عمليتي المفصل الصناعي بالمانيا ...

[بنت السعودية]

بسم الله الرحمن الرحيم

السلام عليكم ورحمة الله وبركاته

كيفكم ان شالله تمام ؟؟

أولا بعد مرور مشوار طويل وبحث عن العلاج والبحث من مستشفي الي اخر ومن دوله الي اخر ,,,
والحمدالله علي كل حال ,,,ربي يسير لي وسهل امري ,,,في ناجح عمليتي ,,,,


وعمليتي هي السبب الاول هي خطاء طبي سبب لي تاكل بمفصل الصناعي واعوجاج بالعمود الفقري وقصر بالرجل وميل بالحوض ...هذا قبل العملية ,,

وبفضل الله تم بنجاح عملية ,,والان لا يوجد مفصل متاكل تم تركيب مفصل صناعي واصبح طول الرجل متساوي وتغير شكل الحوض والعمود الفقري واحتاج علاج طبيعي مكثفه مدة سته شهور ..

طبعا انا تم تغيير راس المفصل والصحن او الغطاء اللي فوق المفصل وزراعة عظمه اي صب مادة داخل العظم وسبحان اكتشف الدكتور ان العظمة موقف نموة منذ كان عمري 8 سنوات اي لما كنت طفله ويقول راح الان بفضل الله وخلقته تنمو ..,,,والله الحمد تم نجاح العملية مع ان كلامهم الطبيب كانت عملية صعبه وفيه اكثر من مشكله والحمدالله التوكل علي الله ربي سهلها لنا وسهل اموري وامر اهلي خلال الاقامة ,,,

كانت الاقامة بمستشفي مع العلاج الطبيعي مدة 3 اسابيع كنت بمدينه فرانكفورت , وبعدين انتقلت الي مدينه باد ناويهم لمدة اسبوعين تاهيل اي علاج طبيعي ...

والان اامشي علي عكاز وبعد شهر اسوي اشعه ارسلها للدكتور واشوف الرد منه ..والعلاج الطبيعي اللي اسويه هو العلاج الكهربائي والمائي والمساج وتمارين السرير والجيم ....

طبعا هناك شفت مرضي كثير منهم من السعودية والكويت ,, البروف حقي تخصصي مفاصل صناعي والرباط الصليبي ,,,

فيه نقاط بقولها عن تجربتي ::
انا طبعا تعبت كثير وانا ابحث عن العلاج ياااكثر اللي يقول مالك علاج انتظري لما يوصل عمرك 40 سنه ,,نظام هنا الاطباء عندنا خصوصا هنا العرب مادام انتي تمشي خلاص مالها داعي تسوي عملية حتي لو انك تتعب لان لو ركبت راح تحتاج بعدين تغيير مع انا ضد المبداء هذا الاعمار بيد الله سبحانه وتعالي يعني اسوي انا بعشرين وعادي واسوي وانا بخمسين ويمنك مااسوي كل شي بيد الله سبحانه وتعالي ,,, والحمدالله بعد الدعاء والاستغفار والتوكل علي الله سبحانه وتعالي ربي يسير امري وكتبي لي اسويها بالمانيا مع ان موعد طيارتي هو موعد عمليتي بالسعودية ولكن كان دكتور السعودية خايف جدا مايبغا يسوي العملية لما قلت ارفض العملية عشان الدوله توافق علي علاجي قال اذا رفضت الدوله تفصلني ,,بعدها توكلت علي الله وسافرت ,,, والان اجي سالفه كيف لقيت المستشفي والبروف ,,سبحان الله نفس الحاله السفاره مالها دخل فيني اعطتني اسم مستشفي واحد وسويت بحث مالقيت شي عنها ,,وربي ويسير القاء واحد بالمنتدي منزل موضوع عن العلاج بالمانيا
وسالتها عن مستشفي السفارة نفس الكلام اللي قالوا الناس عنها قال هو والمهم ارسل الاوراق له وتقارير وجاب لي 3 مستشفيات وتم اختيار المستشفي ,,,طبعا الواحد يخاف من الناس اللي هناك بس ربي سهلها وتوكلت علي الله واحس اني مرتاحه وطلع هو ناس من السعودية مسوين عملية عند نفس الدكتور وايضا الكويتين يتعامل مع هذا الرجل طبعا هو رجل فلسطيني وجداااا صادق وامين ويعمل لوجه الله ,,,الذي لايوجد له علاج يقووله وخلوق جداا ,,,الله يوفقة في الدنيا والاخرة ويحفظ اولاده له .,,,
وبنسبه الاقامه بالمستشفي بفرانكفورت وبادناويهم كان جدا فوق الممتاز واحترام العادات والتقاليد ولا يوجد مضايقه وشعب جدا محترم وخدووم سوا بالسوق او الفندق او المستشفي ,,طبعا بنسبه للممرضين فرق عن اللي عندنا بتعامل والاخلاص بالعمل والحب بالعمل ,, صح انهم مو مسلميين بس الابتسامه دائما وانا بكل صراحه احترامهم وفرق التعامل بمستشفياتنا هنا وهناك ...
طبعا كل هذا بفضل الله سبحانه وتعالي الحمدالله لا نسي اذكار الصباح والمساء والدعاء بما انا مسافرين وربي سهل من دخول المطار الي الخروج والعودة الي ارض البلد..
فيه ملاحظة كل المرضي اللي من السعودية والكويت يجوا بحالات جدا صعبه ومعقدة وينبسطوا الاطباء والممرضين والاخصائين العلاج الطبيعي من نجاح العمليات وايضا التحسين الحاله بعد العملية كيف يكون الواحد شاد من العزيمه والقوة والحركة كل هذا بفضل الله سبحان وتعالي وكثر الاستغفار وقت العملية والخروج من العملية وعندما يحس بالالم يذكر الله ويستغفر الله ,,وهذا ربي ميزنا لان مسلمين ومتوكلين علي الله ,,,,,


واحب اقول اي واحد لا يخسر علي نفسه شي مادام انتي تبحث عن العلاج حتي لو كلفة مبلغ كثير وهذا سبيل البحث عن العلاج سوي لك او الي ابنك او بنتك او اخك او اختك او امك او ابوك ,,,

وبنسبه لشلل الاطفال والخلايا الجذعيه اشوف كثير يرسلوا الاخ الفلسطسيني ابو عمر ,,فيه كثير معانا بالطيار حالتة زي كذا بس ماادري ايش صار معاهم ,,

واي احد يبغا يرسل البحث عن العلاج هناك يرسل له والله العظيم والله يشهد علي كلامي انه شخص امين وثقه ,,مجرد اساس ترسل تقرير ويرسلك التكاليف وانتي براحتك تبغا او لا وترا عالفكرة ارسل التقارير والبحث عن العلاج بدون فلوس لوجه الله ..,,... انا قلت عنه لان تعبت وانا ابحث وادور والحمدالله ربي سهلها ,,,حتي الان واحد من الاصدقاء راح يسافر وهذا عن طريق ابو عمر ..,,

وهذا اللي يحضرني الان ,,حبيبت اقولك ايش صار معاي ,,

ودعواتكم لي الله يسهل فترة العلاج الطبيعي

اي استفسار انا حاضرة ,,
ويمكن مااقدر ارد عليكم لان اسوي يوميا علاج طبيعي ,,,

واسفه طولت عليكم ,,حبيت اللكل يستفيد من تجربتي ,,,..


وشكرا لكم ..

 

[اليافعي]

رد: عمليتي المفصل الصناعي بالمانيا ...

شكرا للاخت بنت السعوديه واتمنى لكي الشفاء العاجل

 

[بنت التحدي]

رد: عمليتي المفصل الصناعي بالمانيا ...

يسلموووووووو وبارك الله فيك
ربي يشفيك ويسهل امرك وترجعي بالسلامه
احترامي

 

[بنت السعودية]

رد: عمليتي المفصل الصناعي بالمانيا ...

شكرا للاخت بنت السعوديه واتمنى لكي الشفاء العاجل

اللهم امين ..
وشكرا لك ...

 

[بنت السعودية]

رد: عمليتي المفصل الصناعي بالمانيا ...

يسلموووووووو وبارك الله فيك
ربي يشفيك ويسهل امرك وترجعي بالسلامه
احترامي

اللهم امين ,,والله يسلمك ,,والحمدالله رجعت لي اهلي والبيت بخير وعافيه ,,والان اكمل العلاج الطبيعي هنا ...

وشكرا لمرورك...

 

[عبدالواحد]

رد: عمليتي المفصل الصناعي بالمانيا ...

اختى الفاضلة شكرا لكى والف سلامة عليكى وربنا يتمم شفاكى على خير

 

[الامل مع الله]

رد: عمليتي المفصل الصناعي بالمانيا ...

"بنت السعوديه"
حقق الله رجائك ومبتغاكِ واسعدك في الدارين
كتب الله لك التوفيق إينما كنتِ وفيما اردتِ
يعطيك العافيه
تقبلي مروري ودعواتي ر:

دمتِ بسلام

 

[وش وش]

رد: عمليتي المفصل الصناعي بالمانيا ...

ماشاء الله تبارك الله

الحمد لله على السلامة وجعلها الله سلامة دائمة

والله يرجعك لاهلك سالمة غانمة

 

[لبيه]

رد: عمليتي المفصل الصناعي بالمانيا ...

حمدلله على السلامه يالغاليه

آجر وعافييه ان شاءالله


بس بغيت آسألج عن بو عمـر شلون آقدر اتواصل معاه

 

[بنت السعودية]

رد: عمليتي المفصل الصناعي بالمانيا ...

"بنت السعوديه"
حقق الله رجائك ومبتغاكِ واسعدك في الدارين
كتب الله لك التوفيق إينما كنتِ وفيما اردتِ
يعطيك العافيه
تقبلي مروري ودعواتي ر:

دمتِ بسلام

اللهم امييين وجزاك الله خير ,,
وتشرفت بمرورك ...

 

[بنت السعودية]

رد: عمليتي المفصل الصناعي بالمانيا ...

ماشاء الله تبارك الله

الحمد لله على السلامة وجعلها الله سلامة دائمة

والله يرجعك لاهلك سالمة غانمة

الله يسلمك الحمدالله وصلت للبلاد والبيت ...

 

[بنت السعودية]

رد: عمليتي المفصل الصناعي بالمانيا ...

حمدلله على السلامه يالغاليه

آجر وعافييه ان شاءالله


بس بغيت آسألج عن بو عمـر شلون آقدر اتواصل معاه

الله يسلمك يارب ,,
بنسبه ابو عمر تتقدري تتواصل معاها عن طريق التلفون والايميل وعالفكرة ترا الكويتيتن كثير عنده ,,,

ماادري اذا اقدر ارسلك الرقم والايميل اا الادارة تسمح ,,,

والله يسهل امرك ..

 

[بنت السعودية]

رد: عمليتي المفصل الصناعي بالمانيا ...

اختى الفاضلة شكرا لكى والف سلامة عليكى وربنا يتمم شفاكى على خير

الله يسلمك ويشفي الجميع ...

 

[ابو فيصل]

رد: عمليتي المفصل الصناعي بالمانيا ...

الحمد لله ع السلامه اختي فرحتينا بسلامتك وشدي حيلك بالتمارين بليز

 

[لبيه]

رد: عمليتي المفصل الصناعي بالمانيا ...

يالغالييه انتي عندج رقم بو عمر ولا لا

وعادي اكلمه ماعنده مانع ماعلييه تفهميني اكثر


لاني سالت الاداره وقالو مافي مشكله

 

[بنت السعودية]

رد: عمليتي المفصل الصناعي بالمانيا ...

الحمد لله ع السلامه اختي فرحتينا بسلامتك وشدي حيلك بالتمارين بليز

الله يسلمك ,,وشكرا لك ..

 

[بنت السعودية]

رد: عمليتي المفصل الصناعي بالمانيا ...

يالغالييه انتي عندج رقم بو عمر ولا لا

وعادي اكلمه ماعنده مانع ماعلييه تفهميني اكثر


لاني سالت الاداره وقالو مافي مشكله

خلاص ابشري من عيوني راح ارسله لك ..شوفي الحين رقم زوجته اللي معاي رقمه مع اخوي بس اخذه وارسله لك باسراع وقت ,,
راح ارسله علي الخاص ,,

والله يسير امرك ويشفيك ....

 

[صمت الغروب]

رد: عمليتي المفصل الصناعي بالمانيا ...

بنت السعودية جزاك الله خيرا ووفقك ويسر لك كل عسير

شفاكِ الله وعافاكِ

وأسعدكِ الله في الدنيا والآخرة