فروسي عطل

[ام فروسى]

السلام عليكم ورحمة الله وبركاتة ..
حبيت اخذ رايكم يا احبتي في المنتدى خصوصا وجميعا نوعاني نفس المعانة ..فروسي الغالي المدربة حقتو سافرت للأردن بدأت اجازتها والأن فروسي فاضي قاعد في البيت لا شغله ولا مشغلة هو فروسي كان يروحلها من 9 لين 4 العصر كان كل مايجي من عندها لازم ياخذ شور وبعدين يقعد على افتح يا سمسم وشون ذا شيب .وبعدها ياخذ حصة تدريب تنمية مهارات في البيت وبعدين لازم يروح السوبرماركت ويمشي شويه ويتعشى وينام حبيبي نوم العوافي لكن اللحين مدري كيف انظم وقتو خصوصا انو الصيف بدا والملل زاد..
وياليت تعطوني ارشاداتكم واكون لكم من الشاكرين ..
اللهم اشفي ابني فارس وابنائكم وجميع ابناء المسلمين اللهم لا تجعلنا من رحمتك يائسين ..

 

[انوشا]

رد: فروسي عطل

حبيبتي لا تخليه في البيت الوقت ما يصير يضيع مع ابنائنا ابحثي عن نادي صيفي للاحتياجات الخاصة بيعطون تخاطب ويدرون على السلوك منها يستفاد لحد ما تجي مدرسته وانتي كملي الروتين لما يرجع من شاور وشون ذا شييب والسوبر ماركت بعدين نوم العوافي

 

[أم مالك]

رد: فروسي عطل

ام فروسي الله يشفيه ويخليه لك

انا ودي اجيب مدربه لمالك بالبيت كيف ممكن تدليني؟

وكيف يروح من 9 صباحا الى 4 عصرا
طويله المده جدا. وهل استفاد منها؟



اللهم اشفي مالك وجميع المرضى

 

[قول يا رب]

رد: فروسي عطل

ربنا يعينك ويدلك على المكان المناسب وانا متعاطفه معك لانى فىنفس حيرتك واكثر لانى تعبت كثير حتى وجدت حضانه مناسبه ارتاحلها لكن فرحه ما تمت بعد شهر الطاقم ذهب لتدريب قلنا مش مهم وبعد ذلك الطاقم اختلف مع الادارة واعطت الاطفال اجازة شهرين اروح انا فين ادينا بندور

 

[قلبي ضاع معك]

رد: فروسي عطل

ممكن عزيزتي تعملي له برنامج بالبيت يشغل وقته ..
ما بين الكمبيوتر والعابه وبرامجه هاذي ساعه
وبين قنوات الاطفال والرسوم المتحركة والاناشيد وهاذي ساعه
وممكن تخصصي له بركة سباحه في الحوش ويسبح فيها ويلعب بالماء هاذي ساعه
وممكن ساعه يلعب بالعاب التركيز والانتباه مثل المكعبات والبازل وباقي الالعاب وهاذي ساعه
وممكن تخرجي معه لمحل العاب يلعب ويتنطط في منتزه العاب قريب لكم .. وهاذي ساعه
وممكن تخرجي معه للحديقة يقعد على الحشيش ويتمرجح ويتزحلق ويشوف الاطفال .. وهاذي ساعه
وبعدين وقت العشاء ساعه وووقت الغذاء ساعه ووقت الفطار ساعه 3 ساعات
وبعد ممكن تخرجي معه السوبرماركت او السوق او مجمع وهاذي ساعه
وومممكن يأخذ غفوة في الظهر ساعه
وساعه تعملي له جلسة تدريب مهارات وتراجعي وياه اللي كان يأخذه عند المعلمة .
وساعه تعملي له مساج وتدليك بزيت الزيتون وتقرأي عليه القرأن وتمسحي فيه على جسمه كله

وباقي الوقت ينام فيه الليل ... اظن خلاص انهد حيله واستغليتي وقته كله بأشياء مفيدة ... وممكن توزعي البرنامج بينك وبين اخوانه واخواته والخدامه وابوه .. حتى ما يصير ضغط عليك .. ان شاء الله استفدت من البرنامج دعواتك عزيزتي لحمودي

 

[ام المتوحد]

رد: فروسي عطل

ما يحتاج كلام مركز صيفي( يغير جو وما ينسى اللي تعلمه ويخفف من متابعة التلفزيون)