// فــزعــتكــم \\

[أحساس قلب]

السلام عليكم ورحمة الله وبركاته
والصلاة والسلام على رسول الله

بدايةً أرجوا من الله ان تكونوا جميعكم بصحه وعافيه

/
\
/
\
/
\
/
بسبب استخدامي لوسيلة النقل السياره وبشكل يومي للذهاب والعوده من الدوام وباقي مشاويري الخاصه
فكرت بضرورة امتلاكي لسياره مجهزه لذوي الاحتياجات الخاصه تخلصني من كل متاعبي.. :10:
أتى دوركم يا أعضاء المنتدى في مساعدتي بكل ماتملكون من معلومات لاتخيبوا أملي فيكم

إلي يعرف وكالات أو أرقام ناس تبيع سيارات للمعاقين في دولة الامارات مستعمله أو تجهزها بالإضافات اللازمه .. بلــيز لايبخل علينا

وياريت من أصحاب السيارات الخاصه يفيدونا بنصايحهم وتجاربهم وما هو الافضل وكم تكون التكلفه وإلـــخ...:5:

//يلا أريــــد فــزعــتكــم \\

أرشدوني

أنصحوني

ساعدوني



:13:





​

 

[تناهيد]

رد: // فــزعــتكــم \\

يعطيك العافيه اختي الكريمه
اتصور ان اعاقتك في الجزء السفلي لذا عملية القياده سهله بالنسبة لك طالما يديك سليمتين ولا تحتاجي الى سياره بمواصفات خاصه انما انتي بحاجه لسياره ذات ناقل حركه (الجير) يكون اوتماتك ويتوفر اجهزه لقيادة السياره تركب في اي سياره وبهذا الحهاز تقدر تسوقي عادي لانك راح تتحكمي في البترول والفرامل باليدين بدل الرجلين والجهاز فكرته بسيطه وسعره رخيص ومتوفر
في الامارات الاكيد الاخوه راح يفيدوك بمكان بيعه عندنا في عمان متوفر في جمعية رعاية المعاقين جهاز الماني بسعر 170 ريال اي 1700 درهم والتركيب حدود 300 درهم او اقل

 

[سعــــــد]

رد: // فــزعــتكــم \\

هلا اختي عساج دوم في صحة وعافية.. هل تقدري تسوقي ؟ شو اعاقتك بالظبط والمستوى؟ لازم تتعلمي اول شي بمعهد السواقة. عندكم في دبي الامور طيبة ...
مسئلة السيارة عادية جدا لانك انتي بس راح تركبين فيها الجهاز للقيادة . يعني عادي اي سيارة في بالك مره.يصلح الجهاز.يركبون الاجهزة عندكم في نادي الثقة للمعاقين في دبي او في الشارقة .. انا مركب جهاز لسيارتي
كامري 2009 في نادي الثقة في الشارجة والحمدلله اسوق عادي جدا وتعودت عليه .. لاتنسي التقارير الطبية ..لازم تيبي تقرير طبي للشرطة عشان بانك تقدري تسوقي ومافي
اي مشكلة تعيقك.عشان يسوو لج الليسن ..

 

[صمت الغروب]

رد: // فــزعــتكــم \\

وفقكِ الله أختي أحساس قلب
أنا أستخدم سيارة بالمواصفات اللي ذكروها الإخوان

 

[ميهاربا]

رد: // فــزعــتكــم \\

شو اعاقتج و شو انواع من السيايير اتدورين انا سيارتي فيها لفت و نوعها van

 

[روح]

رد: // فــزعــتكــم \\

يــآ خسـآره والله ودي أسـآعدج ..
لأنه ترآآ إحنـآآ قرآآب و ماشي فرق بينـآآ ..

أتمنى إنه حد يفيدج ..

موفقه يارب ..

روح..

 

[أحساس قلب]

رد: // فــزعــتكــم \\

هل تقدري تسوقي ؟ شو اعاقتك بالظبط والمستوى؟

بالنسبه لوضعي الصحي مايسمح لي بالسواقه أبداُ
والجهاز إلي يتركب فالسيارات إلي ذكروه الاخوان ماينفع لحالتي

​

 

[أحساس قلب]

رد: // فــزعــتكــم \\

شو اعاقتج و شو انواع من السيايير اتدورين انا سيارتي فيها لفت و نوعها van

ما راح أطرق لتفاصيل الاعاقه بشكل مفصل بس بوضح على عدم قدرتي على قياده السياره

ماعرف شو هي انواع السيارات إلي تناسب دخول الكرسي المتحرك بشكل كامل للسياره ولهذا السبب طالبه مساعدتكم
ياريت تعطينا تفاصيل أكثر عن سيارتك خاصةُ تكلفتها ..:13:
/
\
وشكراً للجميع..:2:​

 

[تناهيد]

رد: // فــزعــتكــم \\

طالما انك ما تقدري تسوقي فانتي بحاجه ل van يركب لها مدرج او لفت كهربائي حسب الامكانيات المتاحه وبهذه الطريقه تقدري تدخلي السياره وانتي على الكرسي دون مساعده
حملي الملف الموجود بهذا الموضوع وستجدين فيه صور لمدارج كراسي خاصه بسيارات الفان وفيه صور للسيارات
http://www.t7di.net/vb/showthread.php?p=522589#post522589

واتمنى من الاخ ميهاريا يضع لنا صور للفان اللي عنده وتجهيزاتها ليستفيد الجميع

 

[أحساس قلب]

رد: // فــزعــتكــم \\

الاخ تناهيد كما أعتدنا عليك سباقـاُ للخير
لا حرمك الله أجر ما أفدتني به وماسوف يستفيد به غيري
لك مني جزيل الشكر على حرصك وأهتمامك

 

[سعــــــد]

رد: // فــزعــتكــم \\

هل تقدري تسوقي ؟ شو اعاقتك بالظبط والمستوى؟

بالنسبه لوضعي الصحي مايسمح لي بالسواقه أبداُ
والجهاز إلي يتركب فالسيارات إلي ذكروه الاخوان ماينفع لحالتي

​

الله يعينج ويقويـيييييييك !

 

[سعــــــد]

رد: // فــزعــتكــم \\

انزين اختي هل تقدري تنقلي نفسج من الكرسي الى السيارة والعكس؟
اذا ماتقدري اكيد انتي محتاجة سيارة فان واذا تقدري تنقلي نفسج. شوفي لج سيارة عادية
صالون ويا دريول سواق وانشالله الامور بتكون ايسر !

 

[مهتمة]

و عليكم السلام و رحمة الله

و عليكم السلام و رحمة الله

أرشدوني

أنصحوني

ساعدوني

طيب ينفع ندعي بس
:14:

و نطلع خاصة أن ( بالسواقة ) مالنا أي خلفية

موفقة في كل درب
و يحفظك ربي من كل جنب
و كل من رد

صباح الورد


​

 

[أحساس قلب]

رد: و عليكم السلام و رحمة الله

رد: و عليكم السلام و رحمة الله

طيب ينفع ندعي بس
:14:​

و نطلع خاصة أن ( بالسواقة ) مالنا أي خلفية​

موفقة في كل درب
و يحفظك ربي من كل جنب
و كل من رد​

صباح الورد​

أختي الغاليه مهتمه هالدعوه تسوا مليون سياره ومليون ونصيحه
وهذا بحق أشد ما أحتاجه دعوه صادقه
لا حرمني الله صدق أخوتكي
و كل من رد ,,ماقصروا أعضاء المنتدى يستاهلون هالدعوه
​

 

[أحساس قلب]

رد: // فــزعــتكــم \\

هلا اختي عساج دوم في صحة وعافية.. هل تقدري تسوقي ؟ شو اعاقتك بالظبط والمستوى؟ لازم تتعلمي اول شي بمعهد السواقة. عندكم في دبي الامور طيبة ...
مسئلة السيارة عادية جدا لانك انتي بس راح تركبين فيها الجهاز للقيادة . يعني عادي اي سيارة في بالك مره.يصلح الجهاز.يركبون الاجهزة عندكم في نادي الثقة للمعاقين في دبي او في الشارقة .. انا مركب جهاز لسيارتي
كامري 2009 في نادي الثقة في الشارجة والحمدلله اسوق عادي جدا وتعودت عليه .. لاتنسي التقارير الطبية ..لازم تيبي تقرير طبي للشرطة عشان بانك تقدري تسوقي ومافي
اي مشكلة تعيقك.عشان يسوو لج الليسن ..

أخوي سعد
بما إنك مركب جهازك بنادي الثقه ياريت تخبرنا عن التكلفه كم كلفتك وكم استغرقت من الوقت
وهل هم يركبون أجهزه أخرى مثل المنحدرات الحديده ما اعرف اسمها بالضبظ غير إلي بسيارتك
وشكراً لك​

 

[سعــــــد]

رد: // فــزعــتكــم \\

أخوي سعد
بما إنك مركب جهازك بنادي الثقه ياريت تخبرنا عن التكلفه كم كلفتك وكم استغرقت من الوقت
وهل هم يركبون أجهزه أخرى مثل المنحدرات الحديده ما اعرف اسمها بالضبظ غير إلي بسيارتك
وشكراً لك​

هلا اختي انا ركبت الجهاز بنادي الثقة الشارجة والله كلفني 2500 والوقت تقريبا ساعة لين مايظبطه ولازم محتاج مخرطة بعد يعني لازم تروح الصناعية شوي وتسوي
المخرطة هناك هو الريال اللي يركب بسوي كل شي وهو عارف كيف..المخرطة محتاجه يسوي براغي وحدايد عشان يركبه تحت وين صوب المكابح والفرامل..بالنسبة
لنوع الجهاز هي عبارة عن "قبظة دويرية" لما تفريها على الجنب يعطي ريس ولما تدوسي الي الامام "يضرب بريك" طبعا باستخدام الاييد اليمين..هذه النوعية اللي هي
اكثر استخداما على حسب ماقالي الريال مادري اذا عندهم نوعية ثانية مثل ماقلتي المنحدرات الحديدية ؟؟ مادري والله !
الافضل اتصلي فيهم وخبريهم عن حالتج وعن نوع الجهاز اللي تبيه وراح يردو عليج اذا مقدور على حالتج ولا لا وانشالله خير !

 

[أحساس قلب]

رد: // فــزعــتكــم \\

ماقصرت أخوي سعد معلومات كافيه ووافيه
جزاك الله خير​

 

[نجمة الفرسان]

رد: // فــزعــتكــم \\

وفقكِ الله أختي أحساس قلب
والله ماعندي اي فكرة فموضوعك

 

[الدانه]

رد: // فــزعــتكــم \\

الله يكون بعونك يااااارب
اسال الله لك ِ الشفا

 

[أحساس قلب]

رد: // فــزعــتكــم \\

شكراً لكن خواتي الكريمات
على مروركن الطيب​