ماهي حالة ابني بالضبط

[ساندريلا]

السلام عليكم ورحمة الله وبركاته
انا سجلت بالمنتدى من مده وهذا اول موضوع لي
انا ام لطفل(فلاح)عمره سنتين وعشرة شهور
تاخر عنده النطق كثيرا وفي سن السنتين وشهرين راجعت به عند اخصائي نطق
عند دخولي لدى الاخصائي حاول ان يسلم على ابني ويمد يده له وكان ًزوجي يحمله لكن فلاح لم يكن ينظر اليه وكانه غير موجود في هذه اللحظه لمحت في عيني الاخصائي نظره شك فبادرته بالسؤال هل تشك بشىء رد علي بانه غير متخصص في هذا الامر لانه عرف اني اقصد التوحد ودلني على الدكتوره عبير عوض
وحجزت موعد عندها في غضون اسبوع
في البدايه جلست معي ومع زوجي ووجهت لنا العديد من الاسئله
وعنما انتهت جلست مع ابني ولكنه لم يستجب لها كثيرا طلبت منه وضع المكعبات بشكل عمودي ووضع واحده ثم اخذ يحاول الخؤوج من الغرفة
ثم طلبت منه ان يضع كل مكعب على دائره من نفس اللون لكنه وضعها بمساعدتها واصرار منها وهو يحاول الخروج
وطلبت منه رسم خطوط ودوائر بالقلم فاخذ القلم ورسم خط
وعدة تمارين من هذا النوع
ثم قالت لي احد قال لك انه عنده توحد؟قلت لا لكن في الحقيقه انا كنت قد اخذ فلاح للمطوع وقال لي عنده توحد خفيف وطبعا لم اقل لها هذا الكلام
ثم اردفت قائله لا ابنك مافيه توحد بس متاخر كثييير وبدو شغل كثيير
وطلبت مني عمل تحاليل لابني ولما طلعت نتيجتها وجدت انه عنده حساسية عاليه من الكازين والجلوتين بالاضافه الى فطريات بالامعاء
وكتبت لي فيتامينات سوبر نيو ثيرا والدي ام جي ودواء الفطريات والكالسيوم والاوميغا ثري
بالاضافه الى الحمية الصارمه
ولما سالتها اذا ابني اللي فيه مش توحد فما هي حالته
قالت تاخر في اكتساب اللغة والمهارات
ومش تاخر عقلي
هذا الكلام كان في شهر 1
وبدات الحميه والعلاج وجلسات تعديل السلوك

وكانوا البنات اللي في احدى المنتديات اللي اتواصل معاهم ينصحوني بعدم الافراط بالتفاؤل لان حسب كلامهم ان الدكتوره عبير عوض دايما في البدايه تقول مش توحد وفي الزياره الثانيه تصدمك بانه توحد
لكن سبحان الله في قرارة نفسي مؤمنه ان ولدي حالته مش توحد

نسيت اذكر لكم انا ليه شكيت انه متوحد قبل نا اراجع عبير عوض
كان يقوم بالليل ويلعب
ويضحك ويقهقه بدون سبب حتى واحنا نايمين
لا ينطق سوى كلمة حار ماي
لا يفهم الاوامر ابدا ولا ينفذها
نادرااااا جدااااا ما ينظر الي عيني
كان معاه اسهال تكرمون

لكن الاشياء الايجابيه في تصرفاته
انه يلعب مع اخواته
لما اقوله بوسه او اي احد يتوجه ويبوسه بس طبعا على مزاجه احيانا يطنش
وكان يحس باللي حواليه ويحب بنات اختي اللي بالثانوي وبالكليه
ويحب جدته
ويحب كثيييييير الضم والتقبيل
كثيييير الابتسام
ويقلد مثلا اذا شاف سجاده يصلي عليها
او ياخذ التليفون ويتكلم فيه طبعا يخربط بالكلام لكن يقلدنا
وياخذ المناشف ويمسح الارض يقلد الخدامه
لكن احيااانا يمشي على اطراف اصابعه
ويلعب بالكوره وبالسياره بشكل طبيعي


المهم.
في بداية شهر سبعه قبل اكثر من شهر كان لي ست شهور تقريبا عالحميه معاه وراجعت عند الدكتوره
وعادت معاه نفس النشاطات تقريبا وكانت استجابته احسن وانبسطت كثير وقالت لي ما شاء الله هو تحسن خمسين بالمائه
انا فعلا حاسه انه تحسن لكن حسيتها تبالغ او ترفع من معنوياتي مع انها دايم تقول مشاعرك ما تهمني اللي يهمني هو مصلحة الطفل

فلاح مازال لا يتكلم. صحيح اكتسب كلمات جديده مثل دقوه يعني قهوه واسير. يعني عصير وتات يعني بطاط

لكنه لا ينادي خواته ولا يحاول يكرر الكلمات
مره اخرى سالتها عن حالة ابني قالت تاخر في اكتساب اللغة والمهارات

ومازلت حائره
هل ابني متوحد ؟!؟!؟!؟!

 

[ام اسلام]

رد: ماهي حالة ابني بالضبط

الله يطمن بالك عليه
هناك نقاط ايجابيه وهناك نقاط سلبيه
طبعا الدكتورة ما اعتقد انها لوشكت بشئ راح تجامل,وهي يمر عليها اطفال بحالات التوحد واطيافةويعني عندها خبرة.
سواء كانت مشكلته توحد او تاخر عام,انت مضطرة تسلكي نفس المسار التدريبي او العلاجي.
لاتشغلي نفسك كتير بالمسمى.
تحياااااااتي

 

[ابو فصولي]

رد: ماهي حالة ابني بالضبط

اختي الكريمة ..

اذا الدكتورة المتخصصه والمتابعة لحالته واللي سوت له تحاليل، قالت : لا ماعنده توحد .

كيف تبغين احد من المنتدى يشخصه بمجرد قراءته للسطور اللي انتي كاتبتها .

تفائلي خير، وان شاء الله مافيه الا العافيه ومادامه تحسن فهذا شئ مشجع جدا .

بالتوفيق

 

[ساندريلا]

رد: ماهي حالة ابني بالضبط

الله يجزاك خير يا ام اسلام

 

[ساندريلا]

رد: ماهي حالة ابني بالضبط

اخي ابو فصولي مشكور عالرد
لكني لم اقصد ان اطلب التشخيص
ولكنها دعوه لمن لديها طفل مثل حالة ولدي ان تذكر تجربتها لا اكثر

 

[أم الغالي]

رد: ماهي حالة ابني بالضبط

نفس تجربتي مع عبير عوض ...انا فقدت الثقة بها

 

[ملكة الاحساس]

رد: ماهي حالة ابني بالضبط

طيب اذا ماعندة توحد ليش قالت يسوي حمية
ابنك فية اشياء ماتدل ان ما عندة توحد زي انة يحب التقبيل و الضم
و يحب الاطفال و يلعب معاهم وهاذي الاشياء نفقدها في اطفالنا
اختي اعرضي التحاليل على دكتور ثاني شوفي ايش يقول
الله يطمن قلبك علية
​

 

[اوراق الخريف]

رد: ماهي حالة ابني بالضبط

حبيبتي انا حاسه فيك وولدك من نفس عمر ولدي وراح اقول قصتي معه
ولدي حسيت ان عنده مشكله مادري تصدقيني ولا لا بس انا من النوع الدقيق خصوصا باولادي دائما اراقب تغيرات اللي تطري عليهم
فلما كان بسن ست اشهر لاحظت عليه شغله وهي ان لما يرفع يده يحط حاجه في فمه احسه بثقل يرفع يده وكانه يخطي مكان فمه بالظبط اوكي
رحت لدكتوره وحكيت لها ملاحظتي وطبعا بما انا في وطنا الحبيب كله دكاتره بشهادات مزوره الامن رحم الله علشان ماكون ظالمه
طمنتني ان مافيه شي قلت يمكن يكون اشول لانه احيانا يستخد اليسار قالت اصلا مايبين معه الشي الابعد السنه
بس انا ماقتنعت وزادت مراقبتي لطفلي انا في البدايه ماكان يخطر في بالي ان توحد كان تفكيري منصب علي ان عنده مشكله في المخ او الاعصاب لان ولادتي فيه كانت صعبه وكان السكر مرتفع
يوم بدا يمشي للسنه بديت الاحظ تعلقه بطيور الجنه بشكل مو طبيعي وينعزل عن اخوانه وعن الاطفال اللي بسنه مع ان اختي لها ولد تقريبا بسنه فكان مايعير له اهتمام
وبديت الاحظ الفروق بينه وبين ولد اختي ولد اختي يلعب مع اطفالي لا ويتخيل الادوار يعني اذا العبو طبيب ياخذ دور المريض وينام ويسمع اوامر اخته اذا قالت نام يله افتح فمك
وولدي بعالمه لا يتكلم ولا يشاركهم بس عند التلفزيون ويرفرف بيدينه ويناقز من مكان لمكان المهم جات العطله الطويله رحت عند اهلي في الاجازه وانا كلي شكوك بس للحين مادري انه توحد
تعب مره ولدي الكبير ورحت فيه لمستشفي الولاده في بريده والي في بريده يعرفون وش هالمستشفي مع انه اقل من بسيط حاطين شاشه بلازما صغيره بسيب الانتظار وانا جالسه اناظر وهم يعرظون امراض واعراضها وسبحان الله صدفه عرضو اعراض التوحد
الا اغلبها بطفلي وهو الان عمره سنه ونصف
فحزنت حزن عظيم لدرجته بكيت لين تقطع قلبي ماهو اعتراض لا والله وتا الله بكيت قلت وين ابروح فيه وين اعلجه وحنا اذا تعب احد ابائنا تعب عادي ماعرفو يشخصونه واللي بالسعوديه يعرف وضعنا المزري ولي تجارب سابقه لايسمح الوضع الان بذكرها يعني ماتكلم من فراغ
المهم وحطا بقلب واسكت وتسيطر على تفكيري طبعل ماعلمت احد وشلت هم ابوه كيف اعلمه حتي يشاركني لان والده من النوع الحساس جدا
جينا للرياض قعدت اقلب النت يمنتا ويسارا لعل اجد شي من تسالاتي ولم اجد شي جديد غير اللي عرفته اول مره خلل في الموصلات العصبيه
وتبدا رحلة تانيب الضمير انا يوم كنت حامل اكلت كذا يمكن بسببه انا سويت كذا ..........وعذاب مايعلمه الا الله
قلت لازم افاتح ابوه بالموضوع وكلمته بطريقه لينه وسهله انكر قال انتي بس دقيقه الولد مافيه شي يمكن وراثه انتم عندكم وراثه شوفي ولد اخوك فلان وولد فلان تاخر بالنطق ...
قلت انا مايهمني الكلام قدما انا اشوف شغلات ثانيه قال يمكن من طيور الجنه اقطعيها عنه وفعلا قطعتها لا كن ماشفت زود الولد هو هو
سبحان الله يوم ان الله اراد ان ابوه يقتنع سمع لقاء بالراديو مع دكاتره وذكرو اعراض التوحد فااقتنع انا اوديه لدكتور وبدت رحلت العناء والاستغلال وش مايعلم فيه الا الله
اعراض كان يعاني منها فروس
كان لايستجيب لاحد يدور الاشياء مافيه تواصل بصري الرفرفه
مايلعب السيارات اذا اخذها يدورها او يلتهي بالكفر
الحركه الزايده مايقبل احد ولا يضم احد مع ان ماينفر اذا احد قبله
بكاء مفاجى او ضحك مفاجئ
اذا بغا شي ياخذني يوصلني للي يبيه ماياشر
طبعا رحت فيه لشيخ واثبت ان فيع عين اصيبت فيه الام اثناء الحمل وانتقلت للولد والدليل انه يتثاوب وانا تاثرت بالقراء
صرت بعدها ارقيه وقعت اروشه بماء وسدر
وادهنه بزيت زيتون واستمريت على الدعاء وبي الحاح والصدقه الصدقه لاتنسونها
حسيت ولدي بعدها ركد شوي من حركته صار يضحك اذا لاعبته
يحاول انه يقبلني مع انه يملى وجهي سعابيل بس يازينها من فروس
يحاول انه يضمني
طبعا اخوانه وابوه مايقصرون لو انشغلت اهم يلاعبوني ويعلمونه لانه صار محور اهتمام العايله
طبعا انا دخلته بمركز لذوي الاحتاجات الخاصه
ولقيت اخصائيه مخاطبه في المركز وجلست معها وحكيت لها كل شي تقول ان ولدك التواصل معه ممتاز لايمكن يكون عند توحدي قلت لها وانا منهاره كيف وهم يقولون توحد وعنده شغلات كثره من التوحد قالت يمكن تاخر لغوي وراثي طبعا تخيلي انك جايبه شغاله فلبينيه ماتكلم عربي وحطيتيها بينكم واخذتي تامرين عليها وتنهين وهي ماتفهم عليكم وفي غربه بينكم وش التصرفات اللي تضهر عليها
اكيد بتكون خايفه ماتقدر تتواصل معكم وشغلات كثيره بس المثل بحد ذاته عطاني امل
اهي خبرتها مه الاطفال 25سنه
وفيه تفاصيل كثيره حصلت لينا بس هذا الاهم
وانا زيك كنت ادور احد يكون نفس عمر ولدي ويعطيني من تجاربه وابشرك اني مسكت اول الخيط والفضل يعود لله ثم لاخونا ابو محمد الله يشفيله ويشفي اولادنا يارب
معليش طولت عليك بس حبيت اوضح لك اكثر

 

[ساندريلا]

رد: ماهي حالة ابني بالضبط

ام الغالي مشكوره عالرد بس ممكن تذكرين تجربتك معاها


ملكة الاحساس مشكوره عالرد وهذا اللي مطمني انه يحب الضم والتقبيل والمعانقه ويشارك الاطفال باللعب مثل الغميضه وصيده ماصيده ويحب يدور عن المنخش بس المشكله بتنفيذ الاوامر وفهمها حييييل متاخر


ام فروسي الله يجزاك خير على هالمرور وذكرك لتجربتك بس ولدك اسم الله عليه صغير والتدخل المبكر حييل مهم
واعتقد ان ام فروسي هو النك نيم مالك في منتدى كويتيات كنتي حاطه محاضره صوتيه استفدت منها


جزاكم الله خير اجمعين
والله يطمن قلبي وقلوبكم على ولدي واولادكم ويقر اعيننا بشفائهم ياااارب

 

[اتكالي على الله]

رد: ماهي حالة ابني بالضبط

اختي العزيزة
اهلا بك بيننا .. حاله ابني تقريبا نفس حاله ولدك ... حساسية غذائية من الغلوتين كازين ... اجتماعي ويحب العناق والتقبيل ...دائما مبتسم ...يعاني دوما من الاسهال
بالنسبة للتشخيص حصلت قبل غدة اشهر على \تقرير من اخصائية نطق يفيد بانه قد يعاني من طيف توحد وبعدها بفترة حصلت على تقرير اخر من اخصائية نفسية بانه يعاني من سمات توحد وكان عمر ابني 3سنوات ونصف بينما انا ابحث عن وصف لحاله ابني منذ كان عمره سنة وعشرة اشهر لانه لم يكتسب لغة
والى حد الان هناك من يشك ان ابني متاخر لغويا فقط خاصة بعد الحميه
بالنسبة لتنفيذ الاوامر هو حاليا افضل بنسبة 70بالمئة مما كان عليه .... وبدا تحسنه واضحا بعد اكمال فترة سته اشهر من الحميه علما بانني طبقت الحميه على مسؤوليتي وبدون استشارة طبيب بعد عمل تحليل عدم التحمل للاغذيه وايضا بدون تناول مكملات
الفضل لله تعالى ومن ثم لهذا المنتدى الرائع ولكل اخصائيين النطق وتعديل السلوك الذين عملوا مع ابني
احب عزيزتي ان اذكر لك ان التشخيص غير مهم لان خيارات العلاج هي نفسها
اسال الله لابنك وابني وابناء جميع اعضاء المنتدى الشفاء باذن الله

 

[ساندريلا]

رد: ماهي حالة ابني بالضبط

اختي اتكالي على الله جزاك الله خير عالمرور والرد
والله يشفي ولدي وولدك وسائر اولاد المسلمين

 

[ملاذي]

رد: ماهي حالة ابني بالضبط

اللهم أشفي ابنائنا شفاء عاجلا ليس آجلا يا ارحم الراحمين

 

[فوضت امري لله]

رد: ماهي حالة ابني بالضبط

اختي سانديلا
رأيي من رأي الاخوات ام اسلام واتكالي على الله بأن لاتشغلي بالك بالتشخيص بين تاخر اكتساب مهارات وتوحد لان الخيارات العلاجية المتاحة واحدة...
المهم ان تستمري بالعلاج الذي تلاحظي انه افاد ابنك ولاتغفلي عن التدريب
الله يشفي ابنك وكل اطفال المنتدى

 

[ساندريلا]

رد: ماهي حالة ابني بالضبط

اشكركم عالمرور

 

[قلب حائر]

رد: ماهي حالة ابني بالضبط

مرحبا اختي

انا عندي طفلين مثل حالة ابنك تعبت من المستشفيات والتشخيص بنتي السنه هذ اولى ابتدائي مادري وين ادر سها ماتعتبر مع اطفال التوحد

ولا تقدر تنسجم معا لطبيعين لان مهاراتها اقل وعنيده ومتوتره والولد 4 سنوات ونفس الشي من كثر التفكير ماانام


بس الكازين مرتفع عندهم


اختي اوراق الخريف انتي في الرياض من المطوع الي قرا على ولدك



اللهم اشفي ابنائنا وارزقنا برهم

 

[بروق المطر]

رد: ماهي حالة ابني بالضبط

اختي العزيزه
بنتي مصابه بالتوحد راجعت عند طبيبه نفسيه وطبيب مخ واعصاب الغريب أن مافيه طبيب طلب التحاليل عندي لكي كم سؤال
1.التحاليل المطلوبه لتأكد من وجود التوحد
2.تحاليل الحساسيه والسموم ماهي
3.الدكتوره عبير عوض في اي عياده اومركز وشاكره لكي تعاونك

 

[ساندريلا]

رد: ماهي حالة ابني بالضبط

اختي بروق المطر
الدكتوره عبير عوض عندنا بالكويت بمستشفى السلام
التحاليل اللي عملتها لولدي عباره عن تحاليل دم وبول وبراز من خلالها بين ان ولدي عنده حساسيه عاليه من الكازين والجلوتين وفطريات بالامعاء