عضوة جديدة وكلي امل ان تقرأو معاناتي و مساعدتي

[ام متفائلة]

السلام عليكم ورحمة الله وبركاته اني عضوة جديدة وياكم بالمنتدى اتمنى تقبلوني اخت بينكم و ان شاء الله افيد واستفيد
بالنسبه الي اكيد هذا راح يكون اول موضوع الي والي راح اتكلم بيه عن ابني و راح يكون بالتفصيل شويه لان طالبه مساعدتكم بعد الله لاني يشهد الله في حيرة من امري وبالرغم من الفحوصات و النتائج لم افهم شنو مرض ابني وللاسف ماكدرت الكى احد حالته شبيهه بحالة ابني الغالي
بداية ابني عمره 4 سنوات ولادتي بيه جانت قيصريه بس ماتصور وقت الولادة صارت ظغوطات او مشاكل اثرت على صحة ابني
اول سنه كان عادي جدا بس كنت احس انه اكو فرق شويه بينه و بين ابن عمه الي يكبره بثلاث اسابيع فقط بس كلنا يمكن فروقات بسيطة تصير بين الاطفال كنت احس انه ابني مايتعرف عليا واذا بعدت عنه مايهمه و كنت افرح بهالشي ماكنت اعرف انه هالشي نقمه ومو نعمه
مايتكلم الا كلمات بسيطة جدا و استمر لحد عمر 3 سنوات مجرد كلمات لا اكثر و تطوره بالفهم على كدة يعني اكو فرق واضح بنيه وبين اقرانه الي مثل عمره
دخلته روضه على سن سنتين و8 شهور و استدعوني بعد مرور 3 اشهر وقالولي احنا نتوقع انه ابنج مايسمع سويله فص سمع رحت سويتله الفحص وكان سليم والحمد لله ابني كان لمن ينادوله مايستجيب واحنا هم لازم اكثر من مرة تواصله البصري جيد جدا ماشاء الله و يضحك عادي مع الغرباء و يسلم يعني تواصله الاجتماعي جيد والحمد لله
شكينا انه توحد من خلال اطلاعي وقرائتي الكثيرة عن هالمرض وجدت اشياء كثيرة مشتركه و بعض الاشياء ماتنطبق على ابني فقررت اني اسويله فحص اتاكد طبعا خلال هالفترة نقلناه على روضه ثانيه و نفس الشي بعد مرور 3 شهور استدعونا و قالولنا انه الولد يحب يلعب وحده انطوائي و انا استغربت لاني اعرف انه ابني مو انطوائي و انه يتصرف تصرفات غريبه و يتصرف كانه طفل عمره سنه مو 3 سنوات و لازمه رعايه خاصه لانهم ما يقدرون يسيطرون عليه الفصل بيه 16 طفل و من هاليوم اتاكدت انه ابني يعاني من التوحد و دخلت بهالدوامه الله لا يراويها لاحد ويبعدها عن البشر خصوصا بالضنى لا انام ليل ولا نهار ولا اكل ولا اشرب المشكلة اكو شي بداخلي يكولي ابنج مو توحد و مرات من اشوف تصرفاته و اتذكر الفيديوات الشايفتها اكول لاتوحد الحمد لله على كل حال طبعا هما حسسوني انهم شاكين يكون توحد بس ماكلولياها بصريح العبارة فسوينا موعد بالمستشفى نسويله فحوصات كامله طبعا ست اشهر احنا بس ننتظر الموعد و اني طول هالفترة اعاني والله وحده العالم حسبه تجيبني وحسبه توديني و بعد مرور ست اشهر اجانا القبول اقامه بالكستشفى مدة اربع اسابيع يسوله فحوصات كامله ويشرفون عليه خمس اطباء خلال هذه المدة اعصاب نفسي فيزيائي اخصائي توحد و اخصائي تخاطب هذا غير الدورات الي جانو يودوه الها مال تخاطب وحركة و روضه كل يوم لمدة لا ت3ل عن 3 ساعات
طبعا من اول جلسه استبعدو وجود التوحد لان الطفل نظراته لا تدل على ذلك لكن بنفس الوقت لاحظة بعض التصرفات مثل التصفيق و الرفره من يفرح بس طبعا ابني ماعنده حركة دائميه يسويها او لعبة معينه يظل يلعب بيها طول الوقت وينسا نفسه ممكن السيارات بس مجرد اني ابعده عنها بالاول يبكي بس بعدين عاد ينسى بس المهم يلعب بيها دائما بس اقدر ابعده عنه او اخبيها
المهم بعد مرور 3 اسابيع قالولي انه الطفل عنده شي ترجمته من الالماني الى العربي حسب ماطلعته اظطراب النمو العقلي mentale entwicklung störung وحسب ما قريت عنه اكتشفت انه تخلف مادري صح او لا وطبعا بيه درجات وهما ماقالولي شنو الدرجة ولا شي و بنفس الوقت ماتاكدين ميه بالميه وعلى اساس اعيد الفحص بعد 3 سنوات حتا يتاكدون مستوى عمره العقلي اصغر بسنه ونص الى سنتين الحركة عنده ضعيفه يعني توازن حركي جدا ضعيف عنده رخو بالعضلات مع التدريبات بدا يتحسن والحمد لله جسمه طبيعي جدا شكله عادي راسه ايضا سويناله تخطيط الدماغ طلع سليم والحمد لله مايعاني من كهرباء ولا حساسيه و لا اي شي يعني صحته العامه ممتازة والحمد لله الله يحفظه و يخليه بس لحد الان يا جماعه اني مدا اعرف ابني شنو مشكلته هل هو توحد ام تخلف ام اعاقه والله اني بحيرة من امري و المفروض بعد 3 سنوات اعيد الفحص واذا اتضح عره العقلي ضعف مثل هسه قالولي كارثه زين شلون اوصله لعمره الحقيقي مع العلم عنده اخ اصغر منه بسنتين حاليا اشوف تصرفاته هوايه تفرق عن اخوه يعني هو يفهم اكثر بحكم اكبر منه يعني مبين انه اكبر ويفهم اكثر هذا المجنني شلون حددو عمره سنتين و كمت اشك بابني الثاني اكول ممكن يكون مريض هو الثاني مع انه كل تصرفاته تدل على انه طفل طبيعي والحمد لله بس لحد الان مايتكلم بس يتكلم نفس طريقة اخوه بحكم اختلاطه بيه وبعض الكلمات البسيطة يارب رحمتك
بالنسبه لابني هل سمعتو مثل هالحاله علما انه نظف من البامبرز والحمد لله يورح الحمام وحده بس اكو مشكلة نواجها انه عنده خوف شديد من حمامات الي تكون برا المنزل ويفضل يسوي بالشارع بزاويه على انه يسوي بيها وماقدرنا نفهم السر و مرات يقتنع ويسوي
ياكل وحده ويشرب بس عنده رخو بالعضلات مثل ماكلت يعرف ينزع ملابسه ويلبس مع مساعده قليله ومرات مايحتاج
يعني يحب يعتمد على نفسه
ابني مايسال هذا شنو و يستفسر مثل باقي الاطفال بس من اعلمه على شي يحب يتعلم يعني قابل للتعلم
بالفترة الاخيرة اتعلم هوايه اشياء بعد الدروس و صارت عنده حصيله كلمات كبيرة بالالماني والعربي بس جمل للاسف لحد الان مايركب الا كم جمله ومرات يحاول طبعا غلط بس محاوله ماعرف ابني راح ينطق او لا اتمنى انزللكم فيديو لابني حتا تقدرون تحكمون عن مرض ابني بما انه عدكم خبرة بس ماعرف وين انزله والله اني بحيري من امري ماعرف ابني من شنو يعاني مرات اشوفه عادي ويفتهم ماشاء الله مرات يسوي حركات غريبه مع انه يفهم كلامي صاير حتى المستقبل يفهمه بس هم مو مثل اقرانه قولولي اكو امل بابني هل راح يصير انسان طبيعي مو شرط يتعلم ويصير مهندس او دكتور اهم شي طبيعي يتزوج ويشتغل هل راح يقدر ادري العلم عند الله بس ارجوكم قولولي سامعين بهيجي حاله وشنو هالشي مال النمو العقلي والله ماسامعه بيه بحياتي هل هو تاخر و التاخر هذا راح يصير عادي يعني يلحق عمره لو دماغه يتوقف ابالي ميت سءال و هنا مايجابون على كد السءال و اسفه طولت عليكم بس حبيت افضفض وبنفس الوقت استفيد من خبراتكم ​

 

[ام متفائلة]

رد: عضوة جديدة وكلي امل ان تقرأو معاناتي و مساعدتي

نسيت اكولكم اخر تطوراته انه ابني يتعرف عليا ويعرف اني بابا وماما وكل الاشخاص همين و من اناديه يرد علينا راسا عادي و يلعب ويانا يعني تقريبا التوحد استبعدناها ولو موجود فنسبة قليله بس باقي التاخر مادري شنو وليش مايتكلم وشنو سر الرخو بعضلاته يارب رحمتك

 

[تناهيد]

رد: عضوة جديدة وكلي امل ان تقرأو معاناتي و مساعدتي

ينقل لقسم التوحد ليجد حقه من النقاش والتفاعل

 

[ولادي حبايبي]

رد: عضوة جديدة وكلي امل ان تقرأو معاناتي و مساعدتي

ربنا يشفيه يارب ويطمنك عليه

 

[مذهلة]

رد: عضوة جديدة وكلي امل ان تقرأو معاناتي و مساعدتي

اهلا وسهلا بيج اختي الكريمة بمنتدانا
نووورتي المنتدى

الله يطمنج على ولدج ويشفيه ويعافيه ويفرحج فيه يارب


ان شاء الله المختصين يجاوبونج على استفساراتج​

 

[ام متفائلة]

رد: عضوة جديدة وكلي امل ان تقرأو معاناتي و مساعدتي

الى الان انتظر جواب مشكورين عالدعاوي

 

[ابو اليث]

رد: عضوة جديدة وكلي امل ان تقرأو معاناتي و مساعدتي

السلام عليكم
في البداية ان شاء لله ما يكون في شئ الولد وتفرحي في ويكون احلى عريس
ثانيا ممكن يكون عنده نسبه توحد اضافه الى تاخر بالعمر وهذا الشئ موجود عند عدد من اطفال التوحد ..ابني ليث عمره 3 سنوات وشهرين لكن تصرفاته لطفل عمره سنه ونص وربي يشافي وعند

 

[بأمل نعيش]

رد: عضوة جديدة وكلي امل ان تقرأو معاناتي و مساعدتي

ان شاء الله يشافيه ويعافيه...