الاخوات من ليبيا ...وينكم

[أم عبيدة]

رد: الاخوات من ليبيا ...وينكم

السلام عليكم

أخت بشرى فيه دورة مجانية للأمهات في مركز طرابلس تبدأ يوم السبت من الساعة 9 الى 1 .

ياريت أخت أم عبيدة تأكد على الموضوع وياريت نتلاقو غادي بنحاول كل جهدي نحضر بإذن الله

مرحبتين ام عزيمة ...كيف حالك ان شاء الله تمام ....ليك ايام مغطسة ؟؟؟؟.....الله يعاونك ....بالفعل مركز طرابلس عاملين كل سبت يوم مفتوح للامهات يعطوا فيه محاضرات وورش عمل لتدريب الطفل في البيت و علشان الام تبدا تعرف كيف تتعامل مع ابنها و تكمل هكي التدريبات في البيت ...السبت اللي فات كان اول يوم و انا حضرت و كان لاعطاء المقترحات للمواضيع التي تريد الامهات مناقشتها و المشاكل التي تواجههم مع ابنها لتجميع المواد الخاصة بهذه المحاضرات .....لو كان تبي تمشي اتصلي بيا باش نتلاقوا ...تحياتي .

 

[أم عزيمة]

رد: الاخوات من ليبيا ...وينكم

أهلا بيك أم عبيدة بإذن الله نتلاقو السبت مع اني عندي شغل هلبة السبت لكن فرغت روحي باش نتلاقو إن شاء الله .

أخت بشرى تقدري تحضري لأنه مش شرط يكون طفلك مسجل في المركز حاولي تجي باش نتلاقو .

 

[بشرى اليسر]

رد: الاخوات من ليبيا ...وينكم

انشاءالله
أريد أن أسأل انشاءالله مايكون المكان مختلط, لأنه ان كان مختلط يمكن زوجي اللى يمشي

 

[أم عبيدة]

رد: الاخوات من ليبيا ...وينكم

انشاءالله
أريد أن أسأل انشاءالله مايكون المكان مختلط, لأنه ان كان مختلط يمكن زوجي اللى يمشي

لا ليس مختلط ...خاص بالامهات فقط...لأن الامهات اقرب للاطفالهن ...لذا مسؤلية التدريب عليهن ....

 

[بشرى اليسر]

رد: الاخوات من ليبيا ...وينكم

السلام عليكم
أختي ام عزيمة ذكرت ان ابنتك في روضة , أي روضة هي , هل في روضة كويسة من حيث الاهتمام؟
أنا في الحقيقة المركز متوقف حاليا وأريد أن يدخل ابني لروضة,

 

[أم عزيمة]

رد: الاخوات من ليبيا ...وينكم

أخت بشرى بالنسبة لروضة عزيمة هي أقل من عادية لكن اني حطيتها فيها لسبب أن الأبلة نعرفها كويسة ونطيفة و عزيمة تحبها وتتفاعل معاها وتسمع في كلامها و الحمد لله مع اني ما قلتش انها توحد قلت بس تأخر نطق مع الوقت بدت تقلد في الصغار وتدير زيهم وتقعمز على الكرسي زي البنادمية و الناس وبعدين بدت تتكلم وتحفظ في الاغاني وقصار السور وعندها اصحاب بس كلهم ولاد وبنت وحدة بس .
واني توا اندور في روضة تكون أحسن و ممتازة اكاديمياً باش يهتموا بيها أكثر و ممكن ناخذ ابلتها معاها إن شاء الله .

 

[بشرى اليسر]

رد: الاخوات من ليبيا ...وينكم

السلام عليكم
نتيجة لظروف عملي لم أستطع الحضور , انشاءالله الأخبار طيبة

 

[ام ملاك]

رد: الاخوات من ليبيا ...وينكم

السلام عليكم
كيف حالكم جميعا ان شاء الله تكونو بخير وعافية
اختى ام عبيدة اذا ما عندك مانع نبى رقمك الخاص فيه ام لطفلة توحدية تبى مشورتك لامر ضرورى

 

[ام ملاك]

رد: الاخوات من ليبيا ...وينكم

ام عبيدة وينك

 

[أم عبيدة]

رد: الاخوات من ليبيا ...وينكم

السلام عليكم
كيف حالكم جميعا ان شاء الله تكونو بخير وعافية
اختى ام عبيدة اذا ما عندك مانع نبى رقمك الخاص فيه ام لطفلة توحدية تبى مشورتك لامر ضرورى

اهلين ام ملاك ....
اسفة لم ادخل من فترة للمنتدى ...و متأسفة لأنك انتظرتي ....طبعا ما عندي مانع ابداا ...سوف ابعث لك الرقم في رسالة خاصة عن طريق احد المشرفات و غالبا عن طريق عزيزتي ام دانيال ...

 

[ام ملاك]

رد: الاخوات من ليبيا ...وينكم

فى انتظارك ام عبيدة اذا كان فى حرج فى الطلب مش مشكلة

 

[ام ملاك]

رد: الاخوات من ليبيا ...وينكم

جااااااااارى البحث عن ام عبيدة

 

[أم عزيمة]

رد: الاخوات من ليبيا ...وينكم

جااااااااارى البحث عن ام عبيدة

ههههههههههههههه اتصلت بيها توا و قالتلي بترد عليك بسرعة إن شاء الله

 

[أم عبيدة]

رد: الاخوات من ليبيا ...وينكم

جااااااااارى البحث عن ام عبيدة

ام ملاك ...متأسفة لتركك تبحثين....كنت اعتقد ان خدمة الرسائل ما زالت متوقفة الا عن طريق الاشراف ...اختي ام عزيمة اخبرتني انه بالامكان ارسال رسالة خاصة مباشرة ...سوف ارسل لك حالا رسالة ...تحياتي .

 

[أم عبيدة]

رد: الاخوات من ليبيا ...وينكم

عزيزتي ام ملاك ...
حاولت مرة اخرى ارسال رسالة لك مباشرة و لكن اتضح انه ليس بالامكان الا عن طريق الاشراف ....سأحاول مرة اخرى عن طريق ام دانيال ....لن اتأخر بإذن الله و دمت بخير .

 

[أم عزيمة]

رد: الاخوات من ليبيا ...وينكم

عزيزتي ام ملاك ...
حاولت مرة اخرى ارسال رسالة لك مباشرة و لكن اتضح انه ليس بالامكان الا عن طريق الاشراف ....سأحاول مرة اخرى عن طريق ام دانيال ....لن اتأخر بإذن الله و دمت بخير .

ضيفي أم ملاك لقائمة الاتصال الخاصة بيك و بعدين ابعثيلها رسالة

 

[ام ملاك]

رد: الاخوات من ليبيا ...وينكم

بارك الله فيك ام عبيدة وام عزيمة والله ما قصرتوان شاء الله فى ميزان حسناتكم
انتم تعرفو وضع الام اللى فى وقت الصدمة الاولى لما يقولك الدكتور طفلك الغالى عنده توحد
ربى يكون فى عونها وعونا جميعا

 

[أم عزيمة]

رد: الاخوات من ليبيا ...وينكم

انتم تعرفو وضع الام اللى فى وقت الصدمة الاولى لما يقولك الدكتور طفلك الغالى عنده توحد
ربى يكون فى عونها وعونا جميعا

انتي من غير ما تقولي و الله في عز الضحكة لما نتفكر تجيني غصة لكن الحمد لله ربي في الوجود
كان تبي أي خدمة انتي بس قولي :bb (37): .

 

[ام ملاك]

رد: الاخوات من ليبيا ...وينكم

صحيتى ياام عزيمة ربى يشفى السموحة عزيمة وتشوفيها عروسة باذن واحد احد

 

[ام سيمي]

رد: الاخوات من ليبيا ...وينكم

الاخوات الكريمات من ليبيا هل فيه واحدة من مدينة بنغازي؟؟؟