اهالي الاردن الغالي و فلسطين الحبيبة.......دعوة للتجمع

[املي بالله كبير]

رد: اهالي الاردن الغالي و فلسطين الحبيبة.......دعوة للتجمع

السلام عليكم اخواتي جميعا
انا ام ابني لديه صفات كثيره من التوحديين عمره سنتين و8شهور عرضته السنه الماضيه على طبيب وقال انه ماعنده توحد وسافرت بعدها الى مسقط ومازالت الاعراض عنده وانا خايفه جدا وقلقه عليه
وسانزل الى الاردن الشهر القادم للاطمئنان على حالته بس للاسف مش عارفه وين اروح ياليت تساعدوني مين افظل دكتور ممكن يشخص الحاله صح مابدي حدا يلعب باعصابي والله اني تعبانه ووحاسه الدنيا سوده قدامي ماعدت اشوف شي حلو بهالحياه
ياريت تساعدوني كيف شخصته اولادكم وايش المراكز اللي راحو عليها واذا في اخصائيين ممتازين بدل الدخول في تجارب ومتاهات مع العلم انه ابني مايتكلم ولا كلمه ولا حتى ماما وبابا فاكيد بحتاج لاخصائي تخاطب
ربي يفرج همكم ويشفي ابنائنا جميعا يالله ياكريم

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

الله يجزيك الخير على اهتمامك، ولكن انا افضل اعملها هون لانه ممكن نعملها على حساب التامين
اشكر لك تعاونك وجزاك الله خيرا

هلا حبيبتي

خلص شوفي دكتور جهاز هضمي يكون شاطر و ان شا ءالله يتعاون معك لانهانا سالت جدة

وطلعوا بيعملوها بمستشفى عرفان

وبالاردن بدون فلوس حبيبتي لانه الاولاد تحت 6 سنوات تامين صحي شامل

السلام عليكم اخواتي جميعا
انا ام ابني لديه صفات كثيره من التوحديين عمره سنتين و8شهور عرضته السنه الماضيه على طبيب وقال انه ماعنده توحد وسافرت بعدها الى مسقط ومازالت الاعراض عنده وانا خايفه جدا وقلقه عليه
وسانزل الى الاردن الشهر القادم للاطمئنان على حالته بس للاسف مش عارفه وين اروح ياليت تساعدوني مين افظل دكتور ممكن يشخص الحاله صح مابدي حدا يلعب باعصابي والله اني تعبانه ووحاسه الدنيا سوده قدامي ماعدت اشوف شي حلو بهالحياه
ياريت تساعدوني كيف شخصته اولادكم وايش المراكز اللي راحو عليها واذا في اخصائيين ممتازين بدل الدخول في تجارب ومتاهات مع العلم انه ابني مايتكلم ولا كلمه ولا حتى ماما وبابا فاكيد بحتاج لاخصائي تخاطب
ربي يفرج همكم ويشفي ابنائنا جميعا يالله ياكريم

هلا حبيبتي

انا متل وضعك بس ابني اصغر شوي

انتي وين ساكنة ؟ممكن اهل مسقط يساعدوكي؟

انا من خلال ما فهمت من ام مودة و ام اسلام

مكن تعملي التحاليل بالبشير على حساب الحكومة و كمان اوكسي كير اذا جبتي اعفاء من الديوان الملكي هاي اول شغلة

تاني شي في مركز اسمه التدخل المبكر بجبل الحسين بتشوفيه هناك وبيعطوكي تقرير بحالة ابنك و ساعتها هذا التقرير بتاخديه لاي مركز حكومي او خاص


عشان تقرري خطة علاج ابنك

طبعا بالنسبة للمراكز و اخصائين التخاطب ام اسلام حكت بتعطينا اياهم اذا اخدتهم منها ببعتلك اياهم على الخاص

ضل انك تشوفي دكتور اعصاب و دكتور للجهاز الهضمي

خليني اشوف اسماؤهم هلا و بكتبهم

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

دكتورة الجهاز الهضمي اسمها مها بربر

ودكتور الاعصاب عبد الكريم القضاة

طيعا ارقامهم ممكن تجيبيها من الاستعلامات لما تكوني بالاردن

 

[املي بالله كبير]

رد: اهالي الاردن الغالي و فلسطين الحبيبة.......دعوة للتجمع

تسلمي اختي واحه امل على الرد انا من سكان طبربور واهلي برصيفه فراح تكون اجازتي هون وهون وان شاءالله راح اشوف مركز التدخل المبكر بجبل الحسين بس يارب ماتكون الاجراءات طويله وبتاخذ وقت لانه اكيد بكون عليهم ضغط وانا بدي استفيد من كل يوم
وياليت اذا في رقم اخصائيه تخاطب كويسه عشان اتعامل معها
واخصائي الاعصاب ممكن يشخص الحاله
انا هون بمسقط للاسف ماوجدت اي مكان يفيدني حتى تعرفت على اخت عمانيه ابنها تقريبا زي ابني وكانت نفس الشي مش لاقيه حدا يفيدها وهلا قررت تاخذه على دبي عشان يشخصه حالته
انا اخذته هون على طبيب اعصاب بس ماعمله اي شيء غير قال انه لاتحاولي تنفذي طلباته على طول واعطيه فرصه انه يتكلم
وهل بالاردن مافي دكتور خاص يقدر يشخص الحاله نفسي من ثاني يوم انزل اخذه على طبيب واعرف كيف وضعه بالضبط

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

تسلمي اختي واحه امل على الرد انا من سكان طبربور واهلي برصيفه فراح تكون اجازتي هون وهون وان شاءالله راح اشوف مركز التدخل المبكر بجبل الحسين بس يارب ماتكون الاجراءات طويله وبتاخذ وقت لانه اكيد بكون عليهم ضغط وانا بدي استفيد من كل يوم
وياليت اذا في رقم اخصائيه تخاطب كويسه عشان اتعامل معها
واخصائي الاعصاب ممكن يشخص الحاله
انا هون بمسقط للاسف ماوجدت اي مكان يفيدني حتى تعرفت على اخت عمانيه ابنها تقريبا زي ابني وكانت نفس الشي مش لاقيه حدا يفيدها وهلا قررت تاخذه على دبي عشان يشخصه حالته
انا اخذته هون على طبيب اعصاب بس ماعمله اي شيء غير قال انه لاتحاولي تنفذي طلباته على طول واعطيه فرصه انه يتكلم
وهل بالاردن مافي دكتور خاص يقدر يشخص الحاله نفسي من ثاني يوم انزل اخذه على طبيب واعرف كيف وضعه بالضبط

ان شاء الله بتلحقي ما تخافي

انا متلك عم بجمع معلومات عشان قبل ما انزل اكون مرتبة اموري و اخلص

وان شاء الله ام اسلام رح تفيدك بس تدخل عالموضوع كمان :16:

 

[ام اسلام]

رد: اهالي الاردن الغالي و فلسطين الحبيبة.......دعوة للتجمع

عزيزتي اعذريني لاني ساكتب على عجالة الاشياء التالية:
-اعملي تخطيط دماغ وصورة رنين مغناطيسي,حتى يتم التاكد بعدم وجود مشاكل عضوية لاسمح الله.
بس تنزلي عمان,ستكوني بحاجة لتاكيد التشخيص,اما باحد المراكز الحكومية,وياحبذا حد يحجزلك موعد,لانها مواعيد طويلة,او للتشخيص باحد المراكز الخاصة,للتدخل الطبي,وانا شخصيا اتابع بابني عند د.محمد المومني,في عيادة التوتال ولنس بقرب مستشفى اب الهيثم.
طبعا خلي حد يمشيلك باجراءات التامين والاعفاءات,وحاليا سمعت عن افتتاح مركز للكشف المبكر لاقليم الوسط في الرصيفه.
طبعا,اقرئي جيد في المنتدى,عن تعديل السلوك,وعن اهميه الغذاء الصحي لهؤلاء الاطفال.
واهم شئ يا عزيزتي الارادة.والايمان ان هناك شفاءا لهولاء الاطفال,وتكوني ايجابية مع نفسك وطفلك,لانه الموضوع طويل الامد,وابنك الحمدلله صغير.

 

[املي بالله كبير]

رد: اهالي الاردن الغالي و فلسطين الحبيبة.......دعوة للتجمع

مشكوره اختي ام اسلام ربي يشفيلك ابنك ويعافيه ان شاءالله
وبالنسبه لموضوع التامين والاعفائات من وين اول خطوه بنبدا وهل التامين بكون حتى للخاص معلش اعذريني مو فاهمه القصه يعني اذا بدي اتابع مثلا مثلك عند عياده خاصه كمان بحتاج اعمله لانه شكله الحكومي صعب بيحتاج وقت طويل وانا باقي 17يوم لانزل ان شاءالله
ممكن كمان اعرف ايش تخصص الدكتور المومني واخر شي اذا بتقدري تساعديني بارقام اخصائيه التخاطب والمدرسه الخاصه لانه اللي مجرب اكيد افظل
تعبتك معي كثير بس اكيد بتعرفي البدايه كثير صعبه ربي يهونها عليكي وعلى الجميع ان شاءالله

 

[ام اسلام]

رد: اهالي الاردن الغالي و فلسطين الحبيبة.......دعوة للتجمع

مشكوره اختي ام اسلام ربي يشفيلك ابنك ويعافيه ان شاءالله
وبالنسبه لموضوع التامين والاعفائات من وين اول خطوه بنبدا وهل التامين بكون حتى للخاص معلش اعذريني مو فاهمه القصه يعني اذا بدي اتابع مثلا مثلك عند عياده خاصه كمان بحتاج اعمله لانه شكله الحكومي صعب بيحتاج وقت طويل وانا باقي 17يوم لانزل ان شاءالله
ممكن كمان اعرف ايش تخصص الدكتور المومني واخر شي اذا بتقدري تساعديني بارقام اخصائيه التخاطب والمدرسه الخاصه لانه اللي مجرب اكيد افظل
تعبتك معي كثير بس اكيد بتعرفي البدايه كثير صعبه ربي يهونها عليكي وعلى الجميع ان شاءالله

حسب معلوماتي,كل الاطفال اللي اقل من 6 سنوات مؤمنين فقط في المستشفيات والعيادات الحكومية,فقط,ولا داعي لاي اجراءات للحصول على التامين يكفي ان تذهبي وتحضري معك دفتر العائله.لكن بصراحه,انا لم استفد منه لاني ماالي خلق على الدور والانتظار,فكل الصور والتحاليل كانت على حسابنا,فمثلا التخطيط يكلف 40 دينار وصورة الرنين 150,وكشفيه الاخصائي 30 دينار,اضيفي لذلك كلفة العلاجات,يعني اذكر اني في يوم واحد دفعت 300 بين هنا وهناك.
لكن اطلبي من احدهم الذهاب لمركز كشف الاعاقات ليحدد لك موعد مناسب,ولا يحتاج اظن سوى شهادة ميلاد وصور,بعد العرض على الطبيب يقرر لك تحويل للرنين والاشعه,او اي مركز.
بالنسبه لابني لم الحقه ابدا باي مركز احتياجات خاصه,احضرت له مدرسة للبيت ,وتعلمت منها شو المطلوب اني اعمله معه,لكن اليك الاتي.
حتى تتعلمي الطريقه التي يجب ان تتعاملي معه,عودي لموضوع ام عادل المثبت.
حتى تساعديه بالمهارات والتدريبات,اليك مدونه ام محمود.
شو لازم يوكل او يشرب,عندل مطبخ الحميه.
بالنسبه لل د.ممحد المومني,فهو استشاري امراض طفوله وحالات صعوبات التعلم والتوحد,وهو بخبرة 18 سنه في امريكا.

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

حسب معلوماتي,كل الاطفال اللي اقل من 6 سنوات مؤمنين فقط في المستشفيات والعيادات الحكومية,فقط,ولا داعي لاي اجراءات للحصول على التامين يكفي ان تذهبي وتحضري معك دفتر العائله.لكن بصراحه,انا لم استفد منه لاني ماالي خلق على الدور والانتظار,فكل الصور والتحاليل كانت على حسابنا,فمثلا التخطيط يكلف 40 دينار وصورة الرنين 150,وكشفيه الاخصائي 30 دينار,اضيفي لذلك كلفة العلاجات,يعني اذكر اني في يوم واحد دفعت 300 بين هنا وهناك.
لكن اطلبي من احدهم الذهاب لمركز كشف الاعاقات ليحدد لك موعد مناسب,ولا يحتاج اظن سوى شهادة ميلاد وصور,بعد العرض على الطبيب يقرر لك تحويل للرنين والاشعه,او اي مركز.
بالنسبه لابني لم الحقه ابدا باي مركز احتياجات خاصه,احضرت له مدرسة للبيت ,وتعلمت منها شو المطلوب اني اعمله معه,لكن اليك الاتي.
حتى تتعلمي الطريقه التي يجب ان تتعاملي معه,عودي لموضوع ام عادل المثبت.
حتى تساعديه بالمهارات والتدريبات,اليك مدونه ام محمود.
شو لازم يوكل او يشرب,عندل مطبخ الحميه.
بالنسبه لل د.ممحد المومني,فهو استشاري امراض طفوله وحالات صعوبات التعلم والتوحد,وهو بخبرة 18 سنه في امريكا.

يعطيكي العافية ام اسلام :16:

وين موقعه مركز كشف الاعاقات لو سمحتي او رقم تلفونهم عشان اطلب من اهلي في الاردن يحددوا موعد مناسب لفترة اجازتي

 

[املي بالله كبير]

رد: اهالي الاردن الغالي و فلسطين الحبيبة.......دعوة للتجمع

مشكوره اختي ام اسلام ماقصرتي ربي يفرج همك ويشفيلك ابنك يارب
انا ان شاءالله راح احاول اعمل الصوره والرنين قبل ماانزل واخذهم معي عشان استغل الوقت وعلى طول اراجع الطبيب بس خايفه بيطلبوا اعادتهم لانهم من خارج الاردن
واكيد هن بحتاجو تخدير قبلها صح ويكونو صايمين وهل بتطلع بنفس اليوم النتيجه
والله يقطعوا القلب من التخدير قبل عملتله فحص سمع هون والحمدلله كان سليم
وان شاءالله راح اقرا كل اللي حكيتيلي عنه والف شكر مره ثانيه
وهل في طبيب ثاني جيد حسب معلوماتك حابه استشير اكثر من طبيب
وهل عملتي لابنك فحوصات الحساسيه من الاطعمه اتصور هدا اللي تكلفته عاليه
كثرت اساتي تحمليني الله ييسر امورك يارب ويفرحك فيه ان شاءالله

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

عادي اختنا املي بالله كبير

ام اسلام رح تجاوب على استفسارتنا كلها

الله يعينها علينا ههههه

 

[الدانه]

رد: اهالي الاردن الغالي و فلسطين الحبيبة.......دعوة للتجمع

لاتوجد لدينا بمنتدي التحدي عنصريه وانما جميعا اسرة واحدة
ولكن فهمت من اختي انه المعرفه في المستشفيات والاطباء بهذا المرض
في فلسطين والاردن وانما الجميع يشارك معنا ....نحسن الظن بالاخت واحة الامل^-^

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

لاتوجد لدينا بمنتدي التحدي عنصريه وانما جميعا اسرة واحدة
ولكن فهمت من اختي انه المعرفه في المستشفيات والاطباء بهذا المرض
في فلسطين والاردن وانما الجميع يشارك معنا ....نحسن الظن بالاخت واحة الامل^-^

هلا اختي الدانه نورتي موضوعي:21:

اكيد طبعا هو لتبادل الخبرات ولتسهيل الاسئلة لكل الاستفسارات الجديدة

تسلمي عزيزتي:16:

 

[هاني الفلسطيني]

رد: اهالي الاردن الغالي و فلسطين الحبيبة.......دعوة للتجمع

الاخت العزيزة راحة الامل انا باذن غدا متسهل للاردن من فلسطين يا ريت اذا ممكن تساعدوني باحسن مركز ممكن يشخص الاطفال وبامانة او اكثر من مركز اذا بدي اغلبك او حتى دكتور شاطر او اخصائي طبعا انا معي عناوين بس حابب اسمع منكم لانكم مجربين وربنا يشافي مرضانا ومرضاكم

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

عزيزتي اعذريني لاني ساكتب على عجالة الاشياء التالية:
-اعملي تخطيط دماغ وصورة رنين مغناطيسي,حتى يتم التاكد بعدم وجود مشاكل عضوية لاسمح الله.
بس تنزلي عمان,ستكوني بحاجة لتاكيد التشخيص,اما باحد المراكز الحكومية,وياحبذا حد يحجزلك موعد,لانها مواعيد طويلة,او للتشخيص باحد المراكز الخاصة,للتدخل الطبي,وانا شخصيا اتابع بابني عند د.محمد المومني,في عيادة التوتال ولنس بقرب مستشفى اب الهيثم.
طبعا خلي حد يمشيلك باجراءات التامين والاعفاءات,وحاليا سمعت عن افتتاح مركز للكشف المبكر لاقليم الوسط في الرصيفه.
طبعا,اقرئي جيد في المنتدى,عن تعديل السلوك,وعن اهميه الغذاء الصحي لهؤلاء الاطفال.
واهم شئ يا عزيزتي الارادة.والايمان ان هناك شفاءا لهولاء الاطفال,وتكوني ايجابية مع نفسك وطفلك,لانه الموضوع طويل الامد,وابنك الحمدلله صغير.

الاخت العزيزة راحة الامل انا باذن غدا متسهل للاردن من فلسطين يا ريت اذا ممكن تساعدوني باحسن مركز ممكن يشخص الاطفال وبامانة او اكثر من مركز اذا بدي اغلبك او حتى دكتور شاطر او اخصائي طبعا انا معي عناوين بس حابب اسمع منكم لانكم مجربين وربنا يشافي مرضانا ومرضاكم

هلا اخ هاني اقتبست لك رد الاخت ام اسلام لانها ساكنة بعمان انا حاليا بجدة و رح الفحوصات لما انزل عمان

هلا بكتبلك رقم الدكتور المومني صبرك علي

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

Mohammad A. Almomani, MD, FAAP
Total Wellness Clinic
256 Madina Monawawh St.
Amman, Jordan
11953
Jordan
ph: 00 962 6 569 1960
fax: 00 962 6 569 1962
Ayman Al Momani, RPh, MS, PhD
OxyCare Clinic
Madeinah Monawarah St.
Amman
Jordan
ph: 0096 26 5622774
fax: 0096 26 5622774
Mohammad Sawalmeh, MD
OxyCare
Madeneh Munawara St.
Amman
Jordan
ph: +9625622774
fax: +9625622771
Rula Sinokrot, DDS
OxyCare
Madeneh Munawara St.
Amman
Jordan
ph: +96265622774
fax: +96265622771

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

ان شاء الله اكون افدتك اخي الكريم

 

[أم ياسمين]

رد: اهالي الاردن الغالي و فلسطين الحبيبة.......دعوة للتجمع

ما شاء الله عليك يا أختنا واحة الأمل
شعلة نشاط ... ربنا يباركلك ويجزيك كل خير
ويشافيلك ابنك وتشوفيه عريس
يـــــــــــــا رب
:23:
ما بتتصوري اتصالك معي كيف بعث الأمل من جديد
الله يجزيك عنا كل خير

 

[واحة الامل]

رد: اهالي الاردن الغالي و فلسطين الحبيبة.......دعوة للتجمع

تسلمي يا ام ياسمين ربنا يطمن قلبك على بنتك و يشفيهم جميعا امين

 

[ام اسلام]

رد: اهالي الاردن الغالي و فلسطين الحبيبة.......دعوة للتجمع

ما شاء الله عليك يا أختنا واحة الأمل
شعلة نشاط ... ربنا يباركلك ويجزيك كل خير
ويشافيلك ابنك وتشوفيه عريس
يـــــــــــــا رب
:23:
ما بتتصوري اتصالك معي كيف بعث الأمل من جديد
الله يجزيك عنا كل خير

لام,وين هالغيبة؟؟طمنينا عنك.