اخواني الرجال عندي سؤال اتمنى تجاوبوني عليه

[شروق الأمل]

السلام عليكم و رحمة الله و بركاته


اول شي انا المسؤوله عن حلاقة اخوي يوسف
(حلاقة الذقن و الشعر)


و استخدم مكينة كهربائيه للتنعيم لان مستحيل نستخدم موسو هو يحب يكون وجهه نااااعم

بس الحين عندي كم استفسار

في الحلاقه لازم قبل نستخدم كريم ترطيب صح؟؟

طيب يوسف ماعمري استخدمت له شي لان اي شي استخدمه يطلع له حبوب و حساسيه لان بشرته حساسه
و على كذا فيها جفاف بشكل
و حبوب شباب

مدري وش الحل
اخوي يقول على الاقل حطي بودره
بس ما ادري وش نوع البودره اللي يستخدمها الحلاق معاه لاني حطيت اكثر من نوع بودره كلها تسبب له حبوب
في الاخير حطيت نشاء و حلو بس مشكلته خرب المكينه مانضفت منه تمام و تعبت في تنظيفها لانه تحجر فيهارغم اني نظفته مباشره بس بقي منه و خرب الدنيا :5:

و بعد الحلاقه احط له شي و الا لا؟!!




طيب هذا شي
الشي الثاني

الشعر اللي تحت اللحيه ماينحلق بسهوله كيف تحلقونه على اي اتجاه؟
و خصوصا هذي المنطقه تطفش في الحلاقه

و سؤال عن تحديد هذي المنطقه

كيف اسوي فيها؟
التحديد عادي بس كيف تخففون الشعر منها
لاني اسويها بالمقص بس ماتكون مضبوطه تمام
و المكينه الموجوده ما تنفع للتخفيف

و مكينته ماعادت تحلق مضبوط من زمان عنده و بأغيرها ابي آخذ له وحده تضبط التحديد و التنعيم و سعرها اقل من 300 ريال:10:
المهم التحديد يكون ناعم لان هذذي تحديدها يبقى الشعر طويل نوعا ما
ادري اسألتي كثيره بس عاد خبركم انا مالي في الحلاقه الرجاليه ما اعرف عنها شي
و هو يبيني اسوي له مثل الحلاق
حاولت ادور في النت بس ما احس اني لقيت اجوبه شافيه لاسألتي:5:

 

[ندى الايام]

رد: اخواني الرجال عندي سؤال اتمنى تجاوبوني عليه

الله عليك ياشروق الامل
مع اني لست برجل لكن كنت احلق لابي بعد اصابته بالجلطة الدماغية
وعلى علمي ومعرفتي ان الماكينه الكهربائية ماتحتاج لاي شي
تحلقي فيها على الناشف
وبالنسبة للتحديد ماينفع المقص
الماكينة نفسها لها درجات
يعني لو حلقت الدقن على درجة صفر مثلا
يكون التحديد على درجة واحد
بعد الحلاقة ممكن تحطيله اي عطر لما بعد الحلاقة مثل نيفيا
يكون مكتوب عليها بعد الحلاقة وموجودة بالاسواق
هذه معلوماتي
واتمنى انك تلاقي حد يفيدك اكثر مني

 

[شروق الأمل]

رد: اخواني الرجال عندي سؤال اتمنى تجاوبوني عليه

ايه صح حتى انا اعرف ان المكينه احلق فيها على الناشف

بس غيري يقول لا على الاقل حطي بودره علشان الشعر ينحلق بسهوله و البودره تمتص الرطوبه من البشره و مايمسك الشعر فيها يطلع بسهوله

بس بعدها ابياعرف شي مايكون معطر لان اي شي معطر يطلع له حبوب مباشره

و في ناس يقولون غلط تحطين شي بعد الحلاقه علشان كذا انا احترت
ابي احد يفهمني بالضبط وشو الصح ووشو الغلط علشان اعرف

تسلمين حبيبتي على ردك

 

[تناهيد]

رد: اخواني الرجال عندي سؤال اتمنى تجاوبوني عليه

انا احلق عند الحلاق بالموس عشان كذا ما اقدر افيدك بس اكيد فيه من الاعضاء من سيفيدك

 

[شروق الأمل]

رد: اخواني الرجال عندي سؤال اتمنى تجاوبوني عليه

شكرا لك استاذي ابو رزان


انتظر البقيه ان شاء الله يفيدوني

 

[فارس عمر]

رد: اخواني الرجال عندي سؤال اتمنى تجاوبوني عليه

اعطي خبزك للخباز ولو أكل نصفه ..
إما أن تتعاقدي مع حلاق يأتي للمنزل ويحلق شعر اخيكِ . أو دعي أحدا من الرجال أن يأخذه إلى محل الحلاق , إن أمكن ذلك .
بكل حال ذقن ابني أخر العنقود كذقن أخاكي , ويستخدم لحلاقتها , ذات الماكينة .
سألته عن كل استفساراتكِ حول حلاقة الذقن فقط فأجاب :
لحلاقة المنطقة عند الرقبة . , دققي النظر باتجاه الشعر ودعي المكينة تمشي مع اتجاه الشعر وليس بعكسه .
يحلق ذقنه على الناشف ولا يستخدم أي شيء قبل الحلاقة .
بعد الحلاقة يغسل وجهه بماء فاتر فقط . لأن في وجهه حب شباب , وينتبه جدا عند مروره للحبات أثناء الحلاقة ويحاول تجاوزها ....

 

[شروق الأمل]

رد: اخواني الرجال عندي سؤال اتمنى تجاوبوني عليه

والله يا عمو فارس اني في هذي ما اقدر اسوي اي شي من الحلول اللي قلتها

لان بكل صراحه اخواني مسافرين
و نبي ابوي يرتاح من طلباتنا شوي لانه مافي قوه مثل زمان
و مافي حلاق بيجي للبيت يحلق له
و الاقارب مايرتاح يروح معاهم ابد لانه يستحي بقوووه
و في نفس الوقت لازم كل اسبوع محلق و منعم بعد
كان كل اسبوع محلق بخمس ريال و على هذا الحال
في الاخير قال ابوي باشتري له مكينه حلاقه اوفر و يحلق في البيت
حاولت اعمله و اخلص نفسي من هالمهنه لكن كل ما حاولت معاه رفض و عصب


في الاخير
مافي الا هذا الحل اني اتعلم كل شي و الله يعين

انا كنت في الشعر المعند احلق عكس اتجاه الشعر
زين نبهتني لهالنقطه


طيب بخصوص هذي المنطقه كيف تسوونها؟
احددها بالمكينه و اخففها بالمقص بس ماتضبط

ماتطلع مثل الحلاق
ماتطلع مرتبه و مضبوطه
مع العلم ابوي اليوم جاب مثل هذي المكينه فيها من 3 الى 16

على اساس اضبط له شعره فيها لانه خلاص مايبي الحلاق تنفع اضبط فيها هالمنطقه؟؟

 

[فارس عمر]

رد: اخواني الرجال عندي سؤال اتمنى تجاوبوني عليه

بالنسبة لحلاقة شعر السالف وما فوق الأذن . كما وضحت لك ندى الأيام تماماً .
حددي السالف . ثم تدرجي بالقص بنمرة اعلى الى ان تصل الى 10

 

[شروق الأمل]

رد: اخواني الرجال عندي سؤال اتمنى تجاوبوني عليه

مشكوووور استاذي


ان شاء الله بكره اجرب و تضبط معاي

لان ماعمري جربت اخففه بالماكينه


ان شاء الله ما اجيب العيد بس

 

[ام محمود]

رد: اخواني الرجال عندي سؤال اتمنى تجاوبوني عليه

هههههههههه حبيبتي توا انتبهت الله يبارك فيكي
علي الناشف احلقي وما تدعكي بوجهه الماكينه وانتبهي للحبوب ايضا او شعرة تكون غائرة بالداخل لا تضغطي لان الماكينه شفرات تقص من الخارج
يفضل بعد الحلاقه يضعون مطهر كالكولونيا للتطهير لاقدر الله ان في خدوش بس هذا عاده في حلاقه موس الحلاق او شفره يدويه

لو ضعتي اي كريم بعد الحلاقه هتجدي حرقان بوجهه لن الكريمات عليها بعض الكحوليات مالسبرتو وغيرها
تعرفي بعد الحلاقه جربي خميرة تضعيها علي الوجهه هتبرد وجهه وما هتتفاعل معه

بخصوص السوالف
حددي بخط يدك وخففي سرعات ومقاسات الماكلينه من اسفل لاعلي
ما تقصي بالمقص هتشوهي وجهه
عليكي بماكينه المقاسات من تحت لاعلي

بارك الله فيكي شروق

 

[شروق الأمل]

رد: اخواني الرجال عندي سؤال اتمنى تجاوبوني عليه

هلا والله بام محمود

شوفي انا كنت احلق تمام بس كل ما احد شافني احلق له قال ليش ماتسوين كذا الين تشتت ما ادري مين الصح و مين الغلط

و على كلامكم حلاقتي صح

لكن السوالف
لا انا احدد الخط من تحت بالماكينه و من فوق اذنه بالمقص فهمتي
لكن تخفيف نفس شعر السوالف هذا اللي مايضبط معاي

جربت بالماكينه و كنت باجيب العيد قبل يومين لكن الله ستر

رغم ان ابوي يقول مضبوط شغلك بس ما ادري ما اقنعني

و ان شاء الله اخوي بيجي اليومين هذي و اخليه يضبطها له قدامي علشان اشوف هذا اذا وافق

و الكلونيا احطها له اذا انجرحت الحبوب

مشكوووره مره ثانيه ام محمود

 

[ابو فيصل]

رد: اخواني الرجال عندي سؤال اتمنى تجاوبوني عليه

ماشاء الله عليك شاطره
حتى الحلاقه تبين تتعلميها

 

[شروق الأمل]

رد: اخواني الرجال عندي سؤال اتمنى تجاوبوني عليه

ماشاء الله عليك شاطره
حتى الحلاقه تبين تتعلميها

والله يا استاذي لأجل يوسف اتعلم كل شي

 

[مـايـبـاخ]

رد: اخواني الرجال عندي سؤال اتمنى تجاوبوني عليه

أنـا مـتـعـامـل مـع حـلاق يـجـي عـنـدي للـبـيـت مـن 4 سـنـوات

وحـالـيـاً مـا أحـلـق اللـحـيـه وللـه الـحـمد بـس شـعـر الـرأس ..

مـوفـقـه اخـتـي​

 

[طعس وغدير]

رد: اخواني الرجال عندي سؤال اتمنى تجاوبوني عليه



يو يو يو
محتااااسين وحالتكم حاااله
هاتي آلة الحلاقه
وبجرب شوي
ولا نتعلم

عواااافي خيتوووووووو

 

[الدانه]

رد: اخواني الرجال عندي سؤال اتمنى تجاوبوني عليه

حسبى الله على شيطانك شروق الامل
من اقصى المنتدي اركض على بالي مشكله
خلاص خلي طعوسه تشوف الوضع ماعليه عنده خبره بتحليق الحجاج !!!

 

[ندى الايام]

رد: اخواني الرجال عندي سؤال اتمنى تجاوبوني عليه

حسبى الله على شيطانك شروق الامل
من اقصى المنتدي اركض على بالي مشكله
خلاص خلي طعوسه تشوف الوضع ماعليه عنده خبره بتحليق الحجاج !!!

:24::24::24:
ومن قالك تركضي دانو وهي المشكلة مبينه من عنوانها
للرجااااااااااااااااااااااااااااال
بس صدقي انا اول من دخل الموضوع
شكله الفضول الحميد معدي هالايام :2:

 

[شروق الأمل]

رد: اخواني الرجال عندي سؤال اتمنى تجاوبوني عليه

طعوسه و دانه و ندى الايام


عاد شككتوني اني ماكتبت كلمة الرجال في العنوان هههههههههههههههه
:24::24::24::24::24:



اثبتتم اليوم و بما لايدع مجالا للشك ان اللقافه صفه متأصله في الجنس الناعم :2:

 

[شروق الأمل]

رد: اخواني الرجال عندي سؤال اتمنى تجاوبوني عليه

أنـا مـتـعـامـل مـع حـلاق يـجـي عـنـدي للـبـيـت مـن 4 سـنـوات

وحـالـيـاً مـا أحـلـق اللـحـيـه وللـه الـحـمد بـس شـعـر الـرأس ..

مـوفـقـه اخـتـي​

عاد تدري
طاحت علي مكينة حلاقته و انكسرت الشفره رغم انها مريحتني في اللحيه

باقي الحين ادور لها قطع غيار ولو اني ماضنتي احصل
و شكلي باشتري وحده جديده و اريح راسي



مشكور استاذي على المرور

 

[ابو فلسطين]

رد: اخواني الرجال عندي سؤال اتمنى تجاوبوني عليه

اختي الكريمه دعي الحلاق يحلق له افضل مما تحلقي له انتي

انا مربي دقني عشان ماحلق هههههههههه