حياتي تغيرت ؟؟؟؟

[شاطئ الأمل]

رد: حياتي تغيرت ؟؟؟؟

عزيزتي قلبي ضاع معك كيفك أن شاء الله تكون النتائج إيجابية كل ما اتمناه منك أن تركزي على إثراء الحصيلة اللغوية لديه ممكن أن تدخلي على هذا الموضوع :ـ كيف ننمي قدرات الطفل اللغوية وهذاهو الرابط
http://www.t7di.net/vb/showthread.php?t=29323
إذا كنتي بحاجة إلى مساعدة نحن في الخدمة
دمتي بعافية

 

[أختكم فى الله]

رد: حياتي تغيرت ؟؟؟؟

السلام عليكم ورحمة الله وبركاته
اهلا بيكى يا أختى بيننا ربنا يقر عينك بإبنك قريبا إن شاء الله
أنا مش هجملك وأقولك إنك مقصرتيش فى حق إبنك ...أكيد بكل المقاييس إنك قصرتى وأهملتى فيه وانتى اول واحدة معترفة بكدة وكمان بتقولى إنه مكنش غصب عنك .. طبعا أنا مش بحاسبك بس لو حتى إبنك طبيعى فكان لازم الوضع ده يتغير بسرعة لأنه له حق عليكى وكفاية إللى إنتى حاسة بيه وتأنيبك لنفسك أكبر دليل إنك أم حنونة وقلبك على إبنك زى كل الأمهات بس أحيانا الدنيا بتلهى الإنسان وبتخليه يقصر فى واجباته ... والحمد لله مفتش وقت كتير الولد لسة صغير
بس برده مش معنى كدة إنك ممكن تكونى السبب فى مرض ابنك .. بس هو أكيد كان عنده إستعداد والظروف برده دعمت المشكلة عنده شويه ... ويمكن لو رجعتى بذاكرتك لورا شوية هتلاقى خلال التسع شهور الأولى قبل ما تعطيه للخادمة كان متغير شوية عن أقرانه أو عن أخوه

أنا بنتى عندها دلوقتى سنة و11 شهر وده تقريبا أقرب سن طفل فى المنتدى لإبنك ... لأن الباقى ما شاء الله كبار ربنا يعافيهم ويبارك فيهم ... أنا إكتشفت مشكلة بنتى وهى عندها سنة و5 شهور ...... وحابة أديكى خلاصة الست شهور إللى فاتت من سهر وبحث على النت وتساؤلات واللف على الأطباء واوفر عليكى بعض العناء والأخطاء إللى إرتكبتها

أولا .. أنا مش هقولك فوقى من الصدمة بسرعة لأ بالعكس خودى وقتك علشان تفوقى بجد ومتتجاهليش صدمتك علشان نفسيا ترتاحى ومترجعلكيش تانى بنفس القوة مرة تانية .. وإحمدى الله وشوفى إللى أسوأمنك وأعتبرى بيهم .. ومتعتبريش إن مشكلة إبنك عقاب من عند ربنا .. إعتبريه إبتلاء وإمتحان ولازم تنجحى فيه واحتسبيه عند الله ويبدو إنك مؤمنة وقوية الحمد لله وبتحبى ابنك ومستعدة تعملى أى حاجة علشانه وربنا هيوفقك إن شاء الله

ثانيا .. كل الأسئلة عن مستقبل ابنك أتركيها عل جنب ومتفكريش فيها خالص وإعتبريه هيكون أحسن مستقبل إن شاء الله .. والأهم من جوازهم وعيلهم إنهم ربنا يشفيهم ويندمجوا مع مجتمعهم ويتعلموا ويعتمدوا على نفسهم وده الحمد لله بيحصل كتير فى حالات اولادنا بالإهتمام والتدخل المبكر .. أنا نفسى بقول إن فيه بنات كتير طبيعين ومتعلمين وعلى قدر من الجمال والأدب وحتى الآن متجوزوش مع إنهم كبروا فى السن و الأسباب مجهولة وكل شئ نصيب فياريت متكونش دى قضيتنا ومنفكرش فيها دلوقتى خالص

ثالثا .. أنا عارفة إنك محتارة ومش عارفة تروحى لمين دلوقتى أو تعملى معاه إيه ومحتاجة ترتيب أفكارك... أهم شئ إنك متتسرعيش فى إختيار الطبيب ودايما إسألى قبل أى خطوة وهتلاقى الأخوات دايما فى خدمتك ومحدش هيبخل عليكى بشئ علشان متضيعيش وقت مع طبيب مش خبرة ومعدوم الضمير زى كتير من إللى بيشتغلوا فى المجال ده .. وفى نفس الوقت ده متضيعيش وقت مع ابنك وتنتظرى الدكتور يقولك هتعملى إيه لأنك متضمنيش رحلة البحث عن طبيب والتشخيص هتاخد منك وقت قد إيه ..لأنى ضيعت حوالى 5 شهور من غير ما أبدأ مع بنتى فى أى تدريب وحتى الأن لسة مستقرتش على طبيب ولا مركز للبنت .. ولما بدأت معاها ولاحظت الفرق ندمت على الخمس شهور غللى فاتو وحسيت إنى ضيعت وقت كان ممكن يفرق معايا كتير

رابعا .. متحاوليش تقرأى مواضيع محبطة عن التوحد لأنه أنواع وممكن تكون حالة إبنك بسيطة فممكن معلومة عنه تحبطك أو تكون معلومة قديمة قبل مايكونوا إكتشفوا حل لمشكلات كتير وتصيبك بالإحباط وتقولى مفيش فايدة .. وبالعكس إقرأى مواضيع تدعمك وتخليكى تتفائلى زى موضوع الأخت منيرة
http://www.t7di.net/vb/showthread.php?t=18152

الموضوع ده كان السبب فى إنى فوقت من صدمتى بسرعة وهون عليا ودفعنى للأمام الحمد لله وكمان الموضوع ده
http://www.t7di.net/vb/showthread.php?t=30867
هيفيدوكى كتير وهيخلوكى تتفائلى إن شاء الله
وكمان الموضوع ده مهم جداااا ومفيد وهيوفر عليكى أسئلة كتير ممكن تكونى بتسأليها لنفسك أو هتحتاجى تسأليها للأمهات بعد كدة
http://www.t7di.net/vb/showthread.php?t=29788

خامسا .. بالنسبة لتدريب إبنك بنفسك هيكون الجزء الأكبر عليكى حتى لو ألحقتيه بمركز .. فيستحسن تبدأى من دلوقتى .. وبالنسبة للبداية يتستحسن تخدى وقتك فى قرأة المواضيع إللى قولتلك عليها دى كويس وفى نفس الوقت البداية تكون بتغيير روتين حياة إبنك إللى ممكن تكونى حطتيه فيه غصب عنك وتغيير طرق التعامل معاه والكلام معاه وحاولى تحسنى علاقتك بيه وتديه من وقتك وتكلمى وتشرحيله كل شئ فى عبارات قصيرة مش أكتر من كلمة أو كلمتين ويتكرروا مع كل موقف مشابه .. يعنى مثلا (تعالى ) (إلعب كورة ) (كل مم) وطبعا حسب لهجتكم إنتوا وحاولى تعرفيه على أجزاء جسمه اولا وحتى لو رفض فى الول وأكيد ده هيحصل كونى صبورة معاه ومتضغطيش عليه
وبالنسبة للمهارات الموضوع ده هيفيدك
http://www.t7di.net/vb/showthread.php?t=20387
فيه مهارات العام الأول شوفى إيه إللى نقصه وحاولى تعلميه مهارة مهارة
وفى الموضوع ده تجربتى فى تعليم اول مهارة لبنتى ممكن يفيدك
http://www.t7di.net/vb/showthread.php?t=31106

وبالنسبة للأكل الأخوات نصحوكى ووفوا
وإن شاء الله ربنا هيكتبلك كل الخير وهتلاقى حياتك إتغيرت فعلا للأفضل وهتحسى إن فى هدف فى حياتك كبير عايزة تحققيه وفعلا هتعرفى معنى الحياة الحقيقى وهتعرفى تفرقى بين التوافه إللى كنا بنعتبرها أهم الأشياء وبين فعلا الأمور الأهم وإللى تستاهل وقتنا وطاقتنا وكله إن شاء الله هيكون فى ميزان حسناتك وهيكونلك أجرين أجر معنوى لما تشوفى إبنك بيتقدم قدامك وإن شاء الله أجر كبير عند الله لصبرك وإحتسابك ومتنسيش أهم شئ الدعاء لإبنك على طول والإستغفار والإستعانة بالله والدعاء ليكى ولزوجك بالصبر والرضا وإن شاء الله هتشوفى كل خير وفرح ليكى ولإبنك

أنا يمكن طولت عليكى كتير .. بس بصراحة الشهور إللى فاتت ليا فى المنتدى عرفونى معنى الأخوة والعطاء والنصيحة ولما لاقيت الفرصة إنى أفيد حد بخبرة بسيطة جداااا وأوفر عليه بعض العناء إللى ممكن يتعرضله حبيت أعمل زيهم وأفيدك .. لأنى كنت محتاجة جداااا لكلام زى ده فى أول مشوارى وفى نفس الوقت إللى إنتى فيه دلوقتى
طبعا كل كلامى إللى فات ده مش معناه إنى بجزم إن إبنك عنده توحد .. بس إنتى أدرى واحدة بإبنك وحتى لو مكنش عنده توحد فإنتى من كلامك يبدو إنه بيعانى من مشكلة مهما كانت لازم نبدأ فى علاجها بداية العلاج أهم بكتير من بداية رحلة البحث عن تشخيص وربنا يوفقك إن شاء الله

أرجو إنك تقبلينى صديقة ليكى ولو كنتى مازلتى ليكى بعض الإستفسارات إللى تحبى تسألينى فيها متتردديش أبدا واسألينى وأسألك الدعاء لبنتى ربنا يشفيها هى وابنك إن شاء الله

 

[قلبي ضاع معك]

رد: حياتي تغيرت ؟؟؟؟

روى روى ...
كلامك صحيح الماضي ما فيه فايدة لكن انا تعبااانه الندم مأكلني ومتعب نفسيتي ..
شكرا لك اختي الكريمة ..

ام العيس ..
ياريت اقدر اتواصل معها لكن للاسف هي جدا مشغولة وكنت حاطه امل كبير عليها لكن الان خاب املي لان عندها حالات كثيرة ...وتحتاج وقت ..
ان شاء الله اقدر احصل عندها فرصة حتى لو بس تشوف الولد .. يارييييييت الله كريم ..

 

[قلبي ضاع معك]

رد: حياتي تغيرت ؟؟؟؟

شاطئ الامل ..
شكرا لك اختي الكريمة وجزاك الله خيرا بالفعل الموضوع جدا رائع واستفدت منه ان شاء الله ارجع له مرة ثانية وافصفصه كله بتفاصيله الكاملة .. وان شاء الله لو عندي سؤال ما تقصرين .. الله يوفقك ..

اختكم في الله ..
ما تدرين اي كثر كلامك وردك رفع معنوياتي وخلاني استعيد توازني النفسي وخلاني اصحصح .. وافوق لنفسي اكثر واكثر ...
كل كلامك صحيح ... وعين العقل ...
حاليا مر على اكتشاف حالة ابني محمد تقريبا 10 ايام ولكن احسها الايام سنين ؟ بس الحمد لله لولا اكتشاف هذا المنتدى ما ادري كيف راح تكون حالتي ؟ وكيف راح اتغلب على الوضع ..
سعيدة ان اكون صديقة لك واتعرف عليك وعلى بنتك .. ونتبادل اليوميات والعلاجات واخر الاخبار ... لاني دائما ارى الحالات تكون اكبر من سن ولدي ومثل ما قلت اقرب شئ عمر بنتك ...
يمكن لو اقولك كلمة شكرا الف مرة ما راح اوفيك حقها ؟ لكن بالفعل كسبت اجر وثواب فيني لاني كنت بحاجه لكلمة لامل لشئ يخليني استعيد توازني .. ابني احسه بدأ يتحسن وضعه قليل جدا بس مو مثل الاول .كان رافضني بتاتا. وان لازال عندي هذا الاحساس ان اللي فيه مرض التوحد ؟؟ احيانا اخالط نفسي واقول ربما مرض مختلف شئ اخر نقص تركيز او او ؟؟ لكن التحاليل ننتظرها وان شاء الله خير ..

سؤالي لك اختي الكريمة ..

كيف اكتشفت حالة ابنتك واي دكتور اللي شخصها واخبرك بالمرض ؟ وكيف تأكدت ما هي التحاليل اللي عملوها له ؟,

الان كيف تحسنت حالتها وكيف تدربينها في البيت ؟ قرأت موضوعك واحس ولدي يمكن يستجيب لنفس طريقتك لانه يحب الجوال والفيديو اللي فيه

ويا ربي يشفيها ويشفي كل مريض بهذا المرض وتشوفيها يوم عن يوم تتطور وتكبر قدراتها ...

 

[المتفائلة]

رد: حياتي تغيرت ؟؟؟؟

معليش هونى عليك هو حقيقة حمل تقيل ولكن يجب علينا ان نرفعه ونستمر مرحبا بكى بيننا والاخوات وفو وكفو بس حبت اقولك شى ان التدريب السلوكى المكتف فى الصغر يفيد مرضى التوحد كتيرا ......

 

[ام اسلام]

رد: حياتي تغيرت ؟؟؟؟

ا
ا
اولا اهلا بك بالمنتدى,ياعزيزتي من ناحيه القتل والشنق ,لا بد منه معك,بس الحمدلله صحيت لحالك...........لحظه بمزح معك.
التقصير موجود منك كام ,ولكن ليس هو سبب حالة ابنك,لان هناك مثلا اطفال ولدو في ملاجئ وعاشو الشوارع,وما عندهم مشكلة,لكن برافو عليك انك اكتشفت الخلل مبكرا,واحكي الحمدلله فانت افضل من غيرك,الاخوات ما قصرو باتلنصائح الخاصة,واريد ان ازيدك من خبرتي:
1-ادخلي انت عالمه ,اسهل هو من دخوله عالمنا,وتدريجيا سيبدأيخرج من عزلته,مثلا:العبي معه بدايه بنفس طريقته العشوائيه وقلديه انت,ينثر الرمل بالهواء لافعلي مثله,قد تستمري شهر على هالحال وبعدين العبي معه بطريقتك الصحيحه.
2- من اليوم لازم يرد على اسمه لاحقيه,نادي ,ما رد,اذهبي اليه وانظري بوجهه.

3- من اليوم ممنوع يكون وحده ابدا وزعي الوقت بينك وبين افراد العائله.
4- من اليوم:مبالغة كبيرة بالتعبير والانفعالات,مثال:رد وانتبه لاسمه,يجب عليك التصفيق والمبالغه بالفرح,يعني خلي اخر الشارع يسمع التهليل والتكبير...زهههههههههه تحمليني هذي نصائح حقيقه اتقني تطبيقها,ولكن انا من طبيعتي المرح,حتى في اصعب اللحظات.
هذا من جانب تعديل السلوك:عزيزتي:
انتبهي لاكله,ممنوع مواد حافظه او ملونه او اي شئ صناعي.
اعملي فحوصات تسمم المعادن وحساسية الجليب والقمح,بالنسبة للفطريات,لا اعتقد انها موجودة عنده.
يعني باختصار نصيحه كأخت خذي اجازة وتابعي بنفسك وستري خلال اقل من عام سيكون طبيعي مئه بالمئه وتكون ثاني حالة شفاء بالمنتدى نظرا لصغر عمره.
شفى الله ابنائنا جميعا اللهم امين.

 

[ام الدنيا]

رد: حياتي تغيرت ؟؟؟؟

حياك الله اختي ام محمد وصدقيني كم ذرفت دموعي لاني تدكرت حمودي عندما كان عمره سنتين والخبر الصاعق عندما اخبرنا الطبيب بحالته كلنا معك ان شالله على فكرة عرفتيني انا --------------- منتدى اخر

 

[ازميرالدا]

رد: حياتي تغيرت ؟؟؟؟

قدر الله وما شاء فعل كلنا نلوم انفسنا انه يمكن قصرنا ويكون بالفعل احنا مقصرين ولكن كثير غيرنا مقصرين اكثر مننا هذوله الافارقه وعيالهم لااحد يفهمني خطأ انا لااحتقر جنس اوشكل ولكن اضرب مثل هذا عيالهم فى الشوارع ومهملين ولانظافه ولاغذاء صحي ولاشي وطبيعين وما فيهم الا العافيه هذا قدر ونصيب

اشارتك للافارقه جارحه ولا تجوز كل جنسيه سواء كانت افريقيه او خليجيه فيها المهمل في النظافه و الغذاء و فيها المهتم
حاولت اقنع نفسي انك متقصوديناش و بعدين قلت حتي و لو... الكلام عموما لايجوز

 

[أختكم فى الله]

رد: حياتي تغيرت ؟؟؟؟

السلام عليكم ورحمة الله وبركاته
الحمد لله يا أختى فرحتينى كتير لما عرفت إنك إستعدتى توازنك الحمد لله ومعنوياتك إترفعت ربنا يرفعها كمان وكمان ومتخافيش إن شاء الله يوم عن يوم هتقوى أكتر وخاصة لما تشوفى تحسن إبنك بنفسك
كلام ام إسلام صح مية المية ربنا يجزيها خير هى لخصتلك أسس التعامل مع الطفل فعلا وخاصة فى البداية دى أهم شئ أنا كمان إستفدت منها

أما يا أختى بالنسبة لبنتى بداية إكتشافى لمشكلتها ممكن تتعرفى عليها من خلال الموضوع ده أول موضوع ليا على المنتدى
http://www.t7di.net/vb/showthread.php?t=25037
وبالنسبة للدكاترة
إحنا فى الأول ضيعنا وقت حوالى 3 شهور مع دكتور مخ وأعصاب وإللى عطلنا أكتر إن بنتى كانت متأخرة فى المشى فكنا بنعملها علاج طبيعى فكان شاغلنا عن حاجات تانية كتير وكانت فى الوقت ده بتاخد (أوميجا 3) و(ستيميولان) وحديد بس ومع ذلك إتحسنت عليهم فعلا ... يعنى خلال الثلاث أشهر دول بدأت تتكلم كلمات جديدة وتوظفها صح الحمد لله وكمان إتطورت إجتماعيا بنسبة كبيرة وبدأت تستخدم بعض الأشياء بشكل صحيح وكمان التقليد بقى كويس عندها جدااا الحمد لله ....... ولأنى حسيت بالتحسنات دى مع إننا معملناش مجهود كبير فندمت إنى مستغليتش الفترة دى كمان فى تدريبها لأنه كان ممكن يفرق معاها أكتر بس الحمد لله كل شئ خير

وبعد كدة روحت لدكتور متخصص فى التوحد بس مش طبيب دان وللأسف كانت تجربة فاشلة وممكن تاخدى عنها فكرة من الموضوع ده علشان متتعرضيش للى إتعرضتله
http://www.t7di.net/vb/showthread.php?t=30436

حاليا بقى إحنا حجزنا عند دكتورة فى مصر إسمها منال عمر نفسية وعصبية والحمد لله أحسبها على خير بس الميعاد يوم 14 \11 إن شاء الله هى مش دكتورة دان

لأنى بصراحة عندى مشكلة بسيطة مع أطباء الدان بسبب زوجى .. لأن زوجى طبيب أطفال وأغلب الأطباء فى مصر حتى النفسية والعصبية مش مقتنعين بأطباء الدان وبيقولوا إن العلاج السلوكى هو الأهم أو هو العلاج الوحيد ... وخاصة كمان إن ظروفنا حاليا مش مؤهلة للسفر والتحاليل ودوامة الدان إللى منكرش إنى مقتنعة إنها مهمة جداااا من تجارب الأمهات
بس مشكلتى أقنع زوجى إزاى بشئ هو طبيا مش مقتنع بيه وكمان ماديا مش مستعد ليه وخاصة إنه بيقولى إنه ممكن يقتنع بفكرة الحمية بس هو شايف إن المكملات والتحاليل دى وسائل للتجارة فقط وخاصة إن فى اماكن فى مصر ممكن يقوموا بالتحليل فيها وكمان شراء المكملات أو بدائلها وشايف إن تعامل أغلب أطباء الدان مع شركات معينة ومعامل تحليل معينة دا من باب التجارة أو النصب والإستغلال .... ومصر إننا نطرق باب العلاج السلوكى الأول ونشوف النتائج
وأنا بصراحة خايفة أضيع وقت أكتر مع بنتى بس ما باليد حيلة وكمان مضطرة اتابع مع دكتورة تقوم بتدريب بنتى لأنى مش لاقية مركز ثقة ادرب بنتى فيه فمحتاجة لطبيب يساعدنى ويشرف عليها من ناحية التدريب وقولت برده أنتظر علشان أعرف كل شئ تأثيره عليها إيه ومبدأش كل حاجة مع بعضها وفى الآخر معرفش التحسنات أو السلبيات كان سببها إيه

بس فى نفس الوقت أنا برده إتصرفت بطريقتى
أولا حاليا منعت عنها السكر والمواد الحافظة والشيكولاتة والملونات لأنها أكييييد مضرة حتى لأى طفل طبيعى
وكمان قللت من منتجات البان والقمح عن الأول
وكمان إديتلها دوا كان وصفوا لينا طبيب جراحة مخ وأعصاب وهو أكواجين وهو عبارة عن أكسجين نشط ممنوش ضرر بيساعد على وصول الأكسجين للمخ ولخلايا الجسم فبيحسن من وظائفها
وكمان بديها كالسيوم وحديد وب12 كفيتامينات للتقوية
وبديها بعض الأعشاب منها المهدئة ومنها المنشطة بجرعات قليلة طبعا بس مش عارفة بصراحة تنفع لسن إبنك ولأ
وكمان بقيت بنوعلها فى الأكل والخضار والفواكه وبحاول أعملها وجبات متكامله من كل شئ
ومازالت بتاخد أوميجا 3 ..بس وقفنا الستيميولان

وكل ده أنا ماشية عليه بقالى حوالى 10 أيام بس
وبصراحة حاسة إنه فرق معاها الحمد لله .. أولا العصبية قلت بنسبة كبيرة وكمان نومها بقى أفضل وبدأت تحاول تستخدم بعض الأجهزة إللى فى البيت زى التيليفون وكمان بتلعب فى زراير التيليفزيون إللى كان بيتهيألى إنها مش شايفاهم خالص ... وكمان بدأت تلعب مع نفسها بطرق جديدة أكثر مرح ومش بتمل بسرعة زى الأول وبدأت تنفز بعض الأوامر بسهولة مش بتزمر زى الأول وأتمنى إن ده كل ميختفيش وإن التحسنات تزيد مع الوقت إن شاء الله

وبالنسبة للمهارات زى ما قرأتى فى موضوعى دا إللى انا ماشية عليه بطريقة الفيديو والتدخل الشخصى كمان بس فى الأوقات المناسبة يعنى الأوقات إللى مزاجها بيكون رايق فيها
وكمان بدات ألعب معاها ألعاب جديدة واكتشفت إنها حبيتها جدااا زى فقعات الهواء أو فقعات الصابون حبيتها جداا وكمان بتساعد الطفل على التركيز والتتبع

ونسيت أقولك إنك تهتمى بتنشيط الحواس عنده لأن سنه صغير يعنى عمليه كأنه لسه نونو حطى حواليه أشياء بتصدر اصوات علشان ينتبهلها وكمان أشياء بتتحرك وأنوار بتتحرك علشان حواسه تنشط ... وحولى تخليه يلمس كل شئ بمختلف الملامس الخشن والناعم والصلب والطرى هيفرق معاه كتير

أما التخاطب فانا بعمله معاها على مدار اليوم زى ما قولتلك بالشرح بكلمة أو كلمتين بالكتير بس كمان صورتلها فيديو فيه ألعابها المفضلة والأجهزة إللى فى البيت إللى بتحبها زى التيليفزيون والتيليفون وبسميلها كل حاجة بإسمها وبكررها علشان تحفظ الإسم وبشغلهولها فى اليوم حوالى ساعة متواصلة أو متقطعة وكمان بوريها صورنا على الكمبيوتر وأقولها ( بابا ماما جدو تيتة ) حتى صورتها كمان بقولها( حبيبة ) وهى دلوقتى الحمد لله حفظت( تيتة وحبيبة )ولما بتشوف الصورة بتقول الإسم
وعلى فكرة العبرة مش بنطق الكلمة بس لأ ممكن الطفل يعرف الكلمة ويفهمها ويخزنها للوقت المناسب وبعدين ينطقها بس مهم جداا إنه يعرف الأسماء علشان هتساعدوا فيما بعد على فهم إللى بيدور حواليه من خلال الكلام

وكل دا طبعا على مدار اليوم وحسب الظروف يعنى مش مخصصلها وقت معين أو حتى وقت متواصل .. لأن إللى عرفتوا إن لسه سنها صغير وكمان فى البداية صعب إنك تلزمى الطفل بوقت طويل يقعدوا قدامك ويتعلم وخصوصا إنه بيرفض فى الأول إنه يتعلم أى حاجة وخصوصا السن الصغير ده
وانا كنت سألت الأخصائية نهى عزت عن الموضوع ده فى التدخل المبكر ممكن تقرأى الموضوع اكيد هيفيدك إن شاء الله وكمان هتعرفى معلومات أكتر عن حبيبة
http://www.t7di.net/vb/showthread.php?t=30630

معلش أنا بكتبلك روابط مواضيع كتير أنا خايفة إنها تشتتك بس ممكن تلاقى فيها إجابة اسئلتك بشرح أفضل ممكن مقدرش أشرحه ليكى فى الوقت الحالى
أتمنى إنى أكون جاوبت على أسئلتك بشكل وافى ولوحبيتى تعرفى حاجة تانية أنا تحت أمرك وربنا يطمنك على إبنك يارب

 

[أختكم فى الله]

رد: حياتي تغيرت ؟؟؟؟

بس حابة أسأل سؤال للأخت أم إسلام .. إيه إللى خلاكى تقولى إنكبتعتقدى إنه معندوش فطريات ؟؟!! لأنى حابة أعرف وجهة نظرك

 

[معك الي الابد]

رد: حياتي تغيرت ؟؟؟؟

الاخت الغاليه،لقداثرت فيه قصتك كثيروتذكرت مرحله من حياتي صعبه جدا اول ماعرفت حالة ولدي وكان الله في عونك،ولاكن اذااردتي مساعدت ابنك لازم تعدي هذي المرحله سريعاولاتقفي عندها لان الوقت بجد من ذهب بالنسبه لاطفال التوحد وكل ماكبرابنك وهوعلي هذي الحاله من غيرعلاج كلما انغمس اكترفي عالم التوحد،بس الحمد لله ابنك جدا صغير والوقت لم يفت بعدالعلاج معه حجيب نتجه سريعه وحلوه{العلاج السلوكي،والحميه بعد عمل تحاليل،والمكملات الغذائه}وغيرها كلما اطلعتي اكثرستجدي علاجات طبيعيه جابت نتجه مع اطفال التوحد،المهم ان تقوي نفسك فابنك حالياغيرمحتاج لام ضعيفه وسلبيه ولاحول ولا قوه لها،هومحتاج ام قويه تاخذبيده من عالم التوحد ام صامده وصابره ولن يستطيع احد بعد الله مساعدته غيرك انت،وانا عندي يقين من شدة حبك لابنك انكي انت هذي الام.والله معكي اختي ونحنوجميعا اخواتك وتحت امر،تصفحي في المنتدي من البدايه وستجدين اجوبه علي كثيرمن اسالتك،اخير اسفه علي الاطاله واتمنا ان اسمع عنك قريبا اخبار طيبه.وخطوات ناجحه في علاج ابنك

 

[قلب مثخن بجراح]

رد: حياتي تغيرت ؟؟؟؟

حبيبتي احمدي ربك لانه
-ابنك لازال صغير وهذا شي ممتاز لانه استجابته للتواصل والعلاج اسهل
-اكتشفتي وضعه بسرعه والحمدلله
-غيرتي حياتك معاه وبديتي الاهتمام فيه
معناه عفا الله عما سلف
شمري عن ساعديك وقولي يالله
دمتي بود

 

[ام علي]

رد: حياتي تغيرت ؟؟؟؟

بسم الله الرحمن الرحيم
قل لن يصيبنا الا ما كتب الله لنا هو مولانا وعلى الله فل يتوكل المومنون
اصبري اختي واوصك بالرقية الشرعية والصدقة والدعاء لله عز وجل بان يزيل المرض عنه وان شاء الله ربنا يشفيه لك ويصبرك

 

[قلبي ضاع معك]

رد: حياتي تغيرت ؟؟؟؟

عزيزاتي الامهات ..
اليوم رحت دوامي وشغلي الصبح حسيت بتغير في نفسيتي اضحك ابتسم اختفت ملامح العبوس قليلا عن وجهي ..
تبون تعرفون السبب ؟؟

السبب هو موضوعي هذا صحيح اني بكيت حتى الاب توب تطشرت عليه الدموع .. ولكن بالفعل انتم نعم الاخوات ... اشكركم جميعا من كل قلبي ..
حلاوة روحكم وردودكم اعطتني الامل والتفاؤل فتحتم عيوني على اشياء كثيرة ..

اتمنى وادعو الله ان يشفي ابنائكم جميعا ويوفقهم في حياتهم ..


المتفائلة ..
اسمك جميييييييييييل جدا .. شكرا على كلماتك وان شاء الله يتحسن

ام اسلام ..
ما شاء الله عليك روحك مرحه جداااااااااا وكلامك راااااااائع جدا .. اعطاني دفعه وجرعه تفااااؤل كبيرة .. ان شاء الله تكون ثاني حالة شفاء وابنك وجميع الاولاد والبنات هنا في المنتدى يشفون من كل مرض ..
صحيح ان الكلام من القلب يصل سريعا للقلب .. وكلامك بالفعل اسعدني جداااااا ..

انا حاليا دائما اناديه ولكن للاسف لا يستجيب كثيرا لي لو اصااااااااااارخ لاخر الحي ما سمعني ولا التفت لي ؟؟ اشياء كثيرة ومهارات كثيرة تنقصه ؟. مو عارفه كيف اعالجها عنده ؟. يعني ما يأشر بيده لو اراد شئ لو شاف شئ ؟
لو كلمته احسه بدنيا غيييييييير ؟ مو وياي ؟؟ وغير عن هذا لا يريد ان يتعلم لو اخذت يده وعلمته لا يستجيب ولا يتفاعل يرفض بشده ..

المكعبات الشئ الوحيد اللي نجحت فيه اعطيه مكعبات على بعض مرصوصة وهو يفتحها .. امسك المكعب بيد واليد الاخرى يشيل المكعب الفوقي .. والحمد لله احسه تجاوب معي بالاول رفض وبششششششششششششده والان اعطيه المكعب وهو يفتحه ..

هذا التحسن الوحيد اللي نجحت فيه ؟

ازميرالندا ..
اختي الكريمة اهلا بك في الموضوع لكن اتوقع ان الاخت تقصد الافارقة البدائيين اللي يلبسون جلد الحيوانات وغيره .. مو انتو ؟؟ حبيبتي اتمنى ما تتحسسي من كلامها وبالعكس مصر ام الدنيا وام التطور كل شئ موجود فيها .. واغلب الدكاترة والعلماء منها .........ولا تزعلين ارجوك ..

اختكم في الله ..
والله انك دخلت قلبي وحسيتك حاسه فيني حتى لو انت بعيده وما تعرفيني ؟؟ سبحان الله ..

ان شاء الله يكون موعد بنتك فيه الخير الكثير لكم ويكون سبب في شفائها ان شاء الله .. ولكن عندي سؤال ما معنى طبيب دان ؟
وانا احس ان العلاج السلوكي يكون افضل لو عملت لها تحاليل وحمية وتمارين لان كل شئ مكمل لبعضه .. وان شاء الله زوجك يقتنع وتعملو التحاليل لاني احس مهمه جدا حتى تعرفو نسبة التوحد فيها مثلا او نسبة المعادن الثقيلة ..>>>>وش رأيك فيني قمت احفظ اشويه معلومات من المواضيع اللي اقرأها؟خخ ..
وبخصوص المدربة انا اجد انها مهمه جدا على الاقل تعطيك الاشياء المهمه والاشياء الاساسية في كيفية التعامل معها والتواصل معها ... حتى انت تكملي معها بعدين يقول المثل اعط الخبز خبازه لو اكل نصه .. وانتو ما شاء الله مصر اكيد فيها دكاترة معروفين بهذا المجال مو مثلنا قليلين جدا ..
بالنسبة للاكل فهالمواد مضرة للطفل حتى لو كان طبيعي فمنعها فائدة لها لكن انا خائفة من منع الحليل عنه ومنتجات القمح والحليب يحبها جدا ؟ هل اقطعها عنه من الان ولا انتظر تحاليل وكلام الدكتور ؟
الادوية اللي قلت تستخدميها لطفلتك هل الدكتور وصفها لها او من البحث انت من نفسك اعطيتيها اياها ؟ لاني اخاف اجرب عليه اي شئ حاليا بدون وصفة دكتور ؟
اما اوميجا 3 والدواء الثاني اللي تحسنت منه هل قطعتيه عنها ولا لازالت تستخدميه وهو ليه استخدمتيه وش فايدته ؟ للمشي ولا لتخفيف اعراض التوحد ؟
الحمد لله على تحسنها والله فرحت جدا انها قاعده تتحسن وتتطور الله يشفيها ان شاء الله وتبشرينا بها ..
طريقتك بالفيديو عجبتني جداااا لكن ما هي الاشياء اللي تصوريها لها ؟ يعني غير لعبة العلبة والمكعب ..
وطرقة تخاطبك معها ان شاء الله تجيب نتيجه معها انا حاليا اكلمه ولكن طبيعتي في البيت قليلة الكلام اكون جايه من الدوام وتعبانه لكن احاول قد ما اقدر .. وان شاء الله ينفع معه ..
وبالعكس الروابط اللي حطيتيها لي كلها في المفضلة لان وقتي صار جدا ضيق وما اقدر اقرأها كلها مرة وحده .. بس اقرأها على السريع وارجع لها مرة ثانية ان شاء الله اقرأ الرابط الل يخليتيه وان شاء الله يفيدني ..

اشكرك من كل قلبي يا اختي الكريمة وسبحان الله دائما كلامك يخفف عل يالشئ الكثير ويعطيني دعم للمواصلة .. الله يشفي لك بنتك يا رب وتفرحي فيها ..

وانا بعد سؤالي لام اسلام ماذا تعنيه بالفطريات ؟

 

[قلبي ضاع معك]

رد: حياتي تغيرت ؟؟؟؟

ام الدنيا ..
اكيد عرفتك يا اختي وانت اللي شجعتيني على الاشتراك بالمنتدى الحلو .. والله يحفظ لك ابنك من كل شر وتشوفيه باحسن حال تطوراته اعطتني الامل الكبير اتمنى له جوام الصحه والعافية وان شاء الله من احسن لاحسن ..

معك للابد ..
اشكرك اختي على كلامتك اللي كانت مثل البلسم على قلبي واعطتني دافع معنووووي .. يالله اشكثر ريحتني كلماتك تسلمين ..

ام علي ..
ونعم بالله .. وتوكلنا على الله وهو خير وكيل ..

قلب مثخن بالجراح ..
الحمد لله على كل حال شكرا لكلماتك يا اختي الكريمة ..

 

[قلبي ضاع معك]

رد: حياتي تغيرت ؟؟؟؟

ام الدنيا ..
اكيد عرفتك يا اختي وانت اللي شجعتيني على الاشتراك بالمنتدى الحلو .. والله يحفظ لك ابنك من كل شر وتشوفيه باحسن حال تطوراته اعطتني الامل الكبير اتمنى له جوام الصحه والعافية وان شاء الله من احسن لاحسن ..

معك للابد ..
اشكرك اختي على كلامتك اللي كانت مثل البلسم على قلبي واعطتني دافع معنووووي .. يالله اشكثر ريحتني كلماتك تسلمين ..

ام علي ..
ونعم بالله .. وتوكلنا على الله وهو خير وكيل ..

قلب مثخن بالجراح ..
الحمد لله على كل حال شكرا لكلماتك يا اختي الكريمة ..

 

[أم اليتيم]

رد: حياتي تغيرت ؟؟؟؟

السلام عليكم ورحمة الله وبركاته
أختي الغالية ماكتب الله لك ولابنك فلا راد له ولا تلومي نفسك فمايحصل لابنك قضاء وقدر كتب في اللوح المحفوظ قبل أن يخلق وابنك مازال صغيرا وقدرته على التدريب والتعليم أفضل حاولي أن تقرأ كثيرا عن التوحد وطرق التعامل مع الطفل التوحدي .
غاليتي ابني يبلغ 12 سنة ولم يشخص أنه مصاب بالتوحد إل حين بلغ الرابعة من عمره وبدأنا رحلة البحث عن علاج أوتدريب وتطلب ذلك سنتين لقلة المختصين في بلادنا ولم يتعلم الذهاب لدورة المياه إلا في السادسة وقد عانيت مع زوجي في رحلة التدريب والبحث عن مركز مناسب لتدريبه وتطبيق التجارب التي تساهم في التخفيف من أعراض المرض ومازلت في رحلة المعناة ولكن وحدي بعد وفاة زوجي رحمه الله ومازال الأمل بالله كبيرا أن يمن على ولدي بالشفاء .
أسأل الله رب العرش العظيم أن يشفي ابنك وابني وجميع المرضى وأن يمنحك وزوجك الصحة والعافية والعمر المديد ويبارك لك في ابنائك .

 

[أختكم فى الله]

رد: حياتي تغيرت ؟؟؟؟

السلام عليكم ورحمة الله وبركاته
ربنا يجعلك فى أفضل حال على طول إن شاء الله وكلنا هنا فى المنتدى اسرة واحدة ومن هنا ورايح حتسى إننا عائلتك إن شاء الله وإنتى كمان إنسانة طيبة وكمان بدأتى تتثقفى ههههههه يعنى بكرة إن شاء الله هتسبقينا وتفيدينا بمعلوماتك

بالنسبة لأطباء الدان .. إللى هما الأطباء إللى بيطلبوا تحاليل وتطبيق الحمية وأخذ المكملات وهو نظام متكامل بيحتاج متابعة دقيقة وتكرار إجراء التحاليل كل فترة لإطمئنان على الإبن يعنى بيتعاملوا داخليا أكتر مع الطفل بيشوفوا إيه المشاكل الداخلية وبيقوموا بعلاجها بالتدريج .... وأكيد ده بيفيد الطفل ويخلى إستقباله أفضل للعلاج السلوكى واستجابته أسرع بإذن الله

ولو كنتى ناوية تعملى لإبنك التحاليل إن شاء الله يستحسن إنك متبدأيش معاه حمية ولا علاج إلا لما تعملى التحاليل الأول ... بس لو أكل إبنك كله أو معظمه لبن وقمح يستحسن إنك تحاولى تقللى منه شوية علشان لو عملتى تحاليل وبداتى الحمية فى أى وقت يكون أسهل عليكى وعليه


بالنسبة لأدوية بنتى أنا زوجى طبيب أطفال يعنى عارف هو بيديها إيه وخاصة إنى مبداتش الحمية بشكلها المعروف فمفيش مشكلة من الأدوية دى إن شاء الله ( بالنسبالى ) وكمان أنا حاسة إنها محتاجاها


أنا قطعت ستيميولان لأن زوجى قالى إنه ممكن يزود كهربة الدماغ وإحنا مش ناقصين مشاكل وخاصة إن الدكتور إللى كتبه مكنش متخصص فى حالتها بالقدر الكافى فوقفته لحد ما نشوف الدكتورة منال هتقولنا إيه إن شاء الله


بالنسبة للأشياء إللى أنا بصورهالها غير المكعب والعلبة ... بصراحة بتكون عبارة عن إبتكارات ... يعنى بحاول أصورلها مهارات الأطفال فى لعبهم العادى .. يعنى وضع مكعبين فوق بعض مع الشرح أو وضع اللعب فى سلة وبعدين أفضى السلة وأرجع أحطهم تانى فى السلة ... أجيب علبتين وأحط فى واحدة مكعب والتانية تكون فاضية وأنقل المكعب من علبة لعلبة

بس بقى الست حبيبة اليومين دول بتلعب على مزاجها ومطنشانى شوية .. يعنى عجبها إنها تتكلم وهى حاطة العلبة على فمها وصوتها مضخم فكل ما تشوف العلبة.. بقت بترمى المكعب من العلبة وتحط العلبة على فمها وتقول (أعب أعب) وأدينى هصبر عليها لحد ما تزهق من لعبتها الجديدة

واستمرى مع إبنك إن شاء الله بشرة خير إنه بيستجيب معاكى ولو بشئ بسيط وإبدأى معاه بالشئ إللى هو بيحبه مش إللى إنتى حاباه يعمله .. علشان ميحسش إنه فشل فيحبط والحاجة إللى ميعرفش يعملها بسطيهاله أو أتركيها شويه علشان ميزهقش ويحس إنه فشل قيكره اللعبه

وربنا معاكى وعايزين نسمع أخبار حلوة على طول إن شاء الله

 

[قلبي ضاع معك]

رد: حياتي تغيرت ؟؟؟؟

ام اليتيم ..
الله يحفظ لك ابنك ويشفيه من كل مرض ويعافيه من كل شر .. الله يعينك على تربية ولدك لوحدك ويسخر لك الناس الطيبين اللي يساعدونك ..

اختكم في الله ....
ان شاء الله ابشركم بالاخبار الطيبة والحلوة داااائما .. وطبيبة دان تقصدي الدكتورة عبير عوض مثلا ؟
وانا افضل انك تعرضي بنتك على دكتورة لاني لما اقرأ مواضيع عن بنتك احسها طبيعية بس عندها تأخر بسيط ان شاء الله .. يعني ما تحملي هم وتابعي معها على طول ..العلاج السلوكي مع استشارة دكتورة ثقة والمتابعه معه ان شاء الله تشفى وتتطور ...
العابك اللي ابتكرتيها حلوووة وعجبتني وناوية اقلدك .. خخخ .. ولا حقوق الطبع محفوظة .؟

بالنسبة لوضع محمد هاليومين حسيت انه قبل تغير للافضل لكن هاليومين احسه رجع لعاداته القديمه يدور حول نفسه ويقعد بروحه ويرفضني .. مع ان قبل هاليومين تغير جداااااا للافضل .. وتغيرت ملامحه الحزينة ؟ تتوقعي انتكاسه اصابته لا سمح الله ولا اكل انا اعطيته اياه وغيره ؟ اكل مصاص تتوقعي منه ؟

وزوجي احسه تغير اصابه احبااااااااااط وقلت همته عن اول كان الاول يلعب معه اكثر يحمله يخرجه بالسيارة ..يطلع معه للحديقة ؟؟ فيمكن هذا السبب ؟
الله يهديه من الان اصابه الكسل ..

 

[أختكم فى الله]

رد: حياتي تغيرت ؟؟؟؟

السلام عليكم ورحمة الله وبركاته
فعلا طبيبة الدان زى الدكتورة عبير عوض
بالنسبة لحقوق الطبع متغلاش عليكى يا أختى خودى راحتك بكرة انا وانتى نعمل سيديهات تنمية مهارات ونبيعها فى المكتبات ونتشهر إن شاء الله هههههههههه
بالنسبة لإستقرار وضع محمد بيتهيألى لسه بدرى إنه يستقر على وضع أصلا كل الأطفال كدة النهاردة مش زى بكرة بس معنى إنه إتحسن ولو ليوم شئ جميل بس أهم حاجة الإستمرار وإن شاء الله هيكون أحسن
ونصيحة بلاش بقى السكريات والملونات دى إمنعيها عنه وإن شاء الله هتلاحظى إنه بقى أحسن

أما زوجك بقى فزى زوجى بالضبط .. كل أما نروح لدكتور ونحتار مع الدكتور ومع حبيبة ونصاب بصدمة بسبب سوء إختيارنا للدكتور ونحس إن بنتنا عندها مشكلة وخايفين متتحلش .. ألاقى همته بقت فوووووق ويقولى لأ إحنا إللى هنعالجها إن شاء الله أنا هخودها كل يوم أخرجها أو حتى أخودها معايا العيادة وكمان يقعد معاها يلاعبها ويقفل التليفزيون والكمبيوتر ويقعد يكلمها ويهزر معاها ... كل ده يومين بس وبعد كدة ينام فى الخط ويرجع من الشغل ياكل وينام ويروح العيادة ويرجع ياكل ويقعد على الكمبيوتر وينام إلخ
وأنا بقى إللى أصيب بالإحباط لما الاقى كل شئ عليا لوحدى ...وإحنا من زمان وضعنا كدة لأن أصلا شغلة الطبيب دى دايما متعبة وبتخلى الإنسان احيانا مقصر حتى فحق نفسه بس انا حاسة إن الوضع لازم يتغير علشان بنتنا ...أنا مش طالبة أكتر من دور الأب الطبيعى أنا مش عايزاه يكون معلم مهارات ولا حاجة يلا الله المستعان معلش طولت فى الكلام بس أصلك قلبتى عليا المواجع

عامة انا ممكن انصحك .. أنا نويت لما اروح للدكتورة أقولها على الوضع ده واطلب منها إنها تقوله إنه لازم يكونلوا دور فى حياتها أكتر من كدة لأنى مش هقدر أقوم بالدورين وانتى ممكن تعملى كدة لما تزورى الدكتورة إن شاء الله