لمن يعانى من التلعثم وصعوبة النطق لبعض الحروف

[ميدووووو]

رد: لمن يعانى من التلعثم وصعوبة النطق لبعض الحروف

الجلسة السادسة

فى الجلسة دى الدكتور بدا ينزل معايا الشارع ويخلينى اواجه معاه
وروحنا لمكانين مختلفين علشان اتعود واتكلم تحت اى ضغط
والحمد لله من اول مانزلنا لحد ماوصلنا المكان واحنا بنتكلم مع بعض
مش فاكر انى تهتهت الا فى كلمة واحدة او اتنين بس واثناء ذهابنا للمكانين كنا
بنتكلم طول الطريق فى الشارع وفى التاكسى عشان اتعود انى اتكلم فى الشارع اوى اى مكان
مع اى حد وفى اى وقت وفى اى ظرف وتحت اى ضغط

ولما خلصنا رجعنا للمركز تانى وبدا يقولى احكيلى ع اللى حصلك الاسبوع ده
ولحسن الحظ ان كان عندى امتحان شفوى فى الكلية وقررت احضره
مع ان دى اول مرة احضر امتحان شفوى من اول مادخلت الكلية
وصممت انى ادخل الامتحان والحمد لله كانت طريقة كلامى عادية الا فى بعض الكلمات
زى اى واحد بيتكلم تحت ضغط الكلام قدام الدكتور وزمايله

وحصلى موقف الاسبوع ده انى كنت معصب جدا لدرجة انى لما كنت بتكلم اثناء العصبية دى
كنت بتهته بدرجة كبيرة جدا فسالت الدكتور
وقالى ده عادى بيحصلك وبيحصل للكل فى حالة النرفزة او العصبية
بس لازم تكون قوى وتعرف تمسك اعصابك وماتحاولش تتوتر
وان كنت مش قادر تتكلم اثناء عصبيتك تستاذن من اللى قاعد معاك
وقول نتفاهم لما انهدا او خارج اشم هوا وجاى عشان اهدا
يعنى لازم تبعد عن اى توتر او ضغط ولازم تتحكم فى نفسك

بس هو ده كل اللى حصل فى الجلسة واتمنى انكم استفدتم
اسال الله العظيم ان يشفينى ويشفى كل مريض
​

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدووو
شيء جميل ورائع انك وصلت هذه المرحلة اتمنى لك تمام الشفاء
بس لازم تعمل بوصية الدكتور وتحاول تتحكم في اعصابك
دمت بخير أخي
وجزاك الله خيراً

 

[ميدووووو]

رد: لمن يعانى من التلعثم وصعوبة النطق لبعض الحروف

طبعا ان شاء الله لانى عصبى جدا واكيد هتحط فى مواقف كتيرة بعد كده
والحمد لله على النتيجة اللى وصلتلها حتى الان

 

[ميدووووو]

رد: لمن يعانى من التلعثم وصعوبة النطق لبعض الحروف

الجلسة السابعة والاخيرة

الجلسة دى الاخيرة لاننا فى وقت امتحانات فمفيش وقت انى اروح تانى للدكتور ده
ولكن كانت جلسة مثمرة جدا
فى البداية برضه تناقشنا فى كل المواقف اللى واجهتنى بس المرة دى فى كل اللى واجهنى من اول بداية التلعثم حتى الان
وبدا فى مقارنتى بين اول جلسة واخر جلسه من خلال يعنى رعشة الشفتين او الوقف عند الكلام

وقالى خد الورقتين دول واقراهم وقريتهم كويس الحمد لله
وبدا يعطينى نصايح استمر عليها طول الفترة اللى جاية ان شاء الله
ان اول حاجة اكون واثق فى نفسى ومحدش يأثر عليا بسرعة وانى اتحكم فى تصرفاتى
ولو حصلك موقف احراج من التلعثم اعمل ولا اكن بان عليك حاجة اصلا وماتفكرش فى الموقف كتير
ولو معرفتش تنسى الموقف غير الوجوه اللى بتشوفها او شوف حاجة تشغلك
وليكن ماتش كورة او فيلم بحيث ان تركيزك كله يكون فى الماتش او الفيلم
بعيد عن اى حاجة تانية

وبعدين سالنى شوية اسئلة كده
انت شايف فيه تغير بجد وحاسس انك فى الاحسن؟
حاسس ان الحياة اتغيرت بالنسبة ليك ولا ماتغيرتش؟
لو اتعرضت لموقف صعب هتعمل ايه؟
لو ارتبط بحد وبان عليك كده هتعمل ايه؟
وبس
دى كانت كل اللى فى الجلسة الاخيرة واتمنى ان كنت ساعدتكم ولو بجزء بسيط
واسال الله ان يشفى كل مريض ان شاء الله
والسلام عليكم ورحمة الله وبركاته
​

 

[شاطئ الأمل]

رد: لمن يعانى من التلعثم وصعوبة النطق لبعض الحروف

ميدووو
ما شاء الله انهيت الجلسات بنجاح
اتمنى لك تمام الشفاء واشكرك على تعاونك معنا اسأل الله أن يجعله في ميزان حسنانك
نبارك لك الشفاء
دمت بخير

 

[ميدووووو]

رد: لمن يعانى من التلعثم وصعوبة النطق لبعض الحروف

شكرا ليكى اتمنى انى قدمت حاجة تفيد الجميع
وشكرا لحضرتك على التواصل الدائم​