ابي راايكم في حالت ابني الله يخلييييكم

[ام غزال]

السلام عليكم ورحمة الله وبركاته ..


اخواني خواتي ف هذا المنتدى الرااائع عندي طفل يدرس ف قسم التنمية الحركيه و يشتكون منه المدرسات هو عمرة 6 سنوات و4 شهور بس يقولون ما يبا يركز او يسوي الي هم يبونه يسويه .... بس انا احس انه ما يبا او معرف كيف المهم يعني مثلا لو عطيته ورقة في البيت وجلست معااه الونها يلون شويه وبعدين يفك القلم ويخليني انا الي مااسكه القلم واتحكم في يده كيف احببه في الالوان عشان يتعود يمسك القلم صح, الله يخليكم سااعدوني انا جبت له مدرسه في البيت بس طفرت منه قالت ولدج مااايركز عنده قلت تركيز :7: ملاحظه هو يشرب داوء الصرع توباماكس ديباكين ونترفيل 3 مرات ف اليوم هل ممكن يكون من الدواء

 

[ام شذى]

رد: ابي راايكم في حالت ابني الله يخلييييكم

حاولي دايما تشجعينه بهدية او اشياء يحبها او حتى اكلة يحبها وقولي له اكتب اولون
وراح اعطيك هالشيء انا عندي ولد بنفس عمر ولدج في البداية ماكان يحب يكتب او يلون
بس دايما كنت اشجعه بشيء لعبة او حلاوة او اقول له خلص اللي عليك وراح نلعب عقب
غميضه وعلى هالموال لين ما تعود وماشاء صار يحب الكتابة والقراءة
الله يسهل امورج

 

[ام غزال]

رد: ابي راايكم في حالت ابني الله يخلييييكم

حاولي دايما تشجعينه بهدية او اشياء يحبها او حتى اكلة يحبها وقولي له اكتب اولون
وراح اعطيك هالشيء انا عندي ولد بنفس عمر ولدج في البداية ماكان يحب يكتب او يلون
بس دايما كنت اشجعه بشيء لعبة او حلاوة او اقول له خلص اللي عليك وراح نلعب عقب
غميضه وعلى هالموال لين ما تعود وماشاء صار يحب الكتابة والقراءة
الله يسهل امورج

قلت له بعطيك هديه قال وينها قلت له خبيتها لما تخلص بجيبها لك قال وين ... غيرت الموضوع وجبت هديه ف كيس وحطيتها بجنبي وقلت لما تخلص بعطيك الهديه تم يطاالع الكيس ويحرك يده وخبص الورقه >_<

 

[أنا أمشي]

رد: ابي راايكم في حالت ابني الله يخلييييكم

السلام عليكم أختي أم غزال

جربي إشتري هدية واعطيها للمعلمة وقولي لها تعطيها لولدك على إنها من المعلمة..
كذيه راح يتحفز الولد ويشارك أكثر في المدرسة.

أو إذا عنده إخوان قريبين من سنه ممكن تخلقي جو تنافسي بينهم بطريقتك الخاصة..

أو قولي له لو إنه رسم أو لون راح تطلعيه يتعشى في ماكدونالدز أو كنتاكي.. أو أي مكان يحبه هو،،
مطعم.. حديقه.. بيت خاله.. أي مكان يحبه..

أو إسأليه شو يريد.. ولبي طلباته

تحياتي لك

 

[ام غزال]

رد: ابي راايكم في حالت ابني الله يخلييييكم

السلام عليكم أختي أم غزال

جربي إشتري هدية واعطيها للمعلمة وقولي لها تعطيها لولدك على إنها من المعلمة..
كذيه راح يتحفز الولد ويشارك أكثر في المدرسة.

أو إذا عنده إخوان قريبين من سنه ممكن تخلقي جو تنافسي بينهم بطريقتك الخاصة..

أو قولي له لو إنه رسم أو لون راح تطلعيه يتعشى في ماكدونالدز أو كنتاكي.. أو أي مكان يحبه هو،،
مطعم.. حديقه.. بيت خاله.. أي مكان يحبه..

أو إسأليه شو يريد.. ولبي طلباته

تحياتي لك

اول شي اشكرك على ارد .. لا انا ما جربت وياه اني اجيب له هديه وعطي المعلمه في المدرسه بس اخته في البيت تجيلها معلمه تعطيها دروس خصوصيه ف قلت لها كل يوم عطيه 10 دقايق يلون معاج وبزيدج فلاس طبعا وجبت هديه وعطيتها تعطيه ولا شي فايده ثاني يوم اول ما جلس بيلون قال فيه هديه ولا لا قالت امبلا فيه بس انت الاول لون شوي ورمى القلم وقعد يطلع يمين يسار طلعته برا الغرفه للعلم هي 3 مرات عطته هديه بس احس مايبا يلون بس زي الي ينتظر الهديه وبيقوم خلاص

 

[الأمل بالله]

رد: ابي راايكم في حالت ابني الله يخلييييكم

أنصح بالخلطة مع أقرانه الطيبين فقط
وإحضاره لحفلات الأطفال التي تقيمها المراكز المتخصصة والفرح الدائم أمامه
أقول هذا الكلام لأن أحد الجيران عنده مثل حالة ابنك - شفاه الله - وهناك تقدم كبير في حالته

 

[ام غزال]

رد: ابي راايكم في حالت ابني الله يخلييييكم

أنصح بالخلطة مع أقرانه الطيبين فقط
وإحضاره لحفلات الأطفال التي تقيمها المراكز المتخصصة والفرح الدائم أمامه
أقول هذا الكلام لأن أحد الجيران عنده مثل حالة ابنك - شفاه الله - وهناك تقدم كبير في حالته

مشكوورة انتي هني ما شاء الله

 

[ام محمود]

رد: ابي راايكم في حالت ابني الله يخلييييكم

ام غزال اتمني تقرئي هذا الموضوع
http://mahmod123.blogspot.com/2009/02/blog-post_4104.html
نشاطات تعديل السلوك وزياده الانتباه وبامر الله يفيدك مع ابنك