( بنت الشيخ ) قصه وعبره من الشعر الشعبي

[محمد داود]

بنت الشيخ ( شعر شعبي )​

قْرفت القعده جوى البيت​

فكّرت بشمة هوى​

وبسرعه اتخذت القرار​

لبست البدله حملت الشنطه​

قلت هذي سفره طويله​

بدها شبكه وصناره​

من وين أبدا ووين أروح​

طلِعت برّه عالحاره​

قال لي احمد يا رفيقي​

الدنيا شتا وبرد كتير​

ولازم تلبس تتدفآ​

وتستأجرلك سياره​

كان السائق مرح كتير​

بحكي قصص وخراريف​

مره ينكّت مره يغني​

وقال الثلج برام الله​

قلت شغّل يالله وسوق​

وصّلني عالمناره​

طلعنا الصبح الساعه تسعه​

وبعد ساعه بالتحديد​

وصلنا حاجز عطاره​

أجا الجندي طلب أوراقي​

لما تأكد مش مطلوب​

قال إطلع عالسياره​

طلعنا مشينا كيلو ونص​

وصلنا بلدة بير زيت​

وشفت مطعم عشمالي ​

باب المطعم جَمعه كبيره​

من طلاب وطالبات​

وفي صبيه محتاره​

سياره آخر موديل​

نزلت منها الصبيه​

وفوق الركبه التنوره​

والشعر على الكتفين​

بتلوّح بكوفيه​

وعم تدخن سيجاره​

بصراحه هفّت نفسي ​

بسرعه نزلت من التاكسي​

ورحت المطعم وراها​

هذي البنت بعرفها​

بنت الشيخ الفلاني​

وأمها حجه وختياره​

صرت اضرب كف بكف​

وبصراحه عقلي خف​

ما صدقت شو بَشوف​

صدرها نُصّه مكشوف​

لا قيم ولا احترام​

وبتفكرها شطاره ​

الشباب بتتصبب​

والعيون بتتقلب​

هذا بغمز وهذا بلمز ​

وهي بتحكي بالموبايل​

ضحكت ضحكه جوى المطعم​

ضِحكة فوضى وعَزاره​

طْلِعت من المطعم مسطول​

وصرت أخرّف بحالي​

فكرت حالي بَحْلم​

وصرت أفرك بعيوني​

وتخيلت ابوها الشيخ​

وبيده المسبحه دوّاره ​

مسكين أبوها مسكين​

ما عِرف يربّي مزبوط​

رباها بضرب وتخويف​

وهذا الحكي عار وعيب​

بنته بأول لفحة شمس​

راحت حلّت زِنّاره​

مش بالعصا .. بالإقناع​

ربي بنتك عالاصول​

فهّمها الغلط والصح​

حتى تصونك على طول​

وعلمها الثقه بالنفس​

لانه النفس أمّاره​

هذي القصه للآباء​

فيها العِبره وكلمة حق​

ارحم بنتك وارحم ابنك​

ترحم نفسك ترحم بيتك​

ولا تنسى يا رب البيت​

هذي الدنيا دوّاره​

هذي أمانه شوف واسمع​

شو ما بتزرع رايح تقلع ​

بنتك بكره بتصبح أُم​

والأُم تربي الأجيال​

ولازم تنشئ جيل جديد​

يضاهي جيل الحجاره​

 

[الفجر الباسم]

رد: ( بنت الشيخ ) قصه وعبره من الشعر الشعبي

بنت الشيخ ( شعر شعبي )​

​

​

​

​

مش بالعصا .. بالإقناع​

ربي بنتك عالاصول​

فهّمها الغلط والصح​

حتى تصونك على طول​

وعلمها الثقه بالنفس​

لانه النفس أمّاره​

هذي القصه للآباء​

فيها العِبره وكلمة حق​

ارحم بنتك وارحم ابنك​

ترحم نفسك ترحم بيتك​

ولا تنسى يا رب البيت​

هذي الدنيا دوّاره​

هذي أمانه شوف واسمع​

شو ما بتزرع رايح تقلع ​

بنتك بكره بتصبح أُم​

والأُم تربي الأجيال​

ولازم تنشئ جيل جديد​

يضاهي جيل الحجاره​

السلام عليكم
أخي الفاضل محمد داوود
قصيدة رائعة و
نصيحة طيبة
حقاً مثل ما تزرع بتحصد
بارك الله فيك

 

[محمد داود]

رد: ( بنت الشيخ ) قصه وعبره من الشعر الشعبي

السلام عليكم
أخي الفاضل محمد داوود
قصيدة رائعة و
نصيحة طيبة
حقاً مثل ما تزرع بتحصد
بارك الله فيك

نعم اختاه فمن يزرع البرتقال لا يقطف عنه اللوز والرمان
وكما تدين تدان
هكذا هي الحياة وليت البشر يفقهون
جل احترامي لنبضك الطاهر ومرورك الطيب​