أخبارى الجديدة (2) الزيارة الثانية للدكتور (إحباط وحيرة)

[أختكم فى الله]

رد: أخبارى الجديدة (2) الزيارة الثانية للدكتور (إحباط وحيرة)

جزاكم الله كل خير أخوية وأخواتى على ردودكم المواسية ليا والمشجعة
وشكرا أخى محمد عنتر على المشاركة القيمة الوافية والمفيدة جدااااااااااا وعلى فكرة أنا خلاص معدش التشخيص يهمنى أكتر من إنى أثق إن بنتى تكون مع حد بيحاول علاجها بجد مش بيستغل ظرفها وظروفنا وده بصراحة أنا حاسة إنى مفتقداه على الأقل حاليا والله المستعان

وحابة أسألك أختى شيما تعرفى إيه عن مركز الصفوة فى المنصورة
وعلى فكرة أنا مش من المنصورة أنا من بلد تبعد عنها ساعة وأكيد من الصعب إنى أقدر أجيب معلمة فى البيت ..... يعنى معنديش حل غير مركز فى المنصورة مع إنه هيحتاج مجهود سفر يوميا بس المهم الفائدة فأرجوكى قوليلى لو تعرفى عنه حاجة لأننا المفروض هنروح نزوره يوم الخميس القادم إن شاء الله

وياريت تدينى فكرة عن مدرسة بنتك ... بتديها كام ساعة فى الأسبوع وبتدرسلها إيه وهل إنتى شايفة إن ده كافى لبنتك وفى تحسن وياريت أعرف إنتى بتعملى حمية لبنتك ولا لأ
ومعلش هو سؤال فى تدخل شوية بس محتاجة أعرفه .. المدرسة دى بتاخد كام فى الشهر ... يمكن أقدر أوفر ده لبنتى ... مع إنى مش عارفة هل فى مدرسة ممكن توافق على إنها تسافر ولا هترفض

 

[أختكم فى الله]

رد: أخبارى الجديدة (2) الزيارة الثانية للدكتور (إحباط وحيرة)

أختى توحدية هل الدكتور محمد عبد الرحمن عنده مركز برده وبيقوم بوضع خطة للعلاج بعد التشخيص ولا هو هيشخصها وبس وإحنا برده إللى هندور على مكان لتكمله التدريب والعلاج

 

[احمد ذكى]

رد: أخبارى الجديدة (2) الزيارة الثانية للدكتور (إحباط وحيرة)

اختى فى الله ربنا معاكى ويهديكى الى الطريق الصحيح بعد استذك ذكرتى فى مرة من المرات ان بنتك يوجد به بعض الضمور فى خلايا المخ هل ذكرتى هذا للدكتور وماذا كان رد الدكتور

 

[أختكم فى الله]

رد: أخبارى الجديدة (2) الزيارة الثانية للدكتور (إحباط وحيرة)

أخى أحمد شكرا على التواصل

أنا من قبل عرضت الأشعة على جراح كبير مخ وأعصاب وقال إنه ضمور بسيط جداااااااا ويعتبر ملوش أى تأثير عليها غير إنه ممكن يأخرها شوية عن أقرانها فى مرحلة النمو فقط فى المشى أو الكلام وكمان كان عندها كيس ماء فى الخلف وقال إنه مكانه مصمت وملوش أى تاثير إلا إنه ممكن يأثر على النظر والكهربة وبما إنه مأثرش على النظر ورسم المخ مفيهوش كهربة زياده يبقى الحمد لله ممنوش ضرر
وطبيب المخ والأعصاب السابق إللى كنت بتابع معاه قالى نفس الكلام وزاد عليه إنه ممكن يكون هو ده سبب أعراض التوحد عندها

أما الدكتور حسين لما شاف الأشعة معلقش خاااالص على الضمور فى أول زيارة ولكنه قال نفس الكلام عن كيس الماية
وزوجى سأله عن الضمور فرد عليه بإن ده ما يعتبرش ضمور خااااااااااالص لأن المخ سليم وواصل لجميع أطراف الجمجمة وقاله إزاى يقوله إن فى ضمور وعرض على زوجى أشعة أخرى فيها ضمور بالمخ وقاله هو ده إللى ممكن نطلق عليه ضمور
وعامة قاله إن كل ده ميعتبرش مسئول عن أعراض التوحد عندها ملوش أى علاقة

بصراحة أنا مش عارفة آخد برأى مين فيهم .......مع إنى حاسة إنها مش فارقة المهم إن المشكلة فى النهاية هى التوحد ..... لأنى الفترة إللى فاتت حاولت أعرف إيه الفرق بين التوحد إللى سببه عضوى وبين التوحد إللى من غير سبب عضوى ومتوصلتش لأى رأى او نتيجة والله المستعان وهو العليم القدير

 

[توحدية]

رد: أخبارى الجديدة (2) الزيارة الثانية للدكتور (إحباط وحيرة)

اختى اختكم في الله
هو ليس عنده مركزوهو ليس طبيب بل اخصائي نفسي
تستعين به المراكز زالاطباء النفسيين والمدارس التي بها اقسام احتياجات خاصة لكي تقيم حالة الطفل
شوفي الاول هو ايه رايه في الحالة وبعد كده تبحثي عن مدربين او انت بنفسك استمرري في تدريب بنتك على اكتساب المهارة لانك بتقول لي لنها تتعلم بسرعة واكبر مشكلة في طفل التوحد انه يرفض التعلم
فهذه النقطة غير موجودة عندك الحمد لله استفيدي منها
في برنامج اسمه بورتاج فيه تطورات النمو والمهارات لدي الطفل اعتقد ام محمود كانت كتبت عنه في منتدي متلازمة الداون ممكن الاطلاع عليه وما ينقص ابنتك تضعيه هدف امامك لتحقيقه

 

[أختكم فى الله]

رد: أخبارى الجديدة (2) الزيارة الثانية للدكتور (إحباط وحيرة)

جزاكى الله كل خير أختى توحدية
ربنا ييسرلنا الخير إن شاء الله
بس بالنسبة لتدريب بنتى أنا مازلت جاهلة بأغلب الأمور وبالطرق المناسبة للتدريب .... وأيضا بنتى مهما كانت إستجابتها أكيد برده بترفض التعلم فى البداية وأحيانا فى بعض الأمور تستجيب بسرعة وفى أمور أخرى بترفض وبتكون الإستجابة أبطء أو معدومة بس أنا بلاحظ إنها لما حياتها الإجتماعية بتختلف وبتتغير وبتختلط فترة بالناس وبتغير روتين حياتها الممل إللى أنا نفسى بشعر بالملل فيه بحس إن قدرتها على الإكتساب سواء إن كان لغة أو مهارة بتكون أحسن وإن كان فى النهاية برده لسة مازالت مهاراتها ولغتها أقل من عمرها بكتير ... فإن كان فبنتى بعض الصفات التى توحى بالتفاؤل فبنتى مهما كانت عندها مشكلة واضحة ولازم إن شاء الله توضع بين يدى مختص أمين . وإن شاء الله ربنا يدلنا على الخير

 

[شيما]

رد: أخبارى الجديدة (2) الزيارة الثانية للدكتور (إحباط وحيرة)

السلام عليكم ورحمة الله وبركاته
سارد عليكى اليوم ان شاء الله بكل التفاصيل لان النت عندىضعيف وبطىء جدا انا تحت امر حضرتك يا اختكم فى الله

 

[ابنى الحبيب]

رد: أخبارى الجديدة (2) الزيارة الثانية للدكتور (إحباط وحيرة)

اختى فى الله اقر الله عينكى بشفاء ابنتكى اختى انسى يوم انكى ذهبتى الى مصاصى الدماء مافيا حسين واميمة سليم فانا كنت يوما مثلك عدت عليهم فهو فعلا فيلم هندى
على كل من يدخل عندهم
خذى بالكلام الاخت توحدية فهو عين الصواب خذى اخر ما توصلنا اليه واسال قبل ان تذهبى او تفعلى فلن يبخل عليكى احد هنا بالراى والمشوارة كلنا هنا نسعى من اجل ان يمنى الله علينا بالشفاء للاطفالنا

 

[أم عبيدة]

رد: أخبارى الجديدة (2) الزيارة الثانية للدكتور (إحباط وحيرة)

أختي الكريمة ....
حسبنا الله و نعم الوكيل فيمن لا يتقي الله في اطفالنا ....
ما لفت انتباهي في الموضوع هو الطريقة التي تحدثت بها الطبيبة و رفضها القاطع تدريب البنت و تعليمها أي شئ و هذا قطعا لا يتماشي مع اسلوب جميع اطباء التوحد اللذين يصرون على تدريب الطفل و خصوصا في البيت بل و فتح مدارس لتعليم الاباء و الامهات لتعليمهم كيفية تدريب اطفالهم ....فو االله ابني لم يستفد أكثر مما استفاد من التدريب المتواصل في البيت \و الحمد لله .
أتأسف إن كان إطبائنا وصلوا لهذا المستوى من السلبية و اللامبالاة ..
و لا أملك إلا أن أقول ( لا حول و لا قوة إلا بالله ) .

 

[أختكم فى الله]

رد: أخبارى الجديدة (2) الزيارة الثانية للدكتور (إحباط وحيرة)

جزاكم الله كل خير أختى إبنى الحبيب وأختى أم عبيدة .. بارك الله فيكم
وانا منتظراكى اختى شيما وربنا يسرع النت بتاعك ويقويه لأنى انا مستعجلة وبفكر فى الموضوع كتير ومنتظرة ردك على أمل إنه يساعدنى فى إتخاذ قرار بإذن الله أرجو إنك متتأخريش

 

[شيما]

رد: أخبارى الجديدة (2) الزيارة الثانية للدكتور (إحباط وحيرة)

السلام عليكم ورحمة الله وبركاته
اختى العزيزة اختكم فى اللة اقسملك انى كتبت الرد 3مرات ولانه طويل جدا كل مرة انت كان بيقطع وسبحان الله كنت حاملة همك جدا ومقدره قلقك وحيرتك يارب يطمنك على بنتك
اتابع مع الدكتورة دعاء الحضرى هى فى الدقى منذ 6شهور فقط ابنتى طبعا على الحمية القمح واللبن وكمان السكر مسموح بالفركتوز فقط وتاخذ المكملات والجلوتاثيون وحقن b12 وحمام ملح الابسوم +بيكربونات الصوديوم يوميا
المدرسة تاخذ 25ج للجلسة بواقع 3مرات بالاسبوع وانا اكمل ال40ساعة حيث اطبق كل ما يحدث فى الجلسة حتىتتقنة البنت الجلسات عبارة عن تخاطب وتنمية مهارات
التخاطب /اجزاء الجسم والخضراوات والفواكة الملابس الطيورو الحيوانات واصواتهم وسائل المواصلات الاشكال والالوان ادوات الطعام اشياء فى المنزل والافعال بما فيها افعال الحواس ودلوقتى احنا واقفين عند المعكوسات زى سخن وبارد كبير وصغير
تنمية المهارات زى التلوين داخل اطار باستخدام مسدس الشمع فرد شريط طويل على الرض والبنت تمشى علية فى خط مستقيم او منحنى مهارات استخدام المقص والقلم
سرد قصه قصيرة وبسيطة- تعلم مطابقة الاشياء مثل تجميع الاحمر فى سلة والاخضر فى اخرى وحاجات تانية كتير ده اللى حاضر فى ذهنى دلوقت اى وقت تنزلى فية المنصوره شرفينى فى البيت او نتقابل فى اى مكان لو تحبى علشان يكون كلمنا اوضح
الصفوه انا لم اجربهم ولكن دكتوره دعاء لم تحبذ زهاب ابنتى هناك لانها غير مقتنعه بطريقة شغلهم بناء على اراء اولياء الامور اللى متابعين معها طبعا انا اعرف ام لطفل شفى الحمد لله تقريبا بدءت معاهم قبل ما تروح لدكتوره دعاء الاخصائى قال لها مهما تعملى معاة هيفضل زى ما هوة العيال دى كدة وهاتفضل ماتتكلمش ولا تعرف حاجه .غير ان الحضانه بيخلطو اطفال التوحد مع متلازمة داون على الرغم من اوجة الاختلاف بين احتياجات وقدرات كل فئه
تطورات ابنتى انها اصبحت تستجيب للاوامر اخراجها تحسن العصبية قلت الرفرفة اختفت الحركات النمطية واللغة والتواصل لازالت كماهى وطبعا التركيز احسن والحمد لله
وزى ما قلت لك ممكن تشرفينى فى اى وقت واسفه جدا جدا على التاخير لكن بدون قصد والله اتمنى اكون افدتك

 

[أختكم فى الله]

رد: أخبارى الجديدة (2) الزيارة الثانية للدكتور (إحباط وحيرة)

شـكــ وبارك الله فيك ـــرا لك ... لك مني أجمل تحية .
كلامك جميل ومفصل وجزاكى الله كل خير ....... بس ممكن تقوليلى سن بنتك كام سنة وبدأتى معاها الجلسات دى وهى كام سنة ... وهل يوجد أكل حمية فى المنصورة
وكمان ممكن تقوليلى عنوان الدكتورة دعاء أو رقم تيليفونها وياترى هى بتعمل التحاليل اللازمة للحمية ولا إنتى طبقتيها من غير تحاليل
وجلسة المدرسة كام ساعة .... يعنى مش معقول إن المدرسة بتعمل 3 ساعات فى الأسبوع وانتى 37 ساعة
وطبعا أكيد نفسى أقابلك وهبهدلك من كتر الأسئلة دانا نفسى أشوف حد فيكم وجه لوجه ممكن تبعتيلى رقمك الخاص برسالة خاصة ممكن تبعتيها لأحد المشرفين وهو يبعتهالى لأن لسة مشاركاتك قليلة

 

[شيما]

رد: أخبارى الجديدة (2) الزيارة الثانية للدكتور (إحباط وحيرة)

السلام عليكم ورحمة الله وبركاته
ابنتى 3سنوات ونصف بدءت معها فى سن سنتين ونصف طبعا عملت التحاليل مش ممكن ادى دوا لابنتى وانا مش عارفة هى عندها اية شىءعادى جدا انك تكملى الشغل مع بنتك لان باختصار مافيش حد هايشتغل معاها باخلاص وتقصى اذا كانت فهمت ولا لسة غيرك انتى جوجو ابنتى الوحيدة وزوجى طول اليوم فى الشغل يبقى ها نقعد نعمل اية بالنسبة لعنوان الدكتورة راجعى مشاركتى فى موضوع مكالمة مع مدام هيفاء كيالى للاستاذ احمد ذكى وعموما الشغل مع البنت الاكتر بيكون عملى يعنى فى المطبخ تريها ادوات الطعام والخضروات والفواكة لان بنتى بتمل بسرعة فلازم المكان وطريقه التعليم لازم تتغير وكمان عادلشان تعرف العلاقات المكانية الشيىء اللى انا مقصرة قية هو الحضانة يارب الاقى حد كويس:18:

 

[متحدية جديدة]

رد: أخبارى الجديدة (2) الزيارة الثانية للدكتور (إحباط وحيرة)

السلام عليكم ورحمة الله وبركاته

اختى الحبيبة شيماء لو كنتى من القاهرة فانا عندى مكان اريد ان انصحك لان فيه كل ما تمنيته لابنى لكن للاسف سفرى للسعودية كان سبب تركى له وانا الان نادمة اشد الندم لانى لم ولن اجد مثله

 

[محمدكمال]

رد: أخبارى الجديدة (2) الزيارة الثانية للدكتور (إحباط وحيرة)

بسم الله الرحمن الرحيم
في البداية احب أن أؤكد للجميع أن الأوتيزم ليس ذلك الاضطراب المجهول ولا المخيف لهذه الدرجة وأن احتمالات التحسن كبيرة جدا جدا وممكنة كما أؤكد أنني قرأت جميع التعليقات السابقة ولي وقفة قد يرفضها الكثير وقد يسترشد بها القليل من اخوتي زوار المنتدى:
1- قرأت تعليقا يقول لايهمني التشخيص أهذا معقول ومنطقى كيف نقيم خطة علاجية أيا كانت بدون تقييم وتشخيص سليم وصدقوني نص العلاج هو التشخيص السليم
2- لم يثبت بالدليل القاطع إصابة طفل بالأوتيزم قبل سن ثلاث سنوات وبمعنى اخر الحكم على طفل بأنه أوتيزم قبل تمام الثلاث سنوات أمر غير منطقى ولكن هناك منبئات واحتمالات للإصابة نرصدها نحن المتخصصون ونضعها في الحسبان ولكن لا نؤكد تشخيص نهائي قبل بلوغ الطفل سن 3 سنوات
3- لم أقرأ في التعليقات أي شيء متعلق باضطراب اسبرجر أو الريت فللأسف أصبحنا نطلق لفظ طفل أوتيزم على كل طفل لاحظ عليه اهله بعض الخصائص الغريبه مع أن احتمالية الاسبرجر قائمة ومن خلال تجاربي الشخصية فطفل الاسبرجر يمتاز بقدرة على الكلام بعكس الأوتيزم وهذه علامة خاصة في التشخيص.
4- مع احترامي الكامل جدا للأساتذة والمتخصصين في مجال الأوتيزم وللمقاييس العالمية ككارز وغيره الا أنني أختلف تمام مع الاسلوب المتبع على الاقل في مصر
فكيف اشخص حالة أوتيزم دون أن أعرف تاريخ هذا الطفل أو الطفلة منذ أن كانت جنينا في رحم امها
وكيف اشخص الأوتيزم دون معرفة تامة طبية بطبيعة تركيب المخ ومراكز حسه
وكيف اشخص الأوتيزم دون قياس دقيق للذكاء وهذا أمر مستطاه جدا الان

قد يعترض كثير منك على ارائي ولكم في ذلك مطلق الحرية فاختلاف الاراء لا يفسد للود قضية ولكل منا وجهة هو موليها

 

[اسومي حبي]

رد: أخبارى الجديدة (2) الزيارة الثانية للدكتور (إحباط وحيرة)

اخي محمد كمال كلامك عين العقل ولكن ان كنا ببلد لا يعرف لتشخيص التوحد طريق كيف العمل مع ذلك هل نبحث للتشخيص وننسى اطفالنا وتعليمهم والله اني كنت اذهب بولدي مجرد احد يمسكه يكلمه من الاطباء ولاشي واخر شي

الذي اجنيه منهم الهم والحسره والاحباط



الله يعينك اختي مره اسلوب الدكتوره سخيف ولاتتعبي نفسك مع اطباء جهله انتي طبيبة ابنتك وانتي ادرى بمقدار قدراتها شخصي في مكان ثاني

والاهم علميها وفهميها بكل وسيله وكل طريقه ولا تجعلي التشخيص همك وبنتك صغيره وان شاء الله العافيه قدامها

 

[أم دانيال]

رد: أخبارى الجديدة (2) الزيارة الثانية للدكتور (إحباط وحيرة)

أختي أختكم في الله
أرى ان طفلتك ما زالت في عمر مبكر حتى يتم تشخيصها بصورة دقيقة، رأيي الشخصي أن تدربيها بنفسك، وانتظري حتى تتم الثلاث سنوات، ومن ثم اعرضيها على اخصائي.

 

[الطير الحزين]

رد: أخبارى الجديدة (2) الزيارة الثانية للدكتور (إحباط وحيرة)

السلام عليكم و رحمة الله و بركاته
اولا احب ان اعلق على هذا الموضوع لاننى مريت بنفس التجربة و مع نفس المركز و احب ان اضيف الاتى
قرات كتبا كثيرة و مقالات كثيرة عن التوحد و سماته هذا العدو الذى مع الاسف غزا بيتى في فلذة كبدى و روح قلبى و بعد ان كنت في منتهى الفرحة لقدوم ابنى اصبحت لا انام الليل من كتر البكاء عليه حتى الهمنا ربنا الصبر فبعد ان لاحظت زوجتى ان ابننا يقل الكلام عنده و لم انتبة جيدا لملاحظة زوجتى فقد كنت مشغولا بالعمل و الكد و الاجتهاد حتى احافظ على عملى و راتبى ذهبت الى احد اخصائيات التخاطب و سالتها ان ابنى كان يقول ماما بابا ثم اصبح يقول ما فقط با فقط و الان لا يتكلم و كان عمرة وقتها حوالى عشرين شهرا حتى فاجئتى ان ابنى مريض بالتوحد و رجعت الى البيت و لا اعرف عن التوحد شيئا و دخلت على الانترنت و كتبت كلمة مرض التوحد و هالنى ما رايت حتى اننى لم استطيع الاكل حتى ذهبت الى عدة اخصائيين في التخاطب و كان سلوكهم كلهم واحد و هو سؤالى و زوجتى بعض الاسئلة و كانت النتيجة هناك سمات التوحد و دخت على الاطباء هذا يشخص الحالة على انها سمات و هذا يشخص الحالة على انها ذكاء فوق العادة يعنى دكتور اخرج من عنده و انا طاير من الفرحة و دكتور لا تتحمل قدماى السير عليه المهم اقدم لكى يا سيدتى ما توصلت الية عسى ان ينفعكى او ان ينفع اى انسان يقراة 0
* التوحد مرض يصعب تشخيصة حيث يحتاج يا سيدتى الى معايشة للطفل فترة من قبل المتخصصين لمعرفة سلوكة و يتم الاعتماد في مصر في تشخيصة على اجابات الوالدة و الوالد على الاسئلة فقط فتخيلى ان اجابة واحدة بنعم او لا قد تغير تشخيص المرض - و لا يوجد تحاليل للدم و او الجينات لمعرفة هل الطفل مريض ام لا بالتوحد
لذا لو عرضتى طفلتلك على اربعة متخصصين فغالبا ما تكون التشخيص مختلف
* مظاهر التوحد و سماته تختلف باختلاف السن و هى تظهر بوضوح و بجلاء بعد العام الثالث اما قبل ذلك فيصعب عندنا في مصر تشخيص التوحد 0
* الصفة الظاهرة و التى توضح ان هنالك توحد هى ان يكون الطفل يتكلم ثم يتنافص عندة الكلام يعنى ( بابا ) ثم ( با) ثم ( ---------------------) مفيش كلام هذا معناه و جود درجة من درجات التوحد و هى اما خفيف او متوسط او شديد و يتوقف ذلك على بداية اكتشاف التوحد عند الاطفال و بداية علاجة - فكلما بدأ العلاج مبكرا كلما كان الشفاء قريبا ان شاء الله 0
* احسن من يشخص هذا المرض هو الاخصائى النفسى التوحدى للاطفال و ليس اى تخصص اخر يعنى دكتور و استشارى مخ و اعصاب اطفال ماينفعش اخصائى نفسى فقط ما ينفعش او اخصائى طب اطفال ماينفعش - اخصائى تخاطب ما ينفعش0
* معظم ان لم يكن كل و بنسبة 100% فان كل دكتور يشخص المرض يكون له مركز متخصص لعلاج التوحد بيجمع فية خريجى كليات الاداب و التربية للاستفادة منهم في ( التخاطب -الحركة -السلوك -..) و هى المهارات المطلوبة لطفل التوحد 0
*يعنى حتروحى لاى دكتور في التوحد سوف يشير عليكى بالمركز الخاص به و الحضانة الملحقة بالمركز و يتم تدريب الطفل في الحضانة و المركز على التخاطب و التعليم و الحركة و السوك و غيره
* و كل دكتور ( الا من رحم ربى ) بيحاول يعمل له سمعه كويسة علشان يجذب زبائن له و من هذا المنطلق ممكن اذا تم تشخيص الحالة مثلا على انها توحد خفيف يقول للوالد و والدة الطفل انها حالة مستعصية و انه سوف يحاول علاج الابن او البنت و طبعا اذا تم علاجة تكون سمعة طيبة للدكتور و الزبائن تزيد في المركز الخاص به .
* لذا نصيحتى هى اقرائى كثيرا عن التوحد حتى لا يتم استغلالك من اى مركز لعلاج التوحد 0
* الابتهال و الدعاء لله كثيرا ان يشفى ربنا كل المرضى المصابين بالتوحد انه على كل شئ قدير 0
* الدكتورة اميمة معروف عنها انها تتكلم بشدة و تتكلم بعصبية و معظم تشخيصها هو حضانة و جلسات تخاطب وجلسات سلوك و جلسات منزلى و تقييم كل فترة و قيمة الجلسات و الحضانة غالية
* بعد فترة للطفلة او الطفل فى الحضانة و الاختلاط مع الاطفال و مع الجلسات ان شاء الله تتحسن الوضع .
* خلى بالك من موضوع مهم و هو ان الجلسات و الحضانة قد تاخذ مدد زمنية طويلة و يلزم عدم قطع المدة الزمنية للعلاج فانا اعرف حالة قد اخذت قترة ثم توقف الجلسات و بعد تقدم الطفلة تاخرت مرة اخري
* طريق العلاج طويل و ليس لكى و للاسرة الا الصبر و الدعاء لله رب العالمين ان يشفى اطفالنا و فلذات اكبادنا من هذا المرض .

 

[ادم المميز]

رد: أخبارى الجديدة (2) الزيارة الثانية للدكتور (إحباط وحيرة)

اسال الله ان يفرج همك ويثلج صدرك ويهئ لك من اسباب العلاج ايسيره انه قادر كريم