لاهل الخبره ارجو مساعدتي بروضه

[هيله]

حبايب قلبي عندي طفله عمرها ثلاث سنوات وسبعه شهور
عندها توحد قالو لي دخليها روضه عاديه مع الاطفال الطبيعين
ابي رايكم في هذا
هل تستجيب او ستعيش وحيده بالمركز واخاف يركنونها على جنب
اخاف تخطا وتعاقب
ويوجع قلبي اذا عادت من الروضه للبيت ماراح تعلمني ايش اللي حدث معها مبسوطه غير مبسوطه
هل ستستفيد ساعدوني اذا احد جرب او عنده فكره واللي تعرف روضه بالدمام ممكن تقبلها تقولي اسمها
وجزاكم الله خيرا

 

[صبري بالله]

رد: لاهل الخبره ارجو مساعدتي بروضه

أختي انا ما جربت كون ابنتي صغيرة ,ولكن كل من دخل ابنه في روضة استفاد جدا والأفضل ان يكون معها مدرسة ظل ( shadow teacher ) تنتبه لها وترعاها وتدمجها مع الأطفال

 

[كوكـتـيـل طبيعي]

رد: لاهل الخبره ارجو مساعدتي بروضه

مع التدريبات بالبيت لازم يا يكون فيه معلمة تعرفيها بشكل شخصي او تجيبي معلمة مرافقة

بدون ما سبق بيتركونه ولاهو داري بالدنيا وممكن يطلع بره الروضه

الله يشفيه

 

[الام الصامده]

رد: لاهل الخبره ارجو مساعدتي بروضه

عزيزتي الروضه العاديه مش هتفيده لانهم غير مؤهلين للتعامل مع الحالات الخاصه وابنك ماراح يتجاوب معاهم هتدفعي فلوس عالفاضي انصحك تدخليه روضه احتياجات خاصه تكون فيها اختصاصيين لحالات التوحد وهاتي في البيت اخصائي تخاطب وتعديل سلوك وبكده انتي بتكثفي العلاج ليه وكمان لا تتعجلي دخوله المدرسه اعطيه سنه اضافيه لتحسين حالته وان شاء الله راح يكون ممتاز ويتحسن وتقدري تدخليه مدرسه عاديه بازن الواحد الجبار

 

[أم حمود]

رد: لاهل الخبره ارجو مساعدتي بروضه

اختي العزيزه دخلي ابنتك مركز للتوحد عندك مراكز الدمام ياكثرها مركز المستقبل تنمية الطفل اشراقات وبعدين هل ابنتك لها اخوات واخوان اذافيه حاولي تلعبيها معاهم وتطلعيها لاطفال العيله يعني بنات عم خال اي شي انتي باي منطقه بالدمام اشوف اقرب المراكز لك

 

[هيله]

رد: لاهل الخبره ارجو مساعدتي بروضه

لم تقبلها الوضات العاديه لانها ماتفهم بالمره الكلام الموجه لها
وتلبس بامبرز مازالت والاطباء النفسيه اللي بتتلقى عندهم العلاج
يقولون مركز لا روضه لا حضانه افضل وانسب لها
اخاف بالحضانه يفتحون لهم التلفزيون وتسوء حالتها ارشدوني ماذا يجب ان افعل
يارب رحمتك

 

[ام البراءه]

رد: لاهل الخبره ارجو مساعدتي بروضه

اختي لاتسمعي لكلام الاطباء نصيحه دخليها مركز عشان يهتمون فيها واحرصي عليها ان لاتختلط بحالات شديده وان يكون عدد الطلاب لايزيد عن اربعه وبالتوفيق انشاء الله