محتاجه تفكروا معايا اعمل ايه ؟؟؟

[فوضت امري لله]

رد: محتاجه تفكروا معايا اعمل ايه ؟؟؟

الله يعينك يام ام شريف
ويرجع شريف مثل ما كان واحسن
بخصوص حزن شريف واكتئابه
نصحتني اخصائية بان اغير من حالتي النفسية وجو البيت العام .....ان كنت اريد مساعدة طفلتي والتقليل من سلوكياتها السيئة
وبصراحة كنت ارى انني عادية يعني مش نكدية أوي :m0dy_net-832:
ولكني فكرت ان اصبح اكثر مرحا واشووف تاثير الامر على جو البيت
حتى عندما نكون بقمة النكد ومش شايفة اي حاجة حلوة بالدنيا نلعب لعبة الضحك هههه :m0dy_net-767: وهي من اختراعي انه اي شخص من الموجودين نقول له دورك اضحك يضحك شوي وبعدها ينتقل الدور للشخص اللي بجانبه وهكذا ....طبعا هي لتغيير مود صغارنا اما اذا دخل علينا ضيف فجأة فسيظن انه داخل على مصحة عقلية .....يعني الضحك اذا كان مش عايز يجي بالذوق نجيبه بالعافية :m0dy_net-831:
والحمدلله لمست تحسن باجواء البيت العامة وبنفسية صغيرتي......يعني لا استطيع البقاء مرحة دائما ولكني اجاهد لابقى كذلك

بخصوص الاسهال ووضع شريف الصحي ....راجعي طبيب او راسلي موقع سبيك ليعطوك نصائح
وسيفيدك الاخوات الاكثر خبرة .....

اما الحضانة وكلامهم المحبط ....الله يكون بعونك مرض صغارنا كوم والصعوبات مع الروضات والمراكز والاخصائيين كوم ثاني ...
مسك القلم مازال معضلة كبيرة بالنسبة لصغيرتي لانها رافضة الكتابة والتلوين والشخبطة وكل شيء يعمل باليد
والامل بالله كبير فلا تيئسي
اتمنى ان اكون افدتك
​

 

[مهاجرة]

رد: محتاجه تفكروا معايا اعمل ايه ؟؟؟

معلش انا زهقتك معي بس شوفي الاثار الجانبية لسبيك المكتوبة في الموقع

What are some possible side-effects associated with omega-3 and vitamin E supplementation? (The issues described are typically associated with all omega-3 and vitamin E supplements – not unique to SpeechNutrients speak™.)

• Some children may experience loose stools when they begin supplementation with oil-based capsules; this usually resolves quickly (great for constipated kids!)
• Moodiness, irritability, and emotional outbursts are commonly reported in children during the first few days/weeks of omega-3 supplementation; however, this usually comes with increased babbling, imitation of sounds, and eventually words to sentences.
• Although theoretical, experts believe it is best to be off fish oil 2 weeks before a surgery due to increased bleeding risk, given the platelet effects of omega-3.
• Avoid using products such as ibuprofen (motrin, advil) or aspirin since they increase the risk of bleeding, so the combination (omega-3, vitamin E, and these medicines) could theoretically heighten the risk of bleeding. Acetaminophen (Tylenol®) may be an option under the direction of your healthcare provider.
• Individuals on blood thinners such as Coumadin should not be using fish oil and vitamin E.

نفس كلامك عن شريف اسهال و اكتئاب ... شكله والله اعلم منه

 

[ام اسلام]

رد: محتاجه تفكروا معايا اعمل ايه ؟؟؟

ام شريف حدوث الاسهال خلال استخدام السبيك,دلاله على اننه جسمه لم يمتصه ابدا,فهناك تعطل من افرازات المرارة التي تسهل امتصاص الدهون,حاولي اعطاء شريف ملعقه زيت زيتتون يوميا,بالاضافة الى مساج للبطن يوميا.


بالنسبه للحضانة خطر ببالي لماذا لاتتفقي مع عائلات اخرى على تقسيم الكلفة بينكم واحضار اخصائيه نطق وعلاج وظيفي وتعديل سلوكي,وتقسيم البرنامج بين الاطفال .
والامر ليس صعب بمصر حيث تتوفر الخبرات بكثرة,ويبقى الموضوع متابع منكم الاهالي وافضل من بهدله المركز.؟؟؟

 

[ام شريف]

رد: محتاجه تفكروا معايا اعمل ايه ؟؟؟

عزيزتي ام شريف
كان الله في عونك من الان ينتابني القلق على ابني ومصيره ان وجد مدرسة او لم يجد بحكم معرفتي ما سيحصل معه من قبل الاطفال الاخرين
عزيزتي ... فعلا مسكه القلم هي اكبر معضله لكن هناك عامل اخر مهم فيها وهو العامل النفسي
ابني العزيز كان يذهب العام الماضي الى حضانه عاديه وكل يوم يرسلون لي اوراق كي يلونها ... وكل مرة تعاتبني المشرفة لان ابني لا يلون واجبه مع العلم بانهم يعلمون حالته

يا عزيزتي الذي تفاجات به ان الولد يلون في المدرسة بمساعدة بسيطة ومعي لا يلون ولا يمسك بالقلم ابدا
نفس الشيء حصل مع اخصائي تعديل السلوك الذي اراني كيف ان ابني في مكتبه يمسك بالقلم مسكه صحيحة ويشخبط به داخل الورقة
لايفعل ذلك في البيت مطلقا .................يستهبل
اتصور ان التدريب المستمر ياتي بنتيجة من قبل اكثر من شخص داخل الاسرة مرة مع الاب ومرة مع الام ومرة مع الاخوة ان كانوا كبار

ناتي الى مساله الهيبرة والاخراج وقضية الامساك والاسهال

حصلت مع ابني قبل اشهر وكتبت عنها في المنتدى واتصور انك دخلت الموضوع ودعوت لابني (سابحث لك عن رابط الموضوع ) في هذا الموضوع طلبت راي العزيزتين ريم وام اسلام
وفعلا تجاوز ابني الازمه وابح بعون الله افضل ... حاليا اعاني مشكله الهيبرة والضحك الهستيري التي اختفت عند استعمال الخل والزيوت

اتصور المشكله هي فطريات وطرح معادن قد يكون سببها تقويه مناعة الجسم بسبب الفيتامينات الموجودة في سبيك والله اعلم

اسال الله ان يطمئن قلبك ويريح بالك ويشافي شريف شفاءا تاما

ربنا يشفى ابنك وابنى وابناء اطفال المنتدى واطفال المسلمين والمسلمات

بالنسبه للسبيك فانا متاكده انه مش منه لان الجرعه اللى عندى كانت صغيره استخدمتها من زمان وقعد ت مده طويله شريف مش بياخد سبيك خالص انا اعتقد انها مشكله فطريات على نقص معادن على اكتئاب

 

[ام شريف]

رد: محتاجه تفكروا معايا اعمل ايه ؟؟؟

حبيبتى ام شريف ارمى حمولك على ربنا نفس الكلام ده سمعته من اول اخصائ تعاملت معه ومن اول جلسهقالى نفس الكلام ده ما تحلميش ان حد من ولادك يمسك قلم او يهوب عند مدرسه عاديه والله يومها من كتر البكاء نص جسمى ما كنتش حاسه به ونص وجهى كان بيتحرك زى الشلل النصفى ليه بس حرام اللى بيعملوه فينا بشروا ولا تنفروا ولله الحمد محمد رايح رابعه ابتدائى يعنى هو مستواه مش قوى وكوسه يعنى بس دلوقتى بيحاول يقرا اى اسماء للمحلات وصلى لاول مره التراويح كلها برمضان وليل القدر حتى الفجر ده كان مش بيقعد فى مكان خمس دقايق على بعض وبيفرج علينا خلق الله ربنا كريم حاولى تسجليه بمدرسه عاديه بطنطا النظام بالأقليم اسهل من القاهره ويروح على الامتحانات وهو فى اولى كده كده لازم يعدى بدون امتحان وربنا يفرجها بعد كده واحده واحده ماحدش عارف بكره فيه ايه انا بشوف ولد داون فى مدرسه جنب مدرس ابنى فى الاعداديه ولا معاه شنطه ولا أى شئ يعنى بيتساهلوا كتير عن عندك ممكن طلب منك عايزه اعرف الدوا ده بكام ومن شركةايه بامريكا الله يشفيلك شريف عاجلا واولادى واولاد الجميع

ادعيلى يا ام ميار بالله عليكى لانى على اخرى

 

[ام شريف]

رد: محتاجه تفكروا معايا اعمل ايه ؟؟؟

كان الله في عونك
اسال الله العظيم رب العرش العظيم ان يشفي ابناءنا شفاء لا يغادر سقما
لكن بسال هذا الدواء سبيك حق شنو بالضبط. ومن وصفه لك ؟

شكرا على الدعوه وسبيك عباره عن اوميجا ثرى وخصوصا للاطفال اللى مش بيتكلموا ومحدش وصفهولى كتبت عنه الاخت مبسوطه وجربته ام ليلى الصغيره وانا اتحمست وجربته لشريف

 

[ام شريف]

رد: محتاجه تفكروا معايا اعمل ايه ؟؟؟

الله يعينك يا ام شريف الله يفرج همك ان شاء الله ... طيب بنفع تعملي زي اخت ام اسلام ما عملت ... تدخليه مدرسة عادية ومعه شادو تيتشر لغاية ما تلاقي حل ...
ابني انتكس كمان بالصيف واكتأبت كتير حسيت انو كل اللي عملناه السنة اللي فاتت راح ... من الاسباب اني كنت موقفه الاوميجا3 لمده شهر وكمان الحضانة عطلت شهر ... فزي ما حكيتي بطل ياكل وبكا على طول بعدن بدت معه تشنجات لاول مرة ورجعنا للبامبرز ... ... هلا رجعت للاوميجا3 وفتحت الحضانة ... الان يعني شوي شوي بدت ترجع المهارات...
ان شاء الله شريف يتحسن ويرجع احسن من اول ... والله حاسة فيكي ...

بالنسبه للشادو تيتشر سالنا عن الاسعار لاقيناها فلكيه دا لو كانت كويسه انما النص نص بمبلغ برضه غالى وبعدين شريف مش جاهز لسه لمدرسه هو يادوب كام كلمه بيقولوها

وشكرا على شعورك الطيب ودا العشم برضه

 

[مسك]

رد: محتاجه تفكروا معايا اعمل ايه ؟؟؟

الله يشفيلك ابنك وتشوفيه احسن بطل بالعالم وانا ما الومك كلنا نجرب لعلنا نجد الضاله والحمدالله على كل حال

 

[ام شريف]

رد: محتاجه تفكروا معايا اعمل ايه ؟؟؟

ام شريف بالنسبة للمكمل سبيك speak فانا اذكر انه يمنع اخذ الاوميجا3 معه وربما هناك ادوية اخرى ممنوعة ويكون شريف تناولها اثناء اخذه سبيك , فتأكدي لانه ربما يكون هذا سبب مايحدث له.
بالنسبة لاخصائية التخاطب المكتئبة فواضح انها تريد ان تنقل إليك عدوة الاكتئاب قبل تركها العمل وخير ماعملت(تركها للعمل), فهل يعقل ان تقول لك من رابع المستحيلات ان يمسك ابنك القلم وهذا يعود لسبب نفسي!...اذا كان نفسي اذن فالمسألة سهلة.....بل في ظل التقدم السريع للعلم والتكنولوجيا اصبح هناك الكثير من الامراض العضوية التي عولجت بل الاعاقات التي عولجت رغم ان الطب كان قد قال كلمته باستحالة تعافيها...فمابالك بطفل لايعاني من مشكلة في يده وحتى لو لديه مشكلة في يده أياً كانت فأكيد لها علاج في هذه الايام.
المديرة ايضا رائعة!!! عندما نصحتك بان تتركي شريف -الله يشفيه-يتعارك مع بقية الاطفال !كنت سأصاب بالذهول لو وجهت لطفل طبيعي لايعاني من توحد او خلافه, ولكن ان توجه لتوحدي فبصراحة لااجد مااقوله! ايش رأيك ام شريف تقنعيها تدخل المنتدى وتتحفنا بنصايحها الذهبية!! ...والدادة مالها؟شفتك ذكرتيها في فقرة تانية انها بتسيب الشغل!
انقذي ابنك من هذه الحضانة ربما الزعل الذي فيه انعكاس لما يشعر به من اكتئاب اخصائية التخاطب كما انه قد يكون سمع ان الدادة ستترك العمل...فهم يفهمون حتى وان لم يبدو عليهم ذلك, اما تغيير المكان فأكيد له دور,
ان شاء ستتحسن الامور وبالمثابرة والجهد سيمسك القلم ,وربنا يوفقك في ايجادحضانة ترتاح نفسيته لها وتشعري انت بالاطمئنان ان ابنك يدرس بها.

بالنسبه لسبيك انا لما استخدمته كنت موقفه كل انواع المكملات ومعتقدش ان هو السبب اطلاقا لانى بقالى فتره الولد مخدش سبيك او اى نوع من الادويه

شوفى قصه الحضانه كالاتى الاخصائيات والدادات لاقوا ان مديره الحضانه بتبخس حقهم فى الرواتب فتقريبا دعوا عليها ففجاه شريف سافر 3 شهور واغلب الاطفال مشيت فى الصيف فحصلت مشكله ماديه اضطروا انهم ينقلوا وياخدوا اوضه فى حضانه تانيه المكان مش مكانهم واصحاب الحضانه بيتصرفوا معاهم بطريقه البيت بتنا واللى مش عاجبه يورينا عرض اكتافه والمديره الرائعه مضطره تسكت عشان بتدفع مبلغ ضئيل فى المكان الجديد ف دا سبب الاكتئاب اللى وصل حتى للداده اللى عاوزة تلم عزالها وتمشى هههههههههههه ف يقولوا هى زى ما شاترت كروت تخاطب مادو ميديا تشترى سيديهات ونعلمه اسهل على الكمبيوتر ونبقى حققنا الانجاز معاه


بزمتك دى واحده تدخل المنتدى تتحفنا باخبارها دى عاوزة الخنق هههههههههههههههه انا لو قالتلى تدخلى محمد ( ابنى الكبير ) مدرسه تجربيبه مش هوافق نهائى مش بتعالى على المدرسه والا حاجه بس ابنى ميسلكش مع العيال هناك دا هو فى مدرسه خاصه واول يوم راجع من المدرسه يعيط مالك يا ابنى الحمامات مقرفه
هى فكرتها الجهنميه عشان ميفتوش قطر المدرسه

بس تعرفى ان ممكن كلامك صح انه فاهم كل حاجه والله العظيم بقاله يومين بيقول كلمه على الصبح قبل المدرسه بس مكنتش بركز معاهم لسه من شويه جالى وقالى زئانه دى اعتقد انها كلمت زهقانه والله اعلم
دعواتم

 

[ام شريف]

رد: محتاجه تفكروا معايا اعمل ايه ؟؟؟

سبحان الله انا رجعت بس مشان كنت بدي احكيلك سبيكي منها الحضانة هادي لقيت اخت مروج الامل سبقتني
المعالج لازم يكون حاسس انو الطفل ممكن يتعلم مشان يقدر يعلمه ... اما بما انه الاخصائية هادي حكتلك اياها كاش معناته حاولي شوفي غيرها ... فعلا في اطفال بكتبوا على جهاز زي الكمبيوتر بس ابسط لانو مسكه القلم صعبة عليهم...
قصدي اذا هوي فهم مبدأ الكتابة ساعتها يمسك القلم يستخدم الجهاز هادا مش مشكلة صح ؟؟ بكرة الصبح ان شاء الله بدور وين شفت الجهاز هادا وبحطلك اللنك

ان شاء الله هشوف غيرها هى بعتتلى من كام يوم انها مسكته الموبايل ولاقت انه بيلعب فى الارقام بكل سهوله حقيقى مش فاهمه ايه لازمه كلامها ما دا شىء طبيعى جدا كل العيال بتلعب فى الموبايلات بكل سهوله

 

[ام شريف]

رد: محتاجه تفكروا معايا اعمل ايه ؟؟؟

اختي شكرا لك انك لفتي انتباهي للموضوع ... انا عندي كمان مع اولادي في الكتابة بس ما خطر على بالي اعمل بحث على حلول مقترحة لغاية ما حضرتك طرحتي الموضوع

وحدة بتسأل كيف تساعد حفيدها يمسك القلم:
http://en.allexperts.com/q/autism-1010/2011/5/child-hand-device-use.htm
جهاز الكتابة لاشخاص المش ممكن يمسكوا قلم
http://www.dynavoxtech.com/products/dynawrite/
أدوات لتحسين الامساك بالقلم
http://www.especialneeds.com/aba-autism-pencils-grips.html

كمان لو لقيتي اخصائي علاج وظيفي ممكن يساعد في اختيار الاشي المناسب لابنك واحتياجاته .....

شكرااااااااااااااااااااا جزيلا ومعلش تعبتك معايا

 

[ام شريف]

رد: محتاجه تفكروا معايا اعمل ايه ؟؟؟

لاقيت التمارين دى فحبيت افيدكم بيها

https://www.facebook.com/media/set/?set=a.146904622017479.22668.100000938269884&type=1

 

[زينه البنات]

رد: محتاجه تفكروا معايا اعمل ايه ؟؟؟

حبيبتي ام شريف سلامه شريف حبيبي وان شاء الله موضوع الاخراج ده يكون بس حاجه عضويه بالمعده
وان شاااء الله بسيطه
تاني حاجه بقى ملكيش دعوة بالاخصائيه دي ازاي تقولك كده لاء طبعا خلي املك بالله كبير
وبعدين ده ربنا قاال انا عند ظن عبدي بي
ان شاء الله تفرحي بيه ويتعلم احسن تعليم ومتحطيش في باالك خاالص
ماحنا ياما سمعنا
عارفه انا مرة روحت حضانه خاصه بالداون وفتحوا فيها فصل توحد : قلت كويس اودي زينه هناك:تخيلي المديرة كان رايها الجليل ايه لما قلتلها اني هاجيب زينه
عندك 3 ايام و3 تكون في حضانه عاديه علشان الدمج؟؟؟؟؟؟؟؟؟؟؟؟؟؟؟
قالتلي بالحرف لالالا هما اصلا اطفال التوحد موش بيتطوروا ولا بيتعلموا وعمرها ما هتستفيد من الدمج
والاحسن لها تروح عنهم طوول الاسبوع وهما كل همهم انه يظبطوهم في السلوكيات فقط ويعني قليل من التخاطب. تخيلي مدى الاحباط
انا طبعا دخلتها حضانه الدمج بردو ولا همني وبادور على مركز اتابع فيه وكلو على الله

 

[ام الطبيب]

رد: محتاجه تفكروا معايا اعمل ايه ؟؟؟

عزيزتي ام شريف لا ادري عن ظروفك هل حينفع معاها اللي حقوله او لا اذا كنت فاضية الصباح العبي مع ابنك مدرسة انت المعلمة وهو التلميذ خصصي ركن في المنزل اسميه الفصل ابدائي بالطابور ثم الذهاب للفصل علميه الحروف وامكسي القلم معاه واعملي وقت للفسحة دعيه ياكل وجبته والعبي معاه ثم ارجعي مره ثانية للفصل حتى لو كان مجمل الوقت مبدئيا ساعة واحدة وهو حل مؤقت حتى لايضيع الوقت والله يكون بعونك

 

[مبسوطه]

رد: محتاجه تفكروا معايا اعمل ايه ؟؟؟

لا ادري و الله ماذا أقول ... احبط و اغضب كثيرا من المدرسات الاتي يعطين لأنفسهن حق التحكم في المستقبل و الغيبيات .. و يحكمون على طفل غيبيا بأنه لن يفعل و لن يستطيع .. فهل ملكت حق معرفه الغيب !!! استغفر الله العظيم
قالبلت نسخ كثيره من هولاء فهم موجودون في كل بلاد الدنيا ..

سعيده ان سبيك جاب نتيجه جيده مع بعض صديقاتك .. فلو تجاهلنا الاثار الجانبيه من فرط حركه و اسهال مؤقت .. تكون فائده الكلام او محاوله الكلام خطوه جيده و انجاز لا يقارن بالاثار الجانبيه التي سرعان ما تزول و يبقي الاثر الجيد المرجو من استخدام الدواء

املك لك الدعاء بظهر الغيب أختي ام شريف ..
شفى الله ابنك و جعل ما تمرين به عسرا بعده يسر كثير
امين يا رب

 

[ام شريف]

رد: محتاجه تفكروا معايا اعمل ايه ؟؟؟

حبيبتي ام شريف سلامه شريف حبيبي وان شاء الله موضوع الاخراج ده يكون بس حاجه عضويه بالمعده
وان شاااء الله بسيطه
تاني حاجه بقى ملكيش دعوة بالاخصائيه دي ازاي تقولك كده لاء طبعا خلي املك بالله كبير
وبعدين ده ربنا قاال انا عند ظن عبدي بي
ان شاء الله تفرحي بيه ويتعلم احسن تعليم ومتحطيش في باالك خاالص
ماحنا ياما سمعنا
عارفه انا مرة روحت حضانه خاصه بالداون وفتحوا فيها فصل توحد : قلت كويس اودي زينه هناك:تخيلي المديرة كان رايها الجليل ايه لما قلتلها اني هاجيب زينه
عندك 3 ايام و3 تكون في حضانه عاديه علشان الدمج؟؟؟؟؟؟؟؟؟؟؟؟؟؟؟
قالتلي بالحرف لالالا هما اصلا اطفال التوحد موش بيتطوروا ولا بيتعلموا وعمرها ما هتستفيد من الدمج
والاحسن لها تروح عنهم طوول الاسبوع وهما كل همهم انه يظبطوهم في السلوكيات فقط ويعني قليل من التخاطب. تخيلي مدى الاحباط
انا طبعا دخلتها حضانه الدمج بردو ولا همني وبادور على مركز اتابع فيه وكلو على الله

معلش ما هو اللى ايده فى المايا مش زى اللى قلبه فى النار زيينا ربنا يصبرنا على تحمل ابتلاء مرض ولادنا وعلى تحمل الاشخاص اللى بنقابلهم ف رحله علاجهم

 

[ام شريف]

رد: محتاجه تفكروا معايا اعمل ايه ؟؟؟

عزيزتي ام شريف لا ادري عن ظروفك هل حينفع معاها اللي حقوله او لا اذا كنت فاضية الصباح العبي مع ابنك مدرسة انت المعلمة وهو التلميذ خصصي ركن في المنزل اسميه الفصل ابدائي بالطابور ثم الذهاب للفصل علميه الحروف وامكسي القلم معاه واعملي وقت للفسحة دعيه ياكل وجبته والعبي معاه ثم ارجعي مره ثانية للفصل حتى لو كان مجمل الوقت مبدئيا ساعة واحدة وهو حل مؤقت حتى لايضيع الوقت والله يكون بعونك

بعترف انى مقصره مع شريف ومع اخواته التانين لانى مش عارفه اركز مع مين الكل محتاجنى وبحاول امسك العصايه من النص

ربنا يحلها من عنده ويجعلى مخرج من اللى انا فيه

 

[ام شريف]

رد: محتاجه تفكروا معايا اعمل ايه ؟؟؟

لا ادري و الله ماذا أقول ... احبط و اغضب كثيرا من المدرسات الاتي يعطين لأنفسهن حق التحكم في المستقبل و الغيبيات .. و يحكمون على طفل غيبيا بأنه لن يفعل و لن يستطيع .. فهل ملكت حق معرفه الغيب !!! استغفر الله العظيم
قالبلت نسخ كثيره من هولاء فهم موجودون في كل بلاد الدنيا ..

سعيده ان سبيك جاب نتيجه جيده مع بعض صديقاتك .. فلو تجاهلنا الاثار الجانبيه من فرط حركه و اسهال مؤقت .. تكون فائده الكلام او محاوله الكلام خطوه جيده و انجاز لا يقارن بالاثار الجانبيه التي سرعان ما تزول و يبقي الاثر الجيد المرجو من استخدام الدواء

املك لك الدعاء بظهر الغيب أختي ام شريف ..
شفى الله ابنك و جعل ما تمرين به عسرا بعده يسر كثير
امين يا رب

العزيزة مبسوطه والله كل اللى جربوا سبيك دعولك بظهر الغيب وبجد شكرااااااااااااااااااا

من يوم ما عرفت مرض شريف وانا بقابل نوعيات من البشر عجيبه الابتلاء مش على اد المرض وبس لاء على اد احتمال برود وقسوه قلب اغلب المتخصصين فى المجال دا وحتى المحيطين بينا كلهم قاعدين فى برج عالى وبيدونا محضرات طويله عريضه
يئس وحزن والم ودموع وقهر وفى الاخر فى حبه امل ان ربنا يكرمهم ويخفوا ونرتاح

يا رب يا اذا الوجه الأكرم والاسم الأعظم والعطية الجزلى حل عقده السنتهم واجعلهم من العقلاء
اللهم اشفى مرضانا ومرضى المسلمين والمسلمات
اللهم اشفى مرضانا ومرضى المسلمين والمسلمات
اللهم اشفى مرضانا ومرضى المسلمين والمسلمات

 

[قول يا رب]

رد: محتاجه تفكروا معايا اعمل ايه ؟؟؟

عزيزتى ام شريف اول مره من زماااااااااااااااااااان اقعد على النت ،لان اهم حاجه فى الدراسه ان الاولاد يناموا بدرى .

لكن زعلتينى باخبار شريف الغالى انا مش عارفه حظه ليه مع الحضانات لكن لازم تجربى وتدورى وتختارى احلى الوحشيين المهم يخرج وينشغل ومش يجلس فاضى.

انا حاسه بيكى قوى الواحد حاسس انه بعد 3سنين واكتر تعبت وما عنديش طاقه لاى حاجه او أى حد وضميرى بيأنبنى وبأقول لنفسى لو انا زى الامهات التانيه اللى ما بتبطلش محاولات وتعليم لولدها اكيد ابنى كان احسن لكن بحاول .

وان شاء الله حتلاقى حد يدلك(اللى بيعمل خير بيتردله ) لمكان كويس زى ما كنت السبب فى تشجيعى و ذهابى لمركز ابنى برغم اختلاف الاراء حوله لكن ابنى فى تحسن مش بطال برغم الهيبره ورغبته الدائمه فى فرض شخصيته خصوصا عليا انا بالذات وحتى اجد مكان افضل منه يمكن لانى دقه قديمه ما بحبش التغيير.

فانا مازلت فى المركز وباتابع مع دكتور هانى وبجرب معظم الاجهزه طبعا التحسن منها مش فظيع بس باقول يمكن تكون السبب فى جعل تعليمه اسهل وادراكه احسن.

وانا مع الاخت الامل فى الله لازم تشوفى مدرسه فى محافظه علشان الوقت مش يمر منا ابنى نجح فى اولى ورايح تانيه ومارحناش غير مره نصف ساعه،وايه المصاريف 45جنيه يا بلاش.

ومؤقتا هاتى له مدرسين فى البيت علشان تمسكى العصا من النصف ويمكن يستفيد احسن

وربنا يشرحلك صدرك وييسرلك امرك ويشفى الغالى شريف واولادنا اجمعيين قولوا يا رب.

 

[كوكـتـيـل طبيعي]

رد: محتاجه تفكروا معايا اعمل ايه ؟؟؟

اسال الله لا اله الا هو الحي القيوم ان يشفي ابنك وبنتي وعيالنا اجمعين