كلمات عن بلادي...

[ريم البراري]

مصراته- ليبيا





اللى فيها يزهن الأنظار غلاها جار اللى لبست بالنخل خمار



اللى فيها يزهن العيون * بيها مفتون * بلاد النخلة والزيتـون

اللى شاكرها بن خلدون * بيها تفخار * شهادة ناقد مو شـكار

عليها كاتب وهو ممنون * ناس اكــثار * بعزة يعطو مو باجبـار

وبالتــجارة يمــتـهـنــون * فى كل أقطار *يجوبو ما يهابوش اخطار

هى اللى جابت بن غلبون *موثق الأخبار*كـتابــه سـمــاه التــذكــار

هى الـلى جابت سـعـدون * فارس نغار* اللى سـاقـى الطليان امرار





اللى فيها يزهن الأنــظار * غـلاهـا جـار*اللى لبســت بالنــخل خمار





للى فيها يزهن الأنظار * الكل بيها مغرم ولهان

بلاد اللصانع والتــاجر * ومافيها واحد كسلان

بلاد الفـــلاح المــاهـر * مزارع ونباك وغيطان

اللى خداها الزروق مقر * استطيب عادات السكان

بشيخ الصـوفيـــة تـفخـر * مصراته أم الشجعان

اللى سقت الطليان المـــر * على يد ولدها رمضان

عـدوها كـاتــب ويــخــبـر* فى كتابه نحو فزان

اللى فيــه بـلادى مـصــور* مثــلـهـا كـيـف الثعبان

ومــصـراتـه الأشـد خطـر * الراس اللى فيه النيبان

هى الراس اللــى مدبــر * صانع الأفكار * اللى دمر جيش الجرار

اللــى مــنها أعــلن الثاير* بـــومــنــيـــار * اجلاء بقايا الإستعمار

بيه فرحوا بـوادى وحضر* يــوم الــثـــار * تعيشى ويعيش المغوار

الــلــى خلاك اتـــقول قمر* زهـــا وعمار * وقلعات صناعية اكبار





اللى فيها يزهن الأنــظار * غـلاهـا جـار*اللى لبســت بالنــخل خمار

 

[روح التحدي]

رد: كلمات عن بلادي...

حفظ الله كل البلاد العربيه الاسلامية
وعاشت حرة أبيـــــــــــة
ربي يحميكم يا أهل ليبيا الاحراار الأبطال
ونورررررررتي المنتدى برجوعك أختي ريم البراري
وكل الاخوه والاخوات من ليبيا

تحياتي

 

[صمت اللياالي]

رد: كلمات عن بلادي...

نسال الله ان يحفظكم من الفتن
وأن يولي عليكم خياركم
أمـــــــــــين

شكرا لكِ ريم البراري على القصيدة المعبرة