بنتى نجحت في امتحان التيرم الاول

[أم وائل ولؤي]

رد: بنتى نجحت في امتحان التيرم الاول

الف مبرووووووووووووك وعقباال التخرج من الجامعه ياارب:m0dy_net-794:

 

[لطفك يالطيف]

رد: بنتى نجحت في امتحان التيرم الاول

ماشاء الله تبارك الله

الف مبرررررررررررووووووك الله يخليها لك
ومن نجاح الى نجااح

ان شاء الله

 

[سدرة]

رد: بنتى نجحت في امتحان التيرم الاول

الف مبروك ان شاء الله ما شاء الله عليها الله يتمم فرحتك بشفائها يا رب باي صف أختي الكريمة ابنتك الله يسلمها؟

 

[انتظار وامل]

رد: بنتى نجحت في امتحان التيرم الاول

الف مبروك وان شاء الله نجاحات دائمه​

 

[رادوبيس]

رد: بنتى نجحت في امتحان التيرم الاول

اخوانى واخواتى الاعزاء جدا على قلبى اشكر لكم هذا الكلام الرائع الذى طوقتم به عنقى وان شاء الله ياتى يوم عن قريب نفتح باب ثابت للتهانى واكون اول المهنئات فيه لكم جميعا ربنا يجزاكم الف خير ويجعله في موازين حسناتكم
اختى العزيزة ازميرالدا شكرا جزيلا لك على هذه الخاتمة الرائعة لموضوعي والتى لم اكن اتوقعها جزاك الله عنى خيرا
اختى العزيزة سدره ابنتى في الصف الثالث الابتدائى واى سؤال انا حاضرة
دمتم في امان الله
اختكم رادوبيس

 

[عمورة المصراوي]

رد: بنتى نجحت في امتحان التيرم الاول

الف الف مبروك وعقبال كل سنة يارب وتمام الشفاء ان شاء الله

 

[الأم الحزينه]

رد: بنتى نجحت في امتحان التيرم الاول

الف الف الف مبروك اختي رادوبيس نجاح ابنتنا الغاليه :abu-asail20 (16):
وعقبال ماتفرحي بتخرجها من الجامعه وعقبال الدكتوراه يارب
ويقرعينك بزواجها يارب
ماشاء الله لا اله الا الله
اختي رادوبيس هل ابنتك في مدرسه عاديه؟
وهل تتكلم؟
ارجوكي حدثينا اكثر عنها؟؟

 

[رادوبيس]

رد: بنتى نجحت في امتحان التيرم الاول

اشكر من كل قلبى كل من شاركنى فرحتى بشفاء ابنتى جزاهم الله خيرا وابدل حزنهم افراح انه على ذلك لقدير
اختى الام الحزينة نعم ابنتى في مدرسة عادية وبدون معلمة ظل وتتكلم بصورة جيدة ولله الحمد
ابنتى شخصت منذ عمر العامين ونصف بمرض توحد متوسط وكانت بها كل اعراض المرض الكلاسيكية لاتتحدث مطلقا لاماما ولا بابا ولا حرف ولا مقطع صوتى حتى وكانت تؤدى حركات تكرارية كثيرة وتلف الاشياء وتمشى على اطراف اصابعها ولا تلتفت لاسمها بل ولا تدرى ما اسمها اصلا ولا تفهم اللغة على الاطلاق وبالتالى لاتلبى الاوامر وكانت لا تتواصل اجتماعيا على الاطلاق مع اى احد كان الا مع والدها تارة ومعى تارة اخرى وكانت اذا زارنا اى احد من الناس تظل في صراخ مستمر الى ان ينصرف وكانت مفرطة النشاط لاتستقر في مكان واحد وكانت دائمة الاصابة بالتهاب الاذن الوسطي باختصار كانت في عالم آخر غير عالمنا هذا
ذهبت الى الطبيب وشخصها توحد ومن هنا بدات رحلة العلاج التى استغرقت حتى الآن حوالى السبع سنوات بداتها بحمية المواد الحافظة والملونات الصناعية ثم بدات ببرنامج مصمم خصيصا لها من برامج التدخل المبكر ويتضمن تعديل السلوك والتخاطب ثم ادخلتها حضانة عادية مع شادو لمدة سنتين ثم غيرت الحضانة واعدت لها مرة اخرى سنتى الحضانه مع معلمة ظل اخرى وفي هذه الاثناء كنت اعتمد على نصيحة الطبيب التى تقتضى اغلاق التلفاز بصورة نهائية والخروج المستمر واعتمدت على الخلط بين طريقتى سن رايز والبكس تركت منزلى وانتقلت الى منزل والدتى حتى اتفرغ لها كليا مع تقسيم الوقت بينى وبين اختى وزوجة اخى باختصار البيت كله كان مجندا لعلاج ابنتى ثم ظهرت بوادر التحسن عند سن اربع سنوات بعد سنة ونصف من العلاج بدات تخرج اصوات للاحرف ثم بعد ذلك ظهرت اللغة تدريجيا عندها ولكنها لم تتكلم بصورة معقولة الا في السنة الماضية وعلى سن السابعة حاولت ان اجرب معها زيت الاوميجا وب 12 ولم استمر عليهما لعدم اقتناعى الشخصى بالادوية الكيميائية حتى لو كانت مكملات وفي هذه السن اى السابعة بدات حمية الكازين واستمرت معها الى الان وادخلت حمية الجلوتين منذ حوالى خمسة اشهر مع عسل السدر وحليب الابل والثوم والخضروات الورقية
دمتم في امان الله

 

[ام حسام]

رد: بنتى نجحت في امتحان التيرم الاول

ماشااااااااء الله تبارك الرحمن


الله يسعدكم بها دائما
وباذن الله عقبال مافرحي بنجاحها وتخرجها من الجامعه

 

[رادوبيس]

رد: بنتى نجحت في امتحان التيرم الاول

اشكرك اختى ام حسام جزاك الله خيرا على الدعاء ولك مثله واكثر ان شاء الله
في مشاركتى السابقة اخطات وكتبت ( كل من شاركنى بشفاء ابنتى ) وكأن قلمى خط ما يجول بخاطرى بل ما يجول بخاطرنا جميعا وما تتمناه قلوبنا ونتحرق شوقا الى تحقيقه
اللهم يامالك الملك بحق اسمك الاعظم اشفى ابنتى وكل اطفال المنتدى انك سميع مجيب الدعاء

 

[الامل في الله]

رد: بنتى نجحت في امتحان التيرم الاول

ما شاء الله مبروك ام يارا وعقبال الجامعه وتشوفيها عروسه زىالقمر ابنى كمان نجح لكن للأسف بالغش مش بمجهوده وتعاطفا معه من لمدرسين رغم ان مدير المدرسه كان مصمم تحويله لمدرسه تربيه فكريه لان مش بيرضى يحل حاجه لوحده لازم حد يقوله اكتب هنا ويوجهه والا هيسيب الورقه فاضيه كانت ايام صعبه عليا التيرم ده :كأنى عليا ذنب طول الوقت ادافع عن حقه فى الدمج مع الطبيعيين وبنتسول هذا الحق

 

[رادوبيس]

رد: بنتى نجحت في امتحان التيرم الاول

اختى العزيزة ام ميار اولا مبروك لابنك الغالى على النجاح وربنا يكون في عونك انا عارفة ان اتنين توحد شىء في منتهى الصعوبة لكن ارجوك لا تفقدى الامل ان شاء الله الفرج قريب
انا دربت بنتى على الامتحانات مدة طويلة جدا انا والمدرسة الخصوصى اللى بتديها الدرس في البيت لازم حبيبتى حد يدرب ابنك على الامتحان وطريقة الاجابة بعدين ما انت عارفة حال المدارس عندنا في مصر واكبر الظن ان مدير المدرسة كان مستنى منك حاجة فتحى مخك يا ام ميار انتي بتشترى ابنك وراحته في المدرسة احنا هنا في مصر مش في اوربا لازم تمشى حالك لانك لو استنيتى الحال يتعدل لوحده يبقى حستننى مدة لا يعلمها الا الله
حاجة من اتنين في بلدنا يا اما تدخليه مدرسة دولية مصاريف على الفاضى صدقينى بكلمك عن تجربة شخصية وكمان خبرة ياما تدخليه مدرسة حكومة وتتصرفي مفيش غير كده والامر لله من قبل ومن بعد
ربنا يصبرك ويقويك ويشفيلك اولادك آمين يا رب

 

[مروج الامل]

رد: بنتى نجحت في امتحان التيرم الاول

بسم الله ...ماشاء الله
الله يحفظها ويشفيها شفاء تام......وتشوفيها عروسة.....آمين

 

[أم عبود الغالي]

رد: بنتى نجحت في امتحان التيرم الاول

ألف ألف مبروووووك وان شاء الله عقبال التخرج من الجامعه وتشوفيها عرووسه ..

 

[الامل في الله]

رد: بنتى نجحت في امتحان التيرم الاول

ام يارا تفتكري انى مش عارفه انى لزم أفتح مخى معاهم فى صورة تبرعات طبعا ابنى كانت الاول مديره والست غير الرجل طبعا هيا أم قبل ماتكون موظفه م لتزمه بالبيروقراطيه وبس وكانت مفهمه للامر لكن المدير ده ما تفاهم مع المدرسين حتى بيشتكوا من تذمته وعدم السلاسه معهم علشان كده وقفوا مع ابنى ونجحوه عند فيه وابنى معاه اتنين بييجوا له البيت تخاطب واكاديمى بس مش زى ماكان يروح المركز كان الوقت اكبر فالتحصيل كان احسن بس الولد رافض من سنه المراكز تماما اللى بييجو البيت نص ساعه بس يوم ويوم والله خراب مستعجل فى المصاريف ب100جنيه الاتنين فى اليوم ده كان فى المركز مع اخته الاتنين ب500 جنيه بالسياره كمان اوكازيون يعنى علشان جمله ومش بيرضى يخلينىاذاكر له خالص مش بيعبرنى ومدينى طناش هتعمل ايه معاه نص ساعه مع كل مدرسه

 

[رادوبيس]

رد: بنتى نجحت في امتحان التيرم الاول

اختى العزيزة والله تعب والاولاد بقوا في منتهى العند بس انا مكانش قصدى تبرعات انا كان قصدى حاجة تانية وكمان لو ابنك في مدرسة دمج مكانش المدير يقدر يتكلم انت مدخلاه مدرسة دمج ولا لأ ؟
بالنسبة للمذاكرة انا كمان بعانى مش بس مع يارا وكمان مع اختها الصغيرة رافضة رفض قاطع انى اذاكرلها عشان كده استسلمت وجبت درس خصوصى
واذا سمحت لى ممكن اسالك ابنك بيتكلم ولا لأ ؟ ويقدرعلى رعاية نفسه ذاتيا ولا لأ ؟
دمت في امان الله

 

[رادوبيس]

رد: بنتى نجحت في امتحان التيرم الاول

اختاى العزيزتان مروج الامل وام عبود الغالى جزاكما الله خيرا وشفا ابناكما وابدل الله احزانكما افراحا بحوله وقوته
واشوف اولادكم من احسن الناس واعلى المراكز انه على ذلك لقدير
بارك الله فيكما وقر اعينكما باحبائكما
شكرا لكما على الدعاء ولكما مثله واكثر بحوله وقوته

 

[العمر كله]

رد: بنتى نجحت في امتحان التيرم الاول

ماشاء الله
الف مبروك نجاح يارا

 

[الامل في الله]

رد: بنتى نجحت في امتحان التيرم الاول

مدرسة دمج لا احنا من المحله يعنى فى الضياع ما يعرفوش حاجه عن التوحد غير فيلم التوربينى ابنى ذكائه 85%كلامه طلبات وجمل قصيره يعنى ما يقدرش يحكى حكايه من مخه او يقول اللى بيحصل له خارج البيت او حوار طويل لا بيقدر يقلد كويس جدا وبيعتمد على نفسه فى العنايه بنفسه ده حتى من وهو سنه بيدخل الحمام لوحده ويرفض حديدخل معاه ونظيف جدا من يومه عكس اخته كل شئ على بقها على طول كانوا بالمركز من سنتين بيقولوا عليه هيبقى عبقري كان شاطر بالحساب وسريع وكان سابق بيدوله منهج تانيه وهو فى اولى بعد كده تراجع مستواه لما رفض تماما المركز هو بيقدر يجمع ويطرح ويضرب والعربي بيقدر يقرا ويكتب لكن المناهج بقت كتيره وتقيله عليه في حاجات فى الرياضه عنده انامش بعرفها ومش عارفه اوصل له التاريخ ازاىده مش حاسس بالحاضر ازاى اعرفه بحتشبسوت والهكسوس والرسم البيانى والكتله دى مناهج اعدادى على ايامى

 

[رادوبيس]

رد: بنتى نجحت في امتحان التيرم الاول

حبيبتى لازم تعرفى ان في كل ادارة تعليمية على مستوى الجمهورية مدارس تتبع لادارة التربية الخاصة اسمها مدارس الدمج يعنى مفيش فرق بين مدارس اسكندرية ومدارس المحلة
بالنسبة لمستوى ابنك ما شاء الله لاقوة الا بالله وصل لمستوى ممتاز ولا اعتقد انه بحاجة لاخصائى تخاطب او حتى تعديل سلوك ده انا مشكلتى اللى سبق وطرحتها هنا في المنتدى ان الاولاد اللى بيوصلوا لمستوى ابنك لا يتوافر لهم مدربين لمتابعة هذا المستوى المتقدم انت بتعرفى المدربين دول بيدولوا ايه بالضبط ؟ يعنى بتحضرى الحلسة معاه ؟
بالنسبة لتعديل السلوك للاسف لازم يكون في نفس اللحظة عن طريق شادو لكن مفيش حاجة زى كده عشان كده اتفاهمى مع مدرس الفصل احسن
رايى الشخصى ان ابنك مش محتاج دروس تخاطب لانه طالما بيحب التقليد يبقى ان شاء الله لغته سوف تتحسن تدريجيا والمطلوب منك ان تقراى له بعض القصص وتحاولى ان تتحدثى معه لمدد طويلة على قدر المستطاع
الله يعينك ويقويك