افيدوني ...بكاء وعصبيه...

[ام عزو]

السلام عليكم ورحمة الله
اخوتي الاعزاء ارجو منكم افادتي ...

ابني له تقريبا شهرين على الحميه والمكملات ومن ناحية التركيز جيد جدا وطبعا مايتكلم

اللي لاحظته عليه بعد المكملات والحميه اسبوع يصير هادي ومبسوط

وبعدها مثلا تجيه حالة بكاء شديده وصراخ ويعض يده واذا كانت يدي عند فمه يعضني بقوه ويصارخ يعني اصبحت عنده تحسن وبنفس الوقت يجيه ايام ينتكس فيها من ناحية المزاج والعصبيه والبكاء..

تكفون طمنوني هل ممكن هالشي يصير فالبدايه مع العلاج

لان الدكتور عطاني علاج اسمه جابا يقول انه للشحنات الزايده وسالني هل اكل شي اثر فيه اولا وانا متاكده ما اكل شي بس صاير كذا تحدثله انتكاسات....

 

[أم أشرف]

رد: افيدوني ...بكاء وعصبيه...

ماذا اعطاك الطبيب؟
اياك ان تعطي ابنك دواء للتشيجات او لاي شىء اخر سيضره وياخذه للهاوية لا قدر الله
انصحك بهذا واتمنى من الله ان تصدقينى فهذا ليس كلامي فقط بل هو كلام كل اختصاصي التوحد
اسمعي كل التوحديين يمرون بفترات صفاء وفترات عصبية واضن انه بما انهم لا يعبرون بالكلام فانهم يعبرون بهذه الطريقة عند الغضب او الاحساس بالالم من شىء ما
انا ابنى اعطيه في هذه الحالة "تيزانة" وهي مهدية للاعصاب ومفعولها سريع ورائع ثم ليس فيها اي مضار
الله الموفق

 

[ام عزو]

رد: افيدوني ...بكاء وعصبيه...

مشكوره اختي ام اشرف على الرد والله يعافيلك ابنك وابناءنا جميعا يارب

بالنسبه للعلاج اللي ذكرته من طبيب توحد وحتى ان الدواء من نفس شركة كريكمان اللي ياخذ باقي المكملات منها يعني نفس الشركه

وقال انها ما فيها ضرر مو مثل الرسبردال
؟؟؟؟؟؟
وربي ارحم

 

[ام التوحد]

رد: افيدوني ...بكاء وعصبيه...

ام عزو الجابا مو دوا هو مكمل او فيتامينات ولدي كان ياخذه من زمان ونسيت هو حق شنو بالضبط يعني بأذن الله ما يضر ولدج
بالنسبه للعصبيه عادي تمر فترات انتكاسه وما نعرف شنو السبب

 

[ام هاشم]

رد: افيدوني ...بكاء وعصبيه...

اختي ام عزو ابنتي راما تمر احيانا بحالة العصبيه والبكاء المستمر

اعتقد ان سببه الرئيسي الفطريات واحذري من السكر لانه غذاء للفطريات

هل ياخذ ابنك اي دواء للفطريات ؟

 

[ام عزو]

رد: افيدوني ...بكاء وعصبيه...

الله يرضى عليكم ويشافي ابناءنا يارب...

بالنسبه للسكريات بصراحه يشرب احيانا مثلا نعناع بس يكون بسكر عادي لانه ياخذ الاكواب اللي احنا نشرب فيها ويشرب منها واحيانا ماانتبه له

والمسموح انه يستخدم السكر البني لكن بصراحه ما التزمت فيها زين بس الكازيين والجلوتين هي امنع ولدي عنها زين...

وهو فالتشخيص او تحاليله بينت وجود فطريات واعطاه الدكتور نستاتين 5 مل ثلاث مرات وسببله مغص وقلله الجرعه ولكن اتوقع اثر فيه وقطع الدكتور عنه العلاج وقالي فتره بس ويرجعله

لان الحاله هذي جته وهو ياخذ النستاتين...
لكن باذن الله بكون اكثر صرامه من ناحية السكر وبرجع للنستاتين فالوقت المناسب لاني خايفه ان الفطريات تكون هي اللي سببة هالشي له او هالحاله ..

 

[ام هاشم]

رد: افيدوني ...بكاء وعصبيه...

اختي ام عزو حتى السكر البني يسبب نفس اعراض السكر العادي مع ابنتي

المسموح فقط الفركتوز

جربيه لفتره ولاحظي اذا كان هناك فرق في تصرفاته لكن تاكدي انه فعلا سكر فركتوز فقط

 

[ام عزو]

رد: افيدوني ...بكاء وعصبيه...

تسلمين اختي ام هاشم تقصدين سكر الفواكه....

بجربه وربي يعين