الحلقة الأولى من تعديل السلوك أخصائي أحمد يحيى غنيمي

[أحمد يحيى غنيمي]

بسم الله الرحمن الرحيم
النهاردة أول حلقة من حلقات تعديل سلوك أطفالنا
أكيد بيقابلنا سلوكيات غلط كتير من أولادنا التوحديين وكتير بنفقد أعصابنا :bb (19): ونضطر نستعمل الطريقة اللي كلنا اتربينا بيها وهيا بدون شك اللسوعة (الضرب) :bb (85):
خللي بالك انت كدا معالجتش المشكلة انت كدا سكنتها مؤقتا بس بالقهر :bb (86): .. ما علينا من اللسوعة هنتكلم عنها بعدين المهم دلوقتي ايه هيا الخطوات اللي نعملها علشان نعدل سلوك أبنائنا بنجاح:- :bb (1):
أولا حدد السلوك اللي عاوز تعدله بدقة ومتعدلش أكتر من سلوك في نفس الوقت ... واحدة واحدة علشان تقدر تجيب نتيجة ومتعقدش نفسك من أولها .
ثانيا لازم علشان نبدأ في تعديل السلوك لازم يحصل تكرار للسلوك ... يعني إيه تكرار؟ يعني يحصل أكثر من مرة واحدة مش ثلاث أو أربع مرات لالالا أكثر من مرة يعني إثنين أو أكثر .
ثالثا حدد بقى قوة وشدة السلوك وعدد تكرارة في اليوم الواحد وده بالورقة والقلم للسلوكيات المستعصية .
رابعا لاحظ الظروف اللي بتسبق السلوك على طول وكمان اللي بتحصل بعده .
خامسا إعمل خطة لتعديل السلوك إنطلاقا من مبدأ إذا عرف الهدف من السلوك وحرمنا الطفل من هذا الهدف واستمرينا على ذلك بطل السلوك لأنه فقد أهميته عند الطفل . (الانطفاء )
سادسا بس خلي بالك من حاجة مهمة لازم تضع بديل إيجابي للطفل علشان يستعمله لأنه لو ملقاش البديل الإيجابي هيخترع هو سلوك سلبي أسوأ منه بمراحل ودا اللب يحتم عليك انك تكون قدوة للطفل لأنه بلا شك هيقلدك ( النمذجة )
وآخرا قيم النتائج بعد تنفيذ الخطة
طبعا دا مش مع تعديل سلوك أطفال التوحد بس الأسلوب دا مع كل الأطفال في الدنيا.. وادعيلي
أخصائي التربية الخاصة
أحمد يحيى غنيمي

 

[متوكله على الله]

رد: الحلقة الأولى من تعديل السلوك أخصائي أحمد يحيى غنيمي

شكرا اخي
جزاك الله خيرا

 

[أحمد يحيى غنيمي]

رد: الحلقة الأولى من تعديل السلوك أخصائي أحمد يحيى غنيمي

وجزاك ان شاء الله أختي

 

[ام محمد احمد]

رد: الحلقة الأولى من تعديل السلوك أخصائي أحمد يحيى غنيمي

بارك الله فيك
لو سمحت ممكن مثال واقعي لان يصعب علية تنفيذ الخطوات بهذه الطريقة
مثلا ابني عمره 5 سنوات تقريبا وبيخلع البنطرون مع السروال الداخلي في اغلب الاحيان كيف استطيع تطبيق نصائحك عمليا للتخلص من هذا السلوك؟؟؟
مع التقدير

 

[أحمد يحيى غنيمي]

رد: الحلقة الأولى من تعديل السلوك أخصائي أحمد يحيى غنيمي

الوصفة سهلة أم محمد لكن ألا تأكدي من خلو جسم محمد من الالتهابات لأن ممكن يكون هو دا السبب أو ضيق السروال أو شيء من هذا القبيل، وبعدين هتحسبي ابنك بيخلع السروال كام مرة يوميا وتلاحظي ما الذي يحدث قبل السلوك (مثل محاولة إجباره على شيء مثلا أو انشغال الكل عنه أو تعرضه للتوتر أوي أي شيء شبيه بذلك) مباشرة وبعده أيضا مباشرة (مثلا ضربه أو الصراخ عليه أو حصوله على حلوى.... إلخ) ثم من الملاحظة دي هتخمني إيه سبب التصرف دا من وجهة نظر محمد مش من وجهة نظر حضرتك إنطلاقا من الأربع وظائف للسلوك وهي... استثارة الذات، جذب الانتباه، الهروب من تنفيذ الأوامر، والأسباب الحسية الملموسة وبعد ذلك تصممي خطة لحرمان محمد من النتائج اللي كان بيحصل عليها من خلعه للسروال وفي نفس الوقت تعلميه الحصول على الهدف دا بالسلوك الإيجابي وبكدا تتحل المشكلة