التصفح للزوار محدود

الى اهالي مصر الكرام................................

زينه البنات

Well-known member
السلام عليكم ورحمه الله وبركاته
اولا ازيكم كلكم يا اخواتي : اتمني انكم كلكم تكونوا بخير انتم وابنائكم جميعا
ربنا يشفيهم جميعا عاجلا غير اجلا
انا موش بادخل كتييير على المنتدى بس يعني باتابع على فترات وانا دخلت اليوم لكي استشيركم في دكتوره اسمها
زينب بشري عبد الحميد انا ناويه ازورها علشان تشوف زينه: وده لان زينه عندها نشاط زايد قوووي هذه الايام
ورجع لها عادات كتييير كانت شبه اختفت: وانا كنت باتابع لها مع دكتوره مخ واعصاب اسمها مها سعد زكي
ولكنني لا استطيع التوصل لها منذ حوالي 8 شهور موش عارفه تقريبا غيرت ارقامها ولا ايه؟
بس انا حاسه بالتقصير لان زينه موش باتابع لها مع حد ومكتفيه بالحضانه وتنميه المهارات منذ عام تقريبا
ارجو من لها تجربه مع اي من هاتان الطبيبتان تقولي ولو حد ينصحني باي اسم تاني يبقى كتر خيره
ولكم جزيل الشكر
 
رد: الى اهالي مصر الكرام................................

أعرف ناس كتير بيتابعوا لأولادهم عندها وحتى معايا رقم تليفونها لأنى كنت عايزه أروح لها لكن كل شويه تحصل لى ظروف وما أروحش ربنا معاكى ويقدملك الخير يارب
 
رد: الى اهالي مصر الكرام................................

طب سمعتي منهم ايه يا ام ميار؟
يعني الموضوع يستحق الزياره ولا لاءه؟
وبعدين انتي فينك؟ وازي اولادك؟
 
رد: الى اهالي مصر الكرام................................

الله يسلمك انا أمورى كانت ملخبطه قوى بقالى فتره بس الحمد لله كله خير وتليفونك مش عارفه فيه ايه كل ما أطلب يقولى تأكد من الرقم بصى يا حبيبتى فيه أكتر من أم مع ولادى فى المركز بيتابعوا من زمان معاها وبيقولوا كويسه وشاطره وصاحب المركز كانت ام لسه بتقوله بتابع لبنتى مع دكتوره فى القاهره قالها أكيد يا زينب بشري يا اما مها عمر ما اغلب اللى بيروحوا القاهره اكيد للاتنين دول وانا كنت ناويه اروح لها بس لسه ظروفى مش سامحه ودكتوره مها عمر احسن كمان منها بس دايما بره مصر يعنى تحجزى قبلها بفتره وبالعافيه على ما تقدرى جربى يمكن تكون موجوده هي نفس كشف زينب بشري بس هى اشهر ومتخصص توحد وعلمها اكيد اكتر وسمعينى صوتك وحشتينى ربنا يطمنك على زينه ويشفيها لك عاجلا غير اجل
 
رد: الى اهالي مصر الكرام................................

اعتقد انك تقصدى د.منال عمر وعموما انا ابنى راح عند الاثنيين من3 سنوات .

د. زينب من اول نظره قالت توحد واعطت ادويتها الشهيره المعروفه الريسبيردال المستورد والاوميجا المستورد واخر غريب لم يتعرف عليه اى صيدلى اخر سوى الصيدليه اللى بجوارها وقالت اشوفيك بعد 4شهور ولما حسيت انهم كتير قلت اعمل فيهم ايه غير الدواء قالت استمرى على التخاطب.
طبعا مش رجعت تانى واعتقد انها مش مواكبه العصروقديمه شويه.

بعدها بفتره قصيره كشفنا عند د.منال عمر ومن اول نظره قالت طبيعى مش عنده حاجه ومش محتاج دواء مين قال توحد بس يروح حضانه فقط علشان تاخره فى الكلام، وممنوع اى طفل ياخذ دواء قبل 6سنوات.
واعتقد انها لطيفه وحبوبه خصوصا فى التلفزيون.

 
التعديل الأخير:
رد: الى اهالي مصر الكرام................................

\.
وممنوع اى طفل ياخذ دواء قبل 6سنوات.
واعتقد انها لطيفه وحبوبه خصوصا فى التلفزيون.

مادام حكت هيك ان شاء الله تكون شاطرة وفاهمة .. لانو فعلا هادا الدوا ممنوع للي اقل من 6 سنوات
 
رد: الى اهالي مصر الكرام................................

انا ايضا اختي انوي اتخاذ نفس الخطوه مع ابنتي بزياره طبيبه امراض نفسيه وعصبيه لتوجهني في تعديل السلوك وتقيم ابنتي حاليا.....
منال عمر كثير بيشكر فيها والبعض بيقول انها بتبسط الموضوع بزياده....واحنا مش عايزين لا اللي يعقدنا ولا ايضا اللي يبسط بزياده...بس برضه اميل لزيارتها
فيه زي ما قلتي زينب البشري وطبيبه اخري اسمها حنان سليمان وهبه الشهاوي
برضه زيك محتاره...

يا ريت الموضوع ده يكون لعرض التجارب مع الاطباء النفسيين في مصر.....لمساعدتنا علي اتخاذ القرار

والشكر مقدما لمن سيشارك
 
رد: الى اهالي مصر الكرام................................

د.منال حبوبه حاجه وتشخيصها حاجه تانيه خالص لانى لم اقتنع بتشخيصها ولابتشخيص د.زينب.

لانى كنت متأكده ان ابنى عنده حاجه مش بس تاخر كلام طبيعى زى ماقالت ،ولاكنت مقتنعه انه توحد زى تشخيص د.زينب لان كل الاعراض مش منطبقه ، خصوصا انه للوهله الاولى تقولى عنده فرط حركه.

علشان كده ارتحت لتشخيص د.هانى الحناوى انه عنده سمات بسيطه من التوحد وسمات من فرط الحركه وتاخر الكلام ده عارض عنده ساعدنا اننا نلاحظ الاختلاف لان فى حالات زى ابنى بتتكلم كويس.

بعدها رحت لدكتوره فى القصر العينى الفرنساوى مش فاكره الاسم بالضبط د.لبنى منصور واتفقت على نفس التشخيص وبعدين زززززهقت.

لكن حاليا برضوا بفكر فى حد جديد يقيم الولد بعد مرور سنه على المركز واخر الجلسات ،وبفكر اروح لحد اخر متخصص فى الكلام علشان اعرف كده عادى ماشيين صح ولا فى حاجه ،سمعت عن د.نيرفانا جمال كويسه ولا لأ حد جربها ؟؟؟؟؟؟؟؟؟؟؟
 
التعديل الأخير:
رد: الى اهالي مصر الكرام................................

د. نيرفانا ممتازه.....هادئه وبالها طويل مع الاولاد.....تابعت معاها سنه ثم توقفت لظروف خاصه بي ولكن هي كويسه جدا
الممتازه ايضا الدكتوره صفاء الصادي ممكن تروحي تعملي تقيم ابنك وتوجهك اذا كنتي ماشيه صح ولا لأ
 
رد: الى اهالي مصر الكرام................................

الممتازه ايضا الدكتوره صفاء الصاديتخصصها ايه ويا ريت العنوان والتليفون
د. نيرفانا ممتازه..بتعمل جلسات بنفسها ولا بتعطى ادويه وهل هى نفسها اللى بترأس معهد الدرسات العليا للطفوله.

 
رد: الى اهالي مصر الكرام................................

اولا انا اسفه اني مردتش عليكم واتاخرت لاني موش كنت بادخل
ثانيا اشكركم كلكم على وضع خبراتكم واتمنى المزيد لان اعتقد معظمنا حيارلى في نفس القصه
ثالثا بقاا انا موش عارفه الاسماء اللي وردت في رد الاخت ازميرالدا تخصص ايه بالضبط
فارجو التوضيح بالنسبه للتخصثص والمكان يعني في منطقه ايه بالضبط لان دي مشكله اخرى
كل لما انوي اتابع في مركز او اسمع انه كويس الاقيه بعيييد جدااا عن منطقتي
واخيرا لو في ارقام تليفونات يبقى جزاكم الله كل الخير
وياريت نتواصل دايما من اجل الافضل لابنائنا
 
رد: الى اهالي مصر الكرام................................

اختي قول يا رب
د. نيرفانا بتدي الجلسات بنفسها (الكلام ده من سنتين لما كنت بتابع معاها مش عارفه هل الوضع اتغير دلوقتي ولا لأ)
د. صفاء الصادي عيادتها في مصر الجديده قدام قسم الزيتون...تليفون: 24533743
والاتنين تخصص تخاطب ومبيدوش اي ادويه

اختي زينه البنات
الدكتوره هبه الشهاوي مش عارفه عيادتها فين (ممكن الدليل يفيدك) بس هي برضه بتروح مركز الامل بتاع الدكتور محمود يوسف اللي عند النادي الاهلي
د. حنان سليمان.....لسه جاري جمع المعلومات عنها وحبلغك لو فيه جديد
 

عودة
أعلى