لا يفوتكم برنامج دكتورز عن التطعيمات 15 يونيو

[ام احمدان]

مساكم الله بالخير
شخباركم يا عزيزاتي
حبيت اقول لكم ان بكره برنامج دكتورز على ام بي سي 4 الساعه : 7 مساءًا بتوقيت الكويت والبحرين والسعوديه ان شاء الله بكون موضع الحلقه عن التطعيمات للاطفال

بس لو لاحظتو معاي ، ان هالبرنامج ، هذي ثالث حلقه يتكلمون فيها عن التطعيمات!!!!!!!!!!!!! لهالدرجه الموضوع وايد مهم!!!!!

الله يشافي عيالنا وعيال جميع امة محمد

 

[ام العيس]

جزاك الله خير حبيبتي ،،حبيبتي ممكن اعرف ابنك اين يتعالج ف البحرين؟

 

[ام احمدان]

هلا عزيزتي
ابني ما تعالج في البحرين
فعلا اخذته لكذا دكتور هني بداية انف واذن وحنجره و دكتورة اعصاب ودكتور نمو اطفال ، كلهم هني في البحرين ، بعضهم في السلمانيه وبعضهم في عياداتهم الخاصه

وما استقريت على الي انا فيه الا من بعد ما اخذت موعد مع الدكتوره عبير عوض جزاها الله الف خير ومشيت على النظام الي اعطتني اياه ، اللهم لك الحمد والشكر

وأي استفسار اختي العزيزه حاضرين

تحياتي

 

[ام العيس]

الله يشفي لك ابنك وتفرحي فيه يااارب بس ماتاخذين له جلسات نطق؟

 

[فاطمة سعد]

شكرا لك ام حمدان
للاسف لم اشاهد الحلقه .

 

[ام احمدان]

الله يخليكم يارب

ايه عزيزتي اخذه لاخصائية نطق ولغه وانا اواصل معاه في البيت

بس ما تستخدم له طريقة الصور ، طريقتها سهله وشيقه ، فقط تتحدث مع الطفل بكل خطوه تسويها ، يعني تحاول تخلط الطفل في المجتمع والبيئه الي اهو عايش فيها ، وكل شغله نسويها نقولها ونذكرها له بكلمات وافعال

تحياتي

 

[ام العيس]

جزاك الله خير