اخر اخبار شريف

[حبيبتى بنتى]

رد: اخر اخبار شريف

ان شاء الله تتطمنى على شريف والمره الجايه تقوللينا اخبار حلوه يارب امين

 

[معك الي الابد]

رد: اخر اخبار شريف

اختي ام شريف الله يوفقك في خطاكي ويشفي شريف ويتحسن،بس احب ان انقل لكي تجربتي مع مركز ابني لاني ادخلت ولدي فيه لمدة سنتين ولم يتقدم فهم بطيئن جدا ولا يتعاملو مع الطفل التوحدي انه قابل لتعليم والتطور.فبرامجهم قديمه ويعيدو ويذيدو فيها،وحتي في التخاطب ابني لم يستفيد شي بالعكس كان يصدر اصوات لما دخل المركز بعد فتره بطل وسكت حتي يصدر الاصوات.وبالنسبه لمركز الامل انا لم اجربه ولاكنني سمعت عنه من مصدر موثوق بالنسبه لي انه غير جيد هو والدكتور صاحب المركز وان الاولاد لا يستفيدو شي منه،،،،،،، انا اسفه جدا علي هذي المعلومات ولاكنني ام مثلك واعرف جيدا الشعور عندما نخطو خطوه في طريق شفاء اطفالنا وتاخذ مننا مجهود مادي ونفسي وجسدي وبعد ذلك لانلاحظ اي تحسن علي اطفالنا،حاولي ان تسالي وتبحثي عن اخصائي ثقه حتي لاتضيعي وقتك ووقت ابنك،،،،،،،،،،،،،،تحياتي:16:

 

[ام ميسم]

رد: اخر اخبار شريف

ام شريف لله يطمنك على بنك ، اود ان اسألك ياعسل عن مركز (هابي ورلد) في مصر ، هل لديك اي معلومات عنة ؟ وهل زرتي المدرسة؟
يمدحو كثير فيها ،حتى السفارة السعودية في مصر ،تمدح فيها وتقول انها هي المعتمدة لديها ؟

 

[ام شريف]

رد: اخر اخبار شريف

انا متشكره جدا على ردوكم ودعواتك الحلوة لشريف
واعزرونى على التاخير فى الرد بس جوزى كان فى مصر لمده اسبوع وكان بيظبط لينا امورنا وانتم عارفين تقديم مدارس الاولاد وعمل امتحانات ليهم فكنا فى وش جامد جدا
المهم مركز الامل انا روحته وقابلت مدام عريفه وخلتنى اقابل دكتور نفسى وطلب منى ادى لشريف ال كارنتين نقط ومان دوا اسمه افلاكس دا اوميجا ثرى
بس حاليا مش هقدر ادخل شريف في مركز الامل عشان برضه المواصلات هما عرضوا عليا ياخدوه من البيت الساعه 10 ونص ويرجعوه 1 ونص بس حسيت ان الفتره دى مش هتكون كافيه فحاليا بنشوف قصه المواصلات فهضطر ااجل شريف شويه لان ابنى الكبير محتاج سمر كورس طلع مستواه ضعبيف بالنسبه للتعليم فى مصر ولازم يروح ىدروس تقويه دا وانا كنت مودياه مدرسه انترناشونال فى جده يلا الحمد لله على كل حال ف مش هقدر اروح مواصلات ل شريف واخوه خصوصا انهم فى نفس الموعد
دعواتكم لانى بجد فى حاله عدم اتزان

اختى ام ميسم والله معنديش خلفيه عن هابى ورلد بس ادينى بس شويه وقت وانا هشوفلك ايه حكايتهم

طبعا انا بجد هفتقد جده واهل جده وخصوصا ام يوسف والعسل ام عمر وحبيه قلبى ام عبد الاله وام باسل بس هنعمل ايه مجبرين وصدقونى لما اقول انى هنا فى مصر حاسه بالغربه وحاسه انى سايبه روحى فى جده وزعلانه بس هعمل ايه مضطره عشان مصلحه شريف
واكيد يعز عليا انى اسيب ام اولادى اللى ربتهم شغالتى خديجه اللى بجد انا كنت محظوظه بواحده زيها وزعلانه انى هبعد العيال عنها وقلبى بيوجعنى لما عيالى بيسالونى عنها بس هى معندهاش اقامه لو كان عندها مكنتش اترددت ابدا انا اجيبها معايا هى
بس الانسان فى حجات معينه فى حياته بيكون مجبر يعملها ومش مخير فيها

 

[ضحية التوحد]

رد: اخر اخبار شريف

والله قلبت علي المواجع ...يا ام شريف؟..؟..انا برضه كنت عايشة في السعودية..في القصيم 4 سنواااااااااااااات ولم يكن فيها اي خدمات لابننا التوحدي؟؟؟؟وقررت ارجع مصر..في اسيووووووووووووووط؟..يعمل زوجي؟..للأسف محلك سر مفيش اي خدمات؟؟؟؟؟الا بالعافية.. يعني جلسةكل اسبوعين وان كان عاجبنا؟؟؟بس اكيييد في مصر هيكون افضللللل بكثييير وتمنالكم التوفيق..والله المستعان؟؟

 

[ام شريف]

رد: اخر اخبار شريف

والله قلبت علي المواجع ...يا ام شريف؟..؟..انا برضه كنت عايشة في السعودية..في القصيم 4 سنواااااااااااااات ولم يكن فيها اي خدمات لابننا التوحدي؟؟؟؟وقررت ارجع مصر..في اسيووووووووووووووط؟..يعمل زوجي؟..للأسف محلك سر مفيش اي خدمات؟؟؟؟؟الا بالعافية.. يعني جلسةكل اسبوعين وان كان عاجبنا؟؟؟بس اكيييد في مصر هيكون افضللللل بكثييير وتمنالكم التوفيق..والله المستعان؟؟

معلش ربنا يصبرك ويصبرنى ويكون فى علاج قريب يريحنا ويريحهم من اللى هما فيه

 

[أم مالك]

رد: اخر اخبار شريف

السلام عليكم انا عضوه جديده وطفلي مالك عنده توحد وانا ساكنه بالخرج واعالجه في مركز والدة فيصل بن فهد واخذ جلستين بس ونفسي اعمل له تحليل المعادن الثقيله بس مااعرف مكان اذا احد يعرف يخبرني وله جزيل الشكر اللهم اشفي مالك وجميع مرضى المسلمين

 

[ام ميسم]

رد: اخر اخبار شريف

ام مالك اقرالله عينك بشفاء ابنك الغالي ،التحاليل ممكن اخونا الكشاف يفيدك، لديه عبوات التحليل ،تواصلي معه ، اود ان اسألك عن مركز الأميرة هل وجدتي نتائج ملموسة على ابنك ؟

 

[الونشريس الشاهد]

رد: اخر اخبار شريف

ربنا يشفي شريف
ان شاء الله هو بخير الان طمنينا عليه

 

[ام شريف]

رد: اخر اخبار شريف

شكرا جزيلا على السؤال
الان شريف بخير والحمد لله ووقفتله كل المكملات ونصحنى دكتور نفسى تابع لمركز الامل انى اديله افالكس دا عباره عن اوميجا ثرى واديله ال كارنتين نقط ودا اللى بياخده بس انا بعتبر الفتره دى هدنه من المكملات
وان شاء الله اشوف نتيجه قريب دعواتكم

 

[الونشريس الشاهد]

رد: اخر اخبار شريف

الحمد لله ربنا يباركلك فيه وربنا يبارك فيك له

 

[قول يا رب]

رد: اخر اخبار شريف

اختى ام شريف الله يعينك ويشفى ولدك وكنت بريد استفسرمنك عن مركز ابنى لانى ذهبت وقالوا انه محتاج تعديل سلوك وغيرة لكن المسافه بعيد وفكرت اضحى واذهب علشان كدة عايز اعرف رايك وايه البرنامج اليومى هناك وطرق التعليم والترفيهه عندهم وكام طالب فى الفصل وايه اخبارك مع د.هانى لان ابنى متابع معه من فتره

 

[ام شريف]

رد: اخر اخبار شريف

اختى ام شريف الله يعينك ويشفى ولدك وكنت بريد استفسرمنك عن مركز ابنى لانى ذهبت وقالوا انه محتاج تعديل سلوك وغيرة لكن المسافه بعيد وفكرت اضحى واذهب علشان كدة عايز اعرف رايك وايه البرنامج اليومى هناك وطرق التعليم والترفيهه عندهم وكام طالب فى الفصل وايه اخبارك مع د.هانى لان ابنى متابع معه من فتره

شكرا جزيلا على الدعوة الحلوة بصى مركز ابنى مركز كويس ابنى بيكون فرحان جدا وهو رايح هناك لسه شريف الى الان فى البدايه لانه يا بيقطع ومش بيرح بسبب مشكله الواصلات يا بيكونوا هما فى اجازة الصيف ف يعنى مخدش فتره طويله هناك عشان تبان النتايج بس انا حاليا بوديه مع سواق تابع للمركز وبقله اسبوع هناك وان شاء الله مش هيقطع تانى

مفيش جديد مع الدكتور هانى انا مش مقتنعه بيه ك دكتور اطلاقا بس هعمل النيروفيد باك ان شاء الله الشهر الجاى خصوصا ان مش هو اللى بيعمل الجلسات عنده ناس مختصه فى الموضوع دا

 

[ام اسلام]

رد: اخر اخبار شريف

الله بشفي شريف ويفرحك فيه.
ععفكرة بحب اقرا كتابتك,لاني بحب اللهجه المصريه,وخفه الروح التي تمليكها,دمت بالف خير.

 

[قول يا رب]

رد: اخر اخبار شريف

مشكورة عزيزتى ام شريف على سرعه ردك ومعلش اتقل عليك شويه فى السؤال هو مركز ابنى اللى فيه ابنك بيقضى اليوم هو اللى فى اربعه ش النجمه بجوار مستشفى هليوبليس ولا الفصول فى مكان اخر ومش قلتى النشاط اليومى لشريف ايه وهو بيروح فى مواعيد الصبح ولا بعد الظهر. وبالنسبه لدكتور هانى والله ابنى بقاله سنتين معه وهو احسن عن الاول وفى الجلسات بيتحسن مع الوقت فى النيروفيد باك كان الاول مش يرضى يقعد ولاحتى يضع الاسلاك وبالتدريج مع الوقت وضعها و كان يطلع الاخير والان من فترة بقى يطلع الاول بس هو مل شويه عايز جديد واهم حاجه ان رسم المخ كل فترة يظهر تحسن وكمان الالعاب اللى بياخذه الولد مفيدة بتزود الانتباة وسرعه رد الفعل والذاكره وكل فتره يجيب فيها مركز احسن بس انا حابطل شويه واذهب ان شاء الله لمركزابنى احسن السلوك والحركه شويه وبعد كدة حاكمل مع د هانى الجهاز الجديد وهو نيرو فيد باك بس احدث بس عايز وقت محدد حوالى شهرين ونصف وهو ذهب يحضره من امريكا عامه ربنا يشفى اولادنا اجمعين ويهدينا حسن اختيار طريق العلاج السليم وكل سنه وانت طيبه نصف شعبان جهزى البطه

 

[ام شريف]

رد: اخر اخبار شريف

الله بشفي شريف ويفرحك فيه.
ععفكرة بحب اقرا كتابتك,لاني بحب اللهجه المصريه,وخفه الروح التي تمليكها,دمت بالف خير.

شكرا على الدعوة الحلوة
وتعالى اديكى كورس فى المصرى انا عمرى كله عايشه فى دول عربيه كل ما اعرف حد هو اللى يتكلم مصرى وانا معرفش اتكلم لهجات تانيه هههههههههههههههه
وبجد انا يشرفنى انك تقرى كل اللى بكتبه ووالله نفسى نبقى اصحاب وربنا يديم المعروف والمحبه بينا

 

[ام شريف]

رد: اخر اخبار شريف

مشكورة عزيزتى ام شريف على سرعه ردك ومعلش اتقل عليك شويه فى السؤال هو مركز ابنى اللى فيه ابنك بيقضى اليوم هو اللى فى اربعه ش النجمه بجوار مستشفى هليوبليس ولا الفصول فى مكان اخر ومش قلتى النشاط اليومى لشريف ايه وهو بيروح فى مواعيد الصبح ولا بعد الظهر. وبالنسبه لدكتور هانى والله ابنى بقاله سنتين معه وهو احسن عن الاول وفى الجلسات بيتحسن مع الوقت فى النيروفيد باك كان الاول مش يرضى يقعد ولاحتى يضع الاسلاك وبالتدريج مع الوقت وضعها و كان يطلع الاخير والان من فترة بقى يطلع الاول بس هو مل شويه عايز جديد واهم حاجه ان رسم المخ كل فترة يظهر تحسن وكمان الالعاب اللى بياخذه الولد مفيدة بتزود الانتباة وسرعه رد الفعل والذاكره وكل فتره يجيب فيها مركز احسن بس انا حابطل شويه واذهب ان شاء الله لمركزابنى احسن السلوك والحركه شويه وبعد كدة حاكمل مع د هانى الجهاز الجديد وهو نيرو فيد باك بس احدث بس عايز وقت محدد حوالى شهرين ونصف وهو ذهب يحضره من امريكا عامه ربنا يشفى اولادنا اجمعين ويهدينا حسن اختيار طريق العلاج السليم وكل سنه وانت طيبه نصف شعبان جهزى البطه

وانتى طيبه يا قمر بس للاسف مش بحب البط خالص ههههههههههههههههه
اسالى يا حبيبتى والا يهمك انا تحت امرك شريف بيروح قسم التدخل المبكر دا مش فى شارع النجمه دا ف شارع جمبهم
شريف بيروح من 9 ال الساعه 2 بياخد تخاطب وتعديل سلوك ومش قايلنى بالتفصيل فى ورقه كل يوم بيكتبهولى هو خد ايه وكل ايه وشرب ايه ومزاجه كان ايه بس اعرف انه بياخد كمبيوتر ورسم

كلامك شجعنى انى اروح اعمل النيروفيد باك علطول اصل الدكتور دخل فيا شمال وحسيت ان عنده توك توك هههههههههههههههه
المهم اى سؤال اسالى يا جميل ويا رب اعرف افيدك

 

[ام اسلام]

رد: اخر اخبار شريف

شكرا على الدعوة الحلوة
وتعالى اديكى كورس فى المصرى انا عمرى كله عايشه فى دول عربيه كل ما اعرف حد هو اللى يتكلم مصرى وانا معرفش اتكلم لهجات تانيه هههههههههههههههه
وبجد انا يشرفنى انك تقرى كل اللى بكتبه ووالله نفسى نبقى اصحاب وربنا يديم المعروف والمحبه بينا

خلاص اديني بعتلك طلب صداقه,ماشي الحال كده ياجميل؟هههه
حبيتي ام شريف الله يسعد ايامك ,ويفرحك بشريف.

 

[ام شريف]

رد: اخر اخبار شريف

خلاص اديني بعتلك طلب صداقه,ماشي الحال كده ياجميل؟هههه
حبيتي ام شريف الله يسعد ايامك ,ويفرحك بشريف.

ويسعد ايامك يا ام اسلام وتفرحى ب اسلام يا رب وتشوفيه عريس زى القمر وعروسته عندى
تم قبول الصداقه وربنا يديم المعروف بينا

 

[جوليا]

رد: اخر اخبار شريف

ويسعد ايامك يا ام اسلام وتفرحى ب اسلام يا رب وتشوفيه عريس زى القمر وعروسته عندى
تم قبول الصداقه وربنا يديم المعروف بينا

عروسة مين؟؟؟!! كدة ياأم شريف مش قولتيلي ان بنوتك القمر حتجوزيها ليويو(بس ربنا يهديه)
يا ام اسلام أم شريف دي عسل انت حبتيها من كتاباتها تخيلي لو شفتيها و قعدتي معاها أنا عرفتها من فترة قصيرة بس حاسة كأنها صاحبتي من زماااااان
الله يحفظكم جميعا و يجمعنا فرحانين بشفاء أولادنا