بشرى منhdc

[هناء محمد]

رد: بشرى منhdc

السلام عليكم ..
انا اضم صوتي لاختي ام التوحد .. انا ولدي عبدالعزيز عمره الان 4 سنوات وابتدى معهم من اول السنه هذه والان في بداية الفصل الدراسي الثاني
وفعلا ما لاحظت اي تحسن فيه وكما قالت ام التوحد لما اسال المدرسه ليش ما تعلم ولا تطور تقولي هو يرفض يجلس على الكرسي !! وقلت لها لو كان يجلس بسهوله كنت جبته لكم ..
وكل اسبوعين يغيرون مدرسته وكل مدرسه تقولي هو لسا جديد عندي واحتاج اسبوع اراقبه واتعرف عليه بعدين احدد الطرق اللي اتعامل معه فيها , وما يمديها عرفت له الا غيروها !! وعلى هالحال
وبصراحه هالشي تعب ولدي لانه كل ما تعود على مدرسه غيروها .. وغير كذا انصدمت لما وجدت ان بعض المدرسات صغيرات وقلت لها وش شهادتك قالت ثانويه عامه !! وقالت انا مساعدة الاستاذه
والله مدري شلون بنت ثانويه عامه تتعامل مع اطفالنا حتى لو كانت مساعده .. وكل شوي مطلعتهم للملعب يراكضون ويلعبون وتقول عشان يطلعون طاقتهم .. اذا احتارت معهم وتعبت ولا عرفت تسيطر عليهم طلعتهم للملعب
بس الذنب مو ذنبها ذنب الاداره اللي وظفتها وهي مو متخصصه لتدريس اطفالنا ..
والله مدري وين اودي ولدي !! ومع ذلك مخليته يكمل هالسنه على امل اني اشوف تحسن وبصراحه هالمركز بالرغم من عيوبه الا انه افضل الموجود على قولة صديقه مصريه لي مدخله بنتها فيه تقول ( احسن الوحشين ) هههه
والله المستعان ..
وبالنسبه للمديفر والله انه دكتور ممتاز ولا اشك باخلاقياته بس للاسف انه مو منتبه للمشاكل الموجوده بالمركز لان المدير اللي يتعامل مع اولياء الامور ويوجه اومره للموظفات هو الاستاذ ( رائد بن طالب )

واطلب من اخوي الكشاف انه يتأنى بحكمه ومافي احد كامل ولا يجوز انك تقول على دكتور عظيم مثل المديفر هالكلام لانه لا يستحق ذلك ولا يجوز الكلام بهالشكل عليه او على غيره بدون دليل قاطع ..

واخيرا اسفه للاطاله والله يرزقنا من يهتم باطفالنا ويضع مراكز متكامله ومؤهله للتعامل مع اطفالنا كما في الخارج والله الموفق ..

 

[خريجة تربية]

رد: بشرى منhdc

الصراحه المدرسه صح انها باقي جديدة ويمكن فعلا عمر المديفر ماله علاقه لان اللي يمشون المدرسة الاداريات اللي تخصصهم مو مؤهل لادارة المدرسة
ولكن الاطفال صاروا تجربه كل شوي يجربون عليهم شي عشان يشوفون وش الافضل ؟؟؟!!!عشان كذا مايصير تغير للطفل لان الوقت يضيع في خرابيطهم والفلسفة اللي ماتودي ولا تجيب