مهارات و تطورات محمود حفظة الله من كل مكروة

[ام محمود]

الحمد لله هذا فضل من رب العالمين
وفضل جهودك دايما الأهل هم الأساس
بالتوفيق

شكرا ام محمد
فعلا اهم شيء البيت
واذكر لكم محمود والحمد لله بيرتدي الجاكيت بمفردة والبنطلون والجوارب
وايضا حقيبته المدرسيه ولله الحمد بيضعها علي اكتافه ويدخل ذراعيه بها كاخوته
وطبعا الكاب لايستغني عنه وان راي 5 قبعات مستعد يلبسهم كلهم
احضرت له علبه بها زر كهرباء ومكان لوضع الفيشه او القبس كما تولوا
والحمد لله بيضع الفيشه داخل ثقبيها
ومن طرائفه امس اجتمعت العائله لزيارتنا قبل عمليه محمود وكان طبعا الكثير من الاطفال فلاحظت انطواء محمود وجلوسه خلف الكراسي ووضع يده علي وجهه حبيبي مكسوف وكان محتاجنا نشجعه علي الجلوس وسطنا وبالفعل عندما لاحظ ابيه سحبه واجلسه علي كرسيه
ومن لعبه معي تيتا جلس خلفها وصمم ان يدفعها من علي الكرسي بارجله وهي تعمدت الوقوع امامه ههههههههه
الحمد لله اتقن وضع مسامير بالثقوب وفاعمده خشبيه وسط سمكها لسمك الخله او الشاليموة ووضع عليها الخرز الرفيع بالسبابه والابهام بفضل الله تعالي
واتم وضع هذة اللعبه

وعندما كنت ادربه علي بازل جسم الانسان
كان ياخذ الراس ويضعها علي راسه عنادا بي
ويضع ارجله مكان ارجل البازل غلاسه يعني

ولكن الحمد لله هو بيعلق معي علي البازل عين مثلا ايد
ولكنة بيتلخبط بين الارجلين والقدمين لا يعرف اليمين من اليسار
ولان البازل عندي مكون من كل عضو لوحده وجدت صعوبه جدا
واتمني عند تعليمكم تركيب جسم الانسان
ان يكون مكون من راس وكتله الجسم ثم الزراعين معا والارجل معا لتسهل علي الطفل التركيب
واتمني ان تكون لعبه البازل الخشبي من النوع الجيد ليس بها سنون او احرف لانها تجرح الايدي كما جرحت محمود لعبته لانها من نوع سيء للاسف
فلابد من مراعاه الامان
واتمني من الله اجد هذة اللعبه

وعلي اي شخص يعرف اين اجدها بمصر يعطيني العنوان
لاني فشلت بالبحث عنها هي خشبيه ولا اريدها بلاستيك اوفل او اكثر من شكلل لانها بتسبب التشتت

 

[SHAMS O GOMAR]

:22::22::22:
برافو محمود إرتداء الملابس مهارة عالية تأخذ وقت عكس تنزيل الملابس سهلة
وهم شاطرين فى المخالطة الأجتماعية بشاركو فى كل شئ يعملوه الأهل أمامهم
والبركة فى التقليد
وربك الحافظ يقومه لك بالسلامة ويجبر خاطرك بسلامته يارب بوسه لمحمود

 

[ام منة]

بسم الله ماشاء الله عليه يارب يحميه ويبارك فيه وياريت تطمنينا على العملية

 

[ام محمود]

مهارات محمود بالصور

مهارات محمود بالصور

اللهم امين
8 فبراير، 2009
مهارات محمود بالصور












الحمد لله اتقن ركوب الدراجه والجلوس علي اشياء صغيرة وايضا وضع اعواد رفيعه داخل ثقوب ريعه جدا وايضا وضع بازل الحيوان مكانه وياكل نفسه بالملعقه
ويصرخ متعمد كانه عمل حادث بالدراجه

مرسلة بواسطة أم محمود :23:الشفاء

 

[*-*MaRoOuM*-*]

السلام عليكم
حبيبـــي يا خطيبي
لا ما بدي تعمل حوادث
هههههههههههههه
ادرب على القيادة منيح
علشان بس اركب معك ما توديني بخبر كان
ههههههههههههه
إسم الله عليك بتتطور بسرعة يا حبيب قلبي
الله يحميك و ايفرح امك فيك يا رب

بس انا زعلانة منك لانك بتقرب على شاشة التلفزيون
عيونك حلوة ما بدي يتعبو
ههههههههه

الله يحميك و يشفيك و اشوفك عريس
يا رب

 

[ام محمود]

التقريب علي الشاشه فن العريس بدعه
بيقرب وملتصق ليكون الجردل امام المنضده بالضبط
عريسك هيكون خبير مساحه ههه
واله يستر ما يكون ممثل بيحب يقلد كان في مصيبه هتقع علشان نجري عليه
تخيلي اليوم الخائن لعب مع مني وعلياء بنات عمه فتحي يا وردة وحلفني ما اقولك
لكن لازم افتن عليه
اخدتي بالك من شنطه التي علي ظهرة هو الي مرتديها بنفسه ولايريد ان يقلعها من الصبح وهي علي ظهرة هي والطاقيه تخيلي

 

[ام محمود]

في هذة الصورة
هو متعمد ينظر لي وينتظرني اصورة فهم التصوير
رغم اني باتعب في تصويرة لكن اشفق علي هنا وانتظرني ونظر لي

 

[يحي]

دة اخويا محمود وماما بتحب مرام وبتعلم محمود يقول اسمها مرام
بس محمود بيقول ممممم
يارب لما يعمل العمليه يقول صح
ماما بتقول العمليه بعدها اخويا هيتكلم وهنفرحلما نسمع كلامه
ماما صورت محمود فيديو وانا نزلته ولما ترجع من برة هتنزله لكم كلكم بتقول عاوزة كل اعيال اداون يتعلموا واناس تحبهم ومايخافوش منهم

 

[*-*MaRoOuM*-*]

حبيبي يحيى البطل
ما شاء الله عليك

أكيد نحنا منحبهم
يحيى حبيبي دير بالك على محمود و ماما كتير منيح ماشي

ساعدهم و كون بطل دائما
الله يسعدك يا رب

أنا بحب محمود كتير و بحبكم إنتو كمان انتا و يوسف البطل

 

[يحي]

انا بعدمابخلص مذاكرتي العب مع محمود وبحبه ياكل معايا وبشتري له بمصروفي شيبسي عشان بيحبه
وعملت لمحمود اغاني كثير عشان يسمعها ويغنيها
وبلماهاكبر هعيش مع محمود بسوهشتغل عشانه كمان وهفسحه

 

[يحي]

احنا هنا في واقفين قدام المتحف المصري

 

[ام محمود]

غاب القط العب يا فاءر كدة يا يحي
اوكي حبيبي لن امسح مشاركاتك وربنا يبارك فيك ويخليك لاخوك محمود ولماما وبابا ويهدي اخوكم يوسف يارب

 

[ام محمود]

ماشاء الله محمد كبر وبيركب السيارة وايضا بيدحرج امامه لعبه السحب وايضا معه لعبه الاشكال الهندسيه ايه المهارات الحلوة دي يا معلم الف مبروك يارب
ودائما للاحسن

 

[يحي]

سماح ياماما
الله محمد كبر ومحافظ علي رشاقته

 

[SHAMS O GOMAR]

خلاص أم محمود سامحى يحيى الغالي علشانى هالمرة
صحيح ياحبيبي يايحيى محمد كبر وصار عفريت ومكار هههههه

 

[ام محمود]

لعيون محمد وامه هاسامحك
ويارب محمد يكبر ويكبر
زهرة عيونا

 

[لياني]

رد: مهارات و تطورات محمود حفظة الله من كل مكروة

واخيرا لقيت هذه الصفحة ....

ساقرئها كلها كلها كاملة

بدأت بالاول
وشفت الحلقة والوتد
التمرين هذا كنت شايفاه نفسه قبل شهور وقلت بنفسي
ما شاء الله يا ريت اقدر الاقي ليان تعملوا بهذا الاتقان
وتقدر تحطهم لما انا اطلب منها
وكنت سعيدة انها مبتخبطهمش ببعض كثيير وما بترميهن
والان لما قريتهن مرة اخرى ما صدقتش انا كل كنت يأسانة ان ليان تعمل نفس الشي

حتى النفخ والبلوكنة وكثيير اشياء قريتها
كنت بقووول لن ارى ليان ابدا هييك

لكن الحمد لله بفضل الله وبفضلك
شفت ليان اكثر مما تخيلت

ربنا يحفظلك محمود ويبارك في

انا رددت حتى لو الموضوع قديم علشان متهش المرة الجاية لما ادخل علي هههه

 

[ام حمودا]

رد: مهارات و تطورات محمود حفظة الله من كل مكروة

السلام عليكم ازى اهل المنتدى وسلام خاص لام محمود بعد ازنك ام محمود عاوزه اكتب مهارات محمود اكتبها ازاى
لانى عاوزه اتكلم على محمود -واخبرك بتطورات محمود بس مشعارفه الرسايل وصلتك ولا ايه -انا ذهبت لدكتور وراثه وقلتله على النيتروفين د قالى الحمد لله مشمحتاجه -وبعتنى الى اخصائية تخاطب وقاست نسبة ذكاء محمود هو عنده دلوقتى سنه و9شهور قالتلى يتعامل وكانه عنده سنه و5شهور-واعطتنى زى دروس اعملها مع محمود واهم حاجه زيادة الانتباه ودى صعبه اوى مع محمود انه يقعد امامى وعينى تيجى فى عينى ويسمعنى -وعمليات التقليد واروح لها بعد 40يوم وتشوف انا عملت ايه معاه ايه راى حضرتك

 

[ام محمود]

رد: مهارات و تطورات محمود حفظة الله من كل مكروة

السلام عليكم ازى اهل المنتدى وسلام خاص لام محمود بعد ازنك ام محمود عاوزه اكتب مهارات محمود اكتبها ازاى
لانى عاوزه اتكلم على محمود -واخبرك بتطورات محمود بس مشعارفه الرسايل وصلتك ولا ايه -انا ذهبت لدكتور وراثه وقلتله على النيتروفين د قالى الحمد لله مشمحتاجه -وبعتنى الى اخصائية تخاطب وقاست نسبة ذكاء محمود هو عنده دلوقتى سنه و9شهور قالتلى يتعامل وكانه عنده سنه و5شهور-واعطتنى زى دروس اعملها مع محمود واهم حاجه زيادة الانتباه ودى صعبه اوى مع محمود انه يقعد امامى وعينى تيجى فى عينى ويسمعنى -وعمليات التقليد واروح لها بعد 40يوم وتشوف انا عملت ايه معاه ايه راى حضرتك

اهلا ام محمود الغالي
اكتبي حبيبتي باي مكان وانا هافصل صفحه خاصه بمحمود البنك ان شاء الله
انا حاولت اتصل بكي هاتفيا بس للاسف وجدت اخري ترد علي ام لطفل داون مصريه ايضا وطلعت من امبابه
لا تعليق لدي بعد اي طبيب وخاصه انه مختص بهذا المجال وشايف ابنك بخصوص اي ادويه
والي انا ممكن اتكلم فيه التدريب والتاهيل
الحمد لله ان مقياس الذكاء كويس والتاخر ليس كبير
ان شاء الله كلما يكبر تزداد المهارات
اكيد 40 يوم هيكون مع محمود فارق كثير ركزي معه وان شاء الله لن يضيع الله تعبك
حاولي علي التواصل البصري معه اثناء الله خاصه الاولاد كلما زدنا بدلالهم بيزداد نشاطهم وقله الانتباه
التواصل عبر القاء كرة له ويلتقطها
مثلا تحدثيه وعينك بعينه
التقليد ياريت تصاحبه اغنيه مثلا ارفع ايدك فوق نزل ايدك تحت صقف واد اثنين
وهكذا
ياريت تكبي التدريبات ليستفيد منها الاخوات كلهم

 

[علا]

رد: مهارات و تطورات محمود حفظة الله من كل مكروة

:7::10:ماشاء الله عليك محمود رحت المتحف المصرى والله انا ما رحته الا بالجامعه مكسوفه طبعا وانا بقول كده لكن هخبى الحقيقه ليه المهم تكون انبسطت بالفسحة وان شاء الله ماما وبابا يخرجوك كده على طوووووووووووول معلش سامحى يحيى ام محمود ربنا يحميه ويخليهم لكى يارب
هلا ام حمودا عندنا محمود تانى جميل ربنا يحميه مستنيين اخباره وتطوراته ان شاء الله