اخر تطورات ايوب ارجو المشاركه

[ام ايوب]

السلام عليكم جميع اعضاء المنتدى واسفه على التغيب بس للاسف لا يوجد وقت فراغ بسبب وجود 3 اطفال بحاجه لاهتمام اتمنى ان تكونوا جميعا باتم الخير والسعاده ويكونوا ازلادكم باتم الصحه وعم يتحسنوا نحو الشفا باذن الله.

انا دايما بحب اكتبلكم عن تطور ايوب عشان بحب اتشركوني بأركم و نصيحتكم كونكم برأي اصحاب خبره ومعرفه و رأيكم بهمني.

ايوب اليوم الحمد الله اتحسن تحسن كتير ملحوط تقربر المركز والمدربين عن 5 اشهر الي قضاهم في مركز و حضانة للتوحد كان كتير اجابي كان رايهم بالاجماع انو هو طفل كتير امور وطيوب وهو طفل عندوا تواصل بصري وسمعي ممتاز وتفاعل اجتماعي منيح ما عندوا مشكله مع الناس يستجيب لنداء لاسمه يستجيب للاومر وبميز الخطر كتير هادي وما بشاغب او ببكي او بضحك من غير سبب فهموا للغه مناسبه تقريبا لعمره بفهم كتير من الحكي لما ينحكالوا ما عندوا تعلق اشياء معينه ما عندوا روتين او حركات نمطيه بقبل بنتقل من فعاليه لاخر او من لعبه لاخر و هو بميز الاشياء والاشخاص وبعرف افراد عيلتوا وهو بفهم تعابير الوجه ة تعابير الشخص الي قبالوا وبعرف يطلب و بأشر باصبعوا على الاشي الي بدوا اياه والجميع اجمع انو لازم نشتغل معاه على التركيز لانو راح يساعدوا انو يتخطى الصعوبات الي عندوا هو صار يحكي تقريبا 16 كلمه هو صح نص الاحرف ناقصه بس مفهومه متل كلمة كين بعني مين وكاي يعني باي و وئئ يعين وقع صار يحكي با و ما وتا و افتح وكول الحمد الله على كل اشي بلش يقلد شويه هو راح يستمر بالمركز كمان السنه هادي وراح يتلاقى 10 جلسات تدريب بالاسبوع وانا بعطيه 3 جلسات بره المركز واليوم مرشدة التطور حكتلي بدنا ندمجوا بروضه عاديه يوم واحد بالاسبوع عشان نشوف كيف راح يكون ويدرب على امل ان يكون بروضه عاديه السنه الجاي بس للاسف هو لسه ما تعلم حمام مع اني حولت شويه معاه هو فهم بس ما بدوا بسير يحكيلي بديش ومارات لما بدي احمموا لحالوا بحط الكرسي تاع الحمام و بعملها بالحمام لس للاسف ما بعرف كيف اخلصولوا الحفاضات و عندي مشكله انو كتير بغار من اختوا الكبيره وما بخليها تمسك اشي واذا اخدت لعبه بهجم عليها و باخدها مع انو اذا حدا تاني اخدها بسير انو بدوا اياها بس ما باخد او بقرب مع انو في يضربوا وياخدها بس هو ما بعمل هيك غير مع اختوا وعلى العكس اختوا الصغيره بتلاقي لحالوا بلعبها وبعطي اغراضوا وكتير هالاشي بدايقني وبعصبني لاني ما بدي ازعلوا وبنفس الوقت ما بدي اضل اجي على اختوا علشانوا لانها كمان طفله و كتير اشياء عم بحسها بتأثر عليها و بضعفلها شخصيتها لاني كتير بخليها تتنازل عششان اخوها بتمنى ما اكون طولت عليكم و بتمنى اتشاركوني رأيكم

 

[اتكالي على الله]

رد: اخر تطورات ايوب ارجو المشاركه

ماشاء الله الله يبارك لك بيه ولا يضيع لك تعب

 

[مطر حياتي]

رد: اخر تطورات ايوب ارجو المشاركه

ماشاء الله تبارك الله اسأل الله ان يفرحك بشفاءه التام ،،ااختي تذكري ان هذا اولا من فضل ربي واصلي الدعاء والرقيه عليه واجعلي تطوراته زياده لك في الاستمرار في تطويره ،،ماوصلتي اليه ماشاءالله مبهر ،بالنسبه لان اخته تتنازل عن اشياء من اجله فبرايي الشخصي ربما يحتمل الخطا والصواب أن لاتقومي بهذا التصرف معها اولأ لأجلها هي حتى لاتضعف شخصيتها وكذلك تتضايق من اخاها وتتأثر نفسيتها فهي طفله وثانيا ارى بأنه ماشاءالله ذكي وسيفهم ان ليس كل شئ يستطيع ان يحصل عليه عامليه كطفل طبيعي فهو يستطيع تعلم هذه الاشياء أتمنى ان تفرحينا قريبا بشفاءه واود ان اسألك متى تكلم ؟وهل استخدمتي طرق علاجيه غير دخوله المركز ؟

 

[ام ايوب]

رد: اخر تطورات ايوب ارجو المشاركه

شكرا لكي اختي اتكالي على الله و مطر حياتي والله يشفلكم اولادكم و ابني
هو بالمركز اخد جلستين نطق و جلستين سباحه و جلستين تشغيل بس مع بداية هادي السنه المفروض بنضافلوا كمان جلستين موسيقى و جلستين فنون و ما استعملت علاجات اخرى غير اني بعطيه كمان جلست نطق و تشغيل وموسيقى عاى حسابي الشخصي انا استعملت الزيت والخل لدكتور جميل المقدسي لمدة اقل من شهر بس وقفتوا لانو حساتوا كتير دايقوا و صار ما ينام وكتر تعبت بهالفتره لاني كمان كنت حامل بس ضل عندي من هالزيوت وبفكر اكملوا اياهم

هو الحمد الله كتير زكي و لد جدا طبيعي وانا ما بعاملوا غير انو ولد طبيعي بزعلو و بعاقبوا واي حدا بشوفوا وبقعد معاه ساعات ما بحس انو هو عندوا مشكلوا هو بلش الحكي من شهرين بس الشهر الاخير بلش تزيد الكلمات بس هو لسه ما بحكي غير كلمات قليله بس بستخدمها في موضعها الصحيح

اها عارفه اني بظلم اختو بس قلب الام بشفقه عليه مع انو داهيه فاهم هالاشي و بستغلوا بس اناما بسمحلوا بعلموا انو كل واحد الو اغراضوا و لازم نلعب مع بعض وهو بميز كل اغراضوا من ملابس والعاب و احذيه و حتى جوالي وجوال ابوه بميزوه من بين تلفونات كل العيله و ما بمسك تلفون اي حدا غير جوالوا وجوال ابوه

 

[بشائر الامل]

رد: اخر تطورات ايوب ارجو المشاركه

ماشاء الله الله يتمم شفاؤه هو وكل اطفالنا باذن الله

 

[أم دانيال]

رد: اخر تطورات ايوب ارجو المشاركه

ما شاء الله ولا قوة الا بالله
تطورات مهمة جدا بالنسبة لعمره، ربي يتمم شفائه، والغيرة دليل عافية أسوةً بالأطفال الأصحاء. بس الظاهر مدللتيه شوي زيادة، مش لازم تجي على أخته كرماله، ترى الاطفال أذكياء بينتبهوا لهالموضوع وما بتعودي تقدري ترفض طلباته لاحقاً. بنصحك تكوني شوي شديدة معه من ناحية اللعب بألعاب أخته.
وبالنسبة لتنضيفه لازم تشلحيه الحفاضة وكل نص ساعة تدخليه التواليت وتنتظري شوي بتاخد وقت وبدها صبر بتتعذبي اول كم يوم وبعدها بتصير أسهل العملية وانشالله اسبوعين بيمشي الحال وبينضف.

 

[ام ايوب]

رد: اخر تطورات ايوب ارجو المشاركه

اختي بشائر ااامل الله يشفلنا ابنائنا اجمعين انا دايمن بدي لكل الاطفال سو ما كان مرضهم بالشفا لانهم مساكين
اختي ام دانيال صح هو كتير امدلل ومعلمات الحضانه كمان بحكولي هيك بس مش انا السبب هو الحوليكتير بدللوه مع اني دايمن بحكي لازم نخفف دلال بس على الفاضي الحكي لانو هو كتير قريب للقلب ولحالوا بجبرك ادليلي.
انا هيك عم بعمل لما يروح من الحضانه بشلحلوا البامبرز هو فاهم بس هو ما بدوا مع انو عم بيبين اشاؤات بسير احكيلوا حمام بسير يحكيلي اماه لا او بديش ولو قعدتوا ما بعمل غير البول اكرمك الله
عندي مشكله انو انا بحسوا كتير خجول يعني حابه اعرف طريقه اخفف هالخجل الي عندوا بس هو ما بيبين هالاشي غير اذا كلن حدا غريب بس اولها بعدين بسير عادي