محتاجة مساعدة من أمهات إسكندرية

[قلبى عمر]

دا أول موضوع ليا بالمنتدى
وأرجو أنكم متكسفونيش
أنا أبنى عمر عنده سمات توحد وهو دلوقتى كمان شهرين حيتم 3سنوات
ولسة مبيتكلمش خالص
أنا كنت بعالجه عند دكتورة وفاء رشاد
بقالى تقريبا 8 شهور
وأول ماأخد الأدوية حصله طفرة وأتغير جامد لكن بعد كدة الأدوية تأثيرها قل جدا
مع إنها كانت بتغيرهاله أوبتغير جرعاتها كل شهرين
وكمان هو ملتحق بمركز عند كنيسة القديسين اللى عند مستشفى جيهان
صاحب المركز أسمه أ علاء شحاتة
المركز معقول
بياخد ثلاث جلسات فالأسبوع الجلسة ساعة
والباقى المفروض أنا أعمله فالبيت
لكن الولد مبقاش بيتطور كتير
أنا قلقانة جداااااااااااا
العمر بيجرى بيه وسن المدرسة بيقرب
وكمان أنا حامل فالشهر الثالث
وأنا تعبانة ومبقتش قادرة أشتغل معاه زى الأول
وأخدت معاد مع دكتورة حنان عزوز من شهرين
والمعاد خلاص بعد بكرة
وحاسة إنى لسة متخبطة
هل فى مركز افضل ومناسب أكتر لعمر
هل فى دكتورة أفضل من حنان عزوز
هل فى مكان يلتحق بيه
حضانة خاصة مثلا ويروحها يوميا
أرجوكم أنا بدأت معاه من سنة ونصف
ومش مستريحة برده للطريق اللى أنا فيه
لو فى أم فإسكندرية تفدينى أمشى إزاى وأروح لمين
لإن نفسيتى محطمة جدااااااااااااااااااااااا
وأى سؤال عن عمر أنا تحت أمركم
وجزاكم الله خيرا

 

[قلبى عمر]

رد: محتاجة مساعدة من أمهات إسكندرية

كدة برده تكسفونى

 

[فوضت امري لله]

رد: محتاجة مساعدة من أمهات إسكندرية

اختي ام عمر......
اهلا بك بيننا
سيرد عليكي الاهالي في الاسكندرية حالما يرون تساؤلاتك ..قد يتأخر الرد ايام بسيطة فلا تقلقي من تأخر الرد ....

شفى الله عمر واقر عينك به

 

[قلبى عمر]

رد: محتاجة مساعدة من أمهات إسكندرية

ربنا يكرمك أختى المشرفة
وجزاكى الله خيرا على ردك الطيب
وعلى مجهودك

 

[هدى الخطيب]

رد: محتاجة مساعدة من أمهات إسكندرية

كدة برده تكسفونى

الله يطمن قلبك على عمر والشفاء التام ان شاء الله

 

[قلبى عمر]

رد: محتاجة مساعدة من أمهات إسكندرية

الله يطمن قلبك على عمر والشفاء التام ان شاء الله

ربنا يباركلك ويجازيكى خير

 

[قلبى عمر]

رد: محتاجة مساعدة من أمهات إسكندرية

أيه ياجماعة مفيش أمهات من إسكندرية فالمنتدى ولا إيه؟

 

[باحثة عن أمل]

رد: محتاجة مساعدة من أمهات إسكندرية

أختى الحبيبة أم عمر ظروفك زى تماما بس أنا مش من اسكندرية أنا من القاهرة ومقيمة فى السعودية وعندى عمر بردة وفى نفس سن ابنك وباعالجة عند دكتورة دعاء الحضرى وبردة حصل تحسن وبعدين مش حاسة بتغيير وقريبا حنزل مصر وأحاول أعمل جلسات أكسجين وأشوف مركز كويس أنا الصيف الماضى وديته الجمعية المصرية للتوحد 5 ساعات فى اليوم ابحثى عن مكان زى كدة فترة أطول لان الولاد دول عاوزين وقت كبير يا ريت تحكيلنا ظروف ابنك
آسفة انى برد رغم انى مش من اسكندرية

 

[ايمي]

رد: محتاجة مساعدة من أمهات إسكندرية

اختي لك رسالة بالخاص فيها كل التفاصيل وال سالتي عنه

والسبب ال مش خلاني اكتبها هنا ذكرته لك باول الرساله واي استفسار اوكي

 

[نيفين المتفائله]

رد: محتاجة مساعدة من أمهات إسكندرية

السلام عليكم
اختي العزيزة
انا من اسكندريه وانا مع دكتورة اميمه ف مصطفي كامل من سنين طويله
والحمد لله مرتاحه جدا
لو حبيتي اي تفاصيل انا تحت امرك

 

[قلبى عمر]

رد: محتاجة مساعدة من أمهات إسكندرية

أختى الحبيبة أم عمر ظروفك زى تماما بس أنا مش من اسكندرية أنا من القاهرة ومقيمة فى السعودية وعندى عمر بردة وفى نفس سن ابنك وباعالجة عند دكتورة دعاء الحضرى وبردة حصل تحسن وبعدين مش حاسة بتغيير وقريبا حنزل مصر وأحاول أعمل جلسات أكسجين وأشوف مركز كويس أنا الصيف الماضى وديته الجمعية المصرية للتوحد 5 ساعات فى اليوم ابحثى عن مكان زى كدة فترة أطول لان الولاد دول عاوزين وقت كبير يا ريت تحكيلنا ظروف ابنك
آسفة انى برد رغم انى مش من اسكندرية

آسفة على أيه ياحبيبتى
أنا سعيدة بردك وأهتمامك وجزاكى الله خيرا
والقاهرة أعتقد فيها أماكن كتير وحضانات دمج
ربنا معاكى وفى دكتورة بيشكروا فيها أسمها زينب بشرى
ممكن تروحيلها وتسأليها عن مركز مناسب لأبنك لأن الجلسات أهم حاجة

 

[قلبى عمر]

رد: محتاجة مساعدة من أمهات إسكندرية

اختي لك رسالة بالخاص فيها كل التفاصيل وال سالتي عنه

والسبب ال مش خلاني اكتبها هنا ذكرته لك باول الرساله واي استفسار اوكي

قرأت الرسالة
شكرا لك

 

[قلبى عمر]

رد: محتاجة مساعدة من أمهات إسكندرية

السلام عليكم
اختي العزيزة
انا من اسكندريه وانا مع دكتورة اميمه ف مصطفي كامل من سنين طويله
والحمد لله مرتاحه جدا
لو حبيتي اي تفاصيل انا تحت امرك

هى دكتورة أميمة دى اللى هى فمركز د حسين عبد الدايم؟
ولو مش هى طب بالنسبة للجلسات بتودى أبنك فين؟

 

[كوكـتـيـل طبيعي]

رد: محتاجة مساعدة من أمهات إسكندرية

ممكن تقوليلنا عملتي ايه عند الدكتورة حنان

وكتبت لك ايه

 

[نيفين المتفائله]

رد: محتاجة مساعدة من أمهات إسكندرية

السلام عليكم
هي فعلا دكتورة اميمه زوجه دكتور حسين عبد الدايم في مصطفي كامل
اي سؤال انا تحت امرك

 

[قلبى عمر]

رد: محتاجة مساعدة من أمهات إسكندرية

أنا بعتلك رسالة

 

[قلبى عمر]

رد: محتاجة مساعدة من أمهات إسكندرية

للأسف الرسالة مش فاهمة ليه مش عايزة تتبعت
عالعموم أهى:


بجد أنا متشكرة جدا لذوقك
هى بس المشكلة لما قلتيلى دكتورة أميمة سكت
لأنى سمعت كتير عن المركز بتاعها
وناس كتير قالولى ماديين جدا
أنا عارفة إن طالما إبنك أتحسن
من حقك تكملى معاهم
لكن أنا مش حقدر أغامر بعد اللى سمعته
فبدور على مركز تانى
وبجد تعبت خالص
للأسف معنديش أكونت عالفيس
وجزاكى الله كل خير

 

[محمد سلام]

رد: محتاجة مساعدة من أمهات إسكندرية

عيادات طفلى للتدخل المبكر فى رشدى ممكن تستفيدى

 

[كوكـتـيـل طبيعي]

رد: محتاجة مساعدة من أمهات إسكندرية

عيادات طفلى للتدخل المبكر فى رشدى ممكن تستفيدى

ان شاء الله ناويله الصيف ال ييجي

كلمت السكرتيرة بتقول التكامل ب 6000 ج

=================

اختي ام عمر

انا ال ارسلت لك سابقا رسالة بالخاص وقلت لك ليه ما وضعتها هنا لعلك فهمتي قصدي

المهم

دكتورة حنان اخر شيء عندها ايه ؟؟ كتبت ايه او على نفس الوضع من سنتين ؟؟

===========

مركز علاء شحاتة ممتاااااز وعنده بنات متدربات ومن اول يوم تطلب منهم يورونك البرنامج والتقسيم الزمني على الاهداف المطلوبة

===========

 

[توحدية]

رد: محتاجة مساعدة من أمهات إسكندرية

اختى طالما سن ابنك صغير
ابدئ الحميه على طول لانه في السن الصغير يظهر تاثيرها بسرعه