[إستشاره] هل هو توحد ام لا

[يااارب]

والله مسجله بهالمنتدى عشان هالولد اللي عندنا ابي اعرف هل هو طبيعي او لا

الله يجزاكم خير على ما تقدمونه بهالمنتدى لفيته وقريت معلومات عن التوحد بس ما ادري معد عرفت

عندنا طفل (من الاقارب) عمره سنتين و3شهور تقريبا

بقولكم حركاته وصفاته اللي خلتني اشك

اولا ما يتكلم الا كلمتين فقط

يفهم ممكن امرين فقط يعني اعطني او خذ

ما يفهم اوامر ثانيه مثل اغلق الباب

ما ينادي امه وابوه

بعض المرات ونادرا يقول ماما بس ما يقصد انه يناديها

واذا اختفى عننا نناديه باسمه نبي ندري وينه مايرد علينا

اول كان ما يناظر عيونا اذا كلمناه الحين يناظر شوي ويوخر

حساس جدا يبكي كثيرا
تجيه نوبات غضب امه تقول ما ادري وش يبي
بعض المرات يبكي بكاء شديد ويمسك يدها وياخذها يدور بها بالصاله واذا وقفت يبكي

يركض وما يناظر اللي قدامه عادي كل شي قدامه يدعسه بطريقه بيالات صحون حلا او اكل

يلعب مع الاطفال ويفرح اذا شاف قريبته جت يلعب معها يلاحقها ويضحك

وامه تقول اذا شاف الطفل ما اعجبه مثلا يضرب ابنها يبعد عنه ويلعب مع نفسه

ويحب الاحتضان جدا يروح لناس معينين ويحتضنهم

بعض المرات كأنه ما يسمع لو ينكسر قزاز ما انتبه له

يكرر الشي ولا يمل مثلا يركب سيارته وامه تنزله يكرر هذا الشي الين الام تمل وهو ما يمل


للعلم انا قلت لأمه توديه بس انها ما تجاوبت معي

وانا كل اللي ابيه انهم يلحقون عليه من صغره اذا فيه شي لا سمح الله

 

[ام عزو]

رد: هل هو توحد ام لا

حبيبتي لازم هي تقتنع توديه
انا ما اقدر احكم على الولد ولانيطبيبه بس التوحد لازم يجتمع فيه ثلاث ركائز عدم التواصل الجتماعي وعدم الكلام والحركات النمطيه والتكراريه
على الاقل دامه ينبسط بالاطفال لازم اقلها يروح حضانه يوميا عله ينصلح امره والله المعين

 

[ياربي رحمتك]

رد: هل هو توحد ام لا

الله يجزاك خير علي اهتمامك الله لايحرمك الاجر عزيزتي
وبالاول لازم تنبهين وتوعين الام اذكر لما انتبهت لمشكلت ابني كانت اختي تقولي من الاول كنت اقولك مايركز والله مثل اللي ارجعتله الذاكره تذكرت كلامه بس ماكنت واعيه او متوقعه بإصابة ابني للمرض فكنت اطنش ملاحظتها
خلي امه تشوف المنتدي علشان تنتبه علي ابنها من صغره
من ناحية التشخيص صعب ان اي شخص اشخص حالته هذا الامر متروك لاهل الاختصاص بس بما ان مرينا بتجارب الولد ماشاء الله تبارك الله اشارك الاطفال وهذي ميزه ليست في التوحدين وبصراحه مابي اخوفك الاعراض لم تظهر علي ابني علي طول لان فيه اعراض خوفتني عليه ومع ذلك كان يلعب مع الاطفال وظهرت الاعراض بالتدريج
--------------------------
اهم شي ليس التشخيص بل ان فيه مشكله فالاهم البحث عن حلها لكن كيف والام للحين ليست مستوعبه المشكله
اتمني لطفل الشفاء

 

[احلى دودي]

رد: هل هو توحد ام لا

ياشر بيده على الشي اللي يبغاه

انا اول شي لاحظته بولدي ما يأشر ابدا

 

[نجمة الرياض]

رد: هل هو توحد ام لا

ماعليش هي عملت له اختبار سمع؟
انت قلتي لا انكسر جنبه شي مايهتم؟؟؟
طب التوحدي احيانا يهتم انا ابني لما ارمي شي ينتبه بس مايرد على لما اناديه
مو كل من تجاهل اهله لما ينادونه يعتبر متوحد ولا كل من تاخر بالكلام متوحد ولا كل من مافهم الاوامر متوحد
يمكن عنده تاخر عقلي و ممكن يكون عنده ضعف سمع و ممكن يكون توحد
اولا واخيرا تحديد طبيعه المشكله يعتمد على الطبيب المختص وهو الى يحدد
اهم شي الام تلاحظ المشكله بنفسها و تنتبه لها

تبي تشوفي سمعه هل هو اوكي ولا لا
جربي شغلي التلفزيون على برنامج هو يحبه و هو يكون في مكان بعيد عن التلفزيون يعني مايشوف جهاز التلفزيون اذا جاء ركض معناها انه سمعه ماعليه خلاف

بالنسبه للتوحد فهو درجات من بسيط الى شديد
ومثل ماقالت الاخت ياربي رحمتك الامور تجي بالتدريج
اذكر اول مارحت الطبيبه انا كنت رايحه عشان ابني متاخر بالنطق وبالمره سالتني مجموعه اسالها كانت اجابتي على اغلبها لا لان ابني ماكانت عنده مشاكل في الحساسيه للصوت والملمس وماكان يمشي بدون تركيز ووو
بعد مارجعت من الطبيبه وخلال شهر ظهرت كل الاشياء الى سالتني عنها
مادري هل هي كانت موجوده وانا ماكنت انتبه ولما ركزت انتبهت او انها ظهرت مع الوقت
بس الاكيد انها ظهرت مع الوقت لان حتى الى في الحضانه الى اودي لها ابني لاحضو ظهورها

مثلا: هل الطفل يكره المشي على بعض الاسطح مثلا مايحب يمشي خافي على الحصى ولا على الثيل ولا على.... يعني فيه عنده كره للمشي على سطح ما؟
هل يمشي بتعثر يعني ممكن يمشي ويصدم بطاوله لا تقولين بياله لان حتى احنا الكبار احيانا نتعثر بالاشياء الصغيره مثل البياله. انا اقصد هل يتعثر بلعبه كبيره واضحه امامه.

هل يمسك شي صغير و يركز فيه ويلعب بشكل تكراري لا تقولين انه يلجلس بسياره ويلعب فيها وقت طويل... هل مثلا يلعب بالسياره بطريقه غير عاديه؟ مثل هل يقلبها ويجلس وقت طويل يدور بعجلاتها بيده و يكرر التصرف؟

هل له تفضيلات في الاكل؟ يعني هل ياكل اصناف محدوه وماهو مستعد يغيرها ويرفض غيرها؟

و كثير كثير من الاشياء الي لازم يسال عنها الطبيب قبل مايقرر هل الطفل متوحد او لا