التنبيهات
  التصفح للزوار محدود

// فــزعــتكــم \\

رد: // فــزعــتكــم \\

تناهيد قال:
طالما انك ما تقدري تسوقي فانتي بحاجه ل van يركب لها مدرج او لفت كهربائي حسب الامكانيات المتاحه وبهذه الطريقه تقدري تدخلي السياره وانتي على الكرسي دون مساعده
حملي الملف الموجود بهذا الموضوع وستجدين فيه صور لمدارج كراسي خاصه بسيارات الفان وفيه صور للسيارات
http://www.t7di.net/vb/showthread.php?p=522589#post522589

واتمنى من الاخ ميهاريا يضع لنا صور للفان اللي عنده وتجهيزاتها ليستفيد الجميع
اضغط للتوسيع...
اهلا الاخ تناهيد حاولت احطي الصور لكن لم استطيع لا اعرف شو المشكله
 
رد: // فــزعــتكــم \\

مرحبا انتي اماراتيه الحكومه الله يحفظها تشتري لج اللفت و تجهز سيارتج بل كامل لكن انتي قرري شو انواع من السيارات تريدين انا عندي شفرليه فان و اذا عندج سائقه فلن تستطيع سواقت شفرليه ابحثي عن سياره فان صفيره مثل هايونداي
 
رد: // فــزعــتكــم \\

ميهاربا قال:
مرحبا انتي اماراتيه الحكومه الله يحفظها تشتري لج اللفت و تجهز سيارتج بل كامل لكن انتي قرري شو انواع من السيارات تريدين انا عندي شفرليه فان و اذا عندج سائقه فلن تستطيع سواقت شفرليه ابحثي عن سياره فان صفيره مثل هايونداي
اضغط للتوسيع...

" الحكومه "
اخوي هل سبق وجهزت لك الحكومه شي يتعلق بسيارتك
او تعرف ناس وفرت لهم بشكل مجاني
فياريت تخبرنا أي جهه إلي تسوي كل هذا "مجاناً "

بالنسبه لنوع السياره ابغي اعرف التكلفه لأني بتحمل تكلفتها بروحي
شو الافضل من الوكاله ولا مستعمله

وننتظر الصوره​
 
رد: // فــزعــتكــم \\

مرحبا انا جهزت سيارتي في ابوظبي مستشفى خليفه ببلاش وضمان مدى الحياه سوي بطاقه ثقه ببلاش وروحي عند دكتور التاهيل وهو بيطلب لج الي تحتاجين وبجهزون سيارتج بعد ما يشوفون السياره وياخذون القياسات اللفت مع تثبيت الكرسي في السياره وحزام امان لج يعني فول سيفتي انا من راس الخيمه حاولت والله وايد لكن لم استطيع ان ارفق الصور بخصوص الانواع ابحثي في قوقل سيارات فان للمعاقين خذي سياره يديده عن تخترب المستعمله خاصه الاجانب ما يعرفون يسوقون بعض الوكالات يجهزون السياره للمعاقين مثل وكاله قرقاش و الكندي للسيارات اتذكر ان الكندي يبيع سيارات فان مثل سيارات الاسعاف بدون سيتات وبدون تلفزيون وبدون ثلاجه على مائه وخمس عشرين الف درهم تكون السياره موديل السنه او 2011 ويديه على زيرو و المسعود للسيارات في ابوظبي يجهزون السيارات حتى لو كانت السياره مش من عندهم شارنها مثل سيارتي جهزته عندهم عن طريق مستشفى خليفه ابوظبي واي استفسار انا حاضر وفي الخدمه وحياج الله
 
التعديل الأخير:
رد: // فــزعــتكــم \\

ميهاربا قال:
مرحبا انا جهزت سيارتي في ابوظبي مستشفى خليفه ببلاش وضمان مدى الحياه سوي بطاقه ثقه ببلاش وروحي عند دكتور التاهيل وهو بيطلب لج الي تحتاجين وبجهزون سيارتج بعد ما يشوفون السياره وياخذون القياسات اللفت مع تثبيت الكرسي في السياره وحزام امان لج يعني فول سيفتي انا من راس الخيمه حاولت والله وايد لكن لم استطيع ان ارفق الصور بخصوص الانواع ابحثي في قوقل سيارات فان للمعاقين خذي سياره يديده عن تخترب المستعمله خاصه الاجانب ما يعرفون يسوقون بعض الوكالات يجهزون السياره للمعاقين مثل وكاله قرقاش و الكندي للسيارات اتذكر ان الكندي يبيع سيارات فان مثل سيارات الاسعاف بدون سيتات وبدون تلفزيون وبدون ثلاجه على مائه وخمس عشرين الف درهم تكون السياره موديل السنه او 2011 ويديه على زيرو و المسعود للسيارات في ابوظبي يجهزون السيارات حتى لو كانت السياره مش من عندهم شارنها مثل سيارتي جهزته عندهم عن طريق مستشفى خليفه ابوظبي واي استفسار انا حاضر وفي الخدمه وحياج الله
اضغط للتوسيع...

أخوي ميهاربا ماعليك زود ..
بالنسبه لمستشفى خليفه شو يطلب غير بطاقة الثقه فحوصات طبيه أو لجنه او اوراق عن الحاله الصحيه او تقديم طلب إلخ
كم خذ منكم من بديتو فالمستشفى لين ما سلموك السياره جاهزه سنه ولا شهور ولا اسابيع
وهل هالخدمه لحاملين خلاصة القيد او للي جوازاتهم من أبوظبي فقط..
إلى فهمته من كلامك أنهم بس يتكفلون بتركيب الاجهزه والسياره تكون عندنا
سيارات الوكالات أكثر من رائعه لكن عيبها سعرها خاصةً إذا بيجهزونها لمعاق يستغلون حاجتنا الماسه لها
إذا ممكن رقم قسم التأهيل عندهم للأستفسار او اي رقم بيساعدنا​
 
التعديل الأخير:
رد: // فــزعــتكــم \\

سعــــــد قال:
هذا فيديو لسيارة فان صغيرة من نوع هوندا مجهزه اوولريدي بكل شي اسألي عنها هنيه
في وكالة الهوندا عندنا في الامارات يمكن متوفرة

http://www.youtube.com/watch?v=bccpoaz_kpg


http://www.youtube.com/watch?v=3ytjvnany5q
اضغط للتوسيع...

سعــــــد شكراً على مقاطع الفيديو مثل ماقلت راح استفسر عهنا فالوكاله
​
 
رد: // فــزعــتكــم \\

بالنسبة لمستشفى خليفة بتكون بالنسبة لج شغلانة من اول ويديد اول شي لازم تفتحي ملف عندهم
ولازم تيبي تحويل على مااظن من المستشفى اللي كنت تتعالجي عندهم الى مستشفى خليفة صوري لهم
صورة جواز وصور خلاصة القيد احتياطا مادري ماله لزمه على مااظن وبعدين تقابلي اخصائي التاهيل
واشرحي له ظروفج وانك تبي سيارة مجهزه لحالتك وانشالله خير ..مستشفى خليفة والله صراحة مايقصروا موول
 
رد: // فــزعــتكــم \\

مرحبا بس بطاقه ثقه اذا عندج .. بطاقه ثقه ضروريه في الموضوع سويها في ابوظبي ما شي مكان غير العاصمه مب مهم الجنسيه من اي اماره يريدون خلاصه قيد وجواز السفر وصوره شخصيه وحده وبيرسلون البطاقه بعد اسبوع عن طريق الامبوست مب شرط انج تروحين اي حد يسويلج البطاقه قبل ما تستلمين البطاقه حاولي تاخذين تحويله عشان تستفيدين من الوقت واذا ما عطوج تحويله روحي الطوارئ انج مريضه صداع مثلا واطلبي من الدكتور يحولج بيحولج ان شاء الله بعد ما طلبت اللفت من الدكتور استلمته بعد ثلاث شهور تقريبا رحت الشركه بعد ما ياهم امر للشراء خذوه المقاسات وصور للباب وارسلوها امريكا وخذيت رقم الرجال وتواصلت وياه اخترت النوع اللفت ويابلي نفس النوع الذي طلبته يشترون اللفت بس مب السياره اتصلي مستشفى اطلبي قسم التاهيل وتكلمي مع ممرضه اسمها مها وقوليلها اريد اقابل الدكتور وسطي هو ريال طيب واذا تريدين تتاكدين اطلبي موعد بدون بطاقه ثقه ب300 درهم على ما اعتقد اتاكدي منها بكم مقابله الدكتور مده نصف ساعه واسئلي الدكتور هل تستطيع ان تطلبلي لفت واهم شي مسئول علاج الطبيعي هو مب دكتور لكن الدكتور يساله وياخذ رايه ولكن الامور مش معقده توكلي على الله وروحي بتتحررين واهم شي الحريه انا حاضر باي استفسار
 
رد: // فــزعــتكــم \\

ميهاربا قال:
مرحبا بس بطاقه ثقه اذا عندج .. بطاقه ثقه ضروريه في الموضوع سويها في ابوظبي ما شي مكان غير العاصمه مب مهم الجنسيه من اي اماره يريدون خلاصه قيد وجواز السفر وصوره شخصيه وحده وبيرسلون البطاقه بعد اسبوع عن طريق الامبوست مب شرط انج تروحين اي حد يسويلج البطاقه قبل ما تستلمين البطاقه حاولي تاخذين تحويله عشان تستفيدين من الوقت واذا ما عطوج تحويله روحي الطوارئ انج مريضه صداع مثلا واطلبي من الدكتور يحولج بيحولج ان شاء الله بعد ما طلبت اللفت من الدكتور استلمته بعد ثلاث شهور تقريبا رحت الشركه بعد ما ياهم امر للشراء خذوه المقاسات وصور للباب وارسلوها امريكا وخذيت رقم الرجال وتواصلت وياه اخترت النوع اللفت ويابلي نفس النوع الذي طلبته يشترون اللفت بس مب السياره اتصلي مستشفى اطلبي قسم التاهيل وتكلمي مع ممرضه اسمها مها وقوليلها اريد اقابل الدكتور وسطي هو ريال طيب واذا تريدين تتاكدين اطلبي موعد بدون بطاقه ثقه ب300 درهم على ما اعتقد اتاكدي منها بكم مقابله الدكتور مده نصف ساعه واسئلي الدكتور هل تستطيع ان تطلبلي لفت واهم شي مسئول علاج الطبيعي هو مب دكتور لكن الدكتور يساله وياخذ رايه ولكن الامور مش معقده توكلي على الله وروحي بتتحررين واهم شي الحريه انا حاضر باي استفسار
اضغط للتوسيع...
السلام عليكم ..
خلاصه قيد وجواز السفر عشان البطاقه ولا
وشو سالفة هالتحويله :20:
بليز اشرح بشكل مبسط اكثر
زين اقدر اتصل وآخذ موعد واسير للدكتور بدون بطاقه واشرح له وضعي وشو احتاج وإلخ
:17:لازم اكلم مها مايصير حد غير والدكتور وسطي هو الوحيد إللي مختص بهالأمور
​
 
رد: // فــزعــتكــم \\

سعــــــد قال:
بالنسبة لمستشفى خليفة بتكون بالنسبة لج شغلانة من اول ويديد اول شي لازم تفتحي ملف عندهم
ولازم تيبي تحويل على مااظن من المستشفى اللي كنت تتعالجي عندهم الى مستشفى خليفة صوري لهم
صورة جواز وصور خلاصة القيد احتياطا مادري ماله لزمه على مااظن وبعدين تقابلي اخصائي التاهيل
واشرحي له ظروفج وانك تبي سيارة مجهزه لحالتك وانشالله خير ..مستشفى خليفة والله صراحة مايقصروا موول
اضغط للتوسيع...
السلام عليكم..
انا بحاول اسوي إللي اقدر عليه والتسهيل من عند الله سبحانه وتعالى
بالنسبه لمؤمسسة محمد بن راشد وهيئة تنمية المجتمع
ماعندك فكره عنهم ​
 
رد: // فــزعــتكــم \\

أحساس قلب قال:
السلام عليكم ..​


خلاصه قيد وجواز السفر عشان البطاقه ولا
وشو سالفة هالتحويله :20:
بليز اشرح بشكل مبسط اكثر
زين اقدر اتصل وآخذ موعد واسير للدكتور بدون بطاقه واشرح له وضعي وشو احتاج وإلخ
:17:لازم اكلم مها مايصير حد غير والدكتور وسطي هو الوحيد إللي مختص بهالأمور ​
اضغط للتوسيع...
وعليج السلام هي خلاصه القيد وجواز السفر ع يل كيف بيعطونج بطاقه شو ما فيها شي بيشوفونها وبيردونها نفس الوقت وانتي عندهم لا تحويله ولا شي اتقولين اشرح بشكل مبسط شو ما فهمتي :17: اتصلي المستشفى وخذي موعد بدون بطاقه ب350 درهم كلمي مها لازم مها ما يصير حد غير عن الدكتور يعني منو ب يطلبلج اللفت دكتور تاهيل وهو الذي ب يطلبلج اللفت حتى اذا تحتاجين كرسي متحرك او سرير او حتى كرسي كهربائي او اي شي تحتاجينه ما ادري اذا دكتور وسطي هو الوحيد الي مختص او لا شو المشكله انج تروحين عنده انا قلت لج الاختصار هو الي طلبلي اللفت يعني الريال عارف الموضوع يمكن الدكاتره غير ما يطلبون لج هذا عنده علم في الموضوع ودكتور تاهيل هذا اختصاصه وانا مستعد لاي استفسار اخر لازم مها او الدكتور وسطي الوحيد ولا مب وحيد ركزتي في اسئله برع الموضوع وحياج الله واتمنالج التوفيق اسئل الله العظيم رب العرش العظيم ان يشفيج لا تحتاجين مها ولا وسطي ولا اللفت وشكرا
 
التعديل الأخير:
رد: // فــزعــتكــم \\

يالله توكلي على الله وسيري مستشفى خليفة اتصلي فيهم اول شي وسوي موعد
وخذي وياج صورة الجوازمالج عشان تفتحي ملف هناك ويكون العلاج هناك انشالله للمستقبل
اي شي يصير او محتاجه اي شي من مستلزمات الاعاقة بس كل شي عندهم وهم مابقصروا وياج
بشوفوا حالتج بالعكس بساعدوج وبراعووووج
 
رد: // فــزعــتكــم \\

ميهاربا قال:
وعليج السلام هي خلاصه القيد وجواز السفر ع يل كيف بيعطونج بطاقه شو ما فيها شي بيشوفونها وبيردونها نفس الوقت وانتي عندهم لا تحويله ولا شي اتقولين اشرح بشكل مبسط شو ما فهمتي :17: اتصلي المستشفى وخذي موعد بدون بطاقه ب350 درهم كلمي مها الحين جي انتي تعرفين مها اونه لازم مها ما يصير حد غير شو هذا السؤال يعني تبين اقولج كلمي سكرتيره دكتور القلب مثلا:5: ايواه لازم مها ولا انتي متزاعله منها لو متزاعله منها خلي حد غيرج يكلمها :1:عن الدكتور يعني منو ب يطلبلج اللفت دكتور انف واذن وحنجره مثلا تراني اقولج تاهيل وهو الذي ب يطلبلج اللفت حتى اذا تحتاجين كرسي متحرك او سرير او حتى كرسي كهربائي او اي شي تحتاجينه ما ادري اذا دكتور وسطي هو الوحيد الي مختص او لا شو المشكله انج تروحين عنده ليكون زعلانه منه بعد انا قلت لج الاختصار :1:هو الي طلبلي اللفت يعني الريال عارف الموضوع يمكن الدكاتره غير ما يطلبون لج هذا عنده علم في الموضوع ودكتور تاهيل هذا اختصاصه وانا غير مستعد لاي استفسار اخر اذا هذه اسألتج لازم مها او الدكتور وسطي الوحيد ولا مب وحيد نحنه في سالفه وركزتي في اسئله برع الموضوع وحياج الله واتمنالج التوفيق اسئل الله العظيم رب العرش العظيم ان يشفيج لا تحتاجين مها ولا وسطي ولا اللفت وشكرا
اضغط للتوسيع...
لاحول ولا قوة إلا بالله العلي العظيم
/​

أخوي ميهاربا انا يوم سألت عن الشخصين المذكورين لم أقصد الاهانه أو الاستخفاف بالموضوع مثل ماظنيت
شو ما فهمتي ,يعني منو بيطلبلج اللفت دكتور انف واذن وحنجره,ولا انتي متزاعله منها لو متزاعله منها خلي حد غيرج يكلمها,شوالمشكله انج تروحين عنده
"ليكون زعلانه منه بعد "
ومافيه داعي لهذا الاسلوب, والاستهزاء القوي الواضح
انا قلت لج الاختصار
صحيح انته قلت لي الاختصار ولاتنسى انك أيضاً عرضت مساعدتك اكثر من مره ولهالسبب أناحبيت اتعمق بالأسأله اكثر عشان تكون عندي معلومات كافيه
"وماكان قصدي اني أثير عصبيتك"
وركزتي في اسئله برع الموضوع
عفواً أسألتي كلها من صلب الموضوع وما طلعت عن حدود الشي إلي أسأل عنه وإذا تشوف غير هذا " فالعتب على التفكير "
أنا ماكتبت الموضوع لغرض آخر أو للسوالف والحديث في أعراض الناس
, وانا غير مستعد لاي استفسار اخر ,
لحسن حظي أن أستفياراتي خلصت ولوسمحت إذا مافيك طولت بال لا تكتب انا مستعد لأي استفسار أخر
وتكررها كل مره إذا أسألتي سببت لك الازعاج وكل
هالعصبيه المبالغ فيها
كان بإمكانك تكتفي بعدم الرد
​

​

وكلنا ما نحتاج غير رحمة ربنا
​
 
التعديل الأخير:
رد: // فــزعــتكــم \\

يا اختي الكريمه يا بنت بلادي اذا ماكان قصدج الاستهزاء او استخفاف فأنا اسف وماكان له داعي انج تسألي لازم مها مثلا المهم خلاص ولا يكبر الموضوع انا والله من بعد ما قريت طلبج وتريدين حد يفزع لج كل يوم افتح الكمبيوتر واحيانا مرتين في اليوم بس عشان اعرف وين وصلتي و شو صار عن موضوعج انا ما احب اجلس امام الكمبيوتر والله احيانا بشهور الكمبيوتر يكون مسكر انا عندي خبره متواضعه عن هذه السوالف واريد افيدج واقصر المسافات البحث و اخي سعد القيواني ما قصر ايضا وارجو منكي السؤال ارجو منكي السؤال باي شي اخر تحتاجين له يختص الاعاقه او العلاج في الدوله او خارج انا احترم انج ما تريدين تقولين نوع إعاقتج بس انصحج اذا تقدرين اتروحين الهند ايوفيدا سالا واذا تريدين اي مساعده انا في خدمج يا بنت بلادي باي سؤال تسأليني و ان شاء الله استطيع مساعدتج حتى تريدين اسولج موعد اقدر ويكون الموعد قريب ان شاء الله لانه هناك زحمه في المواعيد وتقولين لا ترد ما اقدر ما ارد وعندي الرد و اخليج بروحج . بطاقه ثقه ضروريه و حاولي تتعالجين في ابوظبي مثل ما قال الاخ سعد ما يقصرون و ياج باي شي تحتاجين له انتي اطلبي وحياج الله
 
رد: // فــزعــتكــم \\

خلاص ياجماعة الخير ماصار شي مااستوى شي ..المهم اختي خلاص وصلتج المعلومات وعرفتي الحين
كيف ترتبين نفسج عشان تروحي هناك خلاص.. الاخ ميهاربا ماقصر كفى ووفى على هالمعلومات التفصيليه.ارجو انج استفدتي وعرفتي كيف ترتبين امورج. دائما على فكرة حطوا في بالكم اصحاب ذوي الاعاقة
دائما كثيري التساؤل والاسئلة وايضا كثيري التفكيرواحيانا التردد في اختيار شئ ما..الله يوفق الجميـــــــع !
 
رد: // فــزعــتكــم \\

شاكره لكم مروركم ومساعدتكم
وجزاكم الله عني كل خير..​
 
يجب تسجيل الدخول أو التسجيل كي تتمكن من الرد هنا.

عودة
أعلى