ابحث عن الكيفر (الفطر الهندى فى مصر )

[ام الجمال كله]

السلام عليكم
اخواتى واخوانى عندى طفل عنده سمات توحد عمره 3سنوات تقريبا واريد ان ابدأ معه حمية الجابس وابحث عن الكيفر فى مصر انا من سكان القاهره
ارجوا من اى احد لديه معرفه بالامر مساعدتى وجزاكم الله خير وشفا ربى طفلى واطفالكم جميعا

 

[ام الجمال كله]

رد: ابحث عن الكيفر (الفطر الهندى فى مصر )

معقول ولا رد !!!!!!!

 

[مطر حياتي]

رد: ابحث عن الكيفر (الفطر الهندى فى مصر )

اختي شفاء الله ابنك ..للاسف في مصر ماعرف لكن اعرف دكتور مصري في السعوديه عنده وماشاءاالله عنده خبره فيه ممكن لو اديكي رقمه لعله يعرف في مصر احد موجود عنده اتمنى اكون ساعدتك

 

[التوحد دور برد]

رد: ابحث عن الكيفر (الفطر الهندى فى مصر )

انا عندى كيفر
لكن انا مش من القاهره
ممكن تبعتى رساله زوار للاخت ازميرالدا ممكن يكون عندها
لو معندهاش قوليلى و و انا احاول ابعتهالك باى طريقه

 

[ام الجمال كله]

رد: ابحث عن الكيفر (الفطر الهندى فى مصر )

مطر حياتى
اشكرك حبيبتى هشوف كده الاخت التوحد دور برد تقدر تبعتهولى وان مقدرتش ابعتيلى رقم الدكتور احتياطى

 

[ام الجمال كله]

رد: ابحث عن الكيفر (الفطر الهندى فى مصر )

اختى التوحد دور برد
هشوف الاخت ازميرالدا وارد عليكى
انتى طيب جبتيه منين
وانتى محتاجاه برضه ازاى هتبعتيهولى ؟!

 

[التوحد دور برد]

رد: ابحث عن الكيفر (الفطر الهندى فى مصر )

انا جبته برضه من اختنا ازميرالدا
لو عندها يبقى كوبس لانى لو بعتهولك حيبقى مع سواق من الموقف و حتضطرى تجيبيه من موقف عبود لان شركات الشحن بتوصل تانى يوم فيبوظ
هو بيكتر يعنى كل اسبوعين ممكن تقسميه و تدى نصه لحد تانى

 

[ازميرالدا]

رد: ابحث عن الكيفر (الفطر الهندى فى مصر )

عندي الكيفر اختي وانا من سكان القاهره حوصلهولك ان شاء الله بس يا ريت تديني فتره اسبوع 10 ايام تكون الكميه اللي عندي زادت شويه
ارسلي لي رقم تليفونك للتواصل معك في رساله خاصه

 

[ام الجمال كله]

رد: ابحث عن الكيفر (الفطر الهندى فى مصر )

اخواتى ازميرالدا وام ياسين اشكركم من قلبى والله ربنا يسعد قلوبكم وجزاكم ربى خيرى الدنيا والاخره
هبعتلك رقمى حبيبتى وفى انتظار تكاثر الكيفر ان شاء الله

 

[اتكالي على الله]

رد: ابحث عن الكيفر (الفطر الهندى فى مصر )

اختي الكريمه

هذه مدونه تتكلم عن الكيفر والمشتركين فيها يتبرعون بالكيفر مجانا .. تستطيعين الاتصال بهم ايضا
http://tahaleb.blogspot.ae/2008/11/blog-post_20.html

شفى الله ابنك شفاءا تاما لا يغادر سقما

 

[ازميرالدا]

رد: ابحث عن الكيفر (الفطر الهندى فى مصر )

شكرا علي رابط المدونه اختي اتكالي علي الله

اختي ام الجمال كله فيه اكتر من شخص في هذه المدونه في القاهره
حاولي التواصل معاهم وان شاء الله تحصلي علي الكيفر فورا وتبدئي علي طول
بالتوفيق

 

[ام الجمال كله]

رد: ابحث عن الكيفر (الفطر الهندى فى مصر )

الغاليه اتكالى على الله انا دخلت عالمدونه قبل ما اكتب الموضوع لكن للاسف قديمه اخر مشاركه 2009وخجلت اتصل على اصحاب الارقام وازعجهم لطول المده واكيد نسوا الامر
عموما الاخت الكريمه ازميرالدا حلت الموضوع بكرمها وحبها للعطاء وهتبعتهولى بعد اسبوع ان شاء الله
واشكر حضرتك جدا على اهتمامك

 

[ام الجمال كله]

رد: ابحث عن الكيفر (الفطر الهندى فى مصر )

اختى ازميرالدا
مخدتش بالى من ردك الا دلوقتى
يعنى حضرتك مش هتقدرى تبعتيلى الكيفر ؟ولا علشان السرعه تقصدى
عموما انا محرجه اتكلم لقدم المدونه بس هحاول اتصل بيهم يمكن الاقى حد عنده

 

[اتكالي على الله]

رد: ابحث عن الكيفر (الفطر الهندى فى مصر )

عزيزتي ام الجمال كله
اغلب من اقتنى الكيفر لاسباب علاجيه يعاني من امراض مزمنه فيتم استعماله لفتره طويله ..اقترح ان تتصلي بهم

لان الاخت ازميرالدا يبدو ان الكيفر لديها لازال بحجم صغير

 

[ام الجمال كله]

رد: ابحث عن الكيفر (الفطر الهندى فى مصر )

اتصلت برقم منهم قالى اعتذر وقال انه من زمان مستعملهوش ففسد
هجرب واشوف حد تانى وان شاء الله خير
انا مش مستعجله اوى عالكيفر يعنى ممكن انتظر 15يوم
لانى بجمع لسه فباقى طلبات الحميه من ملح وخضراوات واونى يعنى مش هبدأ قبل 15يوم وعلشان كمان مضطره للسفر بأبنى بعيد عن البيت يوم او اتنين هأبدأ الحميه بعدها مباشره ان شاء الله
اشكرك اختى اتكالى على الله للمره الثانيه على اهتمامك اكثر الله من امثالك

 

[منى ماهر]

رد: ابحث عن الكيفر (الفطر الهندى فى مصر )

للطلب والاستعلام يمكن التواصل معى ع رقم 00201020359440

 

[منى ماهر]

رد: ابحث عن الكيفر (الفطر الهندى فى مصر )

https://www.youtube.com/watch?v=qNmuJiksVBU معجزات الشفاء للفطر الهندى او الكفيير