أبشركم يا اعضاء منتدى تحدي الاعاقة ابشركم

[رنوش سويت]

اول شي السلام عليكم ورحمة الله بوركاته​

والصلاة والسلام على اشرف المرسلين نبيينا محمد وصحبه اجمعين وبعد....​

كيفكم يا اعضاء ومشرفين واداريين هذا المنتدى الرائع والقيم:bb (58):​

ان شاء الله تكونون بتمام الصحة والعافية:bb (48):​

اممممممممم انا غبت عنكم تقريبا 3 اشهر مدة طويلة هههههههههههههههه اعرف​

بخلال هالفترة بتعرفوا شو اخر التطورات بمشكلتي؟؟​

طبعا انا اذا بتذكرون حطيت مشكلتي بس بعدين اكتشفت انو عندي ما يسمى بـــ ( التلعثم) وليس التاتاة​

بهديك الفترة اللي غبت فيها تعلمت شغلات كتيرة واستفدت منها طبها كلو بفضل ربنا سبحانه وتعالى ولصديقتي العزيزة اللي دارسة اضطرابات التخاطب بالجزائر الله يذكرها بالخير​

حاولت باقصى جهدي اني اتخلص من التلعثم اللي كان منغص علي حياتي وعيشتي​

المهم تدربت بشكل كبير
اولها بوقف عالمراية وبصير بحكي بصوووووووووت عالي وبطلع بعيوني وانا بحكي لزيادة الثقة بالنفس طبعا​

وزادت قراءتي للكتب بطريقة رهيبة يعني صرت استنى حصة العربي على احر من الجمر​

والمفاجاة انو لما كنت اقوم واقرا ان كان شعر او درس قراءة كانوا البنات اللي بالصف يقولولي ( مذيعة المستقبل)
لانو كانوا تعجبهم طريقة قراءتي​

بعدين انتبهت على حالي وقلت والله صح كلامي مافي شي وانا كتير منيحة والحمدلله​

وفعلا يا ناس تحسنت بطريقة رهيبة يعني تقريبا بنسبة 70% من المشكلة ككل​

الا اللهم في بعض الكلمات اللي بتلعثم فيها بس مع هذا عم حاول انطقها وبكل ثقة وشوي شوي​

وهلا انا خلصت التوجيهي( البكالوريا) ورح ادرس اعلام تخصص اذاعة وتلفزيون في قطر الحبيبة ​

يعني رح كون ان شاء الله مذيعة​

وانا وانتم بنعرف انو المذيعة بدها شخصية قوية وثقة بالنفس وسلاسة بالكلام ةقدرة على جذب الانظار​

ووالله الذي لا اله الا هو كل هالمواصفات اصبحت فيني ولله الحمد​

يعني شفتوا مشكلتي التلعثم صارت اكبر تحدي ونجاح بالنسبة اللي​

لاني بلعثم بالكلام وتدربت وقويت حالي قررت اني ادرس اعلام شفتوا سبحان الله​

وهلا انا ممن اكتر الناس اللي بتحكي بكل ثقة وما هاممني اي كلمة اتلعثم فيها وهاد كلو من فضل الله ثم العباد الله يجزاهم الجنة يارب​

وانا هلا عم كمل علاجي بحالي والحمدلله عم استجيب لهالشي نشكر الله​

انا ما كتبت هالموضوع الا لاني بدي قول انو عنجد(( لا اعاقة مع التحدي))​

وانتو لو اتاملتوا هالكلام عنجد بتشوفوا حالكم احسن من الناس اللي بتحكي بكل طلاقة​

خليت من مشكلتي سبب نجاحي وتفوقي وكل الناس صارت تحكيلي عندك اسلوب جذاب بالنقاش والحوار وتقدري تخطفي الانظار بباسلوب كلامك وقالولي الاعلام والمذيعة حصرا بيلبقولك​

الحمدلله على كل حال​

وبدي اتشكر كل من ساعدني في هذا المنتدى الرائع​

والسلام ختام​

 

[تناهيد]

رد: أبشركم يا اعضاء منتدى تحدي الاعاقة ابشركم

الف الف مبروك اختي الكريمه
وشكرا على هذه الاخبار الرائعه
عقبال مانشوفك مذيعه في التلفزيون
موضوعك هذا ان شاء الله سيعطي دافع للكثير ممن يعانون من التعلثم

 

[ألم الأمل]

رد: أبشركم يا اعضاء منتدى تحدي الاعاقة ابشركم

نبارك لكِ هذه التطورات الجميلة
والذي نتمنى من الله أن تكون النسبة 100 %
وتصيري مُذيعة مثل ما تتمنين وأكثر !!

والله يعطيك الصحة وتحقيق كل الأمنيات .
​

 

[رنوش سويت]

رد: أبشركم يا اعضاء منتدى تحدي الاعاقة ابشركم

الله يبارك فيكم يارب وان شاء الله فعلا يكون موضوعي هذا دافع لكل حدا عندو اعاقة بغض النظر اذا كانت حركية او لفظية او لغوية او اي اعاقة كانت

المهم انو تكون فكرتي وهدفي واحساسي وصللكم

وجزاكم الله كل خير

 

[قوس الله]

رد: أبشركم يا اعضاء منتدى تحدي الاعاقة ابشركم

أرجو من صاحب الموضوع أن يصلي على محمد وال محمد لان الرسول الاكرم أوصانا بالصلاة الكاملة وهي (اللهم صل على محمد وال محمد وصحبه أجمعين)

 

[ملامح بحر]

رد: أبشركم يا اعضاء منتدى تحدي الاعاقة ابشركم

ماشاء الله تبارك الله

بالفعل بالعزيمة والتحدي ممكن عمل اي شيء , صحيح بعض الاوقات احنا المتلعثمين نشعر ببعض الاحباط لكن

نحاول بقد مانقدر نسترجع ونستجمع قوانا...... تمنياتي لك بالتوفيق وتحقيق ماتريدين​

 

[العنيدة]

رد: أبشركم يا اعضاء منتدى تحدي الاعاقة ابشركم

ماشاء الله
فعلا بالإرادة تلغى كلمة مستحيل
اتمنى لك التوفيق عزيزتي وتحقيق طموحك يارب