علاج الحرارة المستمرة لعمر اقل من سنة

[محمدالشروني]

بعد السلام عليكم والدعاء لكم بالتوفيق والصحة وتحقيق كل امانيكم في هذا الشهر الكريم اما بعد:-

انا ابني كريم متلازمة داون 7شهور والمفروض في تطعيم عند 6شهور وبسبب استمرار الحرارة معاه اللي بتتراوح من38 الى39 خايف اطعمة

واطلب نصيحتكم في هذا الامر.:m0dy_net-835:

 

[ام محمود]

رد: علاج الحرارة المستمرة لعمر اقل من سنة

الحل عند طبيب الاطفال اخي ابو كريم
لابد من معرفه السبب الرئيسي المسبب للحراره بسرعه
حتي لا يتاثر المخ لاقدر الله
وربنا يطمنا عليه

 

[بيبى]

رد: علاج الحرارة المستمرة لعمر اقل من سنة

بنتى جنى اقعدت بالحراره شهرين بدون سبب والدكتور
بقى مش عارفه ايه السبب وعملتها صوره دم كامله وتحليل بول وبراز والتحليل كلها كويسهومكنش فيه سبب للحراره
لفيت بيها عند كل الدكترا والمشتشفيات
وفى الاخر عرقت انها بتتاثر بالحر ودرجه حراره جسمها يتعالى مع الحر
طيب احسن حاجه تشوف الطبيب عشان يعرف الحراره الاول من ايه
ولا هو بردوا بيتاثر بالحر عشان انا عنيت بنفس المشكله مع بنتى وكان عمرها
و3 الى اربع شهور
وربنا يشفيه يا رب

 

[محمدالشروني]

رد: علاج الحرارة المستمرة لعمر اقل من سنة

متشكرة اوي على اهتمامك ياأم محمود (مثلنا الاعلى في الامومة) والاخت الفاضلة ام جنى ربنا يباركلها انا الدكتورة امل ام كريم وانا فعلا كشفتلة عند اكتر من استشاري وعمل تحاليل كتيرة ولكن الحرارة ما زالت بتروح وتيجي والمشكلة فقط في معاد التطعيم اللى فات وفى واحد من الاستشاريين قال مافيش مشكلة مادام الحرارة اقل من 39
انا على فكرة طبيبة
تخصص طب طبيعى وروماتيزم وشرف لية ان اتواصل معاكم.

 

[ام محمود]

رد: علاج الحرارة المستمرة لعمر اقل من سنة

اهلا وسهلا بالدكتوره امل والده الملاك كريم
هنيئا لكوكي بالتخصص اكيد حبيبتي انتي ليل نهار تمارين مع كوكي خفي شويه عليه ههه
ومرحب بيكي بيننا

 

[محمدالشروني]

رد: علاج الحرارة المستمرة لعمر اقل من سنة

بارك الله فيكي يا ام محمود وفرح قلبك بحبيبنا محمود ولكني مقصرة جدا مع كريم نظرا لطبيعة عملي وكنت اود اخذ اجازة ولو لفترة واود ان اعرف رايك وراي الاعضاء بحكم تجاربهم مع اولادهم ولكم جزيل الشكر

 

[ايمان سيف]

رد: علاج الحرارة المستمرة لعمر اقل من سنة

طمنينا ام كريم عامل ايه الان وهل الحرارة بترتفع وتنزل ام استقرت ولله الحمد
ابني ايضا كان قبل تمام العام ترتفع درجته بدون سبب ام الان الحرارة مستقرة والحمد لله واذا ارتفعت في نصف النهار تنزل احيانا بالليل وعرفت ان حرارة الجو لها تاثير فالصيف السنة دي حار جدا
ربنا يحميهم ويحفظهم لنا


​

 

[محمدالشروني]

رد: علاج الحرارة المستمرة لعمر اقل من سنة

الحمد للة الحرارة اختي الحبيبة دلوقتي احسن وانا لاحظت انها لها علاقة بالجو فعلا ونصيحة لكل الاخوات بان لا تعطي خافض الا اذا تعدت 38.3 وتبريد الجو المحيط بيساعد كتير