اخر اخبار علاجات ضمور العضلات

[فجر جديد]

انا اسفة انى مكتبتش من زمان انا كنت عندى امل كبير بعد ما اول مرة ادوية وصلت للمرحلة التالتة والاخيرة فى التجارب الاكلينيكية​

وبعد مشركة GSK اعلنت وبعدها علطول شركة Sarepta ان ادويتهم بتاعة exon skipping فشلت فى المرحلة التالتة وماديتش نتائج فعالة ووقفت التجارب عليهم فى اواخر 2013 اكتئبت فعلا ومعرفتش ادخل اقول ايه او احبطكم معايا عشان انا فتحت اكونت هنا عشان انقل الامل لغيرى​

واخيرا دخلت الشهر ده ع النت اشوف اخر الاخبار ايه وطبعا زى مانتوا المفروض عارفين انه اكتر الدراسات بره شغالة على الدوشين لانه الاكثر انتشارا برة والاخطر طبعا بس علاجه انشاء الله يفتح باب لباقى كل امراض الديستروفى لانها قريبة فى الميكانزم​

انا طبعا الحمد لله لقيت اخبار كتير لانى مكنتش دخلت من زمان لكن مش هاقدر اترجم كل دراسة او صفحة خبر لوحدها لانهم كتير فهاكتب تقرير شامل لحد شهر 2-2014 عشان تبقوا متابعين معايا مؤقتا واللى عايز يتاكد من كلامى يكتب اسم الدوا فى جوجل او يكتب​

Muscle dystrophy+clinical trial​

Or​

Muscle dystrophy+treatment​

اولا شركة GSK رجعت قالت ان دواها drisapersen لسة فيه امل لانه لما اعدت النظر فى النتائج بعد نهاية التجارب اكتشفت انه الدوا بيقلل تدهور الحالة بشكل فعال رغم انه محسنش الحالة بشكل ملحوظ وبالتالى هيكملوا التجارب عليه​

Utrophen اللى هوا بديل الديستروفين لسة ماشى فى التجارب​

Ataluren وقفت التجارب علية فى المرحلة التالتة ومكملش غريبة مش كده ماداش نتايج فعالة بعد سنين طويلة من الامل المبنى عليه​

Myostatin ihibitors مفيش اخبار عن تجاربها على الدوشين ولكن نزلت ادوية زى myo –x ممكن تبحثوا عنها ع النت الناس بتوع البدى بلدينج بيضربوها بس من وجهة نظرى الطبية انه اعراضها الجانبية خطيرة لانها بتزود حجم العضلات اكتر مبتزود قوتها ومنها عضلة القلب​

Tamoxifen وهو دوا موجود فى ابلسوق من زمان من ادوية السرطان وعلى فئران التجارب لقوا انه بيزود عددالالياف العضلية فى الفار من 3 الى 4 اضعاف فى خلال سنة وانه ممكنت عند استخدامه فى جرعات صثغيرة اصغر من اللى تستعمل فى علاج السرطان يكون علاج فعال ولسة مدخلش التجارب الاكلينيكية على مرض ضمور العضلات​

فيه حاجات جديدة غير اللى انا ذكرتهم فى المقالات قبل كدة​

Nicox وهوا دوا يجمع بين مسكن ومضاد للالتهاب ويطلق غاز النيتريك اوكسيد no فى الدم وهذا الغاز يزود ورود الدم للعضلات ادى نتايج كويسة فى المراحل قبل الاكلينيكية وهتبدا التجارب الاكلينيكية عليه لعلاج dmd الدوشين يعنى​

Laminin-111 وهو بروتين يعوض مفعول الديستروفين فى العضلة ويمنع موت الالياف العضلية فى المراحل قبل الاكلينيكية وبرده هتبدا التجارب الاكلينيكية عليه​

وحيث انهم وجدوا ان نقل خلايا جذعية للعضلات بالحقن الموضعى او الدم زى مشرحت قبل كده مش بيدى نتايج فعالة لانه تركيب العضلة معقد جدا ومش زى اى عضو فكل عضلة بها الياف عضلية واوعية دموية وخلايا دهنية ونسيج ليفى وممكن الخلية الجذعية تنقسم لتعطى اى من هذا فتغير تركيب العضلة وتدهور الحالة بالاضالفة الى انه صعب تتكامل الخهلايا المزروعة مع بعضها ابتكروا طريقة جديدة بيستخدموا فيها شرائح معمولة بالنانو تكنولوجى عليها الخلايا منظمة ومرتبة زى العضلة ويزرعوها وسط النسيبج العضلى للفئران وده ادى نتايج ممتازة حيث نمت خلايا بها ديستروفين بعدد اكبر والبحث منشور تحت عنوان​

Nanopatterned muscle cell patches for enhanced myogenesis and dystrophin expression in a mouse model of muscular dystrophy​

واخيرا وليس اخرا الدوا الوحيد اللى عدى المرحلة التالتة بنجاح هو IGF-1 وانا متكلمة عنه قبل كده وهو insulin like growth factor وهو بروتين وسيط لهرمون النموبيزود نمو العضلات وبذلك يصلح لكل انواع الديستروفى وهو موجود فى السوق من 2012 تحت مسميات تجارية مختلفة اشهرها IGF-1 liposomal spray و IGF-1 lozenges بتوع شركة now sports الشهيرة بانتاج منتجات البودى بلدينج واللى عايز يشوف ريفيو علبه على موقع bodybuilding.com الشهير الناس بتشكر فيه وتقريبا موجود فى السوق العربى​

 

[لولو غيررر]

رد: اخر اخبار علاجات ضمور العضلات

أشكرك على معلوماتك القيمة

 

[ابراهيم فهد]

رد: اخر اخبار علاجات ضمور العضلات

لك الشكر على المعلومات الطبية القيمة ونفع الله بها المرضى

 

[هاني]

رد: اخر اخبار علاجات ضمور العضلات

شكراعلى المكتوب التي بها ترفع المعنويات​

 

[all4messenger]

رد: اخر اخبار علاجات ضمور العضلات

شكراً لك