اهل الامارات ساعدوني تكفون في وين مراكز التوحد

[ام عبود وعلي]

السلام عليكم ورحمة الله وبركاته

اخواني واخواتي اهل الامارات المواطنين والمقيمين

انا سعودية وعندي طفل توحدي وعندنا عمل في الامارات لمدة سنة
بتكون ع السنة الجديدة ان شاء الله بس انا من الحين ابي ارتب اموري واعرف
بالضبط وش اللي بواجهه ووين اودي ولدي هناك

ابي اعرف وين المراكز الكويسة في الامارات

للحين ماحددنا اي امارة بس بشكل عام اتكلم

هل فعلا المراكز الحكومية تقبل السعودي مثل الاماراتي ؟

واذا ماكانت تقبل ...بالنسبة للمراكز الخاصة وين الافضل ؟ وبكم الاسعار تقريبا ؟؟

ياليييت يا اخواني تفيدووووني

انا سمعت عن مؤسسة زايد العليا انها تقبل المقيمين والخليجيين

بس ادوار الانتظار طويلة فهل هذا صحيح ؟؟

وكم ممكن الانتظار يكون

وكيف طريقة التقديم فيها ؟؟

اتمنى افادتي بشكل عاااجل تكفووون

 

[ازميرالدا]

رد: اهل الامارات ساعدوني تكفون في وين مراكز التوحد

ان شاء الله حد من الاخوات السعوديات بالامارات يفيدك
وان كنت اعتقد ان المراكز الحكوميه للمواطنين فقط بس الافضل تتصلي بيهم للتاكد
بالنسبه للمراكز الخاصه بنظام اليوم الكامل في حدود 50 الف درهم بالسنه فأكثر

 

[أم عبود الغالي]

رد: اهل الامارات ساعدوني تكفون في وين مراكز التوحد

ياهلاا اختي

انا من امارة ابوظبي

المراكز الحكوميه كله فل مافيها مكان ولدي في مركز خاص

والمراكز الخاصة في ابوظبي هي

مركز الخليج للتوحد كان ابني فيه وخوووش مركز بس بسبب ظروف تسكر لكن كل مدرسينه انتقلو لمركز جديد اسمه جسور يعني المدرسين نفسهم كانوا يدرسوا في مركز سابق

وفي مركز ثاني لكن سمعت انه لايقبل الا بعض الحادات القابله للدمج حتى حاولت ادخل ولدي فيه رفضوه وهو مركز الامارات للتوحد

في مركز اسمه المستقبل لكنه لايخص التوحد بل به اعاقات اخرى

بالتوفيق اختي

بالتوفيق اختي

 

[أم عبود الغالي]

رد: اهل الامارات ساعدوني تكفون في وين مراكز التوحد

وصح كلام ازميرالدا السعر غاااالي للمركز

حتى في واحد اظني من دبي دخل ولده في مركز ولدي يقول سعر مركز دبي او ماعرف اي اماره ضعف السعر

وولدي مركزهم اظني في حدود ال 50 الف في السنة

شوفي اذا شغل زوجك يغطي مصاريف التدريس والسكن بكون تمام لكم