[إستشاره] أفيدونى بالله عليكم

[ام مكسورة]

السلام عليكم ورحمة الله وبركاته
انا مصرية وحاليا مقيمة فى جدة مع زوجى
انا وهو مش قرايب ده حتى مش مصرى اصلا
حملت 3 مرات
حملى الاول لم يتم واراد الله ان يموت الجنين فى نهاية الشهر التامن لالتفاف الحبل السرى حول رقبته
فى حملى الثانى كنت مرعوبة ومصابة بوسواس كل ماقلت الحركة وكانت نفسيتى سيئة جدا وربنا رزقنى ببنتى عمرها دلوقتى سنتين وسبع شهور
ولحد دلوقتى مش بتتكلم بتصرخ كتير وعصبية جدااااا ساعات تضحك من غير سبب وبترفرف بايدها وبتضربنى على طول وبوحشية فى بعض الاحيان وما بتحسش بألمى بالعكس ساعات تضحك وانا باتألم من ضربها وعندها مشاكل فى النوم بتنام شوية بالنهار وبس وبتتحرك كتير اوى مابتقعدش خالص وبتخرب كل حاجة بتاكل الورق والخشب والحيطة والله احيانا
لازم تحط حاجة فى بقها طول الوقت وبتجز على سنانها احيانا
بتشد شعرى طول اليوم واحيانا بتشد شعرها او رموشها
لازم قنوات اطفال شغالة ولو روحنا لحد ومالقتش تليفزيون بتجرى على لابتوب لو موبايل
لو احتاجت حاجة بتسحبنى او تاخد ايدى تحطها ع الحاجة
قريت كتير على النت
وبعدين وديتها لدكتور اطفال قالى على دكتور سمعيات وتخاطب عملها اختبار ضغط اذن وقال كويس بس عايز اختبار سمع بالكمبيوتر وده بيحتاج دوا منوم لازم تنام تماما تحت تاثير الدواوالاختبار ساعتين وخايفة اعملهولها هو الغرض منه نعرف بتسمع كل الذبذبات والترددات ولا لا فكرت اوديها لدكتور نفسى او مكان يشخص حالتها
لو حد يعرف طبيب نفسى أطفال فى جدة يقولى وربنا يجازيه كل خير يارب
انا حياتى قربت تنهار بسبب البنت دى خاصة ان عندى طفله عمرها شهور غيرها ومش بانام تقريبا وجوزى مش متعاون ابدا بالعكس زعلان لان معنديش وقت كفاية ليه
آسفة طولت عليكم مع انى حاولت اختصر بس من همى
ربنا يفرج هم كل المسلمين والمسلمات يارب

 

[ازميرالدا]

رد: أفيدونى بالله عليكم

ان شاء الله الاعضاء في السعوديه يفيدوكي
بس اي طبيب نفسي حيطلب في الاول اختبار سمع للطفله عشان يتاكد ان معندهاش مشكله في السمع فرايي انك تعملي الاختبار الاول وبعدين تروحي للطبيب النفسي
ربنا معاكي من كلامك واضح انها مصابه بالتوحد -لو كان سمعها كويس- معلش ان شاء الله بالتدريب ومرور الوقت كل ما بيكبروا بيتحسن الوضع
ربنا معاكي

 

[ام مكسورة]

رد: أفيدونى بالله عليكم

ربنا يجازيكى خير يارب وشكرا على ردك

 

[دندونة]

رد: أفيدونى بالله عليكم

لا تقولي ام مكسورة
بنتك محتاجة لك قوتك اولا لازم التشخيص
ثانيا الدعاء وتبتدي الخطوات الصحيحة للعلاج والتدريب
وخلي ثقة في ربنا كبيرة
وهدا مش اخر الدنيا
قولي الحمدلله

 

[ام مكسورة]

رد: أفيدونى بالله عليكم

شكرا أختى دندونة ونعم بالله
والله مش قلة ثقة بالله بس انت أكيد عارفة احساسى
ربنا يشفى كل ولاد المسلمين وبنتى يارب

 

[تناهيد]

رد: أفيدونى بالله عليكم

ربنا يشفيها وينور دربك للطريق الصحيح

 

[ام مكسورة]

رد: أفيدونى بالله عليكم

شكرا أخى تناهيد
وجزالك الله كل خير

 

[ام الوردات]

رد: أفيدونى بالله عليكم

الله يشفيها
اختي دامك من مصر انزلي مصر احسن هناك التشخيص والعلاج افضل واول علاج تبداين فيه من الأن قبل التشخيص هو القران راح ترتاحين انتي وهي
اسأل العظيم رب العرش العظيم أن يشفيها
والله وانا اقرا مشاركتك كان الفجر يأذن ودعيتلها من قلبي والله ان يطمن قلبك عليها ويشفيها ويشفي جميع اطفالنا والله معاكي

 

[ام مكسورة]

رد: أفيدونى بالله عليكم

اختى ام الوردات ربنا يبارك فيك يارب ويبارك فى أولادك شكرا على دعواتك ونصيحتك

ولسه مش عارفة هانعمل ايه لان جوزى مش هايقدر ينزل دلوقتى بس ربنا يعمل الخير ان شاء الله
وبجد شكرا من قلبى وربنا يردلك الخير فى أولادك يارب

 

[ام ليث]

رد: أفيدونى بالله عليكم

اختي العزيزه ام مكسوره
الله يفرحك ويفرج عن همك ويستبدله بالافراح بشفاء ابنتك بأذن الله
انا رأيي مثل ما تفضلت به العزيزه ازميرالدا بأن تعملي لها أختبار للسمع
وبعدها تاخذينها الى الدكتور وانشاء الله ما يصيب ابنتك الا الخير والصحه والسلامه​

 

[حكمى]

رد: أفيدونى بالله عليكم

اختى العزيزه اتمنى لابنتك الشفاء كل الكلام الى قلتيه عن حالة بنتك موجود فى بنتى وتم تشخيصها فى اكثر من مكان بأنها توحد وفرط حركه وتشتت انتباه اسئل الله لهم الشفاء

 

[ام ايوب]

رد: أفيدونى بالله عليكم

الله يشفيلك اياه وان شاء الله ما بكون غير كل خير
بس انا من قرأتي للكتيره للتوحد بنتك عندها سمات من سماة التوحد بتمنى تستعجلي وتاخديها على دكتور اعصاب عشان يشخصها وتبدي الخطوه الصحيحه بالعلاج واهم اشي الصبر والصبر والصبر

 

[ام مكسورة]

رد: أفيدونى بالله عليكم

شكرا اخواتى ام ليث وحكمى وام ايوب وجازاكم الله كل خير
انشغلت فترة طويلة بسبب الذهاب للمستشفى والانشغال بحال ابنتى وتم تشخيصها وتأكدت شكوكى
والحمد لله على كل حال وقريبا سنسافر الى مصرلان الدكتورة نصحتنى بذلك حيث مراكز وروضات الاطفال المختصة بالتوحد هناك افضل ولو لفترة مؤقته ثم تستكمل العلاج هنا واليوم اجرينا لها رسم مخ وفى انتظار نتائج التحاليل بعد 20 يوم
اسأل الله الشفاء لابنتى وكل اولادكم واولاد المسلمين يارب

 

[ام ليث]

رد: أفيدونى بالله عليكم

يشهد الله عزيزتي أن فكري انشغل لغيابك وما دام كنتي مشغوله مع الأموره بنتك الحمد لله على كل شيئ كوني واثقه عزيزتي طفلتك صغيره وما دمتي عرفتي بماذا تشكوا فإنشاء الله الفرج قريب وتشفى ابنتك سريعا ويا رب تكون تحاليل المخ سليمه وتفرحينا وأنا بنفسي بعدها ساطلب من الاداره بتغيير اسمك إلى الأم السعيده بإذن الله
عزيزتي ماذا كانت درجة توحد ابنتك الغاليه طمنينا

 

[ام مكسورة]

رد: أفيدونى بالله عليكم

يشهد الله عزيزتي أن فكري انشغل لغيابك وما دام كنتي مشغوله مع الأموره بنتك الحمد لله على كل شيئ كوني واثقه عزيزتي طفلتك صغيره وما دمتي عرفتي بماذا تشكوا فإنشاء الله الفرج قريب وتشفى ابنتك سريعا ويا رب تكون تحاليل المخ سليمه وتفرحينا وأنا بنفسي بعدها ساطلب من الاداره بتغيير اسمك إلى الأم السعيده بإذن الله
عزيزتي ماذا كانت درجة توحد ابنتك الغاليه طمنينا

ربنا يبارلكلك يارب اختى ام ليث
وبالنسبة لدرجة التوحد كانت متوسط بس اسئلة كتير كانت تسالنى عنها الدكتورة فى التقييم جاوبت عنها بلا يعنى ماكانتش بتعملها وقتها دلوقتى بتعملها كلها
حالتها بتزيد وفى انتظار نتيجة التحاليل وبتاخد فيتامينات
ووصلت مصر النهاردة وان شاء الله بكره آخدها للدكتورة ونشوف
وشكرا على اهتمامك وشعورك الطيب ويارب ربنا يكرمك فى اولادك وتشوفيهم احسن ناس يارب