الحمد لله بنتى اتحسنت جدا مع برامج أبو عمر ومرفق فيديو

[التائهة]

السلام عليكم
الحمد لله بدأت مع برامج ابو عمر المصرى من شهور بسيطة والله اكبر بنتى اتحسنت وبقت تتكلم كلمات كتير
وتقدر تعبر عن الحاجات من حولها بنسبة 70 فى المية تقريبا واختفت السمات الف حمد وشكر ليك يارب
ولحد دلوقتى ماشية كويس وبتتحسن وبيجيلها اخصائيين فى البيت ومش مصدقين التحسن وانا كنت دخلت هنا من فترة واشتكيت لكم همى واتكلت على الله وجربت طريقته وعشان كدة حبيت اعرض النتيجة يمكن تفيدكم
وححط لكم كم فيديو من على صفحة ابو عمر فيها الناس بتحكى وهما سبب تشجيعى اجرب وربنا يباركله يارب
http://www.youtube.com/watch?v=mIW9W6Kj5t8
http://www.youtube.com/watch?v=Op53Yx2ZFA8
http://www.youtube.com/watch?v=kPsMKY-8Uh0

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

دى حالة بنت فرط حركة رهيب ومامتها اخصائية ومقتنعة بطريقة ابو عمر وبتقول ان البنت كانت لا يمكن تقعد او تهدا او حتى تشوف الالعاب
وبعد كم برنامج بدات تهدى وتشوف الالعاب حوليها
http://www.youtube.com/watch?v=Pwl7ouDVEcc

 

[طيف الامل]

رد: الحمد لله بنتى اتحسنت جدا مع برامج أبو عمر ومرفق فيديو

ممكن اعرف كيف الطريقة

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

أبو عمر جاهد فى سبيل علاج ابنه وبنفس الطريقة ساعد ابنه على الخروج من التوحد وبقى طفل طبيعى وبدأ دلوقتى يتكلم وكمان حصل على شهادات فى صعوبات التعلم والتوحد والعلاج الوظيفى ومعلق شهاداته فى مكتبه شوفتها بنفسى وشوفت كرنيه النقابة بتاعه وعن تجربة طريقته نجحت مع بنتى واقتنعت بطريقته والله يشهد على كلامى

 

[كوكـتـيـل طبيعي]

رد: الحمد لله بنتى اتحسنت جدا مع برامج أبو عمر ومرفق فيديو

ياريت تحكيلنا عن تجربتك انت .. سيبك من الفيديوهات ال على صفحته ..

احكي على مهلك واحدة واحدة من ساعة ما كنتي خايفة تروحيله لان زوجك مسافر كيف اتصلتي معه وهل اعطاكي ادوية

او برامج تدريب وايه هي وبالراحة والهداوة فهمينا لان مخي زي ما تقولي كده ( عجالي ) بيفهم من المرة 3 ... هااااا .. تفضلي

 

[بشائر الامل]

رد: الحمد لله بنتى اتحسنت جدا مع برامج أبو عمر ومرفق فيديو

ماشاء الله ان شاء الله بالشفاء التاملوسمحتي ممكن تشرحيلنا طريقته بالتفصيل
والخطواط يلي اتبعتيها
وشكرا

 

[ام اسلام]

رد: الحمد لله بنتى اتحسنت جدا مع برامج أبو عمر ومرفق فيديو

ياريت تحكيلنا عن تجربتك انت .. سيبك من الفيديوهات ال على صفحته ..

احكي على مهلك واحدة واحدة من ساعة ما كنتي خايفة تروحيله لان زوجك مسافر كيف اتصلتي معه وهل اعطاكي ادوية

او برامج تدريب وايه هي وبالراحة والهداوة فهمينا لان مخي زي ما تقولي كده ( عجالي ) بيفهم من المرة 3 ... هااااا .. تفضلي

نفس استفسارات الاخ كوكتيل

 

[ام ليث]

رد: الحمد لله بنتى اتحسنت جدا مع برامج أبو عمر ومرفق فيديو

أختي التائهه
مبروك تحسن طفلتك العزيزه ويوم شفائها التام بأذن الله
وأنا أيضاً مع كلام الأخ كوكتيل وأختي ام إسلام أتمنى أن تشرحي لنا اكثر كيف ابتدئت مع طفلتك وكيف كانت حالتها وكيف اصبحت
مبروك مره ثانيه

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

اهلا بيكم انا كنت قولت قبل كدة على اللى حصل لما ابتديت معاة بس حسيت ان ناس مش مصدقة عشان كدة قولت احط فيديو ناس بتقول حكايتها وعموما انا مستنية اخلص الكورس بتاع بنتى واقولكم كل حاجة مرة واحدة يعنى فاضل 3 شهور واخلص الكورس
بصراحة بنتى مخدتش ولا نوع دوا بالعكس هو قالى اوقفى كل الادوية بعد ما قولتله الدوا مش جايب اى نتيجة
هو فكرته كلها مبنية على بعضها يعنى لما بيعرف النتيجة اللى حصلت مع البرنامج بيعمل على اساسه البرنامج اللى جاى
واكتر حاجة خلتنى حبيت طريقته ان مفيش فيها خطر ولا ضرر وروحتله مرتين وقابلنى بكل اهتمام وبيهتم اوى ان النتيجة اللى بيقولى عليها لازم تحصل يعنى اول برنامج قالى الهدف التواصل بالعين ولما النتيجة كانت ضعيفة قالى عيدى البرنامج وغير فيه شوية ولما عيدته بنتى بقت تبص فعينى كويس وبطلت رفرفة بنسبة كبيرة وكنت لما بقف فى البلكونة بنتى مش بتشوف اى حاجة تحت فى الشارع وفى برنامج عملهولى البنت بقت تشوف اللى تحت وتشاور على القطة وتعملى باى باى وبقت تحب تقف فى البلكونة دلوقتى لما بقولها شوفى القمر تبص فوق وتشاور عليه ولو قولتلها فين القمر تشاور عليه وعرفت حاجات كتير لما بقولها مثلا دى عربية بتعرفها وبتفهمنى
كانت بتصرخ وتزن 24 ساعة بطلت خالص بتعيط بس لو عايزة حاجة لما قولتله عايزة اديها دوا يساعدها قالى براحتك استشيرى طبيب وبالنسبة لتجاربه التاناكان مفيد اوى بس بعد الكورس او ممكن اديها دلوقتى طلاما فاقت وبقت بتتعلم
ان شاء الله بعد الكورس احكيلكم بالتفصيل بعد ما اعرفه عشان ميزعلش منى
ربنا يشفى ولادنا يارب

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

هنا فى شهادة من ام جربت وفعلا بنتها استفادت اوى وبتقول على الصفحة ان بنتها دلوقتى مش توحد بعد اخر اختبار

 

[ازميرالدا]

رد: الحمد لله بنتى اتحسنت جدا مع برامج أبو عمر ومرفق فيديو

اهلا اختي
اتأخرتي بصراحه ......من اول مره دخلتي تشتكي من حاله بنتك اللي مش نافع معاها اي حاجه وسؤالك علي ابو عمرو وانا مستنيه موضوعك ده عن تحسن بنتك
مش عارفه ليه بتحطي فيديوهات لناس تانيه وحاجات موجوده علي صفحته لاهالي بتقرا تحسنات ولادها من ورقه واطفال محطوط فيديوهات ليهم انهم اتحسنوا من غير ما يكون فيه فيديوهات قبل العلاج للطفل...
يا ريت لو تحكي بعد ما تخلصي ال3 شهور عن تجربتك الشخصيه لان زي ما فيه فيديوهات من اللي انتي حطاها فيه ناس في جروبات تانيه بتشتكي من التعامل معاه ...بس طبعا لا مجال لذكر هذه الاشياء اطلاقا ما دمت مشوفتش بنفسي يعني لا داعي لنقل كلام او فيديوهات مع او ضد ولكن نكتفي بذكر التجارب الفعليه الشخصيه اللي ربنا حيحاسبا علي امانتنا في نقلها
دمتي بخير

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

لما كنت عنده قابلت واحدة بتاخد جلسات نفسى وبتشكر اوى فى الجلسات دى وبتقول انها خفت بعد ماداخت 8 سنين من غير نتيجة
تقريبا كدة جلسات العقل الباطن وفى فيديو ابو عمر حطه على الصفحة بيقول انه لصحفى كان عمل معاة حوار فى جريدة الديار المصرية
وجرب بنفسه الطريقة السحرية اللى بيقول عنها ابو عمر
هنا الفيديو

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

اختى بتقولى ناس اشتكت منه ممكن دة طبيعى لان له شروط مش كل الناس حتوافق بيها وهقولك اللى حصل معايا
اشترط انى ادفعله تمن الكورس كله مقدم عشان يضمن انى استمر فى الكورس لو النتايج اتاخرت ومتسرعش فى الحكم على طريقته
وكمان بيشترط تروحى تكتبى اقرار بالنتائج وتمضى عليها عنده فى المكتب وكمان لو حس ان اللى بيكلمه من النوع اللى بيسرق افكاره مش بيتواصل معاة ودى وجهة نظره وبيقول ان دة حقه ولو حد مشى مع البرامج فترة وقطع وبعدين رجع تانى مش بيكمل معاة لانه بيعتبره بيضيع وقت ومعندوش عزيمة
وكمان عشان قفل موضوع المجانى اكيد فى ناس مش عاجبها انما فى ناس بيقول انه معاها مجانى ايتام وغلابة بس لو مصرين او فلسطنين او سورين بس
قصدى انه محدد حاجات كتير جايز ناس متعجبهاش والحقيقة الفلوس قليله اوى على النتيجة وكفايا انه عمره ما بطل يرد على استفساراتى ولو الفجر بيرد عليا ومش مقصر معايا وربنا يعلم

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

خدت بالى من حكاية الفيدوهات بس بصراحة انا مصور بنتى عنده لكن موافقتش يحطها ومعتقدش فى حد بيوافق
احنا فى مجتمع نظرته وحشة للتوحد لكن لو حد راح عنده ممكن يشوف عادى انما على النت لا مش موافقة
الناس اللى مصورة عملت كدة بارادتها وموافقة حتى الاهالى الدكاترة نفسهم رافضين يحط تصوير ولادهم
ولية شاكة فى الكلام اللى مكتوب منتوا هنا كله كلام مكتوب بردوا

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

لقيت الفيديو دة بس قديم يعنى ممكن يكون فى البدايات
http://www.youtube.com/watch?v=7CWttgj-YAU

 

[ام اسلام]

رد: الحمد لله بنتى اتحسنت جدا مع برامج أبو عمر ومرفق فيديو

عزيزتي
اتمنى عدم خرق قوانين المنتدى بوضع روابط
ايضا للان لم احذف شئ من موضوعك,واللي راح نلام عليه,لانه رائحه الدعايه واضحه فيه.
يعني بنتك اللي تحسنت,ونظرة المجتمع وحشة للتوحد,وعم ترفعي فيديوهات لاطفااال اخرين!!!!
ع كلن راح التمس غض الطرف حتى يبدي الاعضاء رائيهم,لكن لاتنقلي محتوياات الصفحه هوون,حتى لا احذفهااا.
عنوان ابوعمر محد راح يتووه عنه اذا احتاجه.

 

[ام اسلام]

رد: الحمد لله بنتى اتحسنت جدا مع برامج أبو عمر ومرفق فيديو

رجعت قرأت الموضوع من جديد عزيزتي.
سؤالي,ماهو العلاج اللي اتبعتيه؟؟او الاسلوب العلاجي؟؟
قلتلي التحسن70% وهي نسبه ماشاء الله ااقرب للشفااء,هل عملتيها على مقياس محدد للتوحد؟؟

 

[كوكـتـيـل طبيعي]

رد: الحمد لله بنتى اتحسنت جدا مع برامج أبو عمر ومرفق فيديو

بداية نبارك لك التقدم بحالة ابنتك ويارب يكتمل شفاها هي وكل عيالنا وتشوفيها عروسة ..

ثم ارجو منك التماس العذر لنا للاسباب التالية ...

اولا بموضوعك الاول فتحتي الموضوع والكثير ردوا عليكي وتطور الامر للنصح واشياء كثيرة ثم اختفيتي بشكل مفاجئ يعني فص ملح وداب وعلى الاقل كنت قلتي اقعدوا بالعافية او اتمسيتوا بالخير او عواااف لان اخلاق الصعايدة معروفة لكن انا قلت يمكن السيد زوجك رجع من السفر او ربما اتشغلتي بالدنيا ..

ثانيا اكيد تعرفي المثل ان الضرب بالميت حرام .. ومش معنى كده ان التلطيش بالحي عادي لا طبعا لكن الميت لا يصرخ ولا يدافع عن نفسه وفيه نوع من الافترا والتجبر من الضارب ..

وبهذا المنتدى بصفة عامة والتوحد بصفة خاصة الاعضاء تقدري تقولي انهم خالصانين او بيلعبوا بالوقت الضايع او حلاوة روح وفرفرة .. فالاهالي هنا ربك العالم بهم من حرقة قلوبهم على عيالهم علما ان الجميع دائمين الصبر والشكر والحمد .. ومحتسبين مصيبتهم عند ربهم .. ولذا فمن غير المقبول تعرضهم للاستغلال او الدعاية ...

حالة البعض هنا يرثى لها يعني ال مش عارفة احنا بالاسبوع الماضي او الاسبوع الحالي وال كل ما تسمع عن حقنة عاوزة تعطيها ابنها وال كل ما شافت علبة دواء عاوزة تسأل ايه الدواء هذا وليش بالتحديد وتتلصص على من يحمل علبة الدواء لمحاولة حفظ اسمه والسؤال عنه لاحقا .. وكل هذا معروف سببه وملتمس العذر للجميع

ومما سبق تجدي ان المشرفات هنا وغيرهم ايضا يحاولون قدر الامكان تعظيم الفوائد للاعضاء وفتح ابواب النفع وغلق ابواب الاستغلال او ما نظن ذلك والله اعلم

وكثير ما شاهدنا ونشاهد ونسمع عن اطباء شنطة وشقق مفروشة يعني مكان العيادة والكشف حسب التساهيل وممكن الطبيب يقفز من النافذة او يتسلق المواسير ان طبت الجوازات او الشرطة ويترك الطفل المريض وغير ذلك ونحن لا نملك الا السخرية والاستهزاء اما ان نقدم البديل الناجع الفعال فلا ومع ذلك فالقاعدة عندي شخصيا ان الطبيب والثابت الفايدة منه او المترجح النفع فهو مقدم وان غلا كشفه اما المجهول او المتسلق او ال جاي عن طريق معرفة او تربيطات وشوفني السبت واشوفك الاحد وشيلني واشيلك وامسك لي واقطع لك فهذا نحذر منه ..

والاخ ابو عمر جانا هنا وكان كلامه يتسم بالغموض فقد دخل اساسا على عضوية زوجته ثم ذكر شخصيته ثم تكلم ولم يصرح وهذا مثال لكلامك

تقريبا كدة جلسات العقل الباطن وجرب بنفسه >>>> الطريقة السحرية اللى بيقول عنها ابو عمر
هنا الفيديو

يعني عقل باطن كده دخلنا باللا منطق واللا معقول او على الاقل اللا مادي وكيف سيتم الحساب والتقييم على شيء معنوي فلو كان مواد لعرفنا نفعها او ضررها لكن ...

ثم اخفاؤه لافكاره هو حر بالتفاصيل لكن على الاقل ان يشرح اصل الطريق ولا نمشي مغمضي العين وشوفي كلامك

وكمان لو حس ان اللى بيكلمه من النوع اللى بيسرق افكاره مش بيتواصل معاة ودى وجهة نظره

واصدقك القول انني تساءلت بيني وبين نفسي هل سيتكلم الدكتور المؤمني وهو طبيب معروف عن الحقن الجديدة بكل بساطة والكثير يتابعون ومنها تجار الشنطة !!! كان مجرد تساؤل داخلي

ثم كانت الحلقة بالتليفزيون انه تكلم باختصار شديد ولا ادري هل هو مرتب ومقصود كما توقعت او بالقدر وعلى كافة الامرين فلا يلام الرجل ولكن ان يقول حقن بمركبات كذا

بخلاف العقل الباطن كما يقول ويدعي ابو عمر والطفولة المشردة وضميرك ... وبمناسبة الضمير فشركة الاتصالات السعودية يمكن ان تشتركي بخدمة ( معكم ) وترسلي من خلالها رسايل للموبايلات طبعا برقمك الخاص .. فقمت باخذ رقم احد البسطاء وهو شرير بنفس الوقت وقمت بالتسجيل برقمه دون ان يدري ثم قمت بارسال رسائل له شخصيا بالنت وتحمل رقمه واوجهها له ايضا يعني بالاختصار تجيله الرسالة من نفس رقم الموبايل الذي يحمله فكان يصرخ كيف تأتيه الرسايل من نفس تليفونه وهو بيده ولم يرسل شيئا لنفسه وكنت اذكر افعاله السيئة ثم اختم الرسالة اقول له انا عقلك الباطن انا ضميرك الميت انا الماضي المجهول فكان يصرخ بشكل هستيري


وعلى اي حال فنتشرف ان نعتبرك مراسلتنا لنقل تجربة وطريقة علاج وتطورات المهم ان تكون شخصية او على الاقل ممن تابعتيها وتذكري لنا البرنامج والمهارات المطلوب اتقانها والتمرينات او التدريبات التي طلب منك ان تفعلينها مع ابنتك ولا شك اننا نثق بك ان شاء الله ودليلنا على الثقة اننا نخاطبك ( باختنا التائهة ) رغما عما كتبتي

خدت بالى من حكاية الفيدوهات بس بصراحة انا مصور بنتى عنده لكن موافقتش يحطها

شكرا

 

[التائهة]

رد: الحمد لله بنتى اتحسنت جدا مع برامج أبو عمر ومرفق فيديو

انا لا بعمل دعاية ولا حاجة من دى بس باين انكم ضد الراجل ومش مقتنعين بطريقته
خلاص انتم حرين انا حبيت اقول حقيقة جربتها بنفسى ولية زعلانين اوى يعنى لازم اصور بنتى عشان مكونش كدابة
اللى يسرى عليا يسرى عليكم مين منكم مصورة ابنها ولا بنتها
لازم افضح بنتى ونفسى عشان يكون الكلام صدق ولية كدة بتخونوا فى الناس
الاخ اللى كتب الكلام الاخير قريت كلامك كذة مرة ومش فاهمة قصدك اية خالص
طلاما مش صدقنى خلاص انا اسقة وحقكم عليا عشان انا غلطانة

 

[ام عمرو وملك]

رد: الحمد لله بنتى اتحسنت جدا مع برامج أبو عمر ومرفق فيديو

http://forums.fatakat.com/thread4230602-2
تحياتى لكى اختى التائهه وارجو تقيبل اعتذارى وسوء ظنى لانى اشعر بانك ابو عمر
:bb (34)::bb (15)::bb (34):