الأمل في الله..(أم ميار)

[الامل في الله]

رد: الأمل في الله..(أم ميار)

الاكل الصحى اكيد مهم الناس القدام صحتهم احسن منا كتير دايما والدتى تقولى احنا جيل السمن البلدى كنت اولد واقوم اكل فرخه على طول وطبيعى مش خايبه زيكوا بس هى فى الاخير ولدت قيصري ربنا يخليها لنا يارب بس احنا كنا اطف ل مريحين نصف تربيتنا كانت عند الجيران ايام ماكان الجيران عارفين بعض انا والله ما اعرف اللى ساكنه فى الدور اللى فوقى ولا تحت الواد ابن اخويا كان نايم على سور البلكونه بالدور الخامس التربيه الايام دى بقت تجنن وخصوصا كانت بتقول انى كنت هاديه جدا بس بموت فى المقالب زى رامز جلال كده بس بطلت لما اغمى عليها مره النت معاكى بطئ مش بتكتبى لام ميار ودى حاجه سهله الله يستر ادعى لى هروح بميار يوم 29 القاهره للكشف عليها وفيه قلق فى البلد اليومين دول ربنا يعدى الايام دى بسلام بس اللى قلقنى ان يوم 30 _6 يوم زواجى خايفه يقلب على البلد كلها بنكد مش بس على زوجى ده حتى المأذون مات قبل ما يطلع لى عقد الزواج ختامها مسك زوجنى وطب ساكت دمتى بكل خير وسعاده وتنعمى يارب بمروج الامل والجنه اطال الله عمرك

 

[مروج الامل]

رد: الأمل في الله..(أم ميار)

أم ميار ..كيفك....هل قرأتي في قسم الدعم الفني ...عن مشكلة مشاركتي في هذا الموضوع؟
ياريت تُرسل هذه المشاركة....ولي عودة
(الظاهر الموضوع قلب جد!!)

 

[مروج الامل]

رد: الأمل في الله..(أم ميار)

الحمدلله ....تم الأرسال!...كيفك أم ميار... ولاتسألي !....أنا منذ فترة وأنا أحاول أكتب لك ....والغريبة إنه أحياناً يتم الإرسال في مواضيع أخرى!!
كتبت لك قبل 30-6 بيومين تلاتة....لابارك لك بعيد زواجك....وأستمريت لعدة أيام دون جدوى...أرجعي لموضوعي ( الأخ تناهيد....مشكلة في الإرسال) في منتدى الدعم الفني...
http://www.t7di.net/vb/showthread.php?p=792642#post792642


على كلٍ ...كل عام وانت طيبة....سهرت مصر وسهر العالم كله ....سهرنا جميعاً في ليلةعيد زواجك! فألف ألف مبروووك.....

طبعا أغلب وقتي أتابع مايجرى في مصر.....مصر العظيمة.....حماها الله.....وبإذن الله تستقر الأمور وتعود مصر أفضل من قبل ....وستعود مصر إلى مكانتها التي تستحقها ....على مستوى العالم كله....ستعود بإذن الله...

ايش أخبار الاولاد.... عندما قرأت عن ميزو و...ياودن ماما....وعن اللقاء الحار ...وياسكر وياعسل.....وأهلا اهلا! ضحكت...الله يحفظه ويرفع عن كل داء هو وميار...
أنا حاسة إنه بدعم أكتر سيصير أقرب ألى أي طفل طبيعي..لانه ماشاءالله مدرك للأمور
ميارايش عاملة؟....وصلني إيميل عن علاج جديد من أيام ولكن لم أهتم كثيراً....سأقرأه وإذا فيه شئ مفيد ..سأكتبه
الله معك ومع مصر ومعنا جميعاً

 

[الامل في الله]

رد: الأمل في الله..(أم ميار)

أهلا بك أختى العزيزه متفائله برغم ما يحدث من ارهاب لنا وللبلد كان يوم عصيب 30 _6 بثوا الرعب فى كل مكان استيقظنا علىتفجير تحت العماره واطلاق كثيف لطلقات الرصاص وطلع انه مسلسل فى جميع البلدان لبث الرعب لعدم نزول الناس حتى زميل زوجى توه مشترى سياره لم يكمل أقساطها وجدها متفحمه وهو ليس له أى انتماء حزبىويكره السياسه من أصله الله يعدى الايام على خير. ويوم ذكرى زواجى دخل التاريخ وكل عام وانتى بمليون خير ورمضان كريم عليكى وعلى الجميع ابنك الله يفرحك به هيصوم أنا هجرب مع ميزو هو صامالعام الماضى بعض الايام الاول كان بيضربنى فاكره عقاب منى وبعدين تعود وماشاء الله من محبى المساجد بشكل رائع وصلاة التراويح والتهجد هو سبب لأن باباه يداوم على الصلاه جماعه بالمسجد يوميا وده الجزء الخير فى محنة التوحد ميزو كمان بقى لئيم شويه ولله الحمد طبعا هتضحكى وانا بحمد ربنا على كده مثلا يبقى بيضرب ميار وأول ما يلمحنى يعمل نفسه بيبوسها هو دايما مش طايقها من يوم ولادتها ومره تانيه ابن اخويا ضربه خده بعيد عن عين مامته بحجة تعالى نلعب جوه يا حماده وهب رزعه قلم الولد طلع يصرخ على طريقة فيلم عنتر ولبلب وهو بيضحك بكل خبث دايما أحدث نفسى وأقول لو كان ربنا ابتلانى به لوحده دون ميار كان هيكون أحسن وأركز معاه ماديا ومعنويا وجسمانيا وكمان لو له اخ سليم او اخت كانت فرقت معاه كتير مظلوم نفسه يلاقى حد يلاعبه حتى انى بفكر اتكفل بطفل يحرك حياتنا الراكده شويه بس اقنع زوجى لكن قدر الله وما شاء فعل ميزو نزل المظاهرات وكان بيردد ارحم وليس ارحل تمشى برضه بجد انا بشكرك من كل قلبى لانك بذكاء منك رجعتينى للمنتدى لانى كنت بحالة احباط ولا مبالاه فى كل شئ ياريت لو يكون بيننا تواصل وترسلى ايميلك برساله لمعرفة أى جديد منك ولك جزيل الشكر

 

[مروج الامل]

رد: الأمل في الله..(أم ميار)

كيفك أم ميار....فقط أجرب الإرسال الآن...نجحت أمس أخيراً في الدخول وكتبت رد طويل وفي الآخر لم يتم الإرسال...كنت أنقطعت فترة بسبب ظروف ...ثم عندما كنت أحاولمن فترة لم أكن أوفق...وأستلمت من الإدارة تنبيه أن هناك من يحاول الدخول بإسمي....رديت لهم إنني من أقوم بالتسلل!
أتمنى أن يتم الإرسال الآن

 

[مروج الامل]

رد: الأمل في الله..(أم ميار)

بجد تعبت.....عدة محاولات وكلها تفشل..ليش هذا الموضوع فقط!

 

[مروج الامل]

رد: الأمل في الله..(أم ميار)

يعني المشاركة إذا طولت قليل خلاص لاتُرسل!
بأعود بعدين لانني بجد تضايقت ,إذ لم تظهر مشاركة لحد بكرة في هذا الموضوع...فهذا يعني إن المشكلة مازالت

 

[مروج الامل]

رد: الأمل في الله..(أم ميار)

بسم الله
كيفك أم ميار..بالنسبة لي فقد عادت مشكلة النت , المهم عن أخباري فبمشيئة الله بآخد إبني للهيميوباثي لا أدري إمتى ولكن غالباً بعد شهر إن شاء الله
تواصلت مع طبيبة بالتلفون فأخبرتني إنه لابد من تغيير البروبيوتك كل فترة...بل في اليوم الواحد أغير نوع الصباح عن مايأخذه في المساء...
مازالت بذور العنب(يتبع)

 

[مروج الامل]

رد: الأمل في الله..(أم ميار)

مازالت تسبب له ظهور حبّات في جسمه,لذلك رأيت أنه يجب أخذ كورس للبكتريا الفطريات ....والله كريم, هل عملتي لاولادك كورس؟
رمضان عدّى, إبني لم يصوم, جعلته مرة زمان يصوم أو بالأصح أنا كنت معترضة....لكن وافقت وصام 4 أيام أو5 فقط ليعرف الصيام
بالنسبة للإيميل إرسلي لي إيميلك...لا أعرف كيف بس إرسليه,وإلا أنت زيي حريفة في النت!

على فكرة الدكتورة نصحتني أنقع الرز مع الملح والليمون من بالليل ثم أتخلص من الماء وأطبخه....أو أضعه في الفرن بدلاً من النقع ثم أصفيه وأطبخه...علشان الأنزيمات..شوفي المتعة...ناقصة أنا!
خلاص التوحد ده كفايته وبزيادة كمان.....الله معك عزيزتي
وطمنينا عنكم في أي وقت يناسك

 

[الامل في الله]

رد: الأمل في الله..(أم ميار)

كل عام وانتى بخير عيد مبارك عليكى وعلى امة محمد بنتى مجننانى فى مسألة القئ المتكرر ماده كزلال البيض بصفه مستمره كنت اعتقد انه برد بالمعده لكن الامر متكرر من شهور والسونار على الامعاء والبطن لم يبين شئ بها وذهبت بها لاكثر من دكتور جهاز هضمى هنا لم احصل منهم على اى فايده التوحد ده شئ سخيف فى كل شئ متعدد الابتلاءات الله المستعان معلش موضوعى شكله غلبك مش قلتلك انتى بتكتبى لام ميار

 

[الامل في الله]

رد: الأمل في الله..(أم ميار)

هرسل ايميلى لك عن طريق احد المشرفين لعله يوصل وما يتوه فى الطريق هو كمان

 

[مروج الامل]

رد: الأمل في الله..(أم ميار)

كيفك أم ميار.....إيميل إيه اللي عن طريق أحد المشرفين.....لاقيته في رسائل الزوار! وللعلم - وأعتقد إنني كتبت لك عن هذا- فقد (أفشت) شخص داخل المنتدى بإسمي قبل فترة....فينما أنا أقرأ أحد المواضيع كزائرة وليس كعضوة ....فإزابي!! نعم فإذا بي أشوف إسمي أسفل الصفحة متابع بكل ثقة!

طبعاً بلغت الإدارة....لأنني كنت أستخدم كلمة مرور مؤقتة تُعطى لأي عضو لديه مشكلة في كلمة المرور...

بعد هذه المقدمة أريد أقولك قد تستلمي إيميلات من مروج الأمل الدوبلير!.....لا ماتقلقيش غيرت كلمة المرور....خليتها بالمقلوب...

أنا غبت لأنني مشغولة مع إبني....ودعواتك بالتوفيق

الجو هنا جميل برودة وظلام وكآبة ....يتناسب تماماً مع التوحد .....يجننوا لايقين على بعض

وجلسات الهيموباثي الرائعة والتي اعرفها من قبل...منتظراها بكل سرور....جلسات مملة ...إذكر عندما كنت أذهب من سنتين تلاتة ...كانت الدكتورة معظم الوقت ساكتة....تسأل فنُجيب فتسكت طويلاً.....ونحاول نحن نحثَها بكل الطرق فتبتسم ثم تسأل فنُجيب ....فتسكت طويلاً....

الآن يأخذ إبني كورس للبكتريا والفطريات.....

هذه هي آخر أخبار خطوط الموضة في لندن!

المنتدى فيه أخبار هذه الأيام....وأنت شايفالك كام موضوع...الله معك

 

[الامل في الله]

رد: الأمل في الله..(أم ميار)

مرحبا مروج الأمل قلقتينى عليكى بغيابك . رسايا زوار ابسليوتلى مش ممكن طيب سمى الله وما تتدخلى على موضوعى ليلا !. بصراحه غلبت ارسلك الايميل عن طريق مشرفين يقولى خطأ فىاسم المرسل اليه وكت زهقت يومها لان ما كنتش عارفه أدخل المنتدى يقولى خطأ بكلمة المرور قولت خليها بالرسايل واخلصى وما تخافيش من الدوبلير يقول كلمة السر الاول خالتى بتسلم عليكى افتح الايميل وياتري مي اللى متابع بكل ثقه ده ربنا يستر قلقتينى هو زامايكا وصل السويدولا قلتى لندن كما ن! ظاهرة اختفاء الاشياء اللى كنت بحكى لك عنها رجعت تانى شكلهم متابعين فعلا بكل ثقه وبيعرفوا فى الانترنت برضه كلامك عن دكتورة الهيموباثى فكرنى بالدكتور اللى كنت متابعه معاه لبنتى الله يرحمه كنت بشد الكلام من فمه بالعافيه بيكسل يكلم كأنه استشاره بالنوايا ربنا معاكى فى علاج ابنك وملاحقه خطوط الموضه وكاروهات موضة التوحد كنت عايزه استفسر منك عن ازالة الزئبق والرصاص من ميرو لما وقتك يسمح وبأمر الله لو ما حصل شئ فى مصر عندى اعاده عند دكتوره جديده نفسيه متابعه معاها واوافيكى الاخبار ولو انها أحبطتنى أيضا بضياع أمل انها تتكلم لكبر سنها لكن ربنا كبير وقادر على كل شئ

 

[مروج الامل]

رد: الأمل في الله..(أم ميار)

جود مورنينج....ماأنا اللي يقوللي ابسليوتلي أقوله جود مورنينج!
كيف الحال...آخر مرتين دخلت المنتدى لأرد عليك لكن كنت أقول بأشارك في أحد المواضيع وبأرجعلك....ولكن كان لازم يحصل شئ يمنعني وأضطر أخرج من المنتدى, حتى مرة بدأت وكتبت ولكن مسحته وخرجت.

مش مسألة وقت ...فالوقت موجود بس أنت أكيد عارفة إن الواحد أحياناً مايقدرش يكتب أو يتكلم بالتلفون رغم عدم وجود شئ يشغله....بس يكون تعبان جسدياً أو نفسياً ....أو مصاب بحالة تبلَم!

بالنسبة للمعادن بوجه عام فأنا كنت كتبت إن التحاليل أظهرت عدم وجودها...وبعد إصراري أن تُعاد....قام الدكتور بإعطاء إبني الدمسا والالفاليبوك....بس مش فاكرة طريقة الكورس, وكان يجب الإستمرار ولكن لم أكرره..

طبعاً كنت بدأت بحمية الجلوتين وبعدها بشوية حمية السكر,وطبعاً المواد الملونة والنكهات والمواد الحافظة وأي شئ صناعي....وهذه أهم خطوة...
ثم المكملات....والاهتمام بالتغذية السليمة...
وهذه العناصر الثلاثة -الحمية والمكملات والغذاء الجيد- تعمل على تخليص الجسم من المعادن الثقيلة إلى حدٍ كبير...وليس بشكل كامل

الدكتور كتب لي الجلوتاثيون بشكل مرهم...أستعملته فترة , والجلوتاثيون متواجد في الحبة السوداء

ثم بعد فترة قرأت في المنتدى عن الزيولايت وأرسلت في طلبه وأستخدمته لإبني ربما 4 شهور...

إهتمي بفيتامين c والعسل الأصلي والحبة السوداء والكركم...وكمان أناأستخدمت الكزبرة والبقدونس والشبت....كنت أستخدمهم بكمية معقولة لكن قرأت قريب للدكتور مصطفى في موضوعه ...رداً على سؤال...إن السموم التي تقوم الكزبرة بالتخلص منها تنتقل إلى مكان آخر في الجسم لذلك يجب شرب الماء وعمل كليشن! فأوقفتها وأصبحت أضع قليل جداً منها

أستخدمت كذلك عشبة القمح الخالية من الجلوتين
(بأواصل)

 

[مروج الامل]

رد: الأمل في الله..(أم ميار)

الحمدلله ..تم الإرسال!
المهم...بالنسبة لعشبة القمح أعتقد أستفاد لإنني أستغربت إنه طلب ذات مرة ماء وكان عطشان, فإبني لايحب الماء...كما إنه كان يظهر عليه الإرهاق والتعب....وعرفت فيما بعد إن هذا دليل إنسحاب المعادن....أستمر على العشبة شهور طويلة قرابة العام أو ربما أقل ....الله يكون في عون من يتناولها! فقد كان يأخذها بودرة...أقصد بودرة العشبة...بودرة عشبة القمح!

تذكرت الآن إنني لم أجدها في الشهور الأخيرة فأستخدمت عشبة الشعير....وكذلك الكيلب...وقرأت ايضاً فيمابعد إن عشبة القمح لاتؤخذ مع الكيلب ولكن تؤخذ عشبة الشعير....هي أيضاً طعمها فظيع زي عشبة القمح...الاتنين مايتخيروش!


هذا ماأتذكره ...المهم التغذية ...كمان هناك التوم والبصل والبروكلي وطبعاً خل التفاح....وتوجد أشياءكثيرة مفيدة....ستجديها في المنتدى

لاتنسي الماء النظيف القلوي ..حتقوليلي يعني ايه قلوي وحامضي أقولك ماأعرفش....بس لازم نحاول نعمل على قلوية الدم لأن ذلك يقضي على السموم....لذلك أنصحك بشراء مش عارفة المرادف بالعربي! لا بجد فنحن في عدن نسميه جج -3نقط في الجيم الأولى- jug , يمكن بالعربي دورق ...والا نخليها بتاع أحسن!
بس أشتري بتاع من النوع الجيد...خدي واحد صغير ولو عاوزة إسم ماركات حاكتبلك

كمان البرتقال والليمون بيرفعوا حامضية الدم....يعني خففي منهم لأن الحامضية والا الحموضة ....بتزيد السموم

الماء القلوي بينظف الجسم لأنه بيوصل للخلايا

بمناسبة السموم ...إبني يأخذ دائما فيتامينC وأكله يحتوي علية سواء من خضار أو فواكه...ويحب الليمون والبرتقال والفراولة....حتى إنني كنت أخاف من إرتفاع هذا الفيتامين ولكن أعود وأتذكر إن الجسم يتخلص من الزيادة......في آخر تحليل ظهرت نسبة فيتامين C...صفر!


تخيلي الإهتمام ده كله وأخذه بشك طبيعي وبشكل مكمَل وفي الآخر صفر...طبعاً صُدمت.....ولكن الدكتور قال هذا بسبب السموم!...يعني ده كله ولسه فيه سموم تعيق عملية إمتصاص هذا الفيتامين....بس أنا أعتقد إنه يقصد بكتريا وفطريات وفيرسات...من صدمتي لم أستفسر....وقد كتب لإبني نوع أخر من فيتامين C !

أما دكتور الهيموباثي فقد قال سيبك من المكملات ,كلها يتخلص منها الجسم...لازم حل المشكلة...ونصحني أن لا أعطيه الفيتامين, وأن الكيوي هو الحل .


بجانب الماء....أريد أقولك أن تستعملي الملح البحري...أما الملح العادي فله أضراره.


أخيراً بالنسبة للأكل حاولي على قدر ماتقدري أن يكون صحي , يعني إزرعي عندك أوعند حد من أهلك أو إبحثي عن مكان يبيع خضار وفواكه أقل شئ لاتحتوي على مبيدات....هذه نقطة مهمة جداً ....إبحثي لابد ستجدي مكان يبيع أنواع جيدة حتى ولوكان بعيد بعض الشئ...


بالنسبة للدكتورة ليش تروحي لنفسانية....مفيش علاقة بالتوحد...شوفي طبيب توحد أوأعصاب أومناعة أوتغذية ...

ياريت لو رحتي للدكتورة تخبرينا ماذا قالت....وإذا لم تذهبي بعد....ففكري أن تبحثي عن دكتور في مجال آخر
الله يوفقك

 

[الامل في الله]

رد: الأمل في الله..(أم ميار)

كيفك انت أختى الغاليه انا الحمد لله بخير(مش مسألة وقت ...فالوقت موجود بس أنت أكيد عارفة إن الواحد أحياناً مايقدرش يكتب أو يتكلم بالتلفون رغم عدم وجود شئ يشغله....بس يكون تعبان جسدياً أو نفسياً ....أو مصاب بحالة تبلَم!) ده من ده كتير بس كمان الموضوع ده اجباري عندى لان ما فيش حد معايا اتكلم معاه زوجى قليل الكلام بطبعه ويمكن عادة الذكور عامه وطبعا ما فيش ولاد اتكلم معاهم هييييييييييه الحمد لله ميار رحت للدكتوره الاسبوع الماضى للاستشاره وهيا مختلفه عن الطب النفسي التقليدى عندها تحديث ومواكبه للجديد فى التوحد ومريحه عكس اغلب اطباء النفسيه اللى بيكونوا نرفز دايما دى بتاخدى ساعه معاها ومش الادويه النفسيه المعتاده لا مكملات ايضا هى طلبت اروح لدكتور استشاري فى الجهاز الهضمى علشان القئ المستمر عند ميار لكن يومها ما توفقتش فى الحجز عنده لتأخر الوقت ولان الحجز عنده قبلها بيوم هو مشهور جدا و رحت لدكتور اطفال تخصص جهاز هضمى فى المنصوره لكن معلوماته عن التوحد مش ضليع واستغرب عن وجود اطباء دان اول مره يسمع التخصص ده ورص تحاليل ما لها اول من اخر حموضه دم على مزرعة بول وبراز ووظائف كبد والسلياك المهم اذا شاء الله هروح لدعاء الحضري احسن خلال اجازه نصف العام ودكتور اللى قالت عليه دكتور هدهد احسن الكتوره طلبت اعطيها كورس تانى للسيربولايسين لكن مرتين اسبوعيا مع الاوميجا والب12 وقالت هتكمل لما تشوف كلام دكتور هدهد عن حالتها ايه

 

[الامل في الله]

رد: الأمل في الله..(أم ميار)

(سامو عليكو وسنور) الترجمه السلام عليكم ومساء النور بعد ما كتبت كتير ميار اغلقت الجهاز وشدتنى من شعري عايزه اغانى المفتريه الدكتور حنان اكدت انن اهم اهم شئ هو تنمية المهارات خاصه ان اغلب اطفال التوحد مش بيستفيدوا من المكملات لوجود مشاكل فى الامتصاص والتمثيل الغذائى وحكاية الاكل العضوى دىاخر شئ اتكلم عنه مدينتى ممكن تكون من اسباب التوحد هى تقريبا اكبر مدينه لصناعة المفروشات والملابس فى الشرق الاوسط بين كل مصنع ومصنع مصنع فى شارعى بس 80 مصنع كل منزل باسفله مصنع اكيد هتلاقى من منتجاتها عندك بالدولاب اللى قدرت عليه زرعت ببلكونتى ميراميه وروز ماري وحبق وزعترونعناع وكل يوم من هذا الخليط مع كاموميل وشومر وليمون والحمد لله نظم الاخراج عندها لانها اعزك الله اما امساك او اسهال ومن وقت للتانى كركم وحبة البركه وكان عندى جلوتاثيون وماغنسيوم كريم وهى بتحب اليوسفى جدا والفراوله لكن عدها تحسس منها الكيوى بالثلاجه لو شافته لازم الاقيه بسلة القمامه بتقرف من شكله والتفاح كمان بترميه بالقمامه بدور بالتلاجه استغربت انه خلص بسرعه كده ليه تانى يوم وانا بعطى القمامه للعامل تفاجأت بوجوده بالكيس! على تواصل بأمر المولى سلام وتحياتى لك

 

[الامل في الله]

رد: الأمل في الله..(أم ميار)

التوحد لغز غامض مش بس فى عدم معرفةاسبابه وعلاجه لا الحالات اللى شوفتها بعينى وكنت اعرفهم من سنوات كانت تطابق حالات ميار ما شاء الله بيتكلموا حاليا وكانوالا فى نفس المركز الاول اللى ولادى ظلوا به لسنوات سألت ايه الخطه العلاجيه لا شئ سوى التعديل السلوكى والتخاطبيعنى مافيش حميه ولا هيموباثى ولا ب12 ولا اى شئ من وجع الدماغ وحرق الدم ده وهكذا حالات كانت حالات شديده اعلم ان الشفاء رزق من الله يمنحه لمن يشاء ويؤخره او يمنعه عن من يشاء لكن ايه اللى يخلى حاله تتقدم وحاله مهما تعبنا معها محلك سر

 

[مروج الامل]

رد: الأمل في الله..(أم ميار)

أم ميار...رديت رد طويل ...وفي الآخر لم يُرسل....بأرجع بعدين

 

[مروج الامل]

رد: الأمل في الله..(أم ميار)

مش فاهمة حاجة....بعد قرابة ساعة من الكتابة....لم يتم الإرسال رغم وضعي لعلامة صح في المربع....إلا إنني أيضاً لم أجد إسمي أسفل الصفحة!.....رغم وجوده في خانة تسجيل الدخول!
فخرجت ودخلت تاني
وطبعاً لأنني مش كاتبة حاجة الآن فسيتم الإرسال!!

1 2 3