​

وخلونا نعرف ..كيف نصير حركات ؟

​

علبة تشبه* البيبسي*إلى حد كبير ..ختم من وزارة الصحة ..
'مسجل في ( وزارة )الصحة 'مصنّع في مصنع ' أبو الجدايل ' بجدة يعني وبكل بساطة منتج سعودي ..طيب ما علينا ،، خلونا نقرأ إيش مكتوب على هذي العلبة الزرقاء المهم ..يا كثر التحذيرات المكتوبة على العلبة مرة بالأحمر ومرة بالأزرق .. تشكيلات تفتح النفس ،، خلونا نقراها :.علبتين تقضي عليك ...

ياللي قلبك مريض ولساتك تطلب الدنيا أبعد لا يجيك شي ..​

ويا أبو الضغط والسكر يرحم أبوك لا تاخذه ..​

ويا أطفال ترا هذا شراب القوة والشجاعة وبعدكم صغيرين لا تشربونه ..​

ويا حرمة يا حامل تراك ضعيفة بعدي عنه ..​

^
^
أقول ليه ما يبيعونه بصيدلية ويصير بوصفة طبيب أحسن !!

​

آهـــــا الحين،،وصلنا لمربط السر..المكونات ,, وأهم مكونين هم :بنزوات الصوديوم .. وحامض الستريك ..وهذي المادتين الله يطوللي بأعماركم من أقوى اللي تخليك

كلك حركا ت عــارفــيـــن لـــيـــه ؟! أنا اقول لكم ..بنزوات الصوديوم يستخدم ضمن مواد التحنيط ​

يعني ..عندك جربوع لونه مميز وحاب تحتفظ بشكله ​

عندك ضب لونه عاجبك

وعندك ركن بالبيت حاب تحط فيه هالحيوانات بعد تحنيطها​

ما عندك مشاكل ...رشتين بنزوات الصوديوم
تنشف عروقه تنشيف .. بس ها ا اا ا هابعد هالمركب عن جلد الضب لأنها كفيله بسلخه سلخاً مبرحاً ..أما

حامض الستريك لا ..لا ترى هذاالمحلول طيووب مرة أليف .. هو بس يخفف من كثافة البوية لما تبغى تلون جدران بيتك ..​

بإختصار ..هذه مكونات مشروب الطاقة ..اللي راح يخليك حركات من أول شفطة تأخذها ...زيه زي أي مشروب غازي

يساعد على الاسراع في :الهشاشة المبكرة للعظام ...​

يسبب القرحة ..​

صفار الاسنان وضعفها ...​

يسبب جفاف لقرنية العين ...​

بمعنى أصح يساعد على فقدان البصر ...​

واللي زاد الطين بله ...مدري إيش الطاقة اللي حاطينها فيه ..ياخوفي انهم مكثرين من نسبة الكافيين فيه ..​

يقولون إنه صار مشروب ممنوع ...شي يضحك .. ما يدرون إن الممنوع مرغوب !! تصدقون ...عمري ماتخيلت إني في يوم راح اكتب عن هذا المشروب الغبي ..إلا لما أيقنت انه ممكن يكون السبب في فقدان ناس نحبهم ..ناس في عمر الزهور او آباء وأمهات..يشربونه
في اي وقت .. ويكون الثمن حياتهم
عرفتوا ايش هي هالحركات حقت بايسن

وهل الجسم الميت .... تصدر عنه حركات

مع تمنياتي لكم بوافر الصحة والعافية​

-----------------------------------------------------------------

 

[بنت التحدي]

يسلموووو ام الحسن
يعطيك العافية
تقديري
بنت التحدي

 

[ســاتيدمــا]

غاليتي:
أم الحسن ...

الله يجيرنا والمسلمين من كل سوء...

 

[طعس وغدير]

يعطيك العافيه ام الحسن
وهو فعلآ كله حركات
الغريب في الآمر دخوله للبلد عليه علامات استفهام
وزارة الصحه ماتعليقها عليه !!!!

تسلم يمينك يالغلا
طعس وغدير

 

[أم الحسن]

تسلموووووووووووو أخواتي وغالياتي * بنت التحدي*و*ساتيدما*و*طعس وغدبر*
على مروركم الكريم
والله يكفينا شر هالمشروبات الغازيه
ودمتم بخير
​

 

[غرام]

السلام عليك يا أم الحسن

شكراً على المشاركة القيمة

لا كن عندي تعليق على الموضوع وأرجو الأستفادة

بخصوص

1) بنزوات الصوديوم هي أحد أنواع الأملاح المعدنية التي تضاف للمشروبات والأطعمة
بنسب معينة معترف بها دولياً
وهي غير ضارة غير أنها توجد في الألبان والعصائر بجميع أنواعها.

2) أما بالنسبة لحامض الستريك مومعقول ما أحد يعرفة هو حامض الليمون اللي موجود في الطبيعة
على هيئة حبيبات دائرية الشكل تعرف عند العامية بالليمون

وهي من ألذي الأشياء التي تضاف إلى المأكولات لكي تكسبها الطعم والنكهه الذيذة

أرجو أني ماطولت عليكي

وتقبلي مروري

أختك ( غرام )