هل ابني مصاب بالتوحد ؟

[قلبي عبدالعزيز]

دكتور ولدي عمره سنتين ونص ولكنه لم يتكلم الى الان الا اربع كلمات او خمس
المشكله اني لاكلمته مايلتفت علي الا اذا هو بغى او لاناديته لموضوع يهمه
يعني لاقلتله حبيبي خذ اسكريم خذ شيبس خذ بيبسي يلتفت لي ويستجيب ويجيني

لاقلتله نروح الحمام يمشي معي لاقلتله خلينا نروح ننام يسبقني للغرفه
لاقلتله بنطلع راح وجاب عباتي او ثوب ابوه

غير كذا لو اكلمه او اناديه مايلفت لي سواء انا او غيري الا قليل
يعني مو في كل مره بيلتفت لو بس ناديته باسمه

لو راح للكهرب واقوله عيب يفهم علي لكني مثلا لو اقوله سكر الباب مايعطيني وجهه

حركي كثير يعني مستحيل اسيطر عليه برا البيت .. يبي يركض ولا احد يمسكه
لارحنا مطعم مثلا يجلي ياكل لاكان جوعان ولا شبع مايبي يجلي ولا يبي يجلس بالغرفه

بالمجمع يبي يركض وبس ويصعد بالدرج المتحرك دائما وحتى بالدرج العادي

يبوسني ويحضني ونفس الشي يسويه مع ابوه والخدامه واهلي
لاهاوشه اخوي مثلا يروح له ويضمه ويبوسه يعني كانه يراضيه مثلا

انا بالبدايه قلت يمكن عادي ومجرد تاخر بالكلام
لانو اهل ابوه تاخر الكلام عندهم منتشر كثير اعمامه وعماته حتى انهم كانوا يشكون انهم طرمان
حتى الان ابوه مو من النوع سريع البديهه او سريع الكلام

لكن شكيت انو ممكن يكون فيه توحد بسبب هالسلوكيات

ممكن تفيدني يادكتور ؟ ولدي وش يشكي منه ؟ وش وجهه نظرك بالموضوع ؟

 

[oxycare]

رد: هل ابني مصاب بالتوحد ؟

المعلومات الواردة في الرسالة غير كافية لتشخيص الطفل، يمكمنك الاتصال معنا غلى هاتف 0096265622774