ملخص زيارتى للاردن (مركز اوكسى كير )

[ام شريف]

السلام عليكم ورحمة الله وبركاته

الحمد لله رب العالمين اول امس رجعنا من الاردن بعد شهر ويومين قضناهم هناك لعلاج ابنى شريف فى مركز اوكسى كير

وصلنا يوم 31 اغسطس ودورنا على شقه مفروشه وبعدين روحنا مركز اوكسى كير واستقبلنا دكتور محمد السوالمه ودكتور ايمن استقبال رائع وبعدين ابتدينا نتكلم عن حاله شريف وسالنا عده اسئله عن شريف وكنا عملنا تحليل فرنسا وابتدى يشرحلنا النتايج وقالنا ان عنده اخبار سيئه بس طالما عرفنا المرض ف ان شاء الله ليه علاج واتضح ان شريف عنده تسمم رصاص وزئبق على الدماغ والتهاب فى خلايا الدماغ واكسده عاليه وفطريات فى المعده ومشاكل تانيه فى المعده مش عارفه اسمها ايه بالظبط وشرح ازاى هيكون العلاج 40 جلسه اكسجين وابر للتخلص من السموم بمعدل ابرتين كل اسبوع وابر بى 12 بمعدل 3 كل اسبوع لمده لا تقل عن 6 شهور وادويه ومكملات غذائيه ومنعه من 90% من الاكل

وتم عرضه على فريق امريكى زائر للمركز لعمل تخطيط على الدماغ لمعرفه الموجات والذبذات المسئوله عن الصمت ولسه النتيجه هتبان كمان 15 يوم ان شاء الله وقالنا انه فى حاله ان طلع عنده حاجه غلط فهو محتاج جلسات لتصحيح الموجات دى وحددنا موعد بعد 3 شهور عشان الكورس التانى من الاكسجين

طبعا مش هقدر اوصفلكم الحزن اللى شوفته هناك من الاهالى ووجع القلب وشوفت هناك اطفال من سن شهر لسن 18 سنه وشوفت ام ل اكتر من طفل حاجه بجد توجع القلب

بالنسبه لتحسن شريف لسه انا مش شايفه تحسن والدكتور قالى على الاقل 3 شهور بس والله على ما اقول شهيد شوفت هناك اهالى اولادهم اتحسنوا علطول دا يعتمد على حاله الطفل وكمان على الاستجابه وربنا يشفى اولادنا جميعا يا رب

اى استفسار انا جاهزة للرد

 

[بنت التحدي]

رد: ملخص زيارتى للاردن (مركز اوكسى كير )

ان شاء الله بتحسن وربي يشفي ويشفي جميع المرضى
يسلموووووووووو
يعطيك العافية

 

[الكشاف]

رد: ملخص زيارتى للاردن (مركز اوكسى كير )

الحمد لله على السلامه
اختي ام شريف
ووصلي سلامي لزوجك

والله يكتب الشفا لنا ولكم ولآبناء المسلمين

 

[روى روى]

رد: ملخص زيارتى للاردن (مركز اوكسى كير )

اختى ام شريف
الحمد للة انك عرفت السبب كما قال الدكتور
وربنا يتم شفاة على خير
لكن ماهى طبيعة الابر التى تخلص الجسم من السموم
هل هى من مواد طبيعية؟
وكيف تصحح الموجات الكهربية؟
هل يمكن تصحيحها عن طريق جهاز وجلسات
يعنى حاجة تانية غير ادوية الكهرباء المعروف

 

[ام شريف]

رد: ملخص زيارتى للاردن (مركز اوكسى كير )

العزيزة بنت التحدى شكرا جزيلا على مرورك

اخى العزيز الكشاف الله يسلمك ويا رب يكون محمد خلص الجلسات ورجعتم للسعوديه بالف سلامه وان شاء الله نتقابل مره تانيه بعد 3 شهور

العزيزة روى روى بالنسبه للابر اكيد مش طبيعيه دى كيمكالز ومش عارفه جواها ايه بالظبط اما تصحيح الموجات لسه انا مشفتش الجهاز عشان اقدر احكم عليه او اوصفهولك بس اعتقد انها حاجه تانيه غير جلسات الكهربا اللى الواحد يعرفها عموما اول ما اعرف عنها بالتفصيل هقولك علطول واعتقد الكشاف يمكن يفيدك عنى لانى اعتقد ان ابنه عمل التخطيط هو كمان ويمكن تكون معلوماته احسن منى

 

[عذاب الفراق]

رد: ملخص زيارتى للاردن (مركز اوكسى كير )

الاخت ام شريف العزيزة
يارب يتمم شفائه وتكون زيارتكم دي بنتيجة كويسة
بس عايزة اسألك تقريباً الزيارة دي كلفتكم قد ايه مصاريف في كل حاجة؟
وليه حضرتك مصرية ماعملتيش الاكسجين ده في مصر؟

 

[ام شريف]

رد: ملخص زيارتى للاردن (مركز اوكسى كير )

شكرا يا عسل على الدعوة الحلوة
معملتش الاكسجين فى مصر ليه رغم انه ارخص لانى سمعت انه اقل جوده وغير كده لان مصر بس فيها الاكسجين وانا كنت عاوزة مكان يكون فيه علاج فيه التخلص من السموم والمكملات فمش معقول انى اروح مصر وبعدين اروح الاردن خصوصا انى عايشه فى جده ف قلت اروح الاردن واخلص نفسى

جلسه الاكسجين 80 دينار اردنى * 40 = 3200
جلسه تخليص السموم 60 دينار * 14 جلسه على الاقل = 840
ابره البى 12 ب 3 دينار اردنى بتاخدى 3 فى الاسبوع لمده 6 شهور احسبيها انتى بقا هههههههههههه
المكملات الغذائيه دفعنا 210 دينار
شويه ادويه كمان ب 70 دينار
اشترينا تحامليل بدل ما ابر السموم عشان غير مسموح حد يدى الابره غير عندهم تقريبا دفعنا 120 دينار
عملنا التخطيط ب 700 دينار
جلسات التخطيط تقريبا 1800 دينار لسه مدفعناش لما نروح نعملها هندفع
تحليل فرنسا تقريبا كلفنا يمكن 3000 ريال مش فاكره بالظبط هسال جوزى واردلك خبر
الشقه خدناها اوضه ب 850 دينار
بصى احنا كنا عيله معايا 3 عيال وجوزى واجرنا سياره ب 28 دينار فى اليوم طبعا سياره صغيره
هسال جوزى كام بالظبط كلفتنا السفره للاردن بين سكن واكل وشرب وسياره وعلاج وجلسات واردلك خبر

 

[ريم أحمد]

رد: ملخص زيارتى للاردن (مركز اوكسى كير )

أختي أم شريف
شكرا لمشاكة تجربتك معنا.
وأتمنى أن تجدي الكثير من التحسن في أقرب وقت بإذن الله تعالى

 

[ام شريف]

رد: ملخص زيارتى للاردن (مركز اوكسى كير )

العفو يا ريم انا لو لاقيت اى حاجه تفيد اى ام مش هتردد انى اقولها لكل الناس لانى ام موجوعه وحاسه بكل الامهات

 

[توحدية]

رد: ملخص زيارتى للاردن (مركز اوكسى كير )

ان شاء الله موفقة
وشكرا لعرضك تجربتك

 

[أم عبود الغالي]

رد: ملخص زيارتى للاردن (مركز اوكسى كير )

الله يشافي لك شريف وفرحك بيه .. وأي جديد وتطور بشرينه وان شاء الله تشوفيه سليم 100% وتفرحي بيه ..

ادعي لأطفالنا الله يعطيهم الصحة والعافيه ..

 

[ام بهاء]

رد: ملخص زيارتى للاردن (مركز اوكسى كير )

ان شاء الله يشفي ابنك وابني وابناء المسلمين
انا عالجت ابني في الاوكسي كير والحمد لله تحسن
ولكن بدا التحسن بعد شهر ونصف تقريبا
انشاء الله عقبال ابنك
اصبح تواصله احسن وتركيزه افضل

 

[جوليا]

رد: ملخص زيارتى للاردن (مركز اوكسى كير )

الحمدلله على كل حال و انكم عرفتوا المشكلة و ان شاء الله قريبا جدا الله يفرحك بشفائه .. و شكرا لمشاركتنا تجربتك

 

[ام اسلام]

رد: ملخص زيارتى للاردن (مركز اوكسى كير )

الحمدلله عالسلامة,والله لايضيعلك تعب او يجيب خسارة,أحنا علينا السعي والبحث والحمدلله على عطاياه,خليك على تواصل رمعنا عن حالة شريف وتطوره انشالله.

 

[أم اليتيم]

رد: ملخص زيارتى للاردن (مركز اوكسى كير )

الله يكتب لابنك الشفاء العاجل وبلغينا عن التحسن أن شاء الله .

 

[ماما]

رد: ملخص زيارتى للاردن (مركز اوكسى كير )

الف الحمدلله على السلامة ويارب يكلل مجهودك بشفاء ابنك شريف
وشكرا على مشاركتنا تجربتك

 

[ام رامي]

رد: ملخص زيارتى للاردن (مركز اوكسى كير )

ان شاء الله ربنا ماحضيع لكم تعب تكون النتيجه فرحه لكم باذن لله

 

[صغيري الغالي]

رد: ملخص زيارتى للاردن (مركز اوكسى كير )

حمدلله على السلامه وربنا يطمنك ويتم الشفاء عاجل غير اجل بس لاحظت ان ايجار الشقه غالي جدا هل المعيشه فى الاردن غاليه والا كيف مستوى المعيشه

 

[بنت فلسطين 6]

رد: ملخص زيارتى للاردن (مركز اوكسى كير )

الف حمد الله على السلامه

ربي يشفي ابنك يارب العالمين

المعيشه في الاردن معروف انها غاليه انا عندي جنسيه اردنيه

لكن في شيء اسمه اعفاء انا عملت اعفاء من الديوان الملكي الاردني

لعلاجي من مرض التصلب اللويحي وكنت لا ادفع ولا تعريفه وكان الاعفاء شامل كل شي

صور الاشعه ( الرنين المغناطيسي ) والدواء لكن سافرت على السعوديه وما كملت علاجي هناك

بس انا بصراحه ما بعرف اذا ممكن يصرف هذا الاعفاء لغير جنسيات

يعني انا فلسطينيه عندي جنسيه اردنيه اعطوني الاعفاء

لو ممكن لما تسافري على الاردن تسالي عن الاعفاء واذا ممكن يصرف لغير الاردنين

وان شاء الله بتستفيدي وبتم علاج ابنك

وشكرا

 

[ابنى الحبيب]

رد: ملخص زيارتى للاردن (مركز اوكسى كير )

ام شريف شكرا ليكى على شرح التجربة انعم الله عليكى بالشفاء للشريف