فزعتكم ..دلوني وين اروح

[ابو بدر]

السلام عليكم ورحمه الله وبركاته...
اخواني واخواتي الاعزاء ..اتمنى منكم المساعده في ارشادي الى مركز لعلاج التوحد يمكن من خلاله ان احصل على تقريرطبي وتشخيص كامل للحاله.
حيث ان لدى ابني محمد ذو السنتين و4 شهور .اعراض التوحد.
وبصراحه ليس لدي خبره في الموضوع..ذهبت الى اكادميه التوحد الى في (طريق خريص) وقالو لازم يكون الفحص من خلال ثلاث دكاتره اخصائي اطفال واستشاري مخ واعصاب واخصائي تخاطب.
وحضرت الموعد الاول قبل اسبوعين والى الان وانا انتظر الموعد الثاني....وبصراحه مواعيدهم طويله ....وكمان احس ان المكز مره متواضع في تجهيزاته ..
يا ليت تنصحوني اذا في مكان احسن... وين اروح ...ابي الحق الوقت واعالجه من بدري.

ولله لايوريكم باس ولامكره انتو وحبايبكم

 

[فاطمة سعد]

رد: فزعتكم ..دلوني وين اروح

الله يسهل امورك اخي ابو بدر ويشفي ابنك ,حياك الله معنا .ان شاء الله الاخوان والاخوات من منطقتك و اللي عندهم معلومات عن الاماكن المناسبه يفيدونك .

 

[ملكة الاحساس]

رد: فزعتكم ..دلوني وين اروح

اخوي ابوبدر الله يشفي بدر و ما يشوف مكروة
ابغى اسألك انت من سكان جدة
و ايش عرفك ان ابنك عندة توحد يعني ايش الاشياء اللي يسويها عشان تقول ان عندة توحد

 

[الأم الحنونة]

رد: فزعتكم ..دلوني وين اروح

أخى الله يشفى أبنك بس يأخى أذا كنت من سكان الشرقيه المستشفى التخصص هو سعد التخصصى فى الخبر أفضل مستشفى
أختك أم أحمد

 

[أم ريمووو]

رد: فزعتكم ..دلوني وين اروح

الله يشفي ولدك ويعافيه ممكن تاخذ ابنك عند طبيب مخ واعصاب وتاخذ منه تقرير بالحالة وان كنت من سكان الرياض عندك المركز الجامعي باشراف د ليلى العياضي

 

[ابو بدر]

رد: فزعتكم ..دلوني وين اروح

مشكورين على المرور...انا من سكان الرياض..
وعرفت ان عند ولدي توحد لاني لاحضت عليه اعراض التوحد المعروفه
ياليت تدلوني على مركز يفيدني في الرياض

 

[ام جوري الجميله]

رد: فزعتكم ..دلوني وين اروح

مشكورين على المرور...انا من سكان الرياض..
وعرفت ان عند ولدي توحد لاني لاحضت عليه اعراض التوحد المعروفه
ياليت تدلوني على مركز يفيدني في الرياض

وده مركز والدة فيصل بن فهد في حي النخيل
انا شخصت بنتي عندهم وما اخذو الا شهر تقريبا
وانا بدايه معاهم الحين كورس العلاج
تحسين وتعديل سلوك ... والحمد الله تغيرت بنتي كثير صارت تنتبه اكثر وتلتفت لما احد ينادي على اسمها
وباقي اسبوعين وابدا تخاطب... والله يكتب الي فيه الخير
والمركز ما شاء الله مجهز تجهيز كامل من الادوات والالعاب والنظافه والتكيف
وفيه حديقه كامله علشان الطفل يرتاح للمكان ويحبه .......

 

[أم مالك]

رد: فزعتكم ..دلوني وين اروح

اخوي ابو بدر انا اضم صوتي لصوت الاخت ام جوري انا سويت تشخيص لمالك في الصحه النفسيه لكن مااقتنعت مع اني كنت متاكده من كان عمره سنه و4 شهور ان عنده توحد

لكن سويت تشخيص له في مركز والدة فيصل بن فهد في النخيل الغربي والحمدالله خلال شهر طلعت النتيجه

والحين بديناالجلسات وع فكره الصباح دوامهم روضه للاطفال والعصر مركز وهذا رقم الاخصائيه دانه تقدر تكلمها من 3 الى 8 مساء0532255080

لا تنسى ابني من دعواتك

اللهم اشفي مالك وجميع المرضى

 

[يامغيث اغثنا]

رد: فزعتكم ..دلوني وين اروح

اخت ام مالك.قلت انك كنت متأكدة من كان عمر ابنك سنة و اربع شهور انه مصاب بالتوحد,لكن الغريب انه كان عمره صغير ولاحظت عليه.ما الملاحظات التي لاحظتيها عليه في ذلك السن وكيف استطاع الاخصائين تشخيص التوحد في هذا السن. يقال بانه لا يمكن الجزم بمرض التوحد قبل الثلاث سنوات من عمر الطفل.

 

[أم مالك]

رد: فزعتكم ..دلوني وين اروح

انا لاحظت انه مايطالع فيني ولايحب الناس واذارحت لسوق اوعزيمه يصيح ساعات ولايسكت ويحب غرفته ويحب التلفزيون ومايركز بالنظر ولايعرف اسمه اذا ناديته ولايطلب اكل ويدور حول نفسه ولايلعب بالالعاب ويرفرف بيده


اللهم اشفي مالك وجميع المسلمين