كل الفرح من لون وجهك يجيني ؟؟؟؟

[يمان]

وقف ولا ترمي وداعك بالاعيان
.....................محتاج أنا لذرة امل في سنيني

هذي تفاصيل العمر وسط الاجفان
.....................صور واماكن في عيوني تجيني

والله من تطري وسط عمرالاحزان
.....................كل الفرح من لون وجهك يجيني

مثل المطر يركض على الارض ولهان
.....................هــذا انت دايم بالـوله مـحتويني

يكبر غيابك لو كبر وسط الاشجان
.....................يكبر معه في شوق عمري حنيني

الماي في قلبي من الشوق كثران
.....................صبيت دمعي وشفت قلبك بيديني

قلت احضنه في وسط يديني على شان
.....................مايلمس أطرافه حزن من ونيني

حتى ولو اخترت فرقاك عنوان
.....................يكــفي بيديني قلب عــمرك يبيني

ماهي حكاية انت رابح وخسران
.....................او هـي حــــــكاية مـاأبيك وتـبيني

المسأله روحين في داخل انسان
.....................شفتك رحلت وشفت روحك في عيني

غمضت أرد الروح من خلف الأجفان
.....................عشان أصدق كذبتي انك تجيني

​

 

[ابونواف]

رد: كل الفرح من لون وجهك يجيني ؟؟؟؟

كلمات روعه على لوحة كلها ورود قد أعطت تلك اللوحه أجمل الصور
شاكر لك يمان أحلى حروف

 

[بنت التحدي]

رد: كل الفرح من لون وجهك يجيني ؟؟؟؟

ماهي حكاية انت رابح وخسران
.....................او هـي حــــــكاية مـاأبيك وتـبيني

المسأله روحين في داخل انسان
.....................شفتك رحلت وشفت روحك في عيني

يسلموووووووووووووووو
كلماااااااااات رائعه
احترامي

 

[يمان]

رد: كل الفرح من لون وجهك يجيني ؟؟؟؟

شكرا لعطر مروركم​