كيكة البرتقال

[مصعب]

السلام عليكم
إنشاء الله تكونو جميعا بأفضل حال
أنا معكم بالمنتدى منذ سنتان وأكثر تقريبا ولكني عضو صامت، إنشاء الله يكون الي مشاركات معكم عن قريب ، ابني منذ سنتان بدأت الحمية معه ، وبناء على قرار الطبيب تم قطعها ، والآن رجعنا لها من جديد منذ شهر لذلك لدي من الوصفات التي تفيدكم بإذن الله .
البارحة عملت كيكة برتقال ، وقد عملتها قبل ذلك ولكن البارحة كانت مثل الكيك الي بنعمله النا تقريبا وهذه الطريقة
3 بيض
1 كوب عصير برتقال
ثلاث أرباع كوب زيت
بشر برتقال
3 فانيلا أو 2 انا بحب أقلل سكر في مواصفاتي دايما اذا النا أو لابني وبشر البرتقال بيغني لتروح ريحة البيض
المفروض كوب سكر ، بس انا حطيت ملعقتين سكر ، وملعقتين عسل وممكن تستخدمي الوصفة كلها بالعسل على فكرة، حسب كل واحدة شو متعودة تعطي ابنها
2 كوب طحين ذرة أبيض ، مضاف له ملعقتان من طحين الذرة الصفراء، و2 بيكنج باودر ، وللأسف هذا هو الطحين الوحيد المتوافر في البلد عندنا وأصنع كل شي لابني منه
مكسرات حسب الرغبة ، أنا حطيت جوز(عين جمل) ، زبيب ، وفيكو تحطو الفواكه المجففة والشوكولاتة الشيبس، بس انا ابني ما بياكل الشوكولاتة للأسف ولا الكاكاو
الطريقة : مثل الكيك العادي قالب الكيك يدهن بالزبدة أو(الي بتستعمليه عشان طفلك ) وبعدين شوية طحين
وبالخلاط البيض ثم الفانيلا ثم العسل أو السكر ، والزيت ثم العصير نخلط منيح منيح وبعدين بصحن ثاني بنضع الخليط كله وبنضيف برش البرتقال ، والطحين والبيكنج باودر المنخول ملعقة ملعقة ونحرك ، نصب الخليط بالقالب ونحمي الفرن على 200 ، ثم قبل أن يدخل القالب بقليل نضع المكسرات التي نرغب بها على وجه الكيك عشان ما ينزل تحت بسرعة وينحرق هيك بيدخل الفرن ولما يتجمد بكون وصل لنصف الخليط تقريبا ، بعد ربع ساعة بنهدئ النار 180 وبنطفي لما نحس انها استوت يعني بدها كمان تلت ساعة تقريبا وصحة وعافية على قلوب كل الأطفال يا رب

 

[ازميرالدا]

رد: كيكة البرتقال

شكرا عزيزتي علي الموضوع
تسلم ايدك
وفي انتظار مشاركاتك معنا ان شاء الله
يا ريت لو توضحي ليه قطعتي الحميه وليه قرر الطبيب اعادتها مره اخري؟ بناء علي تحاليل او ملاحظاتك علي ابنك فتره قطع الحميه
وشكرا

 

[مصعب]

رد: كيكة البرتقال

مرحبا ازميرلدا
المشكلة انه هذا بدو وقت كبيييييييييييييييييييييييير أحكي فيه وانشاء الله بالقريب العاجل حابعث لك شو صار معي وليش بدأتها وليش قطعتها ، بس لازم وقت أكتب فيه شو صار معي، وكيف حالة ابني الآن الي الحمد لله تحسن بنسبة كبيرة وأشعر بالفرق الصراحة

 

[ازميرالدا]

رد: كيكة البرتقال

ربنا يشفي ابنك ويبارك لك فيه عزيزتي
وصلتني رسالتك ويا رب تفرحي بشفاؤه التام

 

[مصعب]

رد: كيكة البرتقال

إن شاء الله آميييييييين ، أنا وجميع الأمهات يا رب

 

[رحانة الجنة]

رد: كيكة البرتقال

تسلم ايدك وجزاك الله خيرا