كيف تخطب البنت الحلبية - الجزء 2 - الأخير

[فارس عمر]

المرحلة الرابعة : أم الشب في سلسلة زيارتها لبيت العروس
بعد خمس سنوات بحث عن عروس أوكلت المهمة لابنتها !!!
وهون لازم الأم تزور بيت البنت يلي بدها تخطبها عدة مرات ، مرة واحدة لا تكفي ، وكل ما بتدخل لبيت شي عروس بتكون سيحبة ورها بناتها أو خواتها ، في أول زيارة لها، وفي حال عجبتها البنت ، يترجع تاني يوم جيبة معها جارتها أم عبدو وأختها التانية يلي كانت أول يوم مو فاضية ، وتالت يوم بتجيب معها كنتها ووو .. والزيارة الرابعة ( بيجوز تكون بعد كم شهر من الزيارة الأولى لانو بتكون زارت كم بيت تانيين ورجع ئلب عئلها ) وهون بتجيب معها صديقات خبيرات ، وبيفحصوا البنت من فوء لتحت وكأنهم طبيبات ...
وهون بنذكر ئصة حلوة جريت بحلب وفيكم تستخلصوها من الحوار الهاتفي :
* آلو مرحبا ..
أم البنت : أهلين .
* ما تواخذينا خيتو ميشان الله ، انا عبتصل لأنو عنا أرئام كتير ميشان الخطبة وهالرئم ما عبعرفوا لمين ، حضرتكم بيت مين ؟.
أم البنت : ولايهمك نحنا بيت ( فلان ).
* ايه تشرفنا ، صبيتكم شئدا عمرا ؟
أم البنت : عمرا 19 سنة ، ، ليش ابنكم شئد عمروا ؟
* الله يخليلكم ياها ويحرسلكم ياها ، ابني عمروا تسعا عشرين سنة، وبدو بنت تكون كويسة حسن وجمال .
أم البنت : واش بيشتغل ؟
* بيشتغل بتجارة العبي ( العبي تعني العبايات التي يرتديها الفتايات والنساء ) ،عيونو خضر هيك الئد بوشو.
أم البنت : في عندو بيت ؟
* ايه اكيد عندو بيت بجمعية قرطبة كامل مكمل من العفش للجمجاية للأبرة .
أم البنت : لك مو انتو من بيت ( فلان ) وجيتو لعنا من شي شهرين ونص وما مشي الحال لأنو ابنكم كبيرعبنتنا .
* ليش انتو يلي بيتكم بشارع .... ، وبنتكم هي البيضا الشئرة الطويلة، ووئتا ما ئبلتو لانو ما بترضوا تطببوها على وشا ؟ ... ( تطب على وشا مصطلح حلبي يعني تضع الخمار على وجهها )
أم البنت : ايه صح ، وكمان ابنكم كبيرعبنتنا يعني في شي عشر سنين بيناتهم
* والله هو بدو وحدة حسن وجمال وتطب على وشا ،يعني والله العظيم البنت أحلى الشي فيها وشها تروح تدلئوعالشارع ، والله ما بيرضى هيك .. طيب ما تواخذيني ميشان الله ، وأنا اختو للشب مو أمو لأنو الماما وكلتني بهالمهمة بعد ما تعبت من هون لهون ومن هنيك لهون وما عبتلائي بنت الحال يلي عطلبنا وصرلها اربع خمس سنين عهالحالة وما اندلينا عنصيبنا.كرمال الله ما تواخذيينا لانو ما كنت عيرفة هالرئم لمين .
أم البنت : عادي ..الله يدلكم على نصيبكم .
أخت الشب: حسب الموانة دخيلك والله يجبر بخاطرك ، إذا في حواليكي بنات كويسات دئيلي وعطيني رئمهم ، رئمي وصارعندك .
أم البنت : اي انشالله تكرم عينك .
فقط في حلب ...أحدث طريقة لعرض الفتيات أمام الخطابات !!!
من كتر ما بيلائو صعوبة بعض العائلات وخاصة يلي بيكونو بناتهم حلوات انو لازم يظبطو بناتهم على آخر طراز ويتمكيجوا ويتغندروا ولازم تطلع بنتهم ملكة أمام الخطابات فهذا مجهود يطفر منه بعض البنات وخاصة إذا كانوا " ظاظات " ( مصطلح ما حبيت اشرحو لانو شلون ما شرحتوا بيجوز ما تفهموه ) ، فوصلتني ئصة ظريفة وطريفة رائعة ابتكرتها إحدى الأمهات لعرض بناتها أمام الخطابات ، صورتهم بواسطة كاميرا فيديو وهنن متمكيجين ومتغندرين ومجهزين حالهم على آخر طراز وفتلتهم ئدام الكاميرا ، وصارت كل ما بيجي حدا بدو يخطب من بناتها تشغلهم الفيديو سيدي ...!!! ( صدقوا هذه قصة حقيقية جرت في حلب ... والله شيفين التطور وصل لهون ، والتكنولوجيا صار فيكم تستخدموها حتى في الخطبة ... احذروا التقليد !!! )
الأمهات " لا بيعجبهم العجب ولا الصيام برجب "
طبعاً وبعد هالمسيرة الطويلة ، ممكن يلائو طلبهم وممكن لا التيسير من الله ، وإذا راحو على بيت شي وحدة ورفضوهم ، بيرجعوا بيقولوا ( البنت ما عجبتنا ... هي ما حلوة تمها كبير ) .. والتانية ( لك ما شفتوا شلون مشيتها ) ..و التالتة ( ئصيرة و مكبسة و يمكن حيطة عدسات يبلاها بئتلها ) .. والرابعة ( في شي غلط بجسمها ..) ... والخامسة ( ما شفتوا شلون امها ضيربة بوذها للسما ..ما باخدا لو بيعطوني فوئها ملايين ) ... والسادسة ( عيونا صغار وأنفها كبير وادنيها مشنكلة ..متل الئرد )...والسبطعش ( اجريها كبار وا بتعرف تحكي كلمتين على بعضون )...والتسعو تسعين ( ابني ما هيك طلبوا ) !!!! .
وأم البنت كمان إذا ما بدها تعطيهم البنت بتصير بتطالع الف عذر وعذر (على هادا مو ديرس )، والتاني احوالوا مي منيحة ، والتالت ( اصلع ما في براسو غير كم شعرة )، والرابع ( سمعنا انو من بنت فلان لبن تعلان ) والخامس ( أسمر..ييي بدك ولاد بنتي يطلعوا سمران او سود ) ، والسادس ( .... ) ...
المرحلة التسعو وتسيعن ... بدنا نسأل عنكم !!!
وفي حال عجبهم الشب ، بيئلولهم بالشرع والسنة لازم نسأل عنكم ، وهااد حئهم طبعاً يسألو ويسألو ، وهون كمان تبدأ مسيرة جديدة وبحث عن تفاصيل ميشان يسألو عن عيلتو للشب بلكي طلعوا مو كويسين ، ومن سؤال لسؤال ، من الجيران لحتى رفيئو يلي كان يدرسو جنبوا بالمقعد بالابتدائي ، ويا ويلو إذا طلع مزعوج منو لانو مخسرو شي مرة بلعبة شدة أو مازح معو شي مزحة ... وتحقيق طويل عريض أصعب من تحقيقات المباحث الجنائية .
وبنفس الوئت أهل الشب بيكونوا عبيسألو عن أهل البنت ، وسمعة البنت لازم تكون صافية متل ليرة الدهب ، وإذا سمعوا شي كلمة غلط ، شالو الفكرة من اساسها ، وهون ببلش لت وعجن النسوان ( معليشن إن كيدهن عظيم ) ... وفي حال ما مشي الحال بترجعوا بتبلشوا من المرحلة الأولى ... وما بنصحكم لأنو أنا دخت لبين ما وصلت بالمادة لهون .
كلمة أخيرة
ما ذكرناه سابقاً ( وحتى لا ينتقدنا البعض ) قد لا ينطبق على العديد من العائلات الحلبية التي تقتنع بالخطبة كأمر ديني وسنة ولا تكون هناك تعقيدات ، ولكن حين أردت تسليط الضوء على عادات الخطبة في حلب لأنني لمست تلك التعقيدات عند الكثير من شباب و فتيات حلب والكل يعزو هذه التعقيدات للأهل ، لذلك نتمنى من الأهالي أن ييسروا في خطبة أبنائهم وبناتهم ، فالله وحده هو متكفل بهم وبرزقهم ورزق أبنائهم وهناك أحاديث كثيرة لنبينا محمد (عليه الصلاة والسلام ) تحث على التيسير في موضوع الخطبة والزواج وعدم غلاء المهور والاختيارالزوج الصالح للفتاة قبل اختيارة الفتاة الصالحة للرجل .

 

[طعس وغدير]

عوااااااافي عموووو فاااارس
باتت هاالمشكله تؤرق كاهل الشباب وعنوسة الفتيااات

وكل يوم يطلعوا لنا بمسمى جديد
والله العظيم اسمعهم بيقولوا زواج المدراس
ولما واحد سأل عن هاالشئ
قااال
الشاب بيدرس هناك وعشان يعفوا انفسهم
وبتكون فترة الدراسه


نتمنى اختفاء بعض الظواااهر اللي تفشت بكل المجتمعااات
والتيسير على العروسين
والله يوفق الجميع


الف شكر لك

 

[الصقر العماني]

أخي فارس هل هذه العادات لغاية الحين موجودة
بصراحة عادات معقدة جدا يعني لو يريدي يختاروا رئيس لدولة كان من الموضوع أسهل بكثير من خطبة بنت حلبية :2:

 

[فارس عمر]

عوااااااافي عموووو فاااارس
باتت هاالمشكله تؤرق كاهل الشباب وعنوسة الفتيااات

وكل يوم يطلعوا لنا بمسمى جديد
والله العظيم اسمعهم بيقولوا زواج المدراس
ولما واحد سأل عن هاالشئ
قااال
الشاب بيدرس هناك وعشان يعفوا انفسهم
وبتكون فترة الدراسه


نتمنى اختفاء بعض الظواااهر اللي تفشت بكل المجتمعااات
والتيسير على العروسين
والله يوفق الجميع


الف شكر لك

شرّفتي القسم الثاني عمو : طعس
نعم باتت الأساليب التقليدية , والمبالغ بها في الاختيار , تسبب مشكلة تساهم بشكل أساسي في زيادة العنوسة في مجتمعاتنا .
لكن عمو . إن كانت تلك الطريقة التقليدية لا تعجبنا . وتعقد المشكلة
فهل نتوجه لطرق ندع بها الشاب والفتاة اتخاذ قرار الزواج لوحدهما . والمبني برأيهما على الحب والانسجام فقط ؟
ضاربين بنفس الوقت بالأسس الهامة للزواج التقليدي ؟
شيء محير !!!!!!!!.
ولا بد أن تتغير نظرة الأهل في طريقة الاختيار , وتسهيل الشروط .
حتى لا ندع مجالاً لخروج الأمر من أيدينا كاملا .
وقتها لا ندري , ما ستكون نتائج الزواج الخارج عن النمط الأجتماعي التقليدي .
وعندها لن نكون حلينا المشكلة بل أفرزنا زيجات مصيرها الفشل .
الحل الأمثل برأيي هو : أن يكون الأهل ممن ينظرون للزواج خارج قيم الطبقية والعشائرية .
وإعطاء جزء من اتخاذ القرار النهائي للشاب والفتاة .

لم أفهم بالضبط ما قصدتيه بزواج المدارس .
أرجو توضيح الأمر . من فضلك .
حتى أرد على هذا الجزء
شكراً لإغناء الموضوع عمو : طعس

 

[طعس وغدير]

[
لم أفهم بالضبط ما قصدتيه بزواج المدارس .
أرجو توضيح الأمر . من فضلك .
حتى أرد على هذا الجزء
شكراً لإغناء الموضوع عمو : طعس[/quote]




زواج المدراس سمعته من الشيخ سليمان العوده
من برنامج فتاوى ع ال ام بي سي

بيقول الطالب يدرس من 4 سنوات الى 5 خارج بلده
وبيظطر يتزوج لحماية نفسه بتلك الفتره


وسماها الشيخ
الزواج الرئسي المسيار وفروعه المسفار والمدراس
هههههههههههه
شئ مضحك ومحزن جدآ

ساهم في انتشاره وتواجده اولياء الامور والمجتمع وللاسف الشديد
شكرآ لك

 

[فارس عمر]

أخي فارس هل هذه العادات لغاية الحين موجودة
بصراحة عادات معقدة جدا يعني لو يريدي يختاروا رئيس لدولة كان من الموضوع أسهل بكثير من خطبة بنت حلبية :2:

أهلا بالصقر العماني
نعم سيدي ما زالت تلك العادات موجودة بحلب خاصة وفي حمص وحماة .
ولو أنها ليست بتلك الصورة المبالغ بها .
لكنها موجودة من حيث المبدأ , وأغلب ما قرأته موجود .
نعم اختيار عروس أصعب جداً من اختيار رئيس للدولة .
لذلك فأزمة الزواج في المجتمعات العربية , أزمة عامة .
قد تختلف أسبابها من بلد لأخر .
لكن بالنتيجة هناك أزمة .
سببها :
عوامل اقتصادية
اجتماعية
دينية
والأمر بات بحاجة ماسة لإيجاد حلول شاملة تشارك به فئات المجتمع كافة .
الحكومات
رجال الدين
التربيون
الأعلام
منظمات المجتمع المدني
الآباء

 

[فارس عمر]

شكراً للتوضيح عم طعس
زواج المسيار أو المسافر ......
نعرفه .
لكن انتشاره محدود جداً في بلادنا ....
أما بالنسبة لرأيي به .
اسمحي لي أن أحتفظ به لنفسي ولا أعلنه .....