بسبوسة بسميد الذرة

[مصعب]

السلام عليكم ورحمة الله وبركاته
بسبوسة
الطريقة هذه الصراحة مش نفسها الي بعملها النا بالبيت ، بس أنا لاحظت انه كل ما بقلل من موضوع الطحين أو السميد المستخدم لأطفالنا بالوصفات الطريقة بتكون أنجح يعني بحاول إنه باقي المقادير تكون طاغية على موضوع الطحين عشان تنجح الوصفة،وهذه الطريقة انا نقلتها للأمانة مع التعديلات الي بحطها عالوصفة لتلائم الأطفال.​

المقادير :
كاسة سميد (انا بستخدم سميد الذرة لونه أصفر) ممكن انتم تعملوه بأنكم تطحنو الذرة الصفراء .
2 كاسة جوز هند
كاسة زيت
نصف كاسة حليب سائل (فيكي اذا ما بدك حليب تستخدمي أي شي سايل عشان الخلطة تنعجن معك ممكن عصير أو ماء)
3 بيضات
معلقة كبيرة بيكنج باودر
معلقة فانيلا
نصف كاسة سكر (استعيضي عنه بالمحلي الي بتستخدميه لطفلك انا صراحة بحط سكر بس مش كثير بقلل لأنه في قطر أو عسل بتتسقى فيه لما تطلع ) والسكر دايما نحاول نقلل منه.
قطر.
الطريقة:
نخلط البيض والفانيلا والسكر والزيت والسائل، وبعدين بنحطهم فوق السميد وجوز الهند والبيكنج باودر ندهن الصينية بالطحينة ونصب البسبوسة ، بعدين انا بقطعها بالسكين وهي مش مستويةعلى شكل معينات أو مربعات وفوق كل واحد فيكي تحطي لوزة ، أو جوزة ، أو كاجو الي بحبه ابنك وبيزبط مع حميته ، اهتمي بالمنظر لأنه الأطفال برضو عيونهم بتاكل قبل لسانهم ما يدوق ، انا بالنسبة الي ابني بهتم كيف شكل الأكل بصورة مش طبيعية ،وبعيد عليها التقطيع لما تطلع من الفرن ، ونضعها على نار متوسطة بالفرن حاولي استخدمي صينية بايركس عشان تشوفي من تحت متى بتتحمر وعالعموم حتى لو كانت صينية عادية حتلاحظي الجوانب بدأ تاخذ لون يعني خلص من تحت بتحمرى الوجه وبس تطلع بتسقيها بالقطر أو تستعيض عنه بعسل ممكن تخففي العسل شوي عشان ما يغلبك لما تسقيها يكون بارد طبعا وهي ساخنة.​

أفكار :
استخدمتها مع ابني وعمره سنتين تقريبا : هو بيكون ملهوف عالشي الحلو الي بنعمله اياه وحتى لو مش معبر شو بتعملي ناديه وقوليله مممممم ذاكي شوف ، هات صحن ولو ما عرف ايدك على ايده وهات الصحن بتقوليله . لما يجيبه بتحطيله قطعة أو خلي ايدك مع ايده وخليه يحط القطعة معك حينبسط كثييييير ، وبعدين أعطيه شوكة أو ملعقة وقطعي انتي واياه وخليه ياكل حيشعر بالاستمتاع لو كان لسة صغير طبعا ولو كان كبير حاولي تشاركيه في الشغلة الي بتعمليها يعني هاتلي سكينة ، هاتلي معلقة، يخلط بالمعلقة الخليط مثلاً ، انا ابني بستمتع بهيك أعمال معي حطيله كرسي وخليه معك يشتغل ، حاولي توسخي أو تكبي مثلا شوي وقوليه هات الفوطة وامسح يعني طولت عليكم بس قلت جنب صنف الحلو بدي أقولكم شو بعمل مرات ، بالصحة والهنا ويا رب تعجب الأطفال​

 

[أم تحب ابنها]

رد: بسبوسة بسميد الذرة

مشكوره

الله يعطيك العافيه

واستفدت كثير من (افكارك)

 

[رحانة الجنة]

رد: بسبوسة بسميد الذرة

جزاك الله خيرا:bb (24):

 

[صبرين]

رد: بسبوسة بسميد الذرة

مشكورة أختي لكن السكر والحليب ممنوع على أطفالنا
تحياتي لكي

 

[توحدية]

رد: بسبوسة بسميد الذرة

انا عملت هذه الوصفه رائعه بس بنتي لم تاكلها
انا اللي اكلتها
بالنسبة للسكر انا استخدمت سكر البني الغير مكرر
واستخدمت الماء وليس اللبن

 

[رزونتي]

رد: بسبوسة بسميد الذرة

الله يعطيكي الف عافية كنت ببحث عن هيك وصفة وانتي سهلتي الموضوع بتشكرك وان شاء الله بجربها وبخبرك عن النتيجة والله يجزيكي الف خير ويشافي ابنك يارب

 

[مصعب]

رد: بسبوسة بسميد الذرة

يا رب تزبط معكم ، رزونتي خبريني عن النتيجة واذا بتبحثي عن أي شي قوليلي عندي وصفات كثيييييييرة بحاول انزل منها قد ما بقدر ، وتسلمو عالدعوة الحلوة