هذى قصتى (لحظة تشائم) ولكن واقعيه

[همس القلووب]

السلام عليكم


جيت احكى لكم قصة صغيرة موجودة فى عالمنا البشر ولكن لاسف فى ناس كتير مش معترفين بيهم
اكننهم من كوكب تانى ومش من باقى البشر وماحدش يقولى لية لانى بحثت عن اجابة لسوال ده كثيرا
ولا لقيت سوى رموز مش واضحه لي وحاولت انى افكها وافهمها ولكن لاسف لم استطيع ولقيت نفسى بكتب تحت ر موز احنا عايشين مثلكم وهانكمل مشوارنا وهنتحدى الصعوبات وهنعيش مثلكم وتعالوا نقراء القصة واحده من الناس اللى رفضينهم فى مجتمع #مجتمع البشر#


قصه حياتى هى
____________
انا بنوتة مصريةاجتماعية جدا عمرى الان 25سنه وفى الكلية اداب قسم اجتماع وانا من ذوى احتياجات الخاصة ويطلق عليها c : pومشكلتى هى ماكنتش بعرف امشى اكلم وحركتى صعبة ولااعمل اى شئ فى حياتى ولالنفسى وكانوا اسرتى بيعملولى كل شئ بذات اختى الكبيرة كانت شايله كل حملي وكنت حلم حياتى انى امشى واتعلم وعندما مدام سوزان مبارك فتحت مركز لذوى احتياجات الخاصة روحت اتقدم فيه وكنت فرحانة ومع الايام فتحت لنا فصول لينا بعد مواقفت السيدة سوزان مبارك ومع اتفاقية مع وزاية التربية والتعليم وكانت امتحاناتنا خاصة طريقت امريكية صح او غلط او اكمل المهم خلصت سنه 5ابتدائ وخلصت مهمت المركز اللى عاوز يكمل يبقى مدارس العادية وكانوا اهلى رافضين من انى اخرج لعالم الاخر وكانوا خايفين من رد فعل البنات او مدرسين الفصل ولكن كنت مصممه انى اتعلم واكمل وفعلا دخلت اعدادى وسمعت كلام مش حلو وتعليقات من كله وشوية قدرت اثبت انى بنوتة زى اى بنت والحمدلله لقيت قبول من كله عندما طلعت الاولى على فصل وسنه التانية عملولى امتحانات خاصة مثل ابتدائ وكنت فى ذاالك الوقت بتدات امشى بدون كرسى متحرك ولا احد من اسرتى يساعدونى كنت بمشى لوحدى لكن مش زى الناس العادين وفى ذالك الوقت ايضا اختى كانت هتجوز وهتسبنى فقررت انها تخلينى اعتمد على نفسى فى لبس وماكل واستحمام وهكذا ونجحت فى ذالك لاشك ان اختى ليها دور كبير فى حياتى والمهم اتخرجت من اعدادى بتفوق وكنت فكرة انى اكمل مرحله ثانوية عامه لان كنت جايه 95% لكن للاسف ابى رافض بشده لانة كان معترف ان عقلى ماجيبش لثانوية العامة مع انوا كان بذاكرلى لكن تفكيره من اخر انى عقلى على قده ووكان فاكر كانوا بيسهلونا امتحانات لكى انجح وخلاص لكن امى كانت معايا ومواقفه انى اكمل وفعلا صممت على ذالك لقيت صعبات فى معاملة من بعض مدرسين لانى كان كلامى صعب فى نطق مش اى حد يفهمه الا عندهم صبر او بيحبنى ومعترفين بى لكن سبحانه الله فى كل مرحله اجد ناس كتير يشجعونى اكن ربنا يعطنى علامة انى استمر فى مشوارى وكان امتحاناتى امتحانات خاصه بردو وكانوا مدرسين اللى يتعاملوا معى كان يقولو لابى بنتك بسم الله وماشاء الله عليها لكن للاسف فكر ابى لايتغير كثيرا
واتخرجت من ثانوية عامه بمجموع 92% وكررت الشجار مع ابى لاحد مادخلت الكلية قسم مكتبات الذى كنت نفسى فيه وصحبت على بنات كثير ولكن لاسف الرئيسة القسم منه لله عرفت انى معوقه نقلتنى لقسم تانى اي نعم كنت تحطمت من جويا لكن رضيت بقسمت الله فقررت انى ادخل قسم اجتماع وليقيت ترحيب من رئيس القسم وشجعنى كثيرا ودخلت هذا القسم وصحبت على بنات كثيرا ودخلت الامتحانات زى اى امتحانات العادية زيهم زى بس لجنه خاصة وجابولى حد يكتبلى لانى لااعرف اتملك مسك قلم ونحجت الحمدلله صافى وفى مواد بجيب فيها جيد ولكن تقدير العام مقبول وانا الان سنه 3 وبروح واجى الكلية لوحدى دونة مساعدت احد بس مشكتى الحقيقيه انى خايفة من الايام الجاية بجد بعد مااخلص اشتغل اية ؟ وهل لينا شغل ام لا اقعد فى بيت زى اى شئ فى بيت وزى داكور بلا شكل ولامنظر ولافايده
وفى نقطه خايفة منها اوى ودى شبح الذى يطردنى الان اخواتى ال2 مش فى مصر واناعايشة مع ابى وامى واخى صغير ربنا خليهم لى
بس طولت عمر لهم اعمل اية واعيش مع مين وانا مش عاوزة اعيش مع احد من اخواتى وانى ادرك انى مش اجوز زى بنات لان اعلم لااحد يعجب ببنوتة عندها الاعا قه مثلى وانا طول عمرى اخاف انى احب شخص عادى وكل اعجب يشخص ما احط فى دماغى انه زى اخى حتى لااجرح قلبى ولااتعلق بامل كداب ولانى مش عاوزة اجوز واحد عادى لانى مش معترفة ان معوقيين يجوزون من ناس العادين هذا بيبقى جوازة فاشل من اول لحظة وشباب المعوقين عاوزين يجوزوا بنات عادين لكى يساعدوهم على حياتهم اللى جاية وعندهم حق فى هذا تفكير
انا بجد خايفة اصبح يوم القي لوحدى بعد طولت عمر لابى وامى وللعلم ان امى هى حياتى هى بتعملى الاشياء لااستطيع انى اعملها لنفسى ولاسف حاولت اعملها لنفسى وفاشلت
السؤال هنا
هل بعدطولت عمر لامى وابى بعدهم
ابقى ميته بدون انحط فى قبرى

بمعنى اخر ميته مع ايقاف نفااااذ
لااعلم غدا مخبى اية بس انى خائفة جدا من بكرا
وهذى حياتى ياجماعه هل ليها حل ام لالالا
ماظنش انها ليها حلا
اسفة انى طولت عليكم

 

[نورالقرآن]

رد: هذى قصتى (لحظة تشائم) ولكن واقعيه

مآآآشآآآء الله حبيبتى
على الأراده والتحدى
وربنا يبارك فى أختك ويسعدها
هو المجتمع ظالمنا كتيييير
حسبى الله ونعم الوكيل
ربنايخلى لكِ بابا وماما ويطول فى عمرهما ويخليكِ لهم
وبكره إن شاء الله يتقدم لكِ ابن الحلال
وتبقى أحلى عروسه فى الدنيا
ولا تنسى تعزمينى على الفرح
الله يسعدكِ ويبارك فيكِ
دمتى بكل حب

 

[بقايا الامل]

رد: هذى قصتى (لحظة تشائم) ولكن واقعيه

الأمر كله بيد الله تعالى وهو أعلم بكل شيء
لذلك دعي الأمل بين نفسك وذاتك ما دام الله موجوداً
وسؤالك مع إنه مُحير وصعب ,, لكن دهي كل شيء لله
فهو عالم بكل شيء !!!

أسعدك الله وحقق حلم حياتك

 

[امتنااان]

رد: هذى قصتى (لحظة تشائم) ولكن واقعيه

انتي عيشي يومك ولاتفكري في بكرا الله كفيل يتولاكي
ماخلق احد الى وانزل رزقه معاه وياما فيه ناس طبيعين وتعبانين في حياتهم
ومشاالله حياتك كلها كفاح وجد وامل والله يوفقك ويحقق امالك
استمري وثابري ولا تقطعي الامل
دمت بكل خير

 

[الريم]

رد: هذى قصتى (لحظة تشائم) ولكن واقعيه

همس القلوب

ماشالله على قوتك وصبرك وتحملك

زادك الله همة وقوة في طاعته

صدقيني لاتنظري هذه النظرة السوداوية للزواج

واذا ربنا كاتب لك نصيب بتاخذيه

دائما رددي
ربي لاتذرني فردا وانت خير الوارثين

ان الله ا رحم بنا من امهاتنا
ماهو تشخيص اصابتك أيتها الرائعة؟

 

[همس القلووب]

رد: هذى قصتى (لحظة تشائم) ولكن واقعيه

اشكركم بجد على الردودكم الرقيقه دى
اختكم
همس القلوب

 

[ahmed abady]

رد: هذى قصتى (لحظة تشائم) ولكن واقعيه

تعرفى حالتك متشابهة مع حالتى كتير
انا شلل دماغى cb برده
بس الفرق ابويا , هو ليساعدنى فى الحاجات اللى معرفش اعملها
و عمرى ما طلعت الاول :11:

 

[بنت الرافدين]

رد: هذى قصتى (لحظة تشائم) ولكن واقعيه

عزيزتي همس القلوب ....

أحي شجاعتك واصرارك علي التعليم ...

عيشي يومك ولا تفكري بهموم الغد الذي لم يحن بعد,

وفقك الله لما يحبه ويرضاه.

 

[همس القلووب]

رد: هذى قصتى (لحظة تشائم) ولكن واقعيه

تعرفى حالتك متشابهة مع حالتى كتير
انا شلل دماغى cb برده
بس الفرق ابويا , هو ليساعدنى فى الحاجات اللى معرفش اعملها
و عمرى ما طلعت الاول :11:

الله يعطيك العافية وخليلك باباك
ومش مهم تطلع الاول ولا الاخير:11: المهم تبقى واثق من قدراتك
مع ان ممكن تطلع الاول بس مع شوية عزيمة واراده واسرار

وجزاك الله خيرا يااخى الكريم على مرورك

 

[همس القلووب]

رد: هذى قصتى (لحظة تشائم) ولكن واقعيه

عزيزتي همس القلوب ....

أحي شجاعتك واصرارك علي التعليم ...

عيشي يومك ولا تفكري بهموم الغد الذي لم يحن بعد,

وفقك الله لما يحبه ويرضاه.

جزاكى الله خيرا على مرورك وكلامك

 

[~ بنت النيل ~]

رد: هذى قصتى (لحظة تشائم) ولكن واقعيه

همس القلوب

ليس عندى ما اقوله لكى الا كما قال لكى الاخواة والاخوات هنا

الصبر فانتى انسانه صابرة وقويه

وكل شيئ باراده الله وهو الى بيدبر لنا امورنا

تقبلى فائق احترامى

 

[همس القلووب]

رد: هذى قصتى (لحظة تشائم) ولكن واقعيه

اشكرك ياقمر على مرورك

 

[بسام المسوري]

رد: هذى قصتى (لحظة تشائم) ولكن واقعيه

اختي همس القلوب احييك على اصرارك وعزيمتك والى الامام

واصلي تقدمك ولا تفكري في الغد فكل يوم له شمسه وريحه

تقبلي مني ارقى تحيه

 

[همس القلووب]

رد: هذى قصتى (لحظة تشائم) ولكن واقعيه

اشكرك اوى على مروروك

 

[فارس عمر]

رد: هذى قصتى (لحظة تشائم) ولكن واقعيه

مرحبا همس القلوب
شلونك اليوم ؟
بتعرفي ؟؟
أنا حاسس إنك مبسوطة بهاليومين
وحاسس إنك وحده بتحب الحياة من كل قلبها .
وحاسس إنك متفائلة كتير .
لأنك بتسألي عن المستقبل .
وكل واحد بيسأل معناها بيحب الحياة .
وكمان أنت شخصية حلوة وعفوية .
بتفتحي قلبك للكل .
وهاي ميزة موجودة بس عند الرائعين الطيبين , والحلوين .
أنا هيك شايفك ...
خليكي هيك على طول . أي ؟؟؟
قولي : أي - يعني حاضر
الله معك .
نلتقي قريباً

 

[الامل مع الله]

رد: هذى قصتى (لحظة تشائم) ولكن واقعيه

"همس القلوب "
جميل همساتك التي نثرتها في صفحات قصتك ولكن الأجمل حبيبتي "همس القلوب" أن نبني أحلام دون أن يأثر علينا الأخرين فنصيحة أختي الحبيبه أن نَدع الهدامين وكل من يناصر النظرة السلبيه على مفترق الطرق لا يدري إلى أين يصل
ولكِ نصيحة أخرى وأرجو ان تتحمليني لا تفكري في بكره كتير لانه التفكير في الجاي بتعب أكثر ما يريح
فتوكلي على الله وجعليه نصب عينك وفهو الذي خلقنا وبيده الأمر الكله هو اعلم بحالنا أكثر منا نحن

تقبلي مروري
دمتي بسلام

 

[همس القلووب]

رد: هذى قصتى (لحظة تشائم) ولكن واقعيه

مرحبا همس القلوب
شلونك اليوم ؟
بتعرفي ؟؟
أنا حاسس إنك مبسوطة بهاليومين
وحاسس إنك وحده بتحب الحياة من كل قلبها .
وحاسس إنك متفائلة كتير .
لأنك بتسألي عن المستقبل .
وكل واحد بيسأل معناها بيحب الحياة .
وكمان أنت شخصية حلوة وعفوية .
بتفتحي قلبك للكل .
وهاي ميزة موجودة بس عند الرائعين الطيبين , والحلوين .
أنا هيك شايفك ...
خليكي هيك على طول . أي ؟؟؟
قولي : أي - يعني حاضر
الله معك .
نلتقي قريباً

مرسى اوى على مجاملة دى كلك ذوق والله
والله خليك على مرورك
وجزاك الله خيرا

 

[همس القلووب]

رد: هذى قصتى (لحظة تشائم) ولكن واقعيه

"همس القلوب "
جميل همساتك التي نثرتها في صفحات قصتك ولكن الأجمل حبيبتي "همس القلوب" أن نبني أحلام دون أن يأثر علينا الأخرين فنصيحة أختي الحبيبه أن نَدع الهدامين وكل من يناصر النظرة السلبيه على مفترق الطرق لا يدري إلى أين يصل
ولكِ نصيحة أخرى وأرجو ان تتحمليني لا تفكري في بكره كتير لانه التفكير في الجاي بتعب أكثر ما يريح
فتوكلي على الله وجعليه نصب عينك وفهو الذي خلقنا وبيده الأمر الكله هو اعلم بحالنا أكثر منا نحن

تقبلي مروري
دمتي بسلام

اولا جزاكى الله كل خيرا ياقمر
ثانيا لوكنت ببص لنظرات الاخيرين ماكنتش خرجت من بيتى ولا حلمت وسعيت لتحقيق هذا الاحلام ولا وصلت لجامعه وبقول لكل من لديه اعاقة لالالالالا تهتم بنظرات الناس لك ولا كلامهم الهدااااام وثق انك يوم هتقابل بعضهم من هذة الناس يبقى هما يتمنوا انهم يكلمواك وفخورين بك
ونا عرفه بعضكم هيقولوا انى مغرورة ولكن انا اقولهم دى مش غرور دى ثقه اولا فى الله ثم بنفس

وثالثا
لازم افكر فى غدا لازم اخطط حياتى
منفعش اعيش هبائا وطبعا كل شئ فى يد الله
بس ربنا قال اسعى ياعبد وانا اسعى معاك
وبعد اذنكم اقولكم شئ
انا نشرت قصتى وذكرت جزء جواز معاقين كنت قصدى منها او بخاطب اصحاب شغل انى اغير نظراتهم لينا وبقولهم اننا لا لينا الا تعليم وشغل فبلاش تحرمووووونا من شغل كمان

فهل فهمتونى يااجمل اعضا ء التحدىالاعاقة
واشكركم مرة ثانيا

 

[ahmed abady]

رد: هذى قصتى (لحظة تشائم) ولكن واقعيه

الله يعطيك العافية وخليلك باباك
ومش مهم تطلع الاول ولا الاخير:11: المهم تبقى واثق من قدراتك
مع ان ممكن تطلع الاول بس مع شوية عزيمة واراده واسرار

وجزاك الله خيرا يااخى الكريم على مرورك

ما خلص , انا خلصت الكلية من 6 سنوات و عطل :11:
ادعلى لاقى شغل

 

[ahmed abady]

رد: هذى قصتى (لحظة تشائم) ولكن واقعيه

اولا جزاكى الله كل خيرا ياقمر
ثانيا لوكنت ببص لنظرات الاخيرين ماكنتش خرجت من بيتى ولا حلمت وسعيت لتحقيق هذا الاحلام ولا وصلت لجامعه وبقول لكل من لديه اعاقة لالالالالا تهتم بنظرات الناس لك ولا كلامهم الهدااااام وثق انك يوم هتقابل بعضهم من هذة الناس يبقى هما يتمنوا انهم يكلمواك وفخورين بك
ونا عرفه بعضكم هيقولوا انى مغرورة ولكن انا اقولهم دى مش غرور دى ثقه اولا فى الله ثم بنفس

وثالثا
لازم افكر فى غدا لازم اخطط حياتى
منفعش اعيش هبائا وطبعا كل شئ فى يد الله
بس ربنا قال اسعى ياعبد وانا اسعى معاك
وبعد اذنكم اقولكم شئ
انا نشرت قصتى وذكرت جزء جواز معاقين كنت قصدى منها او بخاطب اصحاب شغل انى اغير نظراتهم لينا وبقولهم اننا لا لينا الا تعليم وشغل فبلاش تحرمووووونا من شغل كمان

فهل فهمتونى يااجمل اعضا ء التحدىالاعاقة
واشكركم مرة ثانيا

انا معك همس , انا فعلا اكتر موضوع يشغل بالى بكرة
الشغل مفيش
الاب او الام تساعدك بعدهم اولما يكبرو
مين يساعد ,فى حاجات ما ينفع الا هما
انا من كتر التفكير كبرت دماغى
من الشلل الدماغى :20: