اعلام الامارات ومصداقيته... تبعات كاس خليجي 19

[بطاطس عمان]

السلام عليكم ورحمه الله وبركاته



بداية حديثي حبيت افتح موضوع صراحه كبير ووصل لدرجه انه اشخاص يدخلون العناية الفائقة بسبب كوره والله ما يسوى علينا ... ولاتسوى علينا هالدوره وتنظيمها الي غير منظم فالاساس

سؤال وبصراحه ليش كل هالتحامل علينا الاماراتيين ؟؟

عندكم جواب صريح تقدرون تكتبونه ونتناقش كاشخاص كبار وعاقلين ولا تحمل قلوبنا حقد

ببتدى موضوعي الحين

اخواني وخواتي اللي تقرون هالموضوع بداية القصه :

بداية القصه كانت انه قناة دبي الرياضية وقناة الجزيره دخلت في مناقصه لكسب حقوق بث خليجي 19 واللي كان من اللجنه المستقبله البطوله وهي سلطنه عمان واللي كان مشرف عليها اللجنه الاعلامية المسؤوله فالتنظيم ومع انه قناة دبي هي اللي قدمت السعر الاعلى انتقلت مليكة الحقوق لقناة الجزيره ، انزين شو السبب ؟؟ وليش صار هالشي ؟؟ ولو انتوا كنتوا متابعين كان عرفتوا مصداقية الاعلام ومب وسائل اعلامنا اللي بدت المشكله ولكن قناة الجزيره والكاس اللي بدت بالمشكله وخصوصا مدير قناة الجزيره اللي طلع في اكثر من لقاء وهو يتهرب من محاورة كل من محمد نجيب ويعقوب السعدي وما كان يعطيهم مجال انهم يردون لانه اصلن ما عنده رد للتهرب والسب اللي تعرضوله من قبل برنامج المجلس في قناة الكاس الرياضية ، انزين لو انتوا ليكم حق ليش ما واجهتوا وحتى يوم طلعوا فالتلفزيون كان واضح عليهم علامات الارتباك وانهم ما عندهم اجوبه لتساؤلاتنا ، وليش ما خبرونا كيف حصلوا على الحقوق وما اعلنوها في وسائل اعلامهم لو كانت المنافسه شريفه بينهم ، الحمدلله الله عطانا عقول نفكر فيها وعطانا عيون نشوف ونميز فيها مب أي كلام خلاص انقال نقول نفسه بدون ما نعرف صح او غلط ( مب صح) .وبعد ما انسبوا مذيعينا حد قدملهم اعتذا وليش كل القنوات انعرضت حقهم الحقوق بحدود المبلغ المعروض فالعقد والامارات 10 مليون دولار ليش نحن اكثر عنهم هذا شو معناته، وانه اللجنه الاعلاميه العمانيه انكرت كل اللي صار لو ما كان هناك مصداقية لنقل الخبر ليش قنواتنا تناولت الموضوع وبجرأه للناس كلها ولو ما كانت متأكده من موقفها ليش تفضح عمرها ...



عدى الموضوع على خير وسكرت قصدي تغافلت عنه وسائل الاعلام عشان ما تشحن الجماهير وما قلنا شي وكملنا الدوره اما انه عمان تلعب من تحت الطاوله هيه وقطر ويحطون حكام على كيفهم وسوء تنظيم الدوره كامل (مش ولا بد ) وتعرض الجمهور الاماراتي لقلة الاحترام وانهم يكسرون سياييرهم وفيه حالات توصل لغرفة العناية المركزه ليش ، جماهيرنا تمنع من دخول المدرجات ليش وهم يايين من طريج طويل على الاقل احترموهم وقدروهم انهم في بلادكم وما ظنتي من كرم الضيافه اللي صار للجمهور الاماراتي والبحريني واليمني والكل عارف شو سووا الجماهير العمانية و التنظيم العماني واللجنه العمانية، واللي صار للفريق اليمني شو هذا الوقت اللي عطوهم اياه في الوقت بدل الضايع 7 دقايق لييييييييييييييييييش وشو السبب ، والحكم العماني ( ركزوا عماني ) يعني حبايبهم قطر والفريق القطري وانه يطرد لاعبين في آخر دقيقه ( معناته مرتبه السالفه) بالعقل الفريق اليمني طالع طالع خلهم طرد ما ياثر عليهم ولو كان تعادل الامارات تتأهل وموت عمان تتاهل الامارات مش عشان ما تستاهل لا لأنها خايفه من انها تواجه الامارات والحمدلله لعب الاماراتيين نظيف ما فيه لعب من تحت الطاوله والكل يشهد بكفائة منتخبنا



نتمنى التوفيق للكل ولكن الصوره توضحت امامكم وانتوا مب غافلين عن الحقيقه ولا اطفال ما تفهمون بس اللي يبى يغفل عن شي بكيفه عادي ، واليوم حبايب قطر وعمان بس يا ترى باجر شو بيصير والعمر جدامنا وبنشوف (ان غدا لناظره قريب) انا عن نفسي اتمنى تاهل السعودية او الكويت وبالتوفيق